https://www.youtube.com/channel/UCp7lsWuAd_fWL6ut7bSbayw

Rova Barson, Antananarivo (2026)

22/09/2026

Miarahaba antsika rehetra mpanara-dia ahy eto amin'ny pejy Rova Barson!❤️

📖💡 TOROHEVITRA ISAN'ANDRO

🧦 Aza ajanona maharitra ao anaty kiraro ny tongotra rehefa tsemboka

Rehefa avy mandeha lavitra na manao asa mampihetsika vatana ianao, dia tsara ny manome fotoana ny tongotra hiala sasatra sy ho maina lalandava.

🧦 Esory ny ba kiraro rehefa tsy ampiasaina intsony.
🌬️ Avelao hifoka rivotra ny kiraro.
🚿 Diovy sy hamaino tsara ny tongotra.

Ny fikarakarana ny tongotra dia anisan'ny fahadiovana sy fikarakarana tena isan'andro.

💬 Rehefa avy niasa na nandeha lavitra ianao, inona no ataonao voalohany rehefa tonga ao an-trano ankoatry ny fanesorana ny kiraro?😊👇

Mirary Talata mahafinaritra sy tontolo andro feno fahombiazana ho antsika rehetra. 🙏😊

21/09/2026

🩸 NAMANA

PARTIE 2 — ÉPISODE 1

🌅 ROA VOLANA TATY AORIANA

Roa volana no efa lasa hatramin’ilay andro nanova tanteraka ny fiainan’i Stella sy Odette. Bary, ilay lehilahy voaporofo tamin’ny fanadihadiana fa nahavanona ny loza dia mbola tany am-ponja vonjimaika ary niandry ny tohiny ara-pitsarana.

Tsy nisy intsony ilay tahotra nanarona ny fiainan’i Stella nandritr'ireo herinandro voalohany. Niverina tsikelikely ny fahanginana. Isa-maraina dia nifoha sy nanao ny fahazarany isan'andro izy, nikarakara ny tokan-trano, ary niezaka nanohy ny fiainany na dia mbola nisy fahabangana lehibe aza tao am-pony.

Odette kosa tsy mbola nahavita nanadino an’i Faly. Isaky ny nahita ny sarin-janany izy dia mbola nahatsapa alahelo lehibe tao am-pony.

🕯️ Indray hariva, nipetraka teo amin’ny efitrano fandraisam-bahiny izy mianaka.

Odette: “Mbola any amin’i Faly foana iretsy ny eritreritro isan’alina a.”

Stella: “Na izaho koa aza ry Neny dia tahak'izany a, mba mahagaga ahy mihitsy koa.”

Odette: “Fa efa fantatsika aloha izao ny olona nahavanon-doza dia mba efa mandry am-piadanana ny zanako.”

Stella: “Eny, izany indrindra re ry Neny a. Ary tena mba tsy nampoiziko mihitsy hoe vitan'i Bary izao zava-doza izao. Fa efa voatazona vonjimaika aloha izy iny, ary mino aho fa handray ny sazy sahaza azy ihany koa.”

Odette: “Kanefa na izany aza dia tsy afaka hamerina ny ain'ny zanako mihitsy izany.”

Nirotsaka ny ranomason’i Stella.

Nifamihina izy mianaka.

💔 Tsy fantatr’izy ireo anefa fa na dia toa efa voavaha aza ny olana, mbola nisy zavatra nampisalasala tao ambadiky ny fanadihadiana.

Tao amin’ny fonja kosa, nipetraka sy lasa saina irery i Bary. Tsy nitsahatra nilaza izy fa tsy izy no namono an’i Faly, saingy tsy nisy olona nino azy intsony.

Bary: “Tsy izaho no namono azy…”

Naveriny matetika izany teny izany, saingy toa tsy nisy naheno.

⚖️ Herinandro vitsivitsy tatỳ aoriana, nisy vaovao tonga tany amin’i Stella sy Odette.

Nisy porofo iray tsy mbola voadinika tsara tao anatin’ilay raharaha.

Nampanantsoina tany amin’ny biraon'ny mpanao fanadihadiana izy ireo.

Mpanao fanadihadiana: “Tianay ny mampahafantatra anareo fa mbola misy ampahany amin’ny raharaha mila hamarinina tsara”

Odette: “Fa angaha tsy efa mazava ny porofo rehetra sy izay zava-nitranga rehetra e?!”

Mpanao fanadihadiana: “Misy zavatra hafa mbola mampisalasala anay madama a.”

Stella: “Inona indray izany? Afaka fantariko ve?”

Mpanao fanadihadiana: “Tsy afaka milaza zavatra betsaka aloha izahay amin'izao fotoana, fa ho hitantsika aoriana kely ao ihany ny tohin'ity raharaha ity.”

😟 Tsy nahazo valiny mazava izy mianaka.

Rehefa nody i Stella sy Odette dia nanomboka niresaka momba izany.

Odette: “Tsy azoko mihitsy koa ry zareo izany.”

Stella: “Fa ahoana ry Neny ?! Dia inona no tsy azonao ?”

Odette: “Ilay hoe mbola misy zavatra tsy mazava, izany hoe tsy mbola azo antoka izany fa i Bary no namono ny zanako?!”

Stella: “Tena tsy haiko mihitsy koa ry Neny a, na izaho koa aza mba talanjona sy gaga tamin'ilay teniny teo iny.”

Odette: “Tena manakorontana ny saiko mihitsy ity raharaha ity.”

🌧️ Ny harivan'io, nisy antso tonga tao amin’ny findain’i Stella.

Stella: “Allô?”

Feon-dehilahy: “Stella ve izao?”

Stella: “Fa iza izao miantso izao azafady ?”

Feon-dehilahy: “Bary ihany ity miantso anao ity e.”

Nangina i Stella.

Stella: “Ahoana no nahafahanao niantso ahy toy izao, f'angaha ianao io tsy any am-ponja e?”

Feon-dehilahy: “Tsy fantatrao angaha fa tsy azo atao ny mitazona sy manameloka ny olon-tsy meloka e?!Tsy mbola tena ampy ny porofo hahafahana mitazona ahy matoa aho tsy nizaka ny zavatra tsy nataoko. Ary tsy any izao no olana fa izao: misy zavatra tiako holazaina aminao fa mba henoy kely aho azafady.”

Stella: “Tsy misy antony tokony hifampiresahintsika izany intsony e.”

Feon-dehilahy: “Kanefa mila mihaino ahy ianao na tianao na tsy tianao.”

Stella: “Efa voaporofo fa ianao no tompon'antoka tamin'ny fahafatesan'i Faly, koa inona ihany no mbola hiantsoanao ahy tahak'izao e!!?”

Feon-dehilahy: “Tsy izany lazainao sy izay eritreretinao izany anefa no tena marina, ary efa nolazaiko anao teo fa tsy mbola feno ny porofo hitazonana ahy matoa aho tsy voatazona tanteraka ho olona nahavanon-doza.”

Stella: “Aza miezaky ny manadio tena intsony ianao ry Bary a. Efa voaporofo fa ianao no tompon'andraikitra tamin'ny nahafaty ny vadiko.”

Feon-dehilahy: “Stella a, efa hoe tsy izaho no namono an’i Faly.”

Nangina ela i Stella.

Stella: “Nahoana ianao no mbola miezaka mandà mafy e?! Efa porofo mitohoka amin'ny tendanao izao dia mbola lavinao ihany !?”

Feon-dehilahy: “Satria na ny mpanao fikarohana aza dia mahalala fa mbola misy marina hafa tokony hiseho.”

Stella: “Inona ny marina hafa tokony hiseho?”

Feon-dehilahy: “Misy olona iray izay any, tsy mbola nilaza ny tena marina fa miezaky ny manafina izany, kanefa na ho ela na ho aingana dia tsy maintsy handray ny valin'asany izy.”

Nikatona tampoka ny antso.

😳 Nijery ny findainy i Stella.

Tonga tao an-tsainy indray ireo fotoana rehetra nandalovany. Tsy te hihaino izay nolazain'i Bary izy. Efa nihevitra izy fa efa nandray ny valin'ny nataony i Bary. Tsy te hiverina amin’ilay fahoriana teo aloha intsony izy.

Niditra tao amin’ny efitranony i Odette.

Odette: “Fa iza koa no niantso andrÿ teo?”

Stella: “Bary io niantso ahy teo io e.”

Niova ny endrik’i Odette.

Odette: “F'angaha tsy any am-ponja izy e? Ary inona koa no antony tokony hiantsoany andrÿ?”

Stella: “Tsy fantatro mihitsy na amin'ny fomba ahoana no nahafahany niantso teo,fa araky ny fahafantarako azy dia miriaria any izany izy. Ary nilaza koa izy fa tsy izy hono no namono an’i Faly e.”

Odette: “Mbola miezaky ny hanamarin-tena ihany ilay tsy vanona iny a. Izany hoe nivoaka izany izy?! Dia raha izany hoy indry dia mety tsy ho izy ve izany no namono ny zanako? Dia amin'ny fomba ahoana ary e? Tena tsy haiko intsony izay tena marina mahakasika ity raharaha ity fa ohatry ny sangodi-mpanina be izany ny mahakasika an-janako. Dia ahoana anefa hoy indrÿ taminy?”

Stella: “Nomeko ny hafatra sahaza azy mihitsy izy teo iny fa mandreraka ahy mihitsy.”

Odette: “Mety mihitsy ny nataondrÿ ka, lehilahy tsy mahay mihaina mihitsy. Raha mamerina miantso eo dia omeo ahy hiresahiko aminy fa dia omeko ny hafatra sahaza azy mihitsy ka.”

Stella: “Ataovy mihitsy ry Neny a, miombon-kevitra aminao aho.”

Avy eo samy nangina izy mianaka.

💭 Tsy nilaza tamin’i Odette anefa izy fa nisy zavatra iray nahasarika ny sainy tao anatin’ilay antso.

Ilay feon’i Bary.

Tsy toy ny feon’olona te hanadio tena sy matahotry ny ho voasazy izany.

Fa toy ny feon’olona matahotra zavatra hafa mihitsy. Ary na ilay feo ary dia feon'olona tsy mbola fahenony mihitsy.

🌙 Natory i Odette ny alin'io. Stella kosa mbola nipetraka irery tao amin’ny efitrano fandraisam-bahiny.

Nijery ny sarin’i Faly izy.

Stella: “Raha mba mbola teto ianao an…”

Nitsahatra tsy niteny izy.

Nandritr'izany fotoana izany, tany amin’ny toerana hafa, nisy antontan-taratasy iray nosokafana indray.

Nisy anarana maromaro teo amboniny.

Ary nisy fanamarihana iray nanasongadina fa mbola misy fanazavana tsy nifanaraka tamin’ny fotoana nahafatesan’i Faly.

⚖️ Niverina nisokatra indray ny raharaha.

Tsy mbola fantatr’i Stella sy Odette izany.

Tsy mbola fantatr’i Hoby koa.

Fa zavatra iray ihany no nanomboka niova: ilay fahatokisana fa efa fantatra tanteraka ny marina.

Ary raha vao nanomboka niverina indray ny fanadihadiana, dia nisy zavatra maro efa noheverina ho tapitra nanomboka niverina tsikelikely.

◈ ROVA BARSON • STORY CREATOR ◈

❤️ Réaction raha mbola maharaka tsara ny tantara ianao.

🔄 Partagez amin’ny namana sy groupe 05 misy anao ity épisode ity.

👉 Raha tsy mbola abonné amin’ny Pejy Rova Barson ianao, tsindrio ny Suivre dien'izao mba tsy hahadiso anjara anao amin'ny épisode 2.

📌 Ho an’ireo ao amin’ny groupe hafa kosa: midira ao amin’ny publication ao amin’ny Pejy Rova Barson mihitsy rehefa manao commentaire mba ho hitan’i Rova Barson ny hevitrareo.

💬 Raha ianao no teo amin’ny toeran’i Stella, mbola hino an’i Bary ve ianao rehefa nilaza izy fa tsy izy no namono an’i Faly? Ary amin'ny fomba ahoana no hahafahan'i Bary niantso azy kanefa izy ary any am-ponja?! Tena izy marina ve izany ilay niantso azy?

💬 Soraty ao amin’ny commentaire ny hevitrao.

21/09/2026

Miarahaba antsika mpanara-dia ahy rehetra eto amin'ny pejin-tsika ! ❤️
Mirary Alatsinainy milamina sy herinandro vaovao feno hery sy fahombiazana ho antsika rehetra. 🙏✨

📖💡 TOROHEVITRA ISAN'ANDRO

💰 Aza laniana avokoa izay vola miditra aminao

Na kely aza ny vola azonao, tsara raha misy ampahany kely tehirizina.

💵 Tsinjarao arak'izay fandaniana tsy maintsy atao ny vola.
🏦 Manokàna kely ho tahiry raha azo atao.
🛑 Aza maika handany izay rehetra eo am-pelatanana.

Tsy ny habetsahan'ny vola tehirizina ihany no zava-dehibe, fa ny fahaizanao manodina azy mba hitomboany ihany koa.

Ny vola kely voatahiry tsy tapaka dia mety hanampy rehefa misy zavatra tsy ampoizina.

💬 Mba mametraka tahiry ve ianao rehefa mahazo vola ? 😊👇

20/09/2026

🩸 NAMANA

ÉPISODE 7

⚖️ ILAY TANTARA NITSIMBADIKA

Nifoha maraina tamin'ny fo feno tebiteby i Stella. Tsy nisy zavatra hafa tao an-tsainy afa-tsy ireo teny rehetra efa reny nandritry ny andro vitsivitsy. Hoby, izay namany akaiky indrindra, dia efa niaiky fa nihaona tamin'i Faly tamin'ny andro nahafatesany. Nisy zavatra mbola nafeniny. Ary arakaraky ny nizoran'ny fanadihadiana ho amin'ny lalindalina kokoa no vao mainka nanamafy ny ahiahy nanodidina azy.

Tao an-dakozia kosa i Odette. Tsy niteny firy izy fa hita teny amin'ny endriny ny fahoriana.

Odette: “Mbola tsy nahazo vaovao ve iretsy ity indrÿ?”

Stella: “Tsy mbola misy vaovao aloha hatreto ry Neny a.”

Odette: “Tsy maintsy ho henontsika ny marina androany na rahampitso any ho any.”

Stella: “Tena matahotra indray aho ry Neny a.”

Odette: “Aza matahotra ny hivoahan'ny marina izany indrÿ e. Aleo hibaribary ho hitan'ny havany eo izay olon-tsy vanona.”

🚪 Tamin'io fotoana io dia nisy nandondòna teo am-baravarana.

Polisy roa no nijoro teo ivelany.

Polisy: “Salama ianareo mianaka!! Ramatoa kely Stella?”

Stella: “Eny, izy indrindra.”

Polisy: “Mila miresaka kely aminao izahay.”

Nifampijery i Stella sy Odette.

Tsy ela dia nipetraka tao amin'ny efitrano fandraisam-bahiny izy ireo.

Polisy: “Nisy zavatra vaovao hita avy amin'ny fanadihadiana izay nataonay.”

Stella: “Momba an'i Hoby ve?”

Polisy: “Tsy momba an'i Hoby ihany ka.”

😟 Nijery azy ireo i Stella.

Polisy: “Nisy zavatra iray hitanay izay nanova ny fizotry ny fanadihadiana.”

Odette: “Inona indray ary izany hotantarainareo izany e, fa angaha tsy efa tokony ho fantatra ny olo-meloka e?”

Polisy: “Rahefa nohamarininay tsara ireo zava-drehetra nisy sy niseho tamin'io andro nahafatesan-dRatompokolahy io.”

Nangina izy mianaka.

Polisy: “Ka nisy ny porofo izay tsy nifanaraka tamin'ny zavatra noheverina ho marina hatramin'izay.”

Stella: “Inona no hitanareo sy voaporofonareo?! Ary iza izany no tena namono an'i Faly e?”

Polisy: “Tsy i Hoby ny olona farany nifandray tamin-dRatompokolahy Faly talohan'ny nahafatesany.”

Gaga i Stella.

Stella: “Dia iza izany rehefa tsy izy?”

Tsy namaly avy hatrany ilay polisy.

Nony avy eo...

Polisy: “Bary.”

😳 Nifampijery i Stella sy Odette.

Odette: “Bary?”

Polisy: “Eny. i Bary, izay namana sy mpiara-miasa akaiky taminy.”

Stella: “Fa ahoana no hilazanareo izany?”

Polisy: “Nohamarininay indray ny fotoana sy ny toerana nisy azy tamin'io andro io.”

Nangina i Stella.

Polisy: “Nisy zavatra maro nifanaraka tamin'izany. Ary rehefa nampitahainay tamin'ireo porofo hafa…”

Nijanona vetivety ilay polisy.

Polisy: “Dia nanondro olona iray foana ny porofo rehetra, dia i Bary izany.”

💔 Tamin'izay vao tsapan'i Stella fa mety diso tanteraka ny zava-drehetra noheveriny nandritr'izay andro maromaro izay.

Nentina natao famotorana avy hatrany i Bary.

Tamin'ny voalohany dia nolaviny avokoa ny fiampangana azy rehetra.

Bary: “Tsy namono an'i Faly izany aho e.”

Polisy: “Nahoana ary ianao no hita tany amin'ilay toerana nihaonanareo no sady nahitàna ny vatana mangatsikan-dRatompokolahy iny e?”

Bary: “Nisy resaka asa nifanaovanay teo amin'io toerana io tamin'io andro io.”

Polisy: “Dia nahoana ianao no tsy nilaza izany taminay tamin'ny fanadihadiana voalohany izay nataonay taminao?! Aza miezaka manadio tena intsony Andriamatoa Bary a. Na inona na inona aloha holazainao eo dia efa mitohoka amin'ny tendanao ny porofo rehetra izay tsy azonao ho lavina intsony e.”

Nangina i Bary.

Polisy: “Ary nahoana ianao no hita teo amin'io toerana io tamin'ny ora nahalasàna an-dRatompokolahy? Raha izaho ianao dia tsorina avy hatrany ny marina mba tsy hampitombo ny sazinao raha mbola minia manafina ihany ianao.”

Bary: “Raha hita teo amin'io toerana io aho dia tsy midika akory izany hoe izaho no namono azy. Ary tsy miova amin'ny teniko hatramin'ny farany aho fa tsy izaho no namono azy.”

Nihamafy ny fanadihadiana.

Ary nipoitra tsikelikely ny zavatra iray tsy mbola noheverin'i Stella sy Odette ho hita sy ho re.

❤️ Bary dia nanana fihetseham-po lalina tamin'i Stella.

Tsy vao tamin'io andro io.

Efa ela.

Fa satria vadin'i Faly i Stella, dia nafeniny izany.

Ary taty aoriana dia nitombo tsikelikely tao am-pony ny fialonana.

Tamin'ny andro nahafatesan'i Faly, nihaona tamin'i Faly izy.

Bary: “Tiako ho fantatr'ialahy tsara fa izaho no tena tokony ho niaraka tamin'i Stella.”

Faly: “Bary a, efa vadiko letsy izy a. Hajao ny anjara sy ny lahatra avy any ambony.”

Bary: “Fa izy tsy tia anao tahaky ny itiavako azy.”

Faly: “Tsia letsy a, matoa izaho no efa vadiny dia efa anjaranay izay.”

Nifanditra izy roalahy.

Ary tamin'izay fotoana izay no niova ho fahatezerana ilay fialonana.

😢 Rehefa fantatr'i Stella izany, dia toy ny nisavoritaka teo anatrehany ny zava-drehetra.

Stella: “Fa ahoana koa ary izany e!? Tena tsy nampoiziko izao zava-miseho izao.”

Odette: “Aza manontany tena hoe nahoana no nitranga izao iretsy ity a. Ny zava-dehibe izao dia efa hita ilay olon-tsy vanona nahavanon-doza.”

Stella: “Faly a…”

Nirotsaka ny ranomasony.

Stella: “Tsy nampoiziko ho tahak'izany ny nahazo anao.”

Odette: “Mangiana Stella a, efa hibaby ny vokatry ny nataony ny olo-meloka. Aleo izy handry am-piadanana amin'izay.”

⚖️ Ny porofo rehetra dia nanamafy tsikelikely ny fifandraisan'i Bary tamin'ny famonoana.

Nohazonina am-ponja vonjimaika izy.

Hoby kosa afaka madiodio tamin'ny aloky ny fiampangana nanodidina azy nandritry ny andro maro.

Rehefa nifankahita tamin'i Stella izy, dia tsy nahita teny holazaina.

Hoby: “Miala tsiny aho akia a.”

Stella: “Tsy tokony hiala tsiny amiko indrÿ fa izaho no tokony hiala tsiny amindrÿ.”

Hoby: “Matahotra aho sao tsy hino ahy intsony indrÿ.”

Stella: “Ny zava-dehibe dia efa fantatsika akia izao ny marina a.”

Nifampijery izy roavavy.

😔 Namana roa izay saika nifandrafy nohon'ny tsiambaratelo sy ny ahiahy.

Fa tsy mbola fantatr'i Stella fa ny fahafatesan'i Faly dia efa nanova zavatra iray tao anatiny.

Nianatra izy fa tsy ny olona akaiky indrindra antsika no voatery ho olona tokony hinoana sy atokisana mandrakariva, ary tsy ny olona ahiahiana voalohany koa no voatery ho tena meloka.

🌅 Rehefa niverina tao an-trano i Stella sy Odette, dia nijoro teo anoloan'ny sarin'i Faly.

Odette: “Zanako a. Tsy hohadinoiko mihitsy izay nitranga rehetra taminao.”

Stella: “Hiezaka amin'izay aho hitraka ry Neny a.”

Odette: “Eto foana ihany koa aho hifanohana hatrany aminao.”

Nifamihina izy mianaka.

💔 Tapitra teo ny tantaran'i Stella sy Hoby.

Voasambotra ilay olona hita fa nahavanon-doza.

Niverina tsikelikely ny fifampitokisana teo amin'i Stella sy Hoby.

Ary i Odette, na dia mbola nitondra ratram-po aza, dia nahatsapa fa efa nanomboka nandray ny valin'asany ilay olona namotika ny fiainan'ny zanany.

Fa misy lesona iray lehibe mbola tavela:

Indraindray, ny ahiahy dia mety hitondra antsika amin'ny olona tsy tokony hiantefany. Ary indraindray, ny olona atokisantsika indrindra no mety hanafina marina iray lehibe. Tsy tokony hifarana amin'ny fitsarana ataontsika samirery ny fahamarinana, fa tokony hotadiavina hatramin'ny farany.

◈ ROVA BARSON • STORY CREATOR ◈

💬 Ahoana ny hevitrao tamin'ity tantara ity? Iza ny olona tena nahianao indrindra tany am-piandohana, ary marina hatramin'ny farany ve ny ahiahinao?

❤️ Réaction raha nahafinaritra anao ny tantara.

💬 Zarao ao amin'ny commentaire ny hevitrao.

🔄 Partagez amin'ny namana mbola tsy naharaka ity tantara ity.

👉 Raha tsy mbola abonné amin'ny Pejy Rova Barson ianao, tsindrio ny Suivre dien'izao mba tsy hahadiso anjara anao amin'ny fivoahan'ny tantara rehetra.

📌 Ary ho an'ireo ao amin'ny groupe hafa: midira ao amin'ny publication ao amin'ny Pejy Rova Barson mihitsy rehefa manao commentaire, satria mety tsy ho hitan'i Rova Barson ny commentaire atao ao anatin'ny groupe.

🤔 Tianao ve raha mbola misy 2eme partie ity tantara ity ✍️ ?!
Raha tianao ary ny hanaraka ny 2eme partie dia kitiho ito rohy voatondron'ilay sarina tanana miloko mangamanga eto ambany ito.
👇👇👇👇👇👇👇👇👇👇👇👇
https://www.facebook.com/61583773911462/posts/122122866783125797/?app=fbl

19/09/2026

🩸 NAMANA

ÉPISODE 6

🥀 ILAY MARINA NAMPISARA-BAZANA

Nangina fotoana fohy i Odette taorian’ny tenin’i Hoby. Tsy niala teo amin'i Odette kosa ny mason'i Hoby, toy ny olona niezaka hahatakatra hoe nahoana ilay tovolahy izay efa noheveriny ho anisan’ny fianakaviany no nilaza zava-dehibe toy izany.

Odette: “Hoby a, impiry ianao no nifampiresaka sy nihaona tamin’i Faly?”

Hoby: “Indray mandeha ihany ka.”

Odette: “Ary nahoana ianao no tsy nilaza izany taminay hatrany am-piandohana e?”

Hoby: “Satria tsy te hanakorontana ny fianakaviana tamin’ilay resaka aho.”

Odette: “Kanefa ny tsy filazanao ny marina aminay dia raisinay ho firaisana mitsikimbakomba amin'ny mpanao ratsy.”

Niondrika i Hoby.

Stella: “Inona marina no tena zavatra nifampiresahanareo tamin’io andro io e?”

Hoby: “Resaka momban-drÿ.”

Gaga i Stella.

Stella: “Momba ahy ve?”

Hoby: “Eny, momban-drÿ.”

Stella: “Hoe maninona aho?”

Hoby: “Aleo aloha amin'ny manaraka ho lazaiko ihany e.”

😔 Nitsangana i Odette.

Odette: “Tsy mety angaha raha lazainao avy hatrany anefa izany e!? Raharaha mahakasika ny zanako mantsy eto ilay resaka, ary fantatro fa mbola misy amintsika manafin-javatra.”

Hoby: “Fantatro re izany ry Neny a.”

Odette: “Dia nahoana ianao no tsy milaza izay zava-niseho teo amin'ny fihaonanareo sy i Faly e?”

Hoby: “Satria fantatro fa raha lazaiko izay fantatro dia mety ho vao mainka hampijaly an’i Stella ny fahafantarany izany.”

Nijery an’i Hoby i Stella.

Tsy namaly i Hoby.

🌧️ Niala tao an-trano izy taorian’izay. Raha vao nikatona ny varavarana, dia nitodika tany amin’i Stella i Odette.

Odette: “Misy zavatra tsy mazava mihitsy amin'i Kala Hoby iny.”

Stella: “Na izaho ihany koa aza mahatsikaritra an'izany.”

Odette: “Mila fantarintsika izany manombok'izao.”

Stella: “Fa maninona ary aho no mahatsapa fa lasa mihamaro hatrany ny zavatra tsy fantatro momba an’i Faly e?”

Odette: “Satria tsy mbola mibaribary ny marina.”

💭 Tamin’io fotoana io, tsy mbola nisy porofo mazava nahafahana nilaza hoe i Hoby no namono an’i Faly. Saingy ny fihetsiny sy ireo zavatra nafeniny dia nanomboka nampitombo ny ahiahy.

Nandritr'izany fotoana izany, niverina tany amin’ny toerana niasany i Hoby. Nisy zavatra iray tsy nety niala mihitsy tao an-tsainy.

Ilay resaka farany nataony tamin’i Faly.

Faly: “Aza atao fantatr'i Stella izao fihaonantsika izao.”

Hoby: “Fa inona no tianao holazaina?”

Faly: “Raha misy zavatra mahazo ahy, aza avelanao ho fantany hoe nihaona isika.”

Nisento i Hoby.

Tsy mbola fantany raha tokony hilaza izany amin’i Stella izy.

📱 Tamin’io hariva io, nahazo antso i Stella.

Mpanao fanadihadiana: “Ramatoa Stella, mila miresaka kely aminao indray izahay.”

Stella: “Mahakasika ny inona tompoko?”

Mpanao fanadihadiana: “Momban'ny zavatra hitanay tamin’ny fanadihadiana.”

Stella: “Inona izany?”

Mpanao fanadihadiana: “Misy zavatra tsy mifanaraka ny fanazavana izay nomeny anay.”

Nangina i Stella.

Stella: “Tsy azoko?”

Mpanao fanadihadiana: “Misy fotoana sy toerana nolazain’i Hoby anay, izay tsy mifanaraka amin’ny vaovao azonay sy voarainay anefa izany.”

Nangovitra kely i Stella.

Stella: “Midika izany ve fa…”

Mpanao fanadihadiana: “Tsy milaza izahay hoe izy no namono an’i Faly. Fa mila hazavaina tsara daholo ny zava-drehetra izay nisy sy nitranga.”

Tapitra ny antso.

😢 Nandeha nitady an’i Odette i Stella.

Stella: “Neny a, misy vaovao holazaiko aminao.”

Odette: “Inona izany anaka a?”

Stella: “Misy zavatra tsy mifanaraka hono izay voalazan’i Hoby, hoy ilay mpanao ny fanadihadiana.”

Odette: “Efa nolazaiko taminao anie izany fa misy zavatra tsy mazava loatra afenin'i Hoby e.”

Stella: “Ka tsy mbola afaka mino sy manaporofo anie isika fa tena izy marina no meloka e…”

Odette: “Tsy hoe mankahala na manendrikendrika azy anie akory isika e. Tokana ihany, mila mitady ny marina fotsiny.”

Tamin’io hariva io ihany, nitsidika tany amin’i Stella i Hoby.

Hoby: “Te hilaza zavatra iray amindrÿ akia aho ry Stella a.”

Stella: “Momban’i Faly ihany ve sa zavatra hafa mihitsy?”

Hoby: “Eny, momba azy ihany ka.”

Stella: “Ka lazao ary izay tiandrÿ holazaina e.”

Nijery tsara azy i Hoby vao namaly.

Hoby: “Tamin’ny fotoana farany nihaonako tamin’i Faly…”

Nangina izy.

Stella: “Dia inona no nitranga?”

Hoby: “Nisy olona hafa efa niresaka taminy talohan’ny nahatongavako teo.”

Stella: “Iza ilay olona hitandrÿ niresaka taminy?”

Hoby: “Tsy dia hitako tsara ny endriny.”

Stella: “Ka nahoana raha nolazaindrÿ avy hatrany izany tamin'ny fanadihadiana natao tamindrÿ e?”

Hoby: “Satria tsy azoko antoka sy tsy fantatro no tsy hitako tsara hoy aho ny endriny.”

Stella: “Misy zavatra hafa ve fantandrÿ ankoatr'izay ?”

Nanondrika ny lohany i Hoby.

Hoby: “Nilaza tamiko i Faly fa misy olona tsy tiany hatokisana intsony hono.”

Nangina i Stella.

Stella: “Dia iza hono ilay olona akia?”

Hoby: “Izay indray aloha dia tsy nolazainy tamiko na dia nisikotra nanontany azy ary aho e.”

💔 Tsy nahita tory i Stella ny alin'io fotoana io. Niezaka namerina tao an-tsainy ny zavatra rehetra nolazain’i Hoby izy.

Saingy vao mainka nahatsapa zavatra iray izy.

Misy olona iray mahalala bebe kokoa noho izay fantany.

Ary tsy mbola fantany hoe iza.

🌑 Ny ampitso, nisy zavatra iray hafa nampitombo ny ahiahiany.

Nampanantsoina indray i Hoby mba hanazava ny fihetsiny sy ny resany tamin’ny andro nahafatesan’i Faly.

Tsy mbola voaporofo anefa fa izy no namono.

Saingy ny ahiahy rehetra nanodidina azy dia nanomboka nifatratra tany aminy avokoa.

Ary i Odette, izay tsy nanaiky mihitsy ny hamelana ny fahafatesan’ny zanany ho vitavita ho azy, dia nanapa-kevitra fa tsy hijanona intsony amin'ny fikarohana.

Odette: “Na iza na iza nahavanona izao, tsy maintsy mijinja izay nafafiny fa tsy hamelako hatramin'ny farany.”

Nijery azy i Stella.

Stella: “Ary raha tena i Hoby tokoa dia ahoana ry Neny?”

Nisento i Odette.

Odette: “Na dia olona akaiky antsika aza izy, tsy maintsy mizaka ny vokatry ny nataony foana satria efa safidy ny azy ny ho tonga amin'izao.”

💔 Tao anatin’ny fahanginana, samy nahatsapa izy mianaka fa efa nanakaiky ny fiafaran’ny mistery.

Saingy tsy mbola fantatr’izy ireo fa ilay valin'ny fanadihadiana izay hivoaka tsy ho ela dia hanova tanteraka ny toe-draharaha.

◈ ROVA BARSON • STORY CREATOR ◈

❤️ Réaction raha mbola maharaka tsara ny fizotry ny tantara ianao.

🔄 Partagez amin’ny namana ity épisode ity.

👉 Raha tsy mbola abonné amin’ny Pejy Rova Barson ianao, tsindrio ny Suivre
dien'izao mba tsy hahadiso anjara anao amin'ny fivoahan'ny tohiny.

📌 Ho an’ireo izay ao amin’ny groupe hafa : rehefa manao commentaire dia midira ao amin’ny publication ao amin’ny Pejy Rova Barson mihitsy, satria izay commentaire ao anatin’ny groupe dia mety tsy ho hitan’i Rova Barson.

💬 Raha ianao no eo amin’ny toeran’i Stella, mbola hino an’i Hoby ve ianao sa efa azonao antoka fa izy mihitsy no tompon'antoka amin'izao raharaha izao, na farafaharatsiny hoe niray tsikombakomba tamin'izay nahavanon-doza?

💬 Apetrao ao amin’ny commentaire ny hevitrao.

📢📢📢 Raha liana mbola te hamaky ny épisode 7 ianao dia kitiho ito rohy voatondro eto ambany ito
👇👇👇👇👇👇👇👇👇👇👇👇👇
https://www.facebook.com/61583773911462/posts/122122762389125797/?app=fbl

19/09/2026

Miarahaba antsika mpanara-dia ahy rehetra rehetra manodidina ny 90 isa eo ho eo eto amin'ny pejy Rova Barson!❤️

📖💡 TOROHEVITRA ISAN'ANDRO

🧺 Aza tehirizina maharitra loatra ny ambin-tsakafo.

Rehefa misy sakafo tavela dia tsara ny mitandrina amin'ny fomba fitahirizana azy.

🍲 Ataovy ao anaty fitoerana madio sy mihidy tsara.
❄️ Tehirizo amin'ny toerana mangatsiaka raha ilaina.
👀 Hamarino tsara foana alohan'ny hihinanana azy.

Ny fitandremana amin'ny fitahirizana sakafo dia manampy amin'ny fahadiovana sy ny fiarovana amin'ny olana mety hitranga.

💬 Rehefa misy sakafo tavela, inona no fika kely hitahirizanao azy ao an-trano? 😊👇

Mirary faran'ny herinandro mahafinaritra sy fotoana milamina ho antsika rehetra ny tenako. 🌿😊

18/09/2026

🩸 NAMANA

ÉPISODE 5

💔 ILAY OLONA NAMPIAHIAHY

Nandeha ny andro, saingy tsy nihena ny fisalasalana tao am-pon'i Stella. Arakaraky ny nitadiavany ny marina no nahatsapany fa toa misy zavatra maro izay tsy mbola fantany momban'ny ora farany niainan'i Faly.

Odette kosa tsy nitsahatra nijery akaiky izay zava-drehetra nitranga. Tsy navelany ho resin'ny alahelo fotsiny ny tenany. Ny hany nibahana tao an-tsainy dia ny hahafantarana izay tena tompon'antoka tamin'ny fahafatesan'ny zanany.

🌧️ Indray maraina, tonga tao amin'ny efitranon'i Stella i Hoby. Raha vao nahita azy i Stella dia hitany fa toa tsy nilamina izany ny sainy.

Stella: “Fa inona no mahazo andrÿ ity e?”

Hoby: “Nampanantsoina tany amin'ny biraon'ny mpanao fanadihadiana indray aho taninkeo.”

Stella: “Mbola momba an'i Faly ihany ve?”

Hoby: “Eny, tsy maintsy hoe izay foana moa izany.”

Stella: “Dia nona indray no nanontanian'izy ireo andrÿ tao?”

Hoby: “Ny momban'ny fifandraisako amin'i Faly hono e.”

Nangina i Stella.

Stella: “Fa angaha nisy zavatra nampifanditra na fifamaliana teo aminareo?”

Hoby: “Tsy nisy ka.”

Stella: “Tena tsy nisy ve?”

Hoby: “Tena tsy nisy mihitsy.”

Nijery azy naharitra i Stella.

Hoby: “Fa maninona foana indrÿ no manao fijery ahy toy izany e?”

Stella: “Satria tsy fantatro intsony raha tena marina na diso ny zavatra izay lazaindry ahy.”

Hoby: “Stella a, mbola izaho ihany ilay Hoby fantatrao hatramin'izay ary tsy hiova mihitsy.”

Stella: “Te hino an'izay lazaindry aho kanefa ohatry ny misalasala ihany.”

💭 Tsy namaly intsony i Hoby.

Nony hariva, niresaka tamin'i Odette i Stella.

Stella: “Neny a, raha sanatria ka olona fantatsika na akaiky antsika no ao ambadik'izao dia …”

Odette: “Dia tsy maintsy saziana foana.”

Stella: “Na dia i Hoby aza ve?”

Odette: “Na iza izy na iza.”

Stella: “Tsy ho zakako izany ny hieritreritra an'izany.”

Odette: “Tsy izay zavatra zakantsika no tokony ho ataontsika rehefa mitady ny marina isika.”

Nijery azy i Stella.

Odette: “Zanako i Faly. Tsy hanaiky aho raha olona iray nahafantatra azy na tena akaiky azy no nanao izao zavatra taminy izao ka mbola ho avelako hiriaria eny ihany.”

🥀 Tamin'iny hariva iny ihany, nahazo antso i Stella avy amin'ny mpanao fanadihadiana.

Mpanao fanadihadiana: “Ramatoa Stella, misy zavatra mila hamarinina kely indray.”

Stella: “Mahakasika ny inona azafady?”

Mpanao fanadihadiana: “Araky ny fahafantaranao azy, nisy fifandraisana manokana ve teo amin'i Hoby sy Faly?”

Stella: “Inona no tianao holazaina?”

Mpanao fanadihadiana: “Nisy zavatra mampiseho fa nihaona izy ireo talohan'ny nahafatesan'i Faly.”

Nangina i Stella.

Stella: “ i Hoby anefa nilaza tamiko fa tsy nihaona tamin'i Faly izy tamin'io andro io.”

Mpanao fanadihadiana: “Ka izany indrindra no antony anontanianay anao.”

Tapitra ny antso.

😔 Raha iny nikononkonona handeha handry eo am-parafara iny i Stella.

Tsy ela dia nisy antso hafa tonga.

Hoby.

Hoby: “Stella, tsy mbola matory ve indrÿ?”

Stella: “Eny akia a, fa efa saika hidaboka mihitsy anefa aho io.”

Hoby: “Te hiresaka kely amindrÿ aho raha azo atao.”

Stella: “Momban'ny inona akia?”

Hoby: “Momban'i Faly ihany ka.”

Nangina kely i Stella.

Hoby: “Misy zavatra tsy nolazaiko tamindrÿ kanefa ankehitriny dia holazaiko iny.”

Nitempo mafy ny fon'i Stella.

Stella: “Inona izany akia ?”

Hoby: “Tamin'ny andro nahafatesany…”

Nijanona vetivety i Hoby.

Hoby: “Nisy fotoana ihany nihaonako taminy.”

Nitsangana avy eo am-pandriana i Stella.

Stella: “Inona a!!? Kanefa nilaza tamiko indrÿ fa tsy nihaona taminy, fa inona no tena marina e?!”

Stella: “Fa nahoana izany indrÿ no nandainga e?”

Hoby: “Satria tsy tiako ho tafiditra lalina amin'ity raharaha ity indry.”

Stella: “Tafiditra amin'inona?”

Hoby: “Tsy afaka milaza ny anton'izany amindrÿ ato anatin'ny finday aho.”

Stella: “Hoby a, lazao amiko izay marina rehetra fantatrao.”

Hoby: “Rahampitso aho mandalo any amindrÿ.”

Tapaka ny antso.

💔 Tsy nahalala intsony izay tokony ho ataony i Stella. Ilay olona izay noheveriny fa namana akaiky azy indrindra no vao avy nilaza fa nandainga taminy.

Ny ampitso maraina, tonga i Hoby.

Nijoro teo anoloan'i Stella izy, ary tsy nanana fahasahiana loatra ny hibanjina maharitra ny endriny.

Stella: “Lazao amiko amin'izay ary ny marina rehetra fantandrÿ e.”

Hoby: “Tena miala tsiny aho tamin'ny fanafenako izao zavatra izao tamindrÿ.”

Stella: “Efa fantatro anie izy izao e, fa hazavao ahy fotsiny izay rehetra nitranga sy izay nataondrÿ.”

Hoby: “Nifankahita tamin'i Faly aho.”

Stella: “Oviana?”

Hoby: “Ny tolak'andro talohan'ny nahalasàny iny.”

Stella: “Dia ahoana?! Tohizo ihany ny fitantarandrÿ e!!”

Hoby: “Nisy zavatra tiany horesahina tamiko hono.”

Stella: “Inona ilay zavatra tiany horesahina tamindrÿ?”

Nangina Hoby.

Stella: “Hoby a, indrÿ anie izany resahiko izany e !”

Hoby: “Tsy azoko lazaina andrÿ ilay zavatra noresahiny tamiko ka.”

Stella: “Fa nahoana? Dia inona no antony?”

Hoby: “Satria raha holazaiko amindrÿ izany dia mety hanova tanteraka ny fihavanana sy ny fifandraisana eo amintsika sy indrÿ.”

Nangovitra ny feon'i Stella.

Stella: “Ka na tiandrÿ na tsy tiandrÿ dia efa tsy miala amindrÿ aloha izao ny ahiahy e.”

😢 Nanondrika ny lohany i Hoby.

Hoby: “Tsy namono an'i Faly anefa aho.”

Stella: “Tsy nanontany aho hoe namono azy ve indrÿ sa tsia.”

Nangina tanteraka i Hoby.

Stella: “Fa indrÿ mihitsy no nilaza tsy nila nanontaniana akory, asa a... mety hoe enjehin'ny eritreritra angamba a.”

Tsy nahita teny havaly azy i Hoby.

🚪 Tamin'izay indrindra no tonga i Odette. Nahita azy roa nifampijery izy.

Odette: “Fa misy inona e? inona no nitranga teto?”

Tsy namaly i Stella.

Hoby kosa nijery an'i Odette.

Hoby: “Neny a, misy zavatra tokony tsy maintsy ho fantatrao.”

Odette: “Lazao ary e.”

Hoby: “Raha ny marina dia nifankahita tamin'i Faly aho talohan'ny ora nahafatesany.”

Niova ny endrik'i Odette.

Odette: “Tsy azoko mihitsy ianao ity an, fa nahoana ianao anefa no nanafina an'izany e?”

Hoby: “Satria…”

Nijanona izy.

Odette: “Satria maninona e?”

Tsy namaly i Hoby.

🌑 Tamin'io fotoana io, tsy mbola nisy olona afaka nilaza hoe iza no tena nanao inona na iza no tena meloka.

Saingy zavatra iray no efa nanomboka nazava.

Tsy marina avokoa izay rehetra nolazain'i Hoby hatramin'izay.

Ary teo anatrehan'i Stella sy Odette, vao mainka nihamafy ilay ahiahy efa nanomboka nitombo tsikelikely tao am-pon'izy mianaka.

◈ ROVA BARSON • STORY CREATOR ◈

❤️ Réaction raha mbola maharaka tsara ianao.

🔄 Zarao amin'ny namanao ity épisode ity.

👉 Raha tsy mbola abonné amin'ny Pejy Rova Barson ianao, tsindrio ny Suivre dien'izao mba tsy hahadiso anjara anao amin'ny fivoahan'ny tohiny.

📌 Ho an'ireo ao amin'ny groupe hafa kosa, midira ao amin'ny publication ao amin'ny Pejy Rova Barson mihitsy rehefa manao commentaire mba ho hitan'i Rova Barson ny hevitrareo.

💬 Raha ianao no teo amin'ny toeran'i Stella, mbola hanome fahafahana an'i Hoby hanazava ve ianao sa efa tsy hahatoky azy intsony?

💬 Soraty ao amin'ny commentaire ny hevitrao.

Rova Barson

22/09/2026

21/09/2026

21/09/2026

20/09/2026

19/09/2026

19/09/2026

18/09/2026

Address

Website

Alerts

Shortcuts

Share

Category

Listing takedown request