02/08/2025
Fitadiavana asa : Aza mangataka, aza mitalao, aza mitantara problema
Anolotra fahaizana sy traikefa ianao. Matokia tena. Izy no mitady anao, ianao manome.
Tsy izy no nandeha tongotra, niafy tamin'ny orana, tsy natory alina, tsy nisakafo, nifoka gr***de nitaky bourse, namitanao fianarana.
Ka raha stage no ilainao, aza manontany hoe misy stage ve nareo, fa asehoy hoe, manana fahaizana anampiana anao aho, ary vola kely, na tsy misy, gratuit, no atolotrao takalony.
Fantaro Ilay orinasa, inona no tolotra azonao omena.
Fadio mitantara problema, ny azy betsaka noho ny anao, olona mamaha olana azy no tadiaviny, ary mamaha anatin'ny fotoana fohy, ka tsy hitantaranao izy, fa tsy voaloa ny hofatranonao, ka izay asa misy eo dia mety aminao.
Aza zaraina fotsiny CV sy lettre de motivation, fa ciblé, ovao arak'izay orinasa na poste tadiavina.
Aza apetraka amin'ny gardien na sekretera fotsiny, fa mangalaha rendez-vous amin'ny DRH na DG na izay manapa-kevitra.
Aza mandany andro mitady piston na mpiasa ao, ampiditra anao.
Ny patron matetika mbola mijanona aorian'ny fikatonan'ny Orinasa.
Iny fotoana iantsoana téléphone, fa mi bascule any aminy eo ny appel. Tsy maintsy raisiny iny sao client.
Manao mailing CV tsy ahitam-bokatra.
Afaka mijery site internet n'ilay orinasa, raha misy contact na mail omeny ao, dia ataovy.
Mila atao tsara ny CV, atao tsotra, mazava.
Tsy ilaina mitanisa ny CEPE, BEPC diploma, raha poste ambonin'ny Bac no tadiavina.
Ho an'ny be diploma, singano izay ilain'ilay orinasa.
Ho an'izay be taona, asongadino ny traikefa.
Raha matetika nifindra orinasa, papillonnage, dia ireo tena ilain'ny orinasa asongadina.
Aza mandainga anaty CV.
Bevoka, nijanona tsy niasa, nitaiza Zaza. Asehoy fa nanohy nianatra, formation, autodidacte, nisy activités foana.
Betsaka ny mangataka 5 ans d'expérience.
Aza manao izay ho sakana. Alefaso foana.
Tsy miresaka prétention, na karama, anaty CV na lettre de motivation.
Raha miantso izy, manao entretien téléphonique, fantaro raha agence na cabinet de recrutement izy, na Ilay orinasa mivantana.
Raha cabinet izy, dia ampiditra anao anaty base de données izy izay, ka fourchette omena, fa tsindriana hoe arakaraky ny asa sy andraikitra tanana.
Fehiny, izy no mitady, ianao manolotra.
Atrakao ny loha. Abotsony ny tratra.
Manaova akanjo tsara, madio, maontina, mendrika Ilay orinasa.
Tsy ilaina sexy, na ranomanitra midofaka be, na poudre sy lokomena be, manjary midika canapé.
Aza manao cravate, na palitao na talon raha mbola tsy zatra an'izany.
Raha asa mitaky an'izany kosa, dieny izao dia efa mizara, fa tsy rehefa anao entretien vao mivilana eo.
Tsy misy règle hoe zao no mety, ankoatran'ny hoe matokia tena, izy no mila anao, ianao manome.
Fampakarana moral :
Rehefa mahazo réponse négative, na non foana ianao, dia teneno hoe, betsaka izay non efa lasa izay, ka oui sisa no tsy maintsy ho avy manaraka eo.
Fantatro fa tsy mora ny mitady asa. Aza kivy.
Samia tsara
©️Patrick Raharimanana
