05/06/2026
من #بونعمان: مشاكل الساكنة فوق الطاولة.. الطرق والماء والنقل فصلة نقاش مفتوح وسط حضور شبابي كبير👇👇
عرف بونعمان اليوم الجمعة انعقاد الدورة العادية للمجلس الإقليمي لحزب الاستقلال بتيزنيت، وسط حضور مهم لمناضلين وفعاليات حزبية ومحلية، فلقاء طبعو نقاش مفتوح على مجموعة من المشاكل اللي كتعاني منها ساكنة الإقليم بشكل يومي.
اللقاء اللي حضر فيه الحاج لحسن الباز عضو المجلس الوطني للحزب، و مصطفى هيت المفتش الإقليمي للحزب و خالد كلوش عضو المجلس الوطني للحزب.. عرف اللقاء نقاشات مطولة على هموم المواطنين فالإقليم كامل وأدرار والمناطق المجاورة، فيه تطرقات المداخلات لعدة ملفات كتهم الساكنة، بحال وضعية والطرق والمسالك، مشاكل النقل المزدوج، أزمة الماء، وضعف بعض الخدمات الأساسية اللي مازال كتعاني منها عدد من الدواوير والمناطق.
وشهد اللقاء حضور عدد كبير من الشباب والفعاليات المحلية والناس اللي عندها غيرة على المنطقة، حيث كان التفاعل كبير والنقاش مفتوح بين مختلف الحاضرين، فمشهد عكس الاهتمام المتزايد بقضايا التنمية المحلية وانتظارات الساكنة.
الحاضرين أكدو بلي الوقت جا باش يتسمع صوت المواطنين أكثر، ويتخدم على حلول واقعية للمشاكل اللي كتواجه الناس فالحياة اليومية، خصوصاً فالمناطق القروية اللي كتحتاج اهتمام أكبر.
اللقاء داز فأجواء ديال الحوار والتواصل، وكان فرصة باش يتفتحو ملفات وقضايا كتمس المواطن بشكل مباشر، وسط مطالب بمزيد من العدالة المجالية والتنمية اللي توصل لجميع المناطق بلا استثناء.
