https://www.facebook.com/102461948240929/

Karné, Antananarivo (2025)

16/07/2025

NY FIOVAOVAN'NY TOETRANDRO...

Miovaova ny toetrandro eto amintsika. Vokatry ny tsy fitandremana sy ny fandotoana, miakatra ny hafanan’ny tany. Maloto ny rivotra iainana. Maina ny tany, ritra ny rano, simba ny voly… ka lasa miakatra ihany koa ny vidim-piainana.

Inona no azontsika atao?
✨ Atsipazo ao anaty lavapako ny fako, fa tsy eny rehetra eny
✨ Fehezo ny fampiasana saribao sy sachet plastika
✨ Tsitsio ny rano, aza araraka foana
✨ Mamboly hazo na voninkazo iray, isan’andro raha azo atao

Namokatra ity boky ity izahay: "Alerte gaz carbonique". Boky feno fahalalana momba ny antony mampiovaova ny toetrandro sy ny vahaolana azontsika atao.

👉 Vakio, raiso ary mba zarazarao!
Entano ny zanakao hahay hanaja sy hiaro ny tontolo iainany amin'ny alalan'ny famakina boky.

14/07/2025

Ny zava-mahagaga ataon'ny boky ❤️

Heritaona lasa izay i Tija, SoaSoa no nandefa asa soratra tamin'ny Éditions Karné.

Elaela izahay vao namaly hoe raisinay ny bokinao.

Niara-niasa an-habaka izahay nandritra izay fotoana rehetra izay ary tsy mbola nifankahita mivantana mihitsy.

👉 Androany izahay tafahoana ihany ary afaka niara-nijery ny boky Kintana Mamiratra izay niarahanay miasa nandritra ny volana maro.

Mampifandray ny boky na dia amin'ny tany lavitra aza.

Ary tena mifono hafatra maro mafonja ity boky iray ity : AZA MITSAHATRA MANAKATRA, NA DIA LAVITRA TSY TAKATRA. Miresaka momba ny fahalasana, ny fisarahana sy ny fiatrehana izany.

Ary misy hira mahafinaritra miaraka aminy, entina mandrotsirotsy ❤️

Ho anareo izay mitady ny boky Kintana Mamiratra ao Madagasikara:

- Librairie Mille Feuilles Ankorahotra sy Mahajanga
- Librairie La Canopée La City Ivandry
- Librairie IBC Akoor Digue
- Librairie Md Paoly Analakely
- Librairie GM Fakra Toamasina

Iza no efa manana ny boky? 😍 Anisan'ny tianareo indrindra manko ity iray ity ! 👋👋

14/07/2025

INONA NO FANOMEZANA TENA TSARA INDRINDRA?

Na ho an’ny olona akaiky ny fontsika na lavitra, rehefa tonga ny andro manokana tokony hanolorana fanomezana azy ireny, dia matetika isika lasa saina lavitra mikaroka ny tsara indrindra.

Amin’ny voalohany, mandany fotoana sy herintsaina mitady fanomezana tonga lafatra. Nefa amin’ny farany, dia izay hitan’ny maso eo no raisina, ka adino hoe "Iza" no homena izany sy "Inona" no antony hanomezana azy.

👉 Tadidio fa ny fanomezana dia fanehoam-pitiavana, fankasitrahana na fahatsiarovana. Raha misafidy fanomezana ho an'ny olona iray:

✨ Fantarina aloha hoe iza no hihantefan'ny fanomezana : taona, toetra, zavatra mahaliana azy
✨ Jereo ny antony hanolorana ilay fanomezana: fitsingerenan’ny andro nahaterahana, fety, na fankalazana manokana
✨ Dinihana ny hevitry ny fanomezana raha hanampy, hampifaly na hanabe

Raha fankasitrahana ho an’ny ankizy afaka fanadinana, omeo fanomezana manampy azy mampitombo ny fahalalany izy, fa tsy zavatra mandalo vetivety fotsiny.

👉 Ampio ny manodidina anao hisafidiana fanomezana manan-danja, ho fanomezana misy heviny.

09/07/2025

TANY NIAVIANA!

👉 Maro amin'ny ankizy ankehitriny no tsy mahalala akory ny tanana niaviany. Ka ahoana raha amin'ity fotoana fialantsasatra ity, entina mitsidika ilay tanana niaviany, any ambanivohitra izy ?

Nahoana no manan-danja ho an'ny ankizy ny mahafantatra izany?

✨ Mampahafantatra ny fototra niaviany, ny tantara sy soatoavina nentin’ny razany
✨ Manampy amin’ny fananganana fahatokisan-tena sy fahafantarana ny maha izy azy
✨ Mampifandray azy amin'ny fianankaviany: dadabe, nenibe, dadatoa, nenitoa...
✨ Mampivelatra ny fahalalany na ara-kolontsaina izany na ara-moraly
✨ Manampy azy hahay hifandray amin’ny hafa sy hanaja ny hafa

Ary ianao, avy aiza?

🔄 Zarazarao aminay ao anaty commentaire ny tany niavianao. Ento ny zanakao, hampafantaro azy ny tany niaviany.

i Karné teraka tao Andavamamba, toerana Andavamamba, toerana tsy malaza amin'ny boky fa amin'ny zavatra hafa.

07/07/2025

"HATSARANA HAFAKELY"

Samihafa isika tsirairay avy: ny lokon’ny hoditra, ny fiteny, ny fomba fiaina, ny fomba fieritreritra, ary ny fomba faneho fitiavana. Tsy fahalemena izany… fa hery.

Toy ny loko amin'ny hosodoko: raha mitovy daholo ny loko, dia fotsy na mainty ranoray ny hosodoko. Fa rehefa mifangaro loko samihafa, dia mipoitra ny hakantony.

✨ Ny mahasamihafa antsika no mahatonga antsika ho tsy manam-paharoa.

Ampianaro ny ankizy:
✨ Haneho ny maha izy azy
✨ Hahay hihaino
✨ Handray ary hamakafaka ny an'ny hafa

👉 Satria ny fahasamihafana misy ao aminy sy ny manodidina azy no mamolavola azy ho olom-banona eo amin'ny fiainana.

🔄 Zarazarao ary ampirisiho ny zanakao hankasitraka ny tenany sy ny manodidina azy.

03/07/2025

NY ASAKO REHEFA LEHIBE…

Rehefa manontany ny ankizy ny mpampianatra hoe: “Inona no asa tianao hatao rehefa lehibe?”
Diia matetika valiny hoe: te ho mpampianatra, dokotera, na polisy. Misy koa ireo manonofy ho lasa tahaka ny ray aman-dreniny.

Zava-dehibe ny miresaka momba ny asa amin'ny ankizy:

✨ Manampy azy hahatakatra ny maha zava-dehibe ny fianarana
✨ Mampivelatra ny nofinofiny
✨ Mampianatra azy hiezaka hanatratra ny tanjony
✨ Mampahafantatra asa isan-karazany sy manokatra lalan-tsaina ho azy

👉 Ampirisiho hanana fahavononana hiatrika ny hoaviny tahaka an’i Kiady sy Kiara ny zanakao!
Ampianaro izy hahafantatra sy hahatsapa fa ny hoaviny dia eo an-tanany. Omeo azy fitaovana sy fanohanana hahafahany manonofy sy manomana hoavy mamiratra✨.

30/06/2025

🎯 Et si votre enfant découvrait son futur métier... en s’amusant ? 🚀

🧠 Le nouveau KARNE 11 est enfin là, et il va faire parler dans les cours de récré !

💼 AU PROGRAMME :
- Un guide ludique pour découvrir 45 métiers et compétences
- Un bricolage 3D facile à réaliser
- Un zoom métier pour entrer dans les coulisses d’un vrai métier
- Et toujours 2 pages de jeux malins pour apprendre autrement !

🧒🏼👧🏽 Adapté dès 7 ans (et même les grands adorent !)

📩 Pré-commandes ouvertes dès maintenant !
📦 Livraison à partir de jeudi
👉 Écrivez-nous en MP pour réserver votre exemplaire avant la rupture de stock !

28/06/2025

SAIKA FARALAHY 😅

Efa 11 volana be izao no tsy nisy Karné mag intsony 🥹

Isan-kerinandro manontany foana ianareo.

- Nankaiza ny Karné mag ?
- Miandry numéro vaovao izahay anie e !
- Mbola tsy misy vaovao foana ve ?

Eny, saika faralahy ity Karné mag momba ny ariary ity. 🥹

MISY LOHAHEVITRA IRAY TENA NIASANAY MAFY.

Efa ela no nangatahanareo ray aman-dreny!

Dia indro fa efa tonga ilay izy. 😍

Ataovy anaty kaomantera anie. Izay mahita ilay lohahevitra voalohany mahazo Karné mag vaovao.

Alefa ary 👇👇👇

25/06/2025

📚 BILINGUE, FA NAHOANA ARY Ô ?

👉 Tsy resaka lamaody ny fahaizana teny roa samihafa, fa varavarana misokatra amin'ny tontolo sy kolontsaina maro.

Vao miditra am-pianarana ny ankizy, teny frantsay no ampiasaina. Ka nahoana raha manampy azy hahay sy ho tia fiteny roa isika ?

👉 Rehefa mamaky boky amin’ny fiteny roa, dia:

✨ Misokatra amin’ny fahalalana vaovao
✨ Mandroso amin’ny fahaiza-miteny
✨ Miha-tia mamaky boky

💬 "Andrianiko ny teniko, ny an’ny hafa koa feheziko."

Ary ianao ? Efa namaky boky amin’ny teny roa ve ianao sy ny zanakao ?
👉 Raha eny, dia mba zarazarao aminay ao anaty commentaire!

23/06/2025

"« Ce que tu es se définit par ce que tu es prêt(e) à affronter. »

Ravaka Tahirimihamina est sélectionnée comme boursière YALI Mandela Washington 2025 dans le domaine du Business et de l’Entrepreneuriat à l’Université de l’Iowa. Ravaka est la fondatrice et directrice des Éditions Karné, une maison d’édition qui propose des livres et magazines originaux et porteurs de sens à Madagascar.

Nous lui souhaitons plein succès dans le développement de son entreprise, afin de la rendre durable et de contribuer à un secteur du livre dynamique, qui encourage l’amour de la lecture à travers tout le pays."

23/06/2025

AINGAM-PANAHY HO AN'NY SAINA !

Rehefa mamaky boky ny ankizy, dia tsy miala voly fotsiny, fa manitatsaina ihany koa.

📖 Ao anatin’ny boky, misy tontolo sy fahalalana vaovao mbola tsy hitany matetika: fomba fiteny vaovao, fomba fiaina hafa ary traikefa ilaina eo amin'ny fiainana andavanandro.

👉 Inona avy ireo soa entin’ny boky ho an’ny saina?

✨ Manome fahalalana vaovao
✨ Manitatra ny saina ho tia karoka sy mamakafaka
✨ Manampy amin’ny famolavolana saina hamorona na “créativité”
✨ Mitondra fomba fijery sy kolontsaina hafa

Izany rehetra izany no manampy ny ankizy hitombo saina, ho feno aingam-panahy, ary hahavita mamorona tsy misy fetra.

Ary ianao? Efa nisy boky nanampy ny zanakao hahavita zavatra iray ve?
👉 Ampirisiho hatrany izy hamaky boky, ho sakafo ho an’ny sainy!

22/06/2025

LAVITRA KOKOA NY TANJONA ✨

Faly izahay mampahafantatra antsika fa anisan'ireo Malagasy 10 voaray amin'ny Programa Mandela Washington Fellowship for Young African Leaders i Ravaka Tahirimihamina, izay mpanorina sy mpitantana Karné.

Efa herintaona lasa izy no niomana sy nikarakara ny dosie ahafahany mampitombo ny fahaizany fitantanana. 600 teo no nandefa dosie, 10 no voaray.

Ka tena mahatsapa faly satria mivaly ireo ezaka rehetra natao.

Dia tamin'ity herinandro ity, tonga any Iowa City, University of Iowa izy.

Ny tanjona ?

✨ Mitondra fahalalana vaovao ho an'ny ekipan'ny Karné

✨ Mianatra ho mpitantana mendrika kokoa

✨ Hitady paikady mba ho maro kokoa ireo olona mitady ny mahasoa lavitra ezaka : izany hoe mividy boky.

Tsy mijanona any États-Unis ny tanjona. Tsia velively.

Fa miverina eto Gasikara. Mitondra fiovana. Ianareo izay manaraka anay hatramin'ny voalohany mahalala tsara ny fiovana hiainan'ny ankizy amin'ny alalan'ny boky.

Dia misaotra anareo rehetra izahay Ekipan'ny Karné ✨

-
Fisaorana U.S. Embassy Madagascar amin'ny fikarakarana

Karné

16/07/2025

14/07/2025

14/07/2025

09/07/2025

07/07/2025

03/07/2025

30/06/2025

28/06/2025

25/06/2025

23/06/2025

23/06/2025

22/06/2025

Address

Telephone

Website

Alerts

Contact The Business

Shortcuts

Share

Category