Gazety Taitra Maraina

27/03/2026

RAHARAHA MAMINIAINA RAVATOMANGA ATSY NOSY MAORISY.

Niakatra fitsaràna indray androany 27 martsa ing. Ravatomanga, nangataka fahafahana vonjimaika.
Nolavin'ny tribonaly maorisiana indray anefa io fangatahana nataon'ny mpisolovava azy io.
Olona telo no niaraka notsaraina taminy androany momba ity raharaha ity, ary nahazo fahafahana vonjimaika daholo izy telo ireo. Noho Atoa Ravatomanga heverina ho loha niketrika ny raharaha maha-voapanga azy no voalaza fa antony nandàvana ny fangatahany fahafahana vonjimaika izao.

25/03/2026

Fonds souverains de Madagascar : nahorina tamin'ny fitondrana Rajoelina/Ntsay. Hanaovana fanadihadiana lalina ankehitriny noho ireo petrabolam-panjakana nolazaina narotsaka tao, kanefa tsy hita mazava ny nanaovana azy...

20/03/2026

Taorianan'ny tatitry ny Cour des Comptes izay nanambara ny fomba nitantanam-bola nataon'ny fitondrana Rajoelina, hita misy banga sy tsy mari-pototra ary hosoka maro, dia namoaka toro-dalana momba ny hampiharàna ny lalàna amin´ireo tompon'andraikitra isan'ambaratongany, voakasik'ilay tatitry ny Cour des Comptes io. ny Filohan'ny Fanavaozana ny Repoblikan'i Madagasikara.

15/03/2026

Mamitiana RAJAONARISON, Tale Jeneralin'ny SAMIFIN no notendren'ny Filohan'ny Fanavaozana ny Repoblikan'i Madagasikara ho Praiminisitra vaovao, isan'ny natolotry ny Antenimieram-pirenena araky ny Lalampanorenana, andininy 54.

09/03/2026

Hisy ny fanovàna gouvernemanta : hanendry Praiminisitra vaovao sa hamerina ny teo io ihany ? Ny azo antoka aloha dia hisy minisitra hiova na afindra ministera.
Ilaina ve ny fanovàna gouvernemanta anaty fitondrana 2 taona dia hiova ihany koa ?
Araka ny fantatra sy nisy hatrizay mantsy dia izay voatendry Praiminisitra na ireo minisitra vaovao dia hitondra ekipa vaovao hiara hiasa aminy ; hanavao fomba fiasa izay mitarika ny fitantanan-draharaha hihisatra nohon'ny fametrahana ilay ekipa vaovao isan'ambaratongany eny amin'ny ministera isan-tsokajiny.
Ny irariana dia ny mba hahasoany ny fanatsaràna ny fiainam-bahoaka izay handimby eo

06/03/2026

Niakatra fampanoavana tao aminńy PAC omaly Alakamisy 05 martsa 2026 ny raharaha RAVATOMANGA Maminiaina sy ireo mpiara-miombon'antoka taminy, momba ny KRAOMITA MALAGASY sy DANA MINERALS

26/02/2026

Lozam-piarandalamby AD 1802 teo amin'ny kilometratra 77, Mandraka.

Maro ny naratra, nisy ny maty. Andrasana ny vaovao avy amin'ny tompon'andraikim-panjakana mikasika ity loza mahatsiravina ity.

24/02/2026

Nahiditra amponja vonjimaika ny governoran'ny faritra Vakinankaratra tamin'ny fitondrana Rajoelina.
Tsiahivina fa nosamborina tany Antsirabe izy andro vitsivitsy lasa izay ary nentina teto Antananarivo atao fanadihadiana. Taorinan'izany dia nentina teny amin'ny Fitsarana ka izao nahiditra amponja vonjimaika izao. Fikotrehana fanakorontanana eto amin'ny Firenena no vesatra iapangàna azy.

05/02/2026

Mba ho fanafoanana ny ampihimamba ny harem-pirenena malagasy ahondrana any ivelany tsisy tamberim-bola hoan'ny Firenena dia, hanao fiaraha-miasa amin'ny firenena any ivelany Madagasikara, hijery ny fomba hamerenana an-Tanindrazana ireo vola mivoaka antsokosoko na tsy miverina aorianan'ny fanondranana ara-barotra ny vokatra.

Isan'ny firenena hifampiraharahana amin'izany ny nosy Maorisy, ka izay no dian'ny minisitry ny Fitsarana malagasy any aminízao fotoana izao : hidinika ny atao hoe "capture dÉtat", mba tsy hisian'ny tsy maty matota intsony amin'ny resaka fandraharahana sadasada izay hita hatramin'izao.

(Tsidrio ny sary)

L’opération Sov Lapo en marge de l’enquête de la Financial Crimes Commission dans le Criminal Attachment Order de Rs 7,3 milliards contre le suspect Maminiaina (Mamy) Ravatomanga, abordera dans ...

30/01/2026

Voavahan'ny ministeran'ny angovo sy ankoran'afo ankehitriny ny fandoavana tanteraka ny trosan'ny JIRAMA tamin'ireo orinasa mpamatsy solika.
Tsiahivina fa efa amampolo taona maro ireo trosan'ny orinasa mpamatsy solika ny JIRAMA no niavosa ary tsy voavahan'ny mpitondra mifandimby teto amin'ny firenena. Azo lazaina izany fa ity fitondrana ankehitriny ity no nanao ny ezaka hanafoanana io trosa io.

30/12/2025

Nolavin'ny fitsaràna maorisianina ny fangatahan'Atoa Maminiaina Ravatomanga famotsorana vonjimaika arahin'antoka. Mijanona amponja izy izany mandra-pahatongan'ny fitsaràna azy rehefa vita tanteraka ny fanadihadiana momba azy.

23/12/2025

Nolavin'ny Tribonaly ao Maorisy ny fangatahana liberté sous caution anÁtoa Maminiaina Ravatomanga.
Ny antony dia noho izy atahorana hitsaoka hiala an'i Maorisy sy atahorana ny hifaneraseràny amin'ireo voapanga miaraka aminy sy ireo vavolombelona mikasika ny raharaha maha-voapabga azy.

Mbola hitohy rahampitso ny fanadihadiana azy, izay atao amin'ny alalan'ny fahita lavitra.