ايغود 24 ighoud

ايغود 24 ighoud Contact information, map and directions, contact form, opening hours, services, ratings, photos, videos and announcements from ايغود 24 ighoud, Media, Tleta-Ighoud.

28/06/2025

الحرارة ولات كتقهر الحجر قبل البشر ووسط هاد الجحيم ساكنة جماعة إيغود ما زال كتموت عطشاً
الناس كتتسابق على شطاية ديال الما
النساء كيمشيو كيلومترات باش يجيبو شوية ديال الشرب
الأطفال كينعسو عطشانين
والماشية كتموت وحدة مور وحدة
والمشكل الكبير
السقايات فالدواوير خارج الخدمة والشركة المكلفة بتدبير الماء هاربة لا تواصل لا تدخل لا حس لا خبر
والمجلس الجماعي الله يجيب
ماشي غير ساكت بل كيعطي الأولوية للمهرجانات والحفلات ويخلي الناس تموت عطشاً
فينكم يا مسؤولين
فينكم يا منتخَبين
فينكم يا اللي كتوعدونا فالانتخابات
الماء حق ماشي ترف ولا نعمة من عند شي مسؤول

كان بالأمس يهاجم الفساد واليوم أصبح عنوانهنهار كان فالمعارضة كان كيدوي بحال شي منقذ"السوق خاصو يتباع خاص تكون الشفافية خ...
27/06/2025

كان بالأمس يهاجم الفساد واليوم أصبح عنوانه
نهار كان فالمعارضة كان كيدوي بحال شي منقذ
"السوق خاصو يتباع خاص تكون الشفافية خاص نطردو المافيا
والساكنة صدقات وقالت هادا هو اللي غادي يبدل الواقع
واليوم
السوق الأسبوعي تحوّل لمصدر دخل شخصي
وولا كأنّه ملك خاص فـ الجيب ديال الرئيس
كلشي داخل فـ حسابو
وحتى داك المفيوزي اللي كان كيدور بلا ريال
دابا دار مشاريع وفلوس ولات عندو سلطة
فينك آ رئيس
فين كلام الأمس
ولا السوق أعجبك أكثر من هموم الساكنة
الإشكال ماشي فالربح
الإشكال فالكذب والنفاق
وفـ أنك كنت كتشير بأصبعك للفساد ودابا دخلتي فيه بالرّاس والرجلين
راه الساكنة كتشوف ولو سكتات
فالصمت ماشي رضا بل كاين شي حاجة كتنضج

23/06/2025

كأس إيغود… دوري رياضي ولا لعبة سياسية؟
تم تنظيم دوري محلي تحت اسم "كأس إيغود" من طرف بعض الجمعيات وبشراكة مع جماعة إيغود واللي المفروض يكون مناسبة رياضية تجمع الشباب فجو ديال التنافس الشريف والفرجة والروح الرياضية
ولكن للأسف بان لينا أن السياسة كانت حاضرة أكثر من الرياضة بحيث تم إقصاء بعض الفرق بلا سبب واضح واليوم كاين اللي بغا يرجع فرق ويخلي أخرى مقصية
فين هو مبدأ تكافؤ الفرص
علاش فرق تحرم وفرق ترجع
واش العاطفة ديال السيد الرئيس كتدخل حتى فالكورة
ولا هادي سياسة الترضيات
إذا كان الغرض من هاد الدوري هو فعلاً تشجيع الرياضة خاص يكون التنظيم شفاف وواضح وبعيد على الحسابات الشخصية
يا يرجعو جميع الفرق المقصية يا الكل يبقى مقصي ماشي نرضيو طرف ونظلمو طرف آخر.

السيد العامل، نناشدكم التدخل العاجل.في الوقت اللي فيه فئات عريضة من المواطنين البسطاء فالعالم القروي كيعانيو من غلاء الم...
22/06/2025

السيد العامل، نناشدكم التدخل العاجل.
في الوقت اللي فيه فئات عريضة من المواطنين البسطاء فالعالم القروي كيعانيو من غلاء المعيشة، وكيعتمدو على الدقيق المدعم كمادة أساسية في معيشتهم اليومية، مع الأسف كاين بعض الأشخاص اللي ما عندهم لا ضمير ولا وطنية وكيستغلو مواقعهم
كاين عضو في الغرفة الفلاحية معروف، كيتوصل بكميات من الدقيق المدعم، ولكن ماشي باش يوزعو على المستحقين بل كيتاجر فيه
كيعمر الكيسات الفارغة بدقيق عادي.
وكيبيع الدقيق المدعم فالسوق بثمن السوق الحر
والضحية المواطن البسيط اللي كايقلب على رغيف الخبز بثمن مناسب
هاد التصرفات كاتضرب فـ مصداقية الدعم، وكتفتح الباب للفساد والتلاعب فمادة مفروض تكون محمية ومراقبة
كنطالبو من السيد عامل إقليم اليوسفية فتح تحقيق فهذ القضية، وردع كل من تسوّل له نفسه اللعب بقوت المواطنين
الدقيق المدعم ماشي للمتاجرة، بل للناس اللي محتاجاه
والوطن غادي يبقى ديما فوق الجميع
وسؤال كبير كيطرح راسو
ماذا استفادت هذه الجماعة من وجود هذا الشخص داخل الغرفة الفلاحية
إذا كانت الحصيلة هي التلاعب بقوت عباد الله، والنصب على الفلاحين فالتأمين الفلاحي، فهنا خص مراجعة حقيقية للمسؤوليات والمحاسبة
ولنا عودة لهذا الموضوع بتفاصيل أدق، إن شاء الله

21/06/2025

السيد الرئيس،

راه ماشي معقول داكشي اللي واقع فالجماعة ديالنا. قبل أيام شفنا تصاور ومنشورات كتقول بلي "كولشي تصلح"و"الآليات كلها ولات خدامة، وكاين اللي قال حتى بلي الميزانية تصرفات كاملة فهاد الإصلاحات
ولكن دابا الواقع كيدوي بوحدو وماشي فصالحكم
شاحنات الماء موقفين
الناس عطشانة
سيارات الإسعاف واقفة
وحتى الآليات اللي تقال تصلحات ما خداماش
فين الإصلاح
فين الميزانية
وفين الخدمة اللي كنتو كتوعْدو بها الناس
راك آ السي الرئيس المسؤولية ماشي تصاور فالفيسبوك ولا منشورات. المسؤولية هي تكون حاضر فالميدان، تشوف مشاكل الناس وتخدم الصالح العام
راه المواطن ما كيسوّقش للتصاور المواطن باغي يشرب باغي يشوف خدمة واقعية ماشي حبر على ورق
وإلى فعلاً الميزانية تصرفات من حقنا نعرفو فين مشات واش هاد الشي هو اللي تصرفات فيه
ولا غير طلقنا لهدرة باش نسكتو
كاين خصاص كبير، وكاين استياء عام
الناس ما بقاتش كتآمن فالكلام
خاص تسيير حقيقي ماشي ترويج إعلامي
راك ماشي رئيس صفحة فايسبوك راك رئيس جماعة والجماعة خاصها خدمة يومية خاصها حركة خاصها حس بالناس
وإلا ما قادرينش عطيو المسؤولية للي يقدر يشوف المصلحة ديال الساكنة.

جماعة إيغود.. آمال معلقة ومشروع إعادة تأهيل محبطتُعد جماعة إيغود من المناطق ذات الرمزية التاريخية بإقليم اليوسفية، بعدما...
03/06/2025

جماعة إيغود.. آمال معلقة ومشروع إعادة تأهيل محبط

تُعد جماعة إيغود من المناطق ذات الرمزية التاريخية بإقليم اليوسفية، بعدما اكتُشف بها أقدم إنسان عاقل في العالم، ما منحها إشعاعًا علميًا وسياحيًا كبيرًا. غير أن هذا الإشعاع لم ينعكس على مستوى التنمية المحلية، حيث لا تزال الساكنة تواجه مشاكل يومية تتعلق بالبنيات التحتية، والطرقات، والخدمات الأساسية.

في هذا السياق، أُطلق مشروع إعادة تأهيل المركز الجماعي لإيغود، وهو المشروع الذي استبشر به السكان خيرًا في البداية، خاصة بعدما رُوّج له كخطوة نحو تحسين الأوضاع المعيشية والرفع من جودة الفضاء العام.

لكن سرعان ما تبددت تلك الآمال، بعدما ظهرت اختلالات واضحة في الأشغال، سواء من حيث الجودة أو الشفافية في التدبير. وكما جاء على لسان الفاعل الجمعوي سفيان الدباغ، فإن المشروع عرف تجاوزات كثيرة، منها "الارتجال في التخطيط، ضعف المراقبة، وتدهور البنية المُؤهلة في وقت وجيز".

الساكنة، التي كانت آمالها معلقة على السيد الرئيس، شعرت بخيبة أمل كبيرة. وكما يقال بالعامية:
"الفقيه اللي نتسناو بركتو، دخل الجامع ببلغيتوا."
فبدل أن يكون المشروع رافعة للتنمية، أصبح نموذجًا للإحباط وسوء التدبير.

الدعوات اليوم تتزايد لفتح تحقيق نزيه حول المشروع، وربط المسؤولية بالمحاسبة، حتى لا تبقى جماعة إيغود رهينة لوعود تُطلق في الحملات الانتخابية وتتبخر في واقع الأمر.

30/05/2025

بدون تعليق """

30/05/2025

من حذف الفيديو.. ولماذا؟

كنا قد طرحنا سؤالًا مشروعًا: من يقف وراء حذف الفيديو؟
وها قد جاء الجواب من الفاعل الجمعوي نفسه، الذي صرّح بأن مدير الجريدة هو من قام بالحذف، تحت ضغط مباشر من رئيس الجماعة.

هنا يبدأ الرأي العام في طرح أسئلته:

لماذا يُمارس الضغط لحذف محتوى عمومي؟

هل أصبح الإعلام رهينة لسلطة الجماعة؟

هل رئيس الجماعة "في كرشو العجينة"؟ كما يقول الشارع؟

والأخطر أن الفاعل الجمعوي صرّح بتعرضه للتهديد من طرف رئيس الجماعة، وهو أمر خطير يستوجب فتح تحقيق، وموقف واضح من السلطات.

🔍 حرية التعبير ليست جريمة
🎙️ الإعلام الحر ليس عدوًا
💬 والرأي العام له الحق في معرفة الحقيقة

📩 توضيح مهم للرأي العام:صفحتنا توصلات برسالة من أحد الأشخاص، كيطلب فيها بكل احترام أننا نبارطاجيو إعلان ديالو، حيث غداً ...
28/05/2025

📩 توضيح مهم للرأي العام:

صفحتنا توصلات برسالة من أحد الأشخاص، كيطلب فيها بكل احترام أننا نبارطاجيو إعلان ديالو، حيث غداً إن شاء الله غادي يدير لايف مباشر باش يوضح للرأي العام جميع التساؤلات المطروحة بخصوص الموضوع اللي كاين عليه النقاش هاد الأيام.

🔴 واحتراماً لحق الناس فالتوضيح، وحرصاً على الشفافية، كنشاركو معاكم هاد الإعلان، وكل واحد حر يتابع ويكوّن رأيو من خلال اللايف.

وشكراً لتفاعلكم 🙏

غير في القريب كانو مجموعين كيف الإخوان، كياكلو فالبصطيلة وكيضحكو فالصور الرسمية، ولكن اليوم؟ المناوشات بداو، والصداع طلع...
28/05/2025

غير في القريب كانو مجموعين كيف الإخوان، كياكلو فالبصطيلة وكيضحكو فالصور الرسمية، ولكن اليوم؟ المناوشات بداو، والصداع طلع، وكلشي ولى كيسول: شنو وقع بين الرئيس وأغلبيتو؟

فاش دارو التحالف، كنا كنشوفوهم بحال العرسان نهار العرس، البسمة من الأذن للأذن، والوعود كبيرة: مشاريع، تنمية، وشفافية... ولكن مع الوقت، بان أن البصطيلة ما كانتش ديال الجميع، شي كيضرب وشي كيشفّ.

السؤال اللي كيتكرر عند الساكنة: واش الطمع ولا شي وعود ما توفات؟ ولا ربما "لي فاتك بليلة فاتك بحيلة"، وكل واحد ولى كيقلب على مصلحتو.

اللي كانو كيصفقو للرئيس فالأمس، ولىو كينتقدوه اليوم. الاجتماعات ولّات مسرحيات، والقرارات ما بقاتش كتخرج بالإجماع. الأغلبية تفرقات، وكل واحد شد طريق.

الناس اللي فالسوق، فالقهاوي، وفالفيسبوك، كيهضرو: واش هادشي غير دخان قبل العافية؟ واش غادي نشوفو استقالات، تحالفات جديدة، ولا حتى شي "زلزال سياسي صغير" داخل الجماعة؟

اللي باين دابا، هو أن "شهر العسل" سالا، و"العكر على الخنونة" ما بقى كيغطي شي حاجة. والجماعة خاصها خدمة، ماشي صداع.

بقاو معانا، حيت فالجماعة كل نهار كاين الجديد، واليوم بصطيلة، وغدا يمكن غير خبز وزيت... ولكن بلا توافق، حتى داك الخبز ما غاديش يجي!

من المسؤول؟ الصحافي، الفاعل الجمعوي، ولا رئيس الجماعة؟اليوم طلع فيديو على صفحة صحافي ، فيه حوار مع فاعل جمعوي كيهضر على ...
26/05/2025

من المسؤول؟ الصحافي، الفاعل الجمعوي، ولا رئيس الجماعة؟

اليوم طلع فيديو على صفحة صحافي ، فيه حوار مع فاعل جمعوي كيهضر على معطيات خطيرة كتهم رئيس جماعة.
الهضرة كانت واضحة: حديث على اختلالات، خروقات، وطرق مشبوهة فتسيير الشأن المحلي. الفاعل الجمعوي تكلم بثقة، والصحافي كان كيشجع النقاش.

لكن المفاجأة؟
ماكملاتش نص ساعة حتى اختفى الفيديو، بحال إلى ما كان.
لا توضيح من الصحافي، لا رد من الفاعل الجمعوي، لا نفي، لا تأكيد... والو.

هنا كيبقى السؤال المطروح:
شنو وقع فهذ نص ساعة؟
واش تم الضغط على الصحافي؟
واش الفاعل الجمعوي تراجع على كلامو؟
واش كانت خطة للهجوم والانسحاب؟
ولا بصراحة، كاينة "حاجة في نفس يعقوب قضاها"؟

فالمغرب، وخصوصًا فالمناطق اللي فيها الفساد متجذر، الصحافة خاصها تكون صوت الشعب، ماشي لعبة فـ يدين المتنفذين.
والفاعل الجمعوي، إلى تكلم، خاصو يكون قد كلمتو.
والصحافي، إلى سجل، خاصو يحترم المتابعة ويواجه.

الشفافية ماشي خيار، راه واجب.
والمواطنين، من حقهم يعرفو:
فين مشى الفيديو؟

22/04/2025

ساكنة جماعة ايغود ؛
لقد تم إنشاء هذه الصفحة لتسليط الضوء على المشاكل و الخصاصات التي تواجهها الساكنة ، لمشاركتها مع من يخصه الأمر ، و لإيصالها الى آذان صاغية يهمها راحة ساكنة ...

Address

Tleta-Ighoud

Website

Alerts

Be the first to know and let us send you an email when ايغود 24 ighoud posts news and promotions. Your email address will not be used for any other purpose, and you can unsubscribe at any time.

Shortcuts

Share

Category