88FM/Radio Fast One Ambositra

29/07/2025

🔥Nesorina tamin'ny toerany i Valery Ramonjavelo, Minisitry ny Fitanterana‼️

24/07/2025

🚍 Fitsidihana ifotony tany Fandriana 🚍

🚌 Notanterahina ny talata 22 jolay 2025 ny fidinana ifotony nataon-dRamatoa Tale Jeneralin'ny ATT RATOVOHERY Mirana sy ny ekipany, niaraka tamin’ny tale DRTM Amoron’i Mania RATOVOHERITIANA José, taorian’ny fanasana avy amin’ny Solombavambahoaka voafidy tao Fandriana.

🚌 Nisy ny fitsidihana ara-pomba-panajana tamin’ny tompon’andraikitra eo an-toerana : lefitry ny lehiben’ny distrika, lehiben’ny zandary, ny polisy ary Ben’ny tanàna. Notsidihina ihany koa ny toeram-piantsonana ankehitriny izay feno sy tery tanteraka amin’izao vanim-potoana fialantsasatra izao.

🚌 Nangataka fananganana gare routière manara-penitra vaovao ny komity mpitantana, efa misy toerana nojerena azo ananganana ary anketriny efa mandeha ny fanadihadiana ara-teknika. Hatao tsy ho ela koa ny fanofànana indray (recyclage) ho an’ny mpamily sy ny komity, hahafahana manaraka ny lalàna velona ary hisorohana ny lozam-pifamoivoizana.

🚌 Tanjon’ny Ministera ny hampihena 50%-n’ny loza mahafaty amin’ny taona 2030.

21/07/2025

Mirary soa ho anareo zandry sy zanaka hanala fanadinana Bacc rehetra. Ny Fanahy Masina anie hanolo-tsaina, hitari-dàlana, hampahery sy hiaro anareo @ ratsy rehetra. Mankahery anareo ray aman-dreny sy mpampianatra ihany koa.

Aim-panahy isan'andro

20/07/2025

TRANGA HAFAKELY
🕊 Nodimandry ilay “Sleeping Prince” avy any Arabia Saodita ⚫️

Nodimandry ny 19 jolay 2025 tao Riyadh i Prince Alwaleed bin Khaled bin Talal Al Saud, rehefa niaina tao anaty coma na tsy nahatsiaro tena nandritra ny 20 taona mahery, vokatry ny lozam-pifamoivoizana nahazo azy tamin’ny taona 2005.

Izy no zanaky ny printsy Khaled bin Talal, ary zana-drahalahin’ilay mpampiasa vola malaza Prince Alwaleed bin Talal. Nahazo anarana hoe “Sleeping Prince” izy noho ny toe-pahasalamany izay nantenain’ny fianakaviana sy maro ho sitrana indray, saingy tsy nisy fivoarana lehibe hatramin’izay.

36 taona izy izao nodimandry izao, zany hoe 20 taona tao anaty Coma.

Hotanterahina ao Riyadh ny fandevenana, araka ny fanambaran’ny fianakaviana

20/07/2025

BACCALAURÉAT AMBOSITRA

Nigadona io maraina io tetsy @ Groupement ny Gendarmerie Ambositra,ny Sujet Baccalauréat.Noraisin'ny avy amin'ny Foibem-paritrin'ny fanabeazana sy ny Préfet n'Ambositra.

Nanaraka ity Sujet ity ny Caméra de surveillance hapetraka eo amin'ny toerana itobian'ireo Sujet,hatrany @ foibem-panadinana hiparitahan'ireo Laza adina.
Izao no natao dia hiarovana ny mety ho fiparitahan'izany mialoha ny androm-panadinana.

Ankoatran'izay,dia efa vonona tanteraka hiatrika izany ireo mpianatra ato @ Distrikan'Ambositra,4 andro nanao Révision faradoboka Natolotr'I Député Liva Rason,ary mbola hozaraina Kit sy chocolat ihany koa anio tolakandro,etsy amin'ny Somacodis,aza hadino ny convocation ho an'ireo izay hisitraka an'izany.

19/07/2025

19/07/2025

Fandaharana manokana hiarahana @ Député Liva Rason,anio @ 8 Ora sy fahefany.
Hampita mivantana izany ny Radio Fast One,RFM 104FM,miainga avy any @ Radio Maria Madagasikara.

18/07/2025

VELOM-PISAORANA AN'I DEPUTE LIVA RASON NY MPIANATRA HAKA FANADINANA BACC LAURÉAT

Nandritrin'ny 4 andro no nikatroka Révision faradoboka ny kilonga haka Bacc,natao teto @ Lycée Rakotoarisoa sy ny Lycée Marosoa.
Cours toutes séries tamin'ireo matières de base ,izay tena nahavelom-bolo ireo mpianatra noho ny fanomezana izany maimaimpoana.

Mendrika fankasitrahana loatra izao hoy ireo mpianatra,vonona hiatrika ny fanadinana Baccalauréat amin'ny herinandro ho avy io.

Vaindohan-draharaha ny tohana ho an'ny Fanabeazana hoy Député Liva,anton'izao famporisihana azy ireo hahomby amin'ny Fanadinam-panjakana izao.

18/07/2025

🇲🇬 CR SANDRANDAHY

Nisokatra nanomboka ny alakamisy 26 jona ka mifarana ny faha-31 aogositra 2025 ny vanim-potoana ny Lanonana Famadihan-drazana.

🙏 Ambohimpihaonan'ny fianakaviana manontolo ny Lanonana, fotoam-pangatahan-tsodrano, Fety fifaliana sy fanamafisam-pihavanana.
Fombandrazana mampiavaka antsika mitazona ny kolotsaina sady mampivoatra ara-tsosialy sy toekarena.

👉 Samia mahay misintona sy manararaotra ny lafy tsarany Isika.

🙏 Ho fotoana feno fandriampahalemana,
🙏 Ho fanatsarana sy fandiovana tanàna.
🙏 Ho fifanentanana hikajy tontolo iainana, tsy handoro tanety....

👏 Ny lanonan-jazalahy sy ny fanambadiana ihany koa dia harahin-tsodrano feno.

" Ao ary fa dia ho samy ho tratry ny Andro mazava aby e ..... " 🙏

Ny sary androany .

18/07/2025

Androany 18 Juillet 2025,no natao teto @ Maison Orange Antampovinany, ny fifamidram-pitantanana teo amin'ny Préfet teo aloha Rakotomalala Richard sy Ramatoa Préfet vaovao, RAZAZAROANABAVY Felanirina Hortensia.

6 taona nisalotra ny andraikitra naha Préfet n'Ambositra azy ny Préfet Rakotomalala Richard,niandraikitra ny asa Chef Distrikan'ny Fandriana kosa Ramatoa Préfet vaovao,no izao voatendry amin'ny andraikitra vaovao ho Préfet n'Ambositra izao indray.

Toy ny mahazatra dia nisaotra ny fiaraha-miasa hatrizay ny mpitantana teo aloha,ary vonona hisokatra amin'ny fiaraha-miasa rehetra amin'izay andraikitra sahanin'ny Prefektiora kosa ny tompon'andraikitra vaovao.

17/07/2025

Tafiakatra 30 ireo maty, vokatr'ilay fampozinana tao Ambohimalaza Antananarivo.
Vehivavy iray 17 taona no maty io hariva io rehefa notsaboina maherin'ny 1 volana tao @ HJRA.

Hatreto mbola manjavozavo tanteraka ny tena zava-misy marina momba ity loza ity.

13/07/2025

Tovolahy iray indray no maty tao @ Hôpital HJRA omaly,izy izay isan'ireo narary vokatrin'ilay fety anniversaire novonjena tao Ambohimalaza ny 14 Jona lasa iny.

29 izany ireo maty,12 no mbola tsaboina.Tsy mbola misy mazava kosa hatreto ny tena anton'ity loza ity,ny Minisitera tompon'andraikitra milaza fa poizina mahery vaika no valin'ny fitiliana natao tany ivelany,ny mpanao gazety vahiny kosa namoaka nanomboka ny omaly fa " Botulisme" no nahavoa ireo olona ireo,ary laboratoire tsy mahita io bactérie io no nanaovana analyse tany ampitan-dranomasina.

Valalanina ny mpanara-baovao manoloana ity resaka ity.Mbola mipetraka anaty ahiahy hatrany anefa ny rehetra amin'ny fitandremana ny sakafo ampidirina ambava.