Mustapha Damouh

29/07/2019

التأجيل والتسويف من بين أكثر المشاكل الي ما كتخليناش نجزو، والدراسات بينت بلي هذا المشكل كيعانيو من الناس كاملين.
في حلقة اليو من TheProductivityProject # غادي نتعرفو على الأسباب الي كتخالينا نأجل خدمتنا، او كيفاش ممكن الإنسان اتجاوز هذا المشكل؟

23/07/2019

كيفما ماشي كَاع المهام بنفس القدر من الأهمية، ماشي كَاع الأوقات بنفس القدر من المردودية. كاين أوقات كتنجز فيهم أكثر، أوقات أخرى كتقل فيهم الانتاجية ديالك.
دكشي علاش خاصك تعرف امتى كتكون في أفضل حالاتك باش تخصص هذ الوقت لمهامك المهمة. ما تبقى من النهار ممكن الدير فيه الأشياء الأخرى.

في حلقة اليوم من غادي تعرف على كيفاش تحدد أكثر وقت كتكون فيه productive من خلال ساعتك البيولوجية.

22/07/2019

الإنتاجية ديال الإنسان ما كتقاسش بشحال دالوقت دوزتيه وانت خدام، ولكن بأشن دارتي خلال الوقت الي خدامتي فيه.
ذكشي علاش ما بقاتش الدعوى أنك تكون مشغول النهار كامل، ولكن اشناهما هذ الحوايج الي انت مشغول بهم؟

حلقة اليوم من غادي نهضر على أهمية اختيار المهام الي خاصنا نركز عليهم.

21/07/2019

في حلقة اليوم من غادي تعرف علاش إدارة الوقت لوحده ما بقاش كافي باش تنجز المهام ديالك وتحقق أهدافك؟ وأشناهو التعريف الصحيح للإنتاجية؟

10/07/2019

مقتطف من محاضرة بعنوان "كيفاش تنجز المهام ديالك وتحقق أهدافك؟"
في هذ العرض حاولت نجاوب على المشاكل والتحديات الي كاتواجهنا باش توصل لأهدافك، بحال:
- كيفاش تحدد وتركز على الأشياء المهمة في حياتك بلا ما ضيع ما بين الأشياء الثانوية؟
- كيفاش تخلص من كثرة التأجيل والتسويف؟
- كيفاش تركز أكثر أثناء الإنجاز؟
- .. والمزيد

20/05/2019

تَوقف عَن إضاعة %80 مِن وَقتك وجُهدك في الأشياء الثانَوية والغَير مُهمة. وتَعلم كَيف تُنجز في 12 أسبُوعا ما كانَ يَتطلب مِنك 12 شَهرا لتُحقِقه.
احجز نسختك الآن من مذكرة الإنجاز، الطبعة الأولى محدودة.
https://www.modakiratinjaz.com/

21/04/2019

نسبة كبيرة من عقلية الإنسان كتشكل اثناء فثرة الطفولة. تما فين ممكن تكون عندك "عقلية نامية" الي كتبغي تعلم، تحسن، تطور وما كتخافش من الفشل، أو "عقلية ثابتة" الي كتآمن بلي قدراتها محدودة او ما تقدرش طور.

إذن السؤال الي كيتطرح: أشناهما هذ الافكار والرسائل الي تلقينا في الصغر وشكلت عقليتنا؟ هذا هو الي غادي نجاوب عليه في حلقة اليوم من فكرة كتاب Mindset:

من بعد ما شفنا في الحلقة الأولى الفرق ما بين العقلية النامية والعقلية الثابتة، في حلقة اليوم غادي نجاوب على السؤال منين كتجي عقلية الإنسان او كيفاش كتشكل؟ ...

11/04/2019

أفكارك وقناعاتك الخاصة كتحدد بشكل كبير أشن ممكن الدير وأشن ما تقدرش الدير، وبالتالي أشن ممكن تحقق.
هذا علاش عقليتك هي سبب في نجاحك أو فشلك. تعرف علاش في حلقة اليوم من فكرة كتاب Mindset:

10/04/2019

30/03/2019

"الفياق بكري بالذهب مشري." حكمة سمعتيها من قبل وأكيد كتعرف الأهمية ديال الفياق بكري. ولكن السؤال الي كيتطرح: علاش ما تقدرش تفيق ع الأقل ساعة قبل الوقت الي موالف تفيق فيه؟
في حلقة اليوم غادي نشارك معاك تجربتي الناجحة في الفياق يوميا مع 6 ديال الصباح، من بعد ما درت حاجة واحدة. اشناهية؟ تفرج في الفديو:

18/03/2019

من بعد أكثر من عام ديال الخدمة النسخة النهائية من الحمد لله اليوم واجدة 😊

باش تعرف اشناهية؟ وباش غادي تنفعك؟ دخول لـ: www.modakiratinjaz.com
وتيليشارجي نسختك الخاصة من المذكرة 😉

05/03/2019

تركيز الإنسان محدود او ما يقدرش اركز لمدة طويلة، ذكشي علاش منلي كضغط على راسك في الخدمة بشكل متواصل عاد ما كتقدرش تكملها.
في حلقة اليوم غادي نهضر على: علاش خاصك تاخد pause في الخدمة؟ و ما علاقة احلام اليقظة في تجديد تركيز الانسان؟