https://www.facebook.com/ILYASSE.ELHASSNAWI?mibextid=9R9pXO, https://www.facebook.com/ILYASSE.ELHASSNAWI?mibextid=9R9pXO

Elhassnaoui iliasse, تارجيست, Targuist (2025)

04/08/2025

هههههههه 😂🤣🤣
#قصص #مضحكة

04/08/2025

كاتشطح لرجلها كل ليلة 💔🤣🤣

04/08/2025

هاد القصة ديال هاد البنت مايمكنش 💔😱😳😳

04/08/2025

😂😂

04/08/2025

{الجزء السادس Prt 6}
فديك اليامات كانت ختي مخطوبة ومع هي كتقرا عمرها مخدمت وراجلها قاليها نعملو غي ليلة بسيطة ونجيبك فحالك هي مكانت شاريا والو لا دهاز لا والو انا ديك ساعة عطيتها دهازي كامل والفلوس لي كنت غنعمل بيهوم ليلتي عطيتهوم ليها وعملت ليلتها فديك سيمانة العائلة كاملة الموضوع كامل غير عليا كولشي كيهضر كولشي كيفهم وشي منهوم كيتشفاو انا مكنت كنتلاقا مع حتا واحد كنت غير سادا عليا بيتي وناعسة ملي شفت راسي غنمرض جمعت حوايجي وسافرت شهر كامل وانا مسافرة مشيت عند خالتي وبنتها قدي فعمرها مكنتش كنبقا فالدار كنخرجو بجوج تساريت وكليت وفوجت الحمد لله مطولتش فديك الصدمة دغيا خرجت منها ورجعت وحدا خرا كمل شهر ورجعت لمدينتي رجعت بمورال فوق مزيان فحال الا داز كتار من 10سنين علا ديك الصدمة حتا خوتي وواليديا مفهمو والو جا نهار دالمحكمة مشيت ورضا مكانش تما خديت براتي ورجعت فحالي وخرجت من كابوس كحل ورتاحيت ملي شديت براتي كنت مقاداني فرحة رجعت لخدمتي ورجعت لحياتي وخا الناس دالخدمة فينما تحيهوم شي فرص يجبدو الموضوع معايا مكيضيعوعاش مع كانت خدامة معانا بنت خالتي تبارك الله عليها عودتلوم القصة من لول حتا نلخر قصتي كانت موضوع الساعة انا لا أبالي ديما ضاحكة وعايشة حياتي كنت كنحس براسي رجعت قوية فشكل مهم كنت حاسة براسي تبدل لحسن مهم دازت كتار من عام جات كرونا وجلسنا فالدار وبالصدفة عبدو تلاقا ختي وسولها عليا وقالتلو راها طلقات وهو طلب منها نمرتي عطاتها ليه كنت جالسة حتا كيصوني عليا جاوبت معرفتوش حتا قالي انا عبدو كيدايرا لباس عليك مزيان المهم عرفتو وشحال وحنا كنهضرو غي فالواتساب ميساجات بعض المرات ابيل كمل ديك عام دالححر رجعت نخدمتي وواحد البنت من حومة رضا جات وقالتلي راه ليوما العرس درضا راه تزوج بنت خالتو انا متصدمتش الصراحة غي فهمت الفيلم شنو كان السباب وعاد هو كان ديجا على علاقة معاها قبل منعرفو المهم واحد نهار عبدو طلب مني نخرجو وخرجنا مشينا حدا البحر وجلسنا وسولني وعاودتليه القصة من لول حتا نلخر هو بقا غي ساكت وانا كنعاودليه ودموعي غي نازلين معرفتش واش تأثر ولا بقيت فيه المهم ضرعني وقالي انا رجعتليك وعمري مغنخليك وقال بلي ملي عملت كسيدة جا حتا لطبيب كتار من مرة ومكانش كيقدر يشوفني بسباب باب وخالي كيلقاهوم تما وطيليفون كان خصرليه وهو منسانيش وباقي كيبغيني وطلب مني نرجعو لبعضنا انا مبغيتش كنت باقا محتاجة نالوقت باش نبرا من الصدمة وننسا وعاد كنت باقا منسيتش رضا ومكنش خصني نسي واحد بواحد فحالي وقعلي فلول انا فاش جا رضا لقاني باقا كنفكر فعبدو ورضا عمرلي وقتي ونساني فعبدو و دابا عاود انا باقا كنفكر فرضا ومخصنيش نسي واحد بواحد المهم دازت تقريبا عاميين وانا وعبدو كنهضرو بزاف وكنخرجو مرة مرة بقينا هكاك غي اصدقاء وصافي حتا لواحد نهار ختو كانت مرضات وكانت فكلينيك ومشيت معاه شفتها وكانت هاديك اول مرة نتعرف علا عائلتو ماماه وخوتو وخوه ومرتو ومن ديك نهار وماماه كتعرض عليا نمشي عندها ودغيا دخلتلها فخاطرها ورحعت عزيزة عندها وديما كتقولينا فوقاش عتفرحونا وتجمعو فوقاش وفوقاش المهم دازت كتار من تلت سنين حتا صدمني وقالي عنجي لداركوم ونخطبك الصراحة فرحت ومقادتني فرحة عملنا خطوبة علا قد الحال ودابا الحمد لله تجمعنا وعملنا ليلة غزالة وفرحت عائلتي وكولشي فرح معايا ودابا كنعاود على قصتي وانا فرحانة حيت الحمد لله ديما كنت كنقول لا اعتراض على قضاء الله انا منت كنحلم وربي كان مكتبلي الأحسن ديك السيد مكانش فيه خير وربي بعدو عليا وعوضني بلي بغاه قلبي الحب لول ولخر نصيحتي لأي وحدة الا ضاقت عليك ولا خصرتي شي حاجة قولي غير الحمد لله ولا اعتراض على قضاء الله وشوفي ربي كيفاش غيفرجها عليك.............. واش بغيتو نكملها ليكم ؟
باقي الأجزاء السابقة في أول تعليق ⬇️✅

02/08/2025

ناري على قصة ميمكنش 💔😱

02/08/2025

جيت اليوم نعاود ليكم قصتي وبزز باش قنعت خويا الياس يدوز قصتي حيت شويا خايـ.ـبة
يمكن غادي تعايـ.ـروني فلخر ولكن غادي نقولكم الحقيقة وبغيتكم تنصحوني كاملين بيكم اخوتي.
المهم انا بدون ذكر اسمي، انا وحد الولد مصاحب مع وحد البنت هادي 3 سنة ومعمرني حسيت معها بشي حب وعمرني بغيتها من قلبي، هي صرحة كتبغيني بزاف وكتحماق عليا ودير اي حاجة على قبلي الى قلت ليها مو.تي على قبلي غاتمو.ت، المهم نجيكم فصرحة انا لي عاجبني فيها هي كتخليني نعمل فيها لي عجبني ولي بغيت ملي كنتلقها وكانمارس معها الجـ.ـنس وبسببي ضاع ليها شر.افها، هي كتيق فيا بزاف وكتبغيني بزاف ولكن صرحة انا مناويش نتزوج بيها مستحيل نتزوج بوحدة خلتني ندير فيها داكشي كامل فهاد 3 سنة، ومعرفش كيفاش نقولها هادشي بلي مناويش معها الزواج ومعمرني بغيتها لزواج. بغيت منكم نصائح ديالكم غادي نقرا التعاليقكم اخوتي وسمحولي انا داير هكا .

02/08/2025

( الجزء الخامس Prte 5 ) قصة واقعية🌹😱❤️
_ عاود جا وبدا يبرر ويكذب وانا ثيقت بيه وصافي فحالي مكان والو فالي خليليا طيليفونك طيليفوني انا مزير فشي فلوس وغننبيعو خليلي ديالك غي حتا لعشية ونجيبولك صافي انا حيدت الكود وعطيتولو فاش كنا خارجين فتح الباب وانا بغيت نخرج هوا شدليا فيدي وجبدني عندو وضرعني وشم ريحتي مدة طويلة وهو غي مدرعني وساكت قولتلو مالك شنو واقع قاليا شوفي يوقع لي بغا يوقع عمرك متنساي بلي كنبغيك وعمري ضحكت عليك واي حاجة كانت بيناتنا كانت دبصاح حيت بغيتك من قلبي وتمنيت لو تكون ديالي وعمري نبعد عليك انا خديت هدرتو غي ضحك وقلتليه راه بقاتلك غي هاد ليلة لي عتكون فيها بوحدك وجد راسك من دابا عمرك لا رتاحيتي مني حتا تديني الموت صافي وخرجنا فحالنا ومشيت لدار وصلت لدار كانت خاويا قلت صافي غدا عرسي يمكن مشغولين مشيت نلخياط خديت جلابتي وقفطاني وتكشيطة رجعت لدار انا كنقيس فيهوم وفرحانة وهي تجي ختي سولتني وانا لابسة قفطاني.
وقبل ملي كنت باقا مع رضا وكنا خارجين كنت فرحانة وهو قالتلي فين كنتي وشنو وقع انا عودتليها كولشي وانا مقداني فرحة شافت فيا وقالتلي وعلاش تلاقا ماما دابا انا مكنت عارفة والو قلتليها ميمكنش هو مشا قاليا غيتلاقا شي صاحبو وغيمشي يبيع تيليفونو ميمكنش علاش غادي يتلاقا ماما قالتلي راه صونا على ماما وقاليها تلاقاه ومشينا بجوج ملي شافني قاليا بغيت نهدر معا ماماك بوحدها وطلب مني نخليهوم وهو كان معصب انا مفهمت والو حسيت نالدنيا دارت بيا فالبلاصة طلبت منها طيليفونها وبقيت كنصوني عليه والو مكيجاوبش لا فنمرتو لا فنمرتي كنت غنحماق بدلت حوايجي وخرجنا بجوج شدينا طاكسي وكنا غاديين لبلاصة لي خلاتوم فيها ختي كنا قرابين نوصلو وموقفتش يدي من صونيات فاللحضة 90 جاوبني وبكل برودة قاليا تفضحتي وبانتي علا حقيقتك ياسحارة كنتي عمياني بالسحور ديالك دابا صافي مشالك كولشي انا بقيت كنضحك وكنقولو واش من نيتك شنو كتقول رضا شنو واقع علاش تلاقيتي ماما قالي ماماك انا راعيرتها وسمعتها ديك شي ليكان خصها ونتي حسابي معاك هو لخر دابا مشي شوفي لمن تسحري دابا انا شنو غنقول بديت نبكي وختي غي ساكتة وشيفور مسكين دري باقي صغير كنت جالسة لور كيشوف فيا من المراية وساكت انا طيليفون دختي كان خاصر كنت كنهدر ب الباف يعني كانو كيسمعو كولشي المهم قلتلو انا عنجي عندك لدار نتلاقاو تما قاليا متمشيش لدار را خوتي غيقتلوك هوما راه عارفين كولشي وراهوم حالفين فيك الا كانت روحك رخيصة سيري انا مكنت مستوعبا حتا حاجة من داك شي ليكيقول صافي قلت لطاكسي يدين لدار لتما ماي وصلت مسكين مبغاش حتا يتخلص المهم وصلنا لدار كانت مو خارجة جيت نعاها فالباب أنا عجوزتي كانت العلاقة بيناتنا فوق المزيان عزيزة عليا بزاف كنحتارمها وكنتعامل معاها فحال ماما عمرنا مكان بيناتنا شي صداع ولا شي حاجة اقسم بالله وربي لي عالم عمري كنت نضن يجي شي نهار وتقلب عليا وجها لا هيا ولا لوسي كبير كان عزيز عليا وكنحتارمو كتار من قياس المهم غي شافتني قلبات وجها مشيت وسلمت عليها قالتلي علاش جيتي قلتلا واش يمكن ندخلو لداخل ونهضرو قالتلي وخا دخول غي هو مكنضنش واش باقيلك متقول من مور هاد شي ليعملتيلي فولدي المهم دخولت وانا حالتي حالة قلبي كنحس بيه غيسكت كنت كنحس براسي فحالي كنحلم وغنفيق منو المهم ملي دخلت بقات كتعاير فيا وختي كتقولي يلاه بحالك وانا مبغيتش نخروج كنت كنضن الا جا رضا عتبدل شي حاجة حيت مستحيل باقا مكملت ساعة باش تفارقنا كان كولشي مزيان كيفاش تقلبت حياتي ف اقل من ساعة المهم خوتو كاملين وولادهم وبناتهم فحالي عرفوني كنت تما بداو يجوو واحد بواحد حتا تجمعو كلهوم انا فديك ساعة والله مكنت كنسمع شي حاجة كنت فحالي مرفوعة غي كنبكي وعيني علا الباب فوقاش يجي رضا صافي ماما صونات علا ختي سولاتها ملي قالتلا ختي راحنا فدار د رضا قالتليها خرجي ختك من ديك الدار را يقدرو يديرولها شي حاجة ديك العائلة راها مريضة صافي ختي عيات متبغي تخرجني ووالو مبغيتش كنت كنضوني على رضا مكانش كيجاوب حتا دخل مع الباب شافني سبحان الله فحالي هزيتي واحد وحطيتي واحد خور تيدل 190درجة بحال عمرو عرفني شافني فديك الحالة ودخل قالي سيري بحالك الا كانت عندك شويا د نفس سيري فحالك انا دموعي غي نازلين وقلبي غيسكت قولتلو رضا تيق بيا عمري فكرت نآذيك ولا عمري عملتلك شي حاجة تيق بيا هو والو غي كيضحك وخوتو كيتفرجو وكيضحكو واحد بنت ختو كانت كتصور فيديو انا مكنت كانشوف حتا واحد فيهوم عقلي كامل مستوعبش كنت كنكدب ودنيا وكنقول معا راسي را غي كنحلم المهم شحال بقيت تما وحيت كنت كنبكي ومو وخوتو كيعايرو وصداع وختي بدات تعاير معاهو جيران تجمعو حدا الباب وشي منهوم دخول حتا لوصط الدار يتفرجو المهم حتا نلخر عاد جات ماما دخلات نيشان ليلي ضرعني وقالتي يلاه ابنتي فحالك مبقاتلك حتا بلاصة مع هاد الناس ومشات عند مو وقالتليها حرام عليك وخا تكوني ليهوديا متعمليش فالبنت هاد الحالة الا نتوما تهمتوها بالسحور بحدكوم لي تقدرو تيقو هاد الكذبة اما الحقيقة راها باينة البنت تلت سنين وهي تخدم وتجيبهوم لولدك بنا الدار وصلح وفرش نعرق كتافها وملي سلات مصلحتو خترعتو هاد الكذبة باس ترتاحو منها ولكن ربي فوق منكوم والله ولدك لشاف ربح فحياتو اوا صافي انا فديك لحظة سخفت وهو شافني وبغا يقرب ليا شدوه خوتو ودخلوه للبيت وسدو عليه بسوارت انا ملي فقت ختي كانت مشات بحالها ومانا كانت باقا معايا انا فقت قالتليا ماما يلاه نمشيو ومو بقات تقول هزي عليا هاد الق…. وبدات تخصر الهضرة مرات خوه جات لعندي وعطاتني لكاس دلما وقالتي حتا حاجة متستاهل توصلك لهاد الحالة سيري لدار والا كنتو مكتابين لبعضكوم مكاينش لي يفرقكوم وكانت كتهضر معايا غي بشوية انا شربت ونضت قلت لمو ولدك خدالي طيليفون ديالي قولو يعطيهليا مبغاتش وانا مبغيتش نخرج دان ضروري نشوفو ونهضر معاه ونخروج حتا نلخر عاد فتحتلي ختو الباب ودخلت كان واقف وعامل يديه من مور ضهرو مع الحيط شافني ومخيدش عينو من عيني دخلت وسديت الباب وقربت لعندو وقلتليه هاد شي لي نستاهل من عندك ماشي حرام عليك كان بإمكانك من مور هاد جوج سيمانات تكمل علا الفيلم ديالك ومتزيدش تهضر معايا وفديك الساعة وخا كنتي تقوليا سالينا كنت نتقبلها مي نتا جيتي البارح وليلا كلها ونتا تطلب مني سماحة وشحال وعدتيني وعطيني امل باش فلخر تصدمني علاش حرام عليك قاليا انا لبارح خديتك لتما كنت باغي نقتلك ونرتاح منك ولكن ربي نجاك مني قالي واش باقا عاقلة علا كاس دالعصير لي مبغيتيش تشربو تفكرت وقلتلو شنو عملتي قاليا كان ديك العصير عيرتحني منك مي عندك الزهر انا كانت صدمة وزدت الثانية قلتلو عطيني طيليفوني قالي نتلاقاو غدا فالمحكمة الأسرة ف 9 دالصباح وخوديه قولتلو رضا اناعملت معاك ديك شي لي مستحيل تعملو معاك شي وحدة وخا هكاك فلخر عطيتيني لينستاهل ولكن تيق بيا عمري نسمحلك وبيني بينك غدا قدام الله صافي فتحت الباب وخرجت فحالي وكانت هاديك آخر مرة نشوف ديك العائلة وديك الدار رجعت لدارنا انا وماما دخلت لبيتي ولقيت دهازي باقي فوق الفراش كيف خليتو بديت نبكي وقطعتهوم وعقلي كان غيحبس مشفتش النعاس ديك ليلة لغد ليه كان نهار دعيد ميلادي فقت فالصباح ولبست عليا ومشيت نالمحكمة بوحدي لقيتو تما كان بوحدو جا وقف حدايا قالي شوفي انا خصرت علا راسي فلوس صحيحة باش حيدت سحور لي عملتيلي ومعندي منعطيك عندخلو ونعملو طلاق اتفاقي انا غي ساكتة ماهضرت متكلمت دخلنا ودفعنا الطلاق متعطلناش فأقل من تلت ايام كان كولشي مسالي طيليفوني مبغاش يعطيهلي صافي خصرت كتار من طيليفون مبقيت باغا والو بغيت غي فوقاش يتسالا هاد شي كنت مكنشوفش النعاس والبكا صباح وليل وخا هكاك كنوض فالصباح بكري ونلبس عليا مزيان ونوجد راسي ونتهلا فراسي ونمشي بوحدي عملنا جلسة الصلح والو انا قلت مبقيتش باغاه وهو بقا غي ساكت خرجنا وعملو معانا شهر ونرجعو مور اصدار الحكم صافي خرجت ولقيت طاكسي فالباب انا فتحت الباب وهو وقف حدايا وقاليا وقفي بغيت نهضر معاك شفت فيه وطلعت فالطاكسي ومشيت بقيت كنشوف فيه من المرايا دالقدام د طاكسي كانت هاديك آخر مرة نشوفو العائلة وكولشي كان كيقولي لا دعيه مرمديه فالمحاكم الصراحة انا مكان خصني منو والو انا كنت كنعطيه الفلوس بخاطري عمرو خداهوم ليا بزز ولا صحا اي حاجة عملتها عملتها بخاطري وفلخر مبقيت باغا منو والو
#الخوت بغيتكم توصلوها ل الف بارطاج ونحطكم الأجزاء الأخيرة .☑️🙏🏻
👇👇

01/08/2025

[ الجزء الرابع Prt 4 ]
انا فحالي ضربني ضو مفهمت والو كنقولو قولي غي شنو واقع مكيجاوبنس علا حتا سؤال قالي آخر كلمة تهلاي فراسك ومتفكر فوالو حتا نجي ونصوني عليك صافي قطع عليا وبلوكا نمرتي وبلوكاني من كولشي بغيت نصوني عليه من تيليفون د ماما والو بلوكا نوامر كاملين مخلاني كيفاش نوصلو صافي انا دنيا دارت بيا هو الخدمة دالصباغة كان بعد الورات كيمشي حتا للمدن والنواحي كيبقا سيمانة جوج بعض مرات كجا لشهر زعما عادي وخا هكاكا تقريبا كل سبت كنتلاقاو عادي مكان بيناتنا حتا موشكيل.
المهم لغد ليه خديت طيليفون من عند صاحبتي فالخدمة وصونيت عليه جاوبني غير سمع صوتي قطع وبلوكا النمرة بقيت ختا جاوبني من نمر اخرا جاوبني قالي شوفي ابنت الناس انا الهدرة لي كانت عندي قلتهاليك عفاك متبقايش تصوني عليا حتا نجي ونصوني عليك ونتلاقاو ونتفاهمو صافي انا قلت لي بغا يوقع يوقع بقيت غي من الخدمة لدار ومن الدار نالخدمة هاد المدة كاملة عمري شفت عبدو لا بالصدفة ولا والو دازت سيمانة لولا جات الثانية انا محبستش الخدمة وخا نهار العرس كان باقيلو تلت ايام ديك النهار كان السبت كنت خارجة انا وختي وصاحبتها وهو يصونيلي تيليفون شكون غيكون ايه رضا جاوبتو عادي فحال مبيناتنا والو هو كيهدر معايا فحال مواقع والو قالي فينك قلتليه انا ماشي فالدار حتا نرجع نالدار ونهضرو قطعت عليه ملي وصلت لدار صوتا عليا دخلت لبيتي جاوبتو انا فالدار حتا واحد معرف لي وقع معوتها لحتا واحد قلت تما شي حاجة ماشي هيا هاديك منتصرعش ونعاود صافي هدرت معاه قالي اجي عندي دابا كانت 9 دليل انا مبغيتش بقا عليا ضروري نهضرو عندي بزاف منقولك وزيد عليها بقا لينا غير غدا خصنا نتفاهمو على كلشي قبل من عرس صافي انا قلتها لماما قالتلي راجلك هداك سيري غي هو رجعي باتي فالدار صافي لبست عليا ومشيت تلاقيتو مسلمت عليه موالو كيسولني كنبقا غي ساكتة طريق كاملة مهضرتش هو غير كيضحك وكيبغي يهدرني فحالي موقع والو ديك ساعة قالي معنمشيوش لدار انا عندي ليك مفاجئة غتعجبك انا غي ساكتة وقف تاكسي ومشينا ل واحد ريسطو انيق كان ديك شي فالمستوى المهم تعشينا الصراحة تهلا فيا وخا انا مشفتش حتا فيه وخا عيا ميحاول والو ملي خرجنا قالي باقي عندي مفاجئة تانية عتعجبك فديك الساعة انا شي حاجة من الداخل ديالي مكنتش مأمنالو بقينا غادينا حتا وصلنا لعمرات طلعنا حتا وصلنا لبرطما فتح الباب دخلنا كان موجد ديك شي رومانسي شموع والورد والطابلة عامرة طارط ومكسرات والعصير المهم انا معمرت حتا ردت فعل بقيت واقفة فالباب هو سد الباب بالسوارت ودخل بقا كيفتح البيبان دالبيوت وانا جاتني واحد الخنقا رجلي تجمدو ديك ساعة هو جا شبرليا فيدي دخلني وجلسني فالصالون وجلس على ركبتو وباسلي يدي وبقا كيطلب مني السماحة وانا غي ساكتة بقا كيقولي كنت تالف دخت معرفتش شنو وقعلي كنت حاس بالضغط سمحي ليا وانا صافي بقيت غير كنبكي بقا يبوسلي يدي وراسي وكيطلب السماحة سمحتلو ودوزنا ديك الليلة انا مكليت حتا حاجة من ديك شي هو كان مصر نشرب من الكاس دالعاصير انا مبغيتش بقا عليا وانا والو حيت كنا يلاه تعشينا ومكان عندي فين نزيد كليت غي شويا من المكسرات وصافي المهم كنت مقتولة بالنعاس سولتو واش عتوصلني لدار قالي باتي هانا انا كاري الدار حتا لصباح صونيت علا ماما خاصمك عليا مي ملي هدر معاها هو بغات المهم انا معقلت علا حتا حاجة حتا لصباح فقت راسي كيحرقني فديك الساعة هو كان فالصالة ملي مشيت سمعتو كيهضدر فالطيليفون بقيت كنتسمع كان كيهضر مع وحدا انا رجعت عملت راسي ناعسة جا رجع نعاس انا فقت قولتلو يجيبلي نشرب مشا لكوزينا وخديت طيليفون ديالو طلعت النمرة جا لقاني كنقلب فطيليفونو سولتو نكر بقيت حتا طلعت نمرة هوا مكانش قاري مكيفهم والو فالطيليفون انا كانت الهواية ديالي تقلاب والطيليفون كنفهم فيه كلشي تصاور والميساجات الا مسحهوم عنعرف نرضهوم وهو قليل فين كيبغي يعطيني طيليفونو المهم بقيت حتا رديت الميساجات مانوش كيهضرو ميساجات بزاف الهضرا ديالهوم كاملا لباس بيخير فينك صباح الخير تصبح على خير صافي كيهضرو ابيل بزاف وبسوايع ملي سولتو نكر قالي طيليفون دصاحبي يمكن هاديك مراتو لي فبروفايل صافي ملي صونيت جاوبتني وحدا قالت الو هو حيدليا طيليفون وقطع انا نضت لبست عليا ورميت عليه خاتمو وبغيت نخرج كان ساد الباب بالسوارت....
انتظروا الجزء الخامس 🌹🥀♥️
Elhassnaoui iliasse

01/08/2025

{الجزء الثالث Prt3}
ديك شي لي مان من بعد كتار من عاميين كنت كنخدم ونتخلص ونطيه فلوسي بنينا وصلحنا وفرشنا السكنة كانت فحال شي قصر عملت كولشي على ذوق ديالي خصرت فيها ماجا لشي 15مليون هو كان خرج من الشركة من مورا الخطوبة بشي ايامات خدم مع خوه فالصباغة فالصيف الخدمة موجودا والشتا والبرد جالس فالدار والديا كانو رافضين نتعاون معاه ولكن انا كنت كنقول الا كانعمل شي حاجة كنعملها لدار لي عيكونو فيها ولادي منبغيشي تكون ناقصاني فيها شي حاجة وعاد هو كان شرط عليا منخدمش من مور الزواج منت كنقول محدني خدامة نوفر كولشي باش ملي نجلس من الخدمة نكون موفرة كولشي المهم ملي وجدنا الدار وساليناها حددنا نهار العرس انا كنت باغا نعمل غي ليلة بسيطة نجمع فيها عائلتي وصافي المهم حددنا النهار وكان بالضبط نهار عيد ميلادي كان باقي عليه قل من شهر بديت كنوجد ونشري فحالي فحال كل عروسة كنت كلي امل و حماس خيطت وشريت ووجدت كولشي بقا نهار عرسي 15 يوم صرنا عليا رضا بليل بقينا كنهضرو ونضحكو وقلتليه والله مكتحشم غي بالضحك هو كبر القصة وخلق موشكيل من والو قطع عليا التيليفون وطفاه فالصباح مشيت نالخدمة وكل ساعة نصوني عليه والو مكيجاوبش حتا نالعشية كنت فالدار صونيت عليه وهو يجاوب قاليا شوفي انا را سافرت على شي خدمة عنبقا شي جوج سيمانات حتا نجي ونتلاقاو ونهضرو مزيان دابا انا منقدرش نهدر معاك متبقايش تصونيلي حتا نجي ونصوني عليك وديك ساعة نتفاهمو علا كولشي....
انتظروا الجزء الرابع ♥️🫡

31/07/2025

الجزء الثاني Prt 2
رجعت نروتين الخدمة والدار ومرة مرة كنخرج انا ورضا عتارف بلي كيبغيني وطلب مني يجي لدارنا يطلب يدي لزواج من والديا فلول مبغيتش كنت باقا كنفكر فعبدو وكنت كنخلق كتار من عذر وعذر على هاد شي لي عمل كنت باغا غي نسمع منو علاش وكيفاش واش ديك شي لي كان بيناتنا كامل نساه مهم كان رضا كل مرة يفتح معايا موضوع دالزواج كنتهرب ونأجل شهر على شهر حتا نلخر وافقت وجا وجاب والديه وخوتو لدارنا عملنا التعارف ومن موراها بشهراين عملنا خطوبة وكتبنا العقد وتفاهمنا نتعاونو انا وياه ونبنيو السطح من فوق والديه ديك شي لي كان وفكرة نتعاون معاه كانت ديالي من لول كنت كنشوفو وقف معايا وبغاني كيفما انا كنت كنقول ماشي موشكيل يستاهل نضحي معاه.....
انتظروا الجزء الثالث..♥️

31/07/2025

الجزء الأول Prt 1
قصي بدات ملي كنت كنقرا فالأولى إعدادي تعرفت على واحد الولد إسمو عبدو كان من نفس الحومة تقريبا كبير عليا بعاميين كان كيعمر معا دراري دالحومة كنت كنشوفو تقريبا كل نهار المهم كنا كنبغيو بعضنا أول حب وأول واحد فحياتي هههه أول مرة شدليا فيدي كان كيسحابلي صافي عنحمل ههههه كان فعمري 14 سنة صافي بقينا معا بعضنا كتار من ربع سنين خرجت من القراية وخدمت فالشركة وحتا عبدو هكاك خدم ورجعنا كنخرجو مرة مرة ولكن والله عمرو قاسني ولا وقعت شي حاجة بيناتنا كان كيحتارمني بزاف وانا هكاك كنا تقريبا كل نهار كنهضرو فالفيس بوك وبعد المرات كيصوني عليا ابيل كنهضرو صافي حتا جا نهار لي تقلبت فيه حياتي💔 عملت كسيدة ضربني طرنسبور وتهرست من رجليا بجوج كنت انا وبنت خالتي المهم فديك اللحضة وناس تجمعو وشي گنس الله ياخود فيهوم الحق سرقوليا الساك بكولشي تيليفون والفلوس وانا غارقة فدمي والشفارة مرحمونيش بنت خالتي فديك الصدمة مشافت والو كان بالها كامل معايا حيت غيبت صافي جات الإسعاف داتني لطبيب بقيت تلت شهور حالتي كانت خايبة المهم هنا فين عبدو غيقلب وجهو عليا ختي عيات تصوني عليه طيليفون طافي صيفطاتليه تصاوري وقالتليه شنو وقعلي ف الفيس بوك من بعد كتار من شهر عاد جاوبها وقال ليها الله يشافيها وسلم عليها صافي انا ختي مقالتلي والو بقيت فالطبيب ديما كيجيو عندي العائلة وصحاباتي من الخدمة الا عبدو كان عندي أمل يجي يشوفني وخا غير من البعد مي والو فحال عمري كنت فحياتو حتا لواحد النهار جاو عند البنات ودراري من الشركة يشوفوني ومن بيناتهوم رضا هاد الولد أكثريا كيبقا غي ساكت عمري هضرت معاه ولا جمعني بيه شي بوسط فالخدمة ديما كيبقا بعيد المهم من مور ديك النهار هاد رضا رجع كيجي يشوفني تقريبا كل مرة فالسيمانة هو وواحد البنت من حومتو ومعانا فالشركة نهار على نهار حتا عطاتني خالتي واحد طيليفون ورضا خدا نمرتي من عند صحبتي وبقينا كنهضرو كل نهار علاقتنا تطورت دغيا كان مهتم بيا بزاف الا عرفني محتاجة لشي حاجة فالبلاصة عيجيبهالي المهم انا كنت تهرست من رجليا بجوج وتجرحت فوجهي دازت تلت شهور وخرجت من الطبيب ملي وصلت اول واحد عتجي عيني فعينو هو عبدو كان واقف فالحومة مع الدراري شافني كنت مكنقدرش نوقف على رجليا وكنت عملت الحديد وباقا مكنقدرش نوقف على رجليا وكان معايا خالي وختي وبابا المهم من ديك النهار فحالي بديت نتقبل فرقو رضا كان معمرلي وقتي ديما كيهضر معايا ويسول فيا عمرو خلاني بوحدي وكل مرة كنحتاج شي حاجة كنلقاه فجنبي دغيا ولفت عليه بقيت من طبيب لطبيب والترويض ودوايات كجا لشي عام حتا الحمد لله تعافيت ووقفت على رجليا رجعت نخدمتي وعبدو كنت مرة مرة كنبغي نصوني عليه ديما طيليفون طافي الفيس والو ديما شاد صافي كملت حياتي وخا الكسيدة عملتلي عقدة كبيرة فحياتي رجعت كنخاف من الحديد وبالأخص طرنسبور ومستحيل نقطع الطريق بحدي رجعت عندي فوبيا.......
انتظروا جميع الأجزاء القصة ، إلى لقيت تفاعل بزاف وبارطاج غادي نحطكم اليوم باقي الأجزاء...♥️

Elhassnaoui iliasse

04/08/2025

04/08/2025

04/08/2025

04/08/2025

04/08/2025

02/08/2025

02/08/2025

02/08/2025

01/08/2025

01/08/2025

31/07/2025

31/07/2025

Address

Telephone

Website

Alerts

Contact The Business

Shortcuts

Share

Category