Gazety Taitra Maraina

13/05/2025

Mila ampatsiahivina ny taranaka...

Les SECRETS de l’histoire précoloniale de Madagascar (Ce qu’on ne vous a jamais dit !) | Documentaire captivant,The Untold Secrets of Precolonial Madagascar ...

03/04/2025

Tsy nahomby ny dian'ny delegasiona malagasy mafonja tany Etats-Unis, mba hitazomana ny Agoa amin'ny tsy andoavàna haban-tseranana ireo entana avy aty Madagasikara.

Araka ity tabilao ity izany dia voatery handoa haba-tseranana 47% amin'izay entana ahondrana ho any Etats-Unis ireo mpandraharaha miasa amin'izany.

Raha jerena ny tabilao dia Madagasikara manisy haban-tseranana 93% amin'ireo entana vita avy any Etats-Unis, ka ampidirina eto Madagasikara : ny atsasak'io 93% io izany no voatery aloa amin'ireo entana vita malagasy miditra any Etats-Unis.

31/03/2025

PASIPAORO AMIDY :

Ny Repoblikan’i Nauru dia isan’ny Atoll amin’ireo Nosy kely any Océanie, ao amin’ny Oseana Pasifika Andrefana, ambonin’i Equateur.

Nohon’ny fiakaran’ny rano ao amin’ity Nosy ity sy ny tsy fahampian’ny vola eo ampelatanany, dia mivarotra ny zompirenena Nauru ny fitondrana any mba entina hamindràna ny mponina.
105000 dolara ny vidin’ny zompirenena ahazoana pasipaoro Nauru ahazoana mivezivezy tsisy visa na fahazoan-dalàna miditra amin’ny firenena 90 eoeo, isan’izany : Royaume Uni, Irlande, Emirats Arabes Unis.
13000 no isan’ny mponina teratany ao amin’ity Nosy ity, ary ahiana ho tsy ho maro anisa intsony raha maro no hividy ity pasipaoro antsoina hoe pasipaoro volamena ity.

Noho ny fiovàn’ny toetrandro manerantany, hoy ny mpiasan’ny firenena mikambana, manam-pahaizana mandinika sy mikaroka momba io fiovan’ny toetrandro io dia ahiana, tsy azo hipetrahana intsony any amin’ny taona 2100 any, ny firenena Repoblikana efatra ankoatran’i Nauru amin’ireto Atoll ireto : Maldives, Tuvalu, Nosy Marshall ary Kiribati.

« Tsy resaka ampifanarahana ny fiovàn’ny toetrandro ihany no hanaovana hetsika fivarotàna zompirenena izao, fa indrindra mba ho antoka ny tsy ho faty taringana ny tena teratany, mba ahazoan’ny taranaka faramandimby aharitra sy fiainana mandroso », hoy David Adeang, ny prezidan’ny Nauru.

21 Km2 ny velaran’ny Nosy Nauru. Mila afindra amin’ny toerana avo, mbola tsisy mipetraka ny 90 % ny mponina, toerana avo, mila fanamboarana sy fandrindràna ny tany (aménagements du territoire). Lavitr’ezaka ny tetikasa fa mila vola 60 millions de dollars ny dingana voalohany.

NANAIKY HANDRAY MPITSOAM-PONENANA AUSTRALIENS MARO NAURU HO TAKALON'NY VOLA TAPITRISA DOLARA MARO AVY AMIN'NY GOVERNEMANTA AUSTRALIEN.

Efa maro ny firenena mahaleotena any amin’ny faritra Pasifika iny no efa nivarotra « pasipaoro volamena » tahaka izao, ohatra : Vanuatu, Nosy Samoa, na koa ny Fanjakan’ny mpanjaka any Tonga.

Misy olana lehibe ity fomba fivarotana zompirenena faobe ity satria varavarana hidiran’ny olon-dratsy any amin’ny tany niaviany, manararaotra zompirenena vaovao handosirana ny fitsaràna sy ny sazy azon'izireo ; na koa fomba entina hamotsiam-bola maloto.

Efa nisy andrana fivarotana zompirenena nataon’i Nauru tany aloha tany ary ratsy fiafara ka najanona : tamin’ny 2003 mantsy nisy mpikambana tao aminńy Al-Qaïda novarotana zompirenena Nauru, ary voasambotra tany Asia, hoy ny Televiziona Aostraliana ABC. Amin’ity indray mitoraka ity kosa hoy ny governemanta Nauru dia tsy hivarotana zompirenena afa-tsy ny mpampiasa vola efa voafantina sy voahadihady ny momba azy.

NAURU, NOSY POTIKA TANTERAKA

Simban’ny sivilizasiona kapitalista, kanefa firenena nanan-karena indrindra manerantany tany aloha tany.

Nosy kely indrindra manerantany Nauru. Firenena isan’ny nanan-karena indrindra ihany koa manerantany tany amin’ny taona 1970-1980, noho ny fitrandrahana mafy ny phosphate, nilaina tamin’ny famokarana zezika : nahatonga ity firenena ity ho firenena nanan-karena indrindra ny isam-batan’olona tamin’izany fotoana izany. Amin’izao fotoana izao anefa dia loza ekolozika tsy hita pesipesenina izy ankehitriny, ary lasa firenena famotsiam-bola maloto, izay miteraka tsy famarian-toerana politika noho ireo mpamotsy vola maloto samy manana olona anaty fitondràna hiaro ny tombotsoan’izireo.

Ny tahan’ny olona voan’ny diabeta ao Nauru dia isan’ny avo indrindra manerantany, ny fanantenàna androm-piainana ela (espérance de vie) dia mitotongana izay tsy izy ihany koa : taratry ny fahantrana lalina izany zavamisy izany.

Mampiseho amin’ity zavamisy an’ny Nosy Nauru ity ny fitenenana fa ny nofy tsara ny fampandrosoana dia mety hivadika ho nofy ratsy ao anaty taona vitsy monja.

MISY HITOVIZAN’NY ZAVAMISY KASAINA ATAO ETO MADAGASIKARA ANKEHITRINY ITY MAHAZO AN’NY NOSY NAURU ITY.

24/03/2025

TAFIOTRA MASOANDRO NA « TEMPÊTE SOLAIRE » OMALY 23 MARTSA 2025.
Haingam-pandeha no mahery vaika satria mahatratra 800km isan-tsegondra ny fandehany nanomboka ny 21 martsa, ary nananika ny tany izany omaly 23 martsa .
Ny herin’ny tafiotra masoandro dia voafaritra ho KP0 hatramin’ny KP9, ary ity tafiotra ity dia tafakatra KP7 ; ka manome fampilazàna loza manambana ny Amerikana ny 20 martsa lasa teo.

Mahaliana fatratra ireo mpikaroka sy mpijery ny zavamisy any anabakabaka tsy takamaso any ny tafiotra masoandro, satria raha tratrany ny tany, izay aty amin’ny 150 tapitrisa km ny elanelany amin’masoandro, dia hanelingelina ny sahan’ny andriamby (champ magnétique) eto an-tany izany, ka mety ampisy hazavàna Avaratra (Aurores boréales) tsy ampoizina ho hita any amin’ny toerana tsy mahazatra hitrangàny izany.

Mety hanelingelina ny rafitra fifandraisan-davitra sy ny rafitra rehetra misy herinaratra, mety hampaneno tsy nahy ny fanairana (alarmes), ary mety koa aza hampisy fiatraikàny amin’ny fitondran-tenan’olombelona (comportement humain).
Misy fepetra 2 anefa izany vao hiseho :
1. ny toerana hiangàn’ilay tafiotra miala eo amin’ny masoandro dia tsy maintsy hanana taridalana (direction) mifanandrify amin’ny planeta tany ;
2. mila matanjaka mafy ny herin’ilay tafiotra masoandro mba ho tsapa ety an-tany ny vokany.

Raha ny herin’ilay tafiotra teo (KP7 sy 800km/sec.) sy ny toerana hisehoany miala masoandro no jerena dia feno ireo fepetra ireo.
Raha ny filazan’ny Agence américaine d’observation océanique et atmosphérique (NOAA) dia hisy tafiotra géomagnetique hamely ny tany ny Alahady 23 martsa 2025.

IZANY ANGAMBA NO MAHATONGA IZAO ORANA LAVARENY TATOATO IZAY ?
MIFANANDRIFY AMIN'NY EQUINOXE IHANY KOA NY FITRANGAN'ILAY TAFIOTRA MASOANDRO NY 21 MARTSA : Ny Equinox dia vanim-potoanan'ny taona iampitan'ny Masoandro ny habakabaka ekoatorialy eto an-tany, ka manova ny hemisphere celeste ; miseho in-2 isantaona izy io

Elles seraient de puissance KP7, selon l’indice de mesure allant de 0 à 9.

24/03/2025

Manomboka misy fahavakisana lehibe ny tany any Etiopia, fahavakisana vokatry ny fisarahan’ny plaques tectoniques roa dia ny : afrikana sy ny arabo.
Hery anatin’ny planeta no mitarika io tranga ara-jeolojika voajanahary io, izay manova miandalana ny endriky ny tontolo iainana ary manambara sahady ny hisian’ny ranomasimbe vaovao hiforona ao anatin’ny kontinanta afrikana.

Ny fikarohana sy fanadihadian’ireo manampahaizana maro dia milaza fa miandalana ao anatin’ny 5 sy 10 tapitrisa taona no hisehoan’io ranomasimbe vaovao io : vanim-potoana hitohizàn’ny fivelaran’ilay fahavakisana, ary ahatonga ny ranomasimbe amin’iny faritra iny ankehitriny, hiditra sy hameno ilay lavaka lehibe niforona, hitondra safodrano amin’ireo tanàna manodidina ilay fahavakisana, ary hanasaraka an’i Afrika ho lasa kontinanta 2 samihafa, miavaka tsara.

18/03/2025

🇲🇬FILOHAM-PIRENENA ILAIN'NY VAHOAKA

❌️Simba ny fiaraha-monina Malagasy. Mirongatra ny tsy fahandriampahalemana manerana ny Nosy. Lalina ny antsana mampisaraka ny mpitondra sy ny vahoaka eo amin'ny ara-toekarena.

Tsy mora ary ilàna fahasahiana ny hanarina an'i Madagasikara amin'izao toerana misy azy izao.

🔴Mila Filoham-pirenena manam-pahaizana ny Malagasy, hoy ny filohan'ny antoko FIVOI. "Lasa manao hitsin-dalana foana raha vao tsy manana fahaizana amam-pahalalana amin'ny fitondràna firenena".

🔴Mila Filoha akaiky vahoaka sy mitakosina amin'ny vahoaka ary mahafantatra ny zava-misy rehetra eto Madagasikara. Olona miara-miainga amin'ny vahoaka fa tsy manao tazan-davitra sy baiko fotsiny ka hafa no tondroin'ny molotra dia hafa no halehan'ny tongotra.

🔴Mila Filoha tena afaka hamaha io olana ara-tsosialy io. Ny fampianarana, ny fandrindrana ny ara-pahasalamana,

🔴Mila Filoha mahay mifehy sy mitantana ny Nosin-drazantsika. Olona mahay mitsinjo sy manome lanja ny famokarana sy fambolena eto an-toerana mba hampandrosoana.
Tsy olona variana amin'ny rendrarendra sy seho ivelany.

▶️Fehiny, mila Filoham-pirenena tena tia vahoaka sy ny Tanindrazana i Madagasikara fa tsy am-bava sy sarintsary fotsiny, hoy izy.

Ka iza ary izay olona izay?🇲🇬

17/03/2025

Fahafatesan'ny zanaky ny Ben’ny tanàna
⚠️TSY HANAIKY MORAMORA NY ANTOKO AVI

Lonilony pôlitika no namonoana ny zanaky ny Ben’ny tanàna tao amin'ny Kaominina Tsirandragne Distrikan'i Bekily raha ny nambaran'i ANDRIAMIARIVOLAMENA ZAVAMANITRA Filoha mpiara-mitantana ny antoko AVI androany maraina.

Araka ny vaovao mari-pototra dia disadisa ara-pôlitika teo amin'ny Ben'ny tanàna vao lany avy amin'ny antoko AVI sy ny mpifaninana resy tamin'ny fifidianana no anton'ny fanafihana ny sabotsy teo. Izy ireo izay 2 monja no nifaninana nandritra ny fifidianana.

Efa nahazo fandrahonana sy fanakorontanana foana io Ben'ny tanàna io hatramin'ny nahalany azy, hoy ny fanazavana, ka izao niafara tamin’ny famonoana ny zanany izao.

Nohizingizininy fa tena asan-jiolahy sy fanafihana no niseho fa tsy fitsaram-bahoaka. Hentitra izy nampitandrina ny tsy tokony hanovàna ny resaka sy hanodikondinana saim-bahoaka.

Nametraka fitoriana avy hatrany ny antoko AVI ary nilaza fa tsy hanaiky moramora ny zava-niseho, satria ny antoko manontolo sy ny mpikambana no voakitika araka ny fanazavana.

17/03/2025

❌️"Nikorosy fahana ny tany sy ny firenena tao anatin'ny 16 taona", hoy ny Depiote Rajerison Antoine

▶️Efa niainga tany amin'ny fampianarana maimaimpoana isika ho an'ny Sekoly Fanabeazana fototra, kanefa vola be no lanin'ny ray aman-dreny ankehitriny vao afaka mampiana-janaka.

⏩️Efa niainga tany amin'ny fahavitan'ny lalam-pirenena isika, saingy ankehitriny potika avokoa ny lalam-pirenena.

⏩️Efa nisy ny tsirim-panantenana satria nisy fahavelomana ny tontolo ambanivohitra tamin'izany noho ny fahavitan'ireo "route secondaire", no sady nalalaka ny lalam-barotra

⏩️Efa nisy ny falalahana miteny nandritra ireny hetsi-bahoaka teny amin'ny 13 Mei ireny, saingy ankehitriny na mivory anaty efitrano aza ankehitriny dia misy mikasa hitsikilo.

❌️"Mirodana tanteraka ny demôkrasia sy ny falalahana miteny amin'izao fotoana"

Mampalahelo fa miraviravy tanana sy manaiky lembenana ny vahoaka Malagasy amin'ny zava-misy rehetra, raha tsy hiteny afa-tsy ireny fifidianana maloto ireny, ka zary lasa manamafy ny toeran'ny mpitondra.

Mila fahasahiana sy foto-kevitra ary fahatongavan-tsaina hiatrehana izany rehetra izany, hoy izy.

17/03/2025

17 Mars 2009

⚠️"Mahantra fadiranovana ny vahoaka Malagasy 16 taona aty aoriana"

🔴Tsy nitondra ny firenena nankaiza ny fakàna ny fahefana tamin'izany, hoy Guy Rivo Randrianarsoa. Mahantra fadiranovana ny vahoaka Malagasy ankehitriny.

🔴Milaza ihany koa ny mpanohitra mila manova fomba fijery sy fiteny.

Matoa tsy nahomby ny fanoherana dia tsy nety ny fanao ka mila manova paikady, hoy izy.

⭕️"Mahasorena ny sasany mantsy rehefa lazaina ny marina" hoy izy namarana.

14/03/2025

🔴Voarain'ny fanjakana Malagasy ireo volamena 49,5kg

Nigadona tao amin'ny seranam-piaramanidina Prince Said Ibrahim ao Kômôro ny delegasiona Malagasy androany tamin'ny 8ora maraina. Naka ireo bolongam-bolemana miisa 28, izay mitentina 1 800 000 dolara, izay naondrana antsokosoko ny taona 2021 izy ireo.

Fiaraha-miasa eo amin'ny firenena roa tonta no nahafahana namerina ireo volamena ireo araka ny fampitam-baovao.

Marihina fa efa niverina nisokatra ny fifamoivoizana an-dranomasina eo amin'i Kômôro sy Madagasikara ny 06 Martsa teo, raha toa ka najanona izany ny 16 oktobra 2024. Efa noraisina ny fanapa-kevitra hanokatra izany ny 18 desambra tamin'ny alalan'ny filankevitry ny minisitra.

14/03/2025

⭕️FAMPITSAHARANA NY TRANO FISAKAFOANA NY COCO BEACH MAHAJANGA

⚠️"Fepetra tsy maintsy noraisina fa tsy misy fanamparam-pahefana"

Niroso tamin'ny fampitsaharana ny fikarakarana sakafo ho an'ireo mpanjifan'ny Hôtel Coco Beach Mahajanga ny fitondram-panjakana, taorian'ny tranga niseho ny 08 Martsa teo.

Efa naneho taratasy fialan-tsiny tamin’ny vahiny rehetra ity trano fandraisam-bahiny lehibe ity ary niaiky ny fahadisoany, araka ny fanazavan'ny Loholon'i Madagasikara Lalatiana Rakotondrazafy. Na izany aza anefa, hoy izy, dia tsy maintsy nandraisana fepetra noho ny fahasalamam-bahoaka. "Tsy misy resaka fanamparam-pahefana mihitsy ny fepetra noraisina" hoy ny fanazavana.

Mpiasa maro amin'ity hotely lehibe ity hatreto no mijanona amin'ny asany raha ny loharano-baovaovao avy any an-toerana.

📷sary indrana