TVM

TVM Pejy ofisialin'ny TVM, Televiziona Malagasy, fahitalavim-pirenena malagasy / Page de la TVM, Télévision nationale malagasy

02/10/2025

VAOVAO AN-TSARY 19H30 - 02 OCTOBRE 2025

02/10/2025

🟥🟥 FLASH INFO 🟥🟥

NY VIDY ARA-TOERAKARENAN’IZAY 7 ANDRO IZAY

Herinandro izay no nanombohan’ny fihetsiketsehana nataon’ny tanora Gen Z. Ankoatra ny tombana sy ny antontanisa efa nivoaka dia nanontany mpahay toekarena izahay hanao ny tombana sy hamaritra ny vidin’izay herinandro izay raha ara-toekarena. Araka ny nambaran’ity mpahay toekarena nanontaniana ity (izay nangataka ny tsy ho tononina) dia zavatra efa niainan’ny firenena tsy indray mandeha tsy indroa fa in-dimy na in’enina ny zava-mitranga ka mora ny mamaritra ny tombana.

Raha izay 7 andro izay fotsiny no jerena dia :

- Manodidina ny 300 hatramin’ny 500 ny olona efa very asa mivantana ary maharitra. Eo ihany koa ireo very asa vonjimaika izay aman’arivony.
- Mihoatra ny 20 miliara ariary ny tomban’ny zavatra efa simba ho an’ny sehatra tsy miankina.
- Hiakatra 20 hatramin’ny 50% ato anatin'ny andro vitsy ny PPN ary raha misy ny filaminana dia mbola mila 6 volana vao mari-toerana izany vidy izany.
- Hisy araka izany ny fiakaran'ny vidim-piainana ato anatin’ny fotoana fohy ho avy.
- An-jatony ny orinasa madinika hikatona ato anatin’ny 3 volana ho avy.
- Noho ny fakan’ny olona ny lelavola maro be any amin’ny banky dia hidina ambany dia ambany ny sandan’ny Ariary ary hisy fiantraikany maro tahaka ny fiakaran’ny vidin’entana hafarana.
- Amina miliara maro ny fihidinan’ny vola miodina very amin’ny mpamokatra amin’ny sehatra isan-karazany.
- Tapaka ny rojo famatsiana.

Ireo aloha no isan'ny azo tanisaina hoy izy fa mbola maro ny fiantraikany ara-toekarena izay mitarika fiantraikany ara-tsosialy azo ambara.

🟥🟥 FLASH INFO 🟥🟥𝗔𝗚𝗢𝗔 (𝗔𝗳𝗿𝗶𝗰𝗮𝗻 𝗚𝗿𝗼𝘄𝘁𝗵 𝗮𝗻𝘁 𝗢𝗽𝗽𝗼𝗿𝘁𝘂𝗻𝗶𝘁𝘆 𝗔𝗰𝘁) Na teo aza ny fanohanan'ny Mpanatanteraka sy ny Mpanao lalàna...
02/10/2025

🟥🟥 FLASH INFO 🟥🟥

𝗔𝗚𝗢𝗔 (𝗔𝗳𝗿𝗶𝗰𝗮𝗻 𝗚𝗿𝗼𝘄𝘁𝗵 𝗮𝗻𝘁 𝗢𝗽𝗽𝗼𝗿𝘁𝘂𝗻𝗶𝘁𝘆 𝗔𝗰𝘁)

Na teo aza ny fanohanan'ny Mpanatanteraka sy ny Mpanao lalàna amerikana hanohizana ny fisitrahantsika ny AGOA dia mbola tsy nisy ny fehin-kevitra noraisina momba izany, talohan’ny 30 Septambra 2025 izay voalaza fa hitsaharan’ny AGOA. Izany dia noho ny fitsaharan'ny ampahany amin'ny asan'ny Governemanta federaly amerikana vokatry ny tsy fifanarahana ara-bola tao amin'ny Kongresy.

Iharan’ny hetra ara-dalàna araka ny Fehezan-dalàna momba ny fandintseranana amerikana avokoa ny entana avy amin’ireo firenena misitraka ny AGOA nanomboka ny 1 Oktobra 2025.

Tohizana kosa anefa ny fomba fanao anatiny mifandraika amin'ny fanondranana entana, ataon'ireo sampandraharaha eto an-toerana, ho fanomanana ny mety hisian'ny fanohizana ny AGOA sy ny fisitrahana izany manomboka amin'ireo fanondranana natao teo am-piandrasana ny fehin-kevitra, vantany vao voavaha ny olana ara-tetibola.

Mila mivonona hatrany ireo mpandray anjara avy amin’ny Rafi-panjakana mahefa sy ny Sehatra tsy miankina ny amin’ny fanohizana ny fifampidinihana

🟥🟥FLASH INFO🟥🟥𝐄𝐌𝐌𝐎𝐍𝐀𝐓 : 𝗠𝗔𝗡𝗚𝗔𝗧𝗔𝗞𝗔 𝗜𝗥𝗘𝗢 𝗠𝗣𝗔𝗡𝗔𝗢 𝗙𝗜𝗛𝗘𝗧𝗦𝗜𝗞𝗘𝗧𝗦𝗘𝗛𝗔𝗡𝗔 𝗛𝗔𝗡𝗔𝗥𝗔𝗞𝗔 𝗡𝗬 𝗧𝗢𝗥𝗢𝗠𝗔𝗥𝗜𝗞'𝗜𝗥𝗘𝗢 𝗠𝗔𝗡𝗔𝗠-𝗣𝗔𝗛𝗘𝗙𝗔𝗡𝗔.Namoaka fanamba...
01/10/2025

🟥🟥FLASH INFO🟥🟥

𝐄𝐌𝐌𝐎𝐍𝐀𝐓 : 𝗠𝗔𝗡𝗚𝗔𝗧𝗔𝗞𝗔 𝗜𝗥𝗘𝗢 𝗠𝗣𝗔𝗡𝗔𝗢 𝗙𝗜𝗛𝗘𝗧𝗦𝗜𝗞𝗘𝗧𝗦𝗘𝗛𝗔𝗡𝗔 𝗛𝗔𝗡𝗔𝗥𝗔𝗞𝗔 𝗡𝗬 𝗧𝗢𝗥𝗢𝗠𝗔𝗥𝗜𝗞'𝗜𝗥𝗘𝗢 𝗠𝗔𝗡𝗔𝗠-𝗣𝗔𝗛𝗘𝗙𝗔𝗡𝗔.

Namoaka fanambarana izao hariva izao ny EMMONAT, izay nilaza fa manao ny ezaka hamerenana ny filaminana izy ireo amin'izao fotoana izao.

Manentana ireo mpanao fihetsiketsehana hanaraka ny toromarika omen'ireo manam-pahefana mahefa mba hitsinjovana ny tombotsoan'ny be sy ny maro.

Miantso ireo mpanao gazety ny EMMONAT, amin'ny alalan'ny Holafitry ny mpanao gazety malagasy, hiara-hidinika hahafahana manamora ny asan'ny roa tonta eny an-kianja ka hisitrahan'ny olom-pirenena ny vaovao izay miseho.

01/10/2025

VAOVAO AN-TSARY 19H30 - 01 OCTOBRE 2025

Hivantana amin'ny TVM ireo lalao roa ataon'ny Barea Madagasikara amin'ny fifanintsanana Mondial 2026, ireto no lalao far...
01/10/2025

Hivantana amin'ny TVM ireo lalao roa ataon'ny Barea Madagasikara amin'ny fifanintsanana Mondial 2026, ireto no lalao farany ataon'i Madagasikara amin'ny Groupe misy azy (Andro faha-9 sy andro faha-10 farany).

Hiaraka hanohana ny ekipam-pirenentsika isika.
Barea mampiray !!
Alefa Barea !!

🟥🟥 FLASH INFO 🟥🟥BAREA MADAGASIKARA: MPILALAO 24 NO NATSOIN'NY MPANAZATRAFenohasina, anisan'ireo mpilalao namiratra nandr...
01/10/2025

🟥🟥 FLASH INFO 🟥🟥

BAREA MADAGASIKARA: MPILALAO 24 NO NATSOIN'NY MPANAZATRA

Fenohasina, anisan'ireo mpilalao namiratra nandritra ny Chan natao ny volana Aogositra farany teo, vao nifindra milalao any amin'ny klioban'i Al Merreikh any Soudan no hany mpilalao vaovao voaantso handrafitra ny Barea an'i Madagasikara, hiatrika ny andro faha-9 sy faha-10 amin'ny fifanintsanana andehanana any amin'ny fiadiana ny tompondaka eran-tany 2026.

Tafaverina ao anatin'ity lisitra navoakan'ny mpanazatra Corentin Martins ity kosa i Ryan Ponti, toy izany ihany koa i Njiva izay tsy afaka niatrika ny fampivondronana farany teo ary nosoloina an'i Tommy Iva, ity farany izay mbola voatazona ao anatin'ity lisitra ity ka nahatonga ireo mpilalao voahantso ho 24.

3 mirahalahy no mpiandry tsatoby izay tsy tsy nisy niova fa ahitana an'i Toldo sy Nina ary Geordan Dupuire.

8 kosa ny vodilaharana, ka ny 6 dia mpila ravinahitra avy any ivelany avokoa raha 2 no mpilalao avy eto an-toerana.

6 ny irakiraka izay tarihin'ny kapitenin'ny ekipam-pirenena Rayan Raveloson.

7 kosa ny lohalaharana.

Mpilalao 4 amin'ireo 24 voahantso no milalao amin'ny fifaninanam-pirenena eto an-toerana na ilay antsoina hoe locaux, 20 kosa no milalao any ivelany.

Raha tsiahivina, mbola ao anatin'ny hazakazaka tanteraka ahazoana izay tapakila andehanana any amin'ny fiadiana ny tompondaka eran-tany 2026 izay ny Barea an'i Madagasikara.

Mila mikatsaka fandresena hatrany isika amin'ireo lalao 2 farany hatrehana dia ny fihaonana amin'i Comores izay ho atao ny faha-8 oktobra 2025 izao any amin'ny kianjan'i Felix Houphouet-Boigny any Cote d'Ivoire sy ny fifandomana amin'i Mali eo amin'ny andro faha-10 ny 12 octobre ao amin'ny kianjan'ny 26 Mars any Mali ihany.

Miankina betsaka amin'ny voka-dalao amin'ny lalao atrehan'i Ghana ihany koa anefa izany rehetra izany.

01/10/2025

VAOVAO AN-TSARY 13H - 01 OKTOBRA 2025

🟥​🟥​FLASH INFO🟥​🟥​Anio Alarobia 1 Oktobra 2025 amin'ny 11 ora maraina no hivoaka ny lisitr'ireo mpilalao handrafitra ny ...
01/10/2025

🟥​🟥​FLASH INFO🟥​🟥​

Anio Alarobia 1 Oktobra 2025 amin'ny 11 ora maraina no hivoaka ny lisitr'ireo mpilalao handrafitra ny Barea amin'ny lalao fifanintsanana tompon-daka eran-tanin'ny baolina kitra "Fifa World Cup" izay nosafidian'ny Coach Corentin Martins.

Ny Alarobia 8 Oktobra 2025 no hifanandrina amin'i Comores isika, ny Alahady 12 Oktobra 2025 kosa no hifanandrina amin'i Mali.

🟥🟥 FLASH INFO 🟥🟥Fanambaran'ny EMMONAT
01/10/2025

🟥🟥 FLASH INFO 🟥🟥

Fanambaran'ny EMMONAT

30/09/2025

🟥🟥 FLASH INFO 🟥🟥

Didim-panjakana manatsahatra amin'ny asany ny Praiminisitra Ntsay Christian sy ireo minisitra mpikambana ao amin'ny Governemanta

30/09/2025

VAOVAO AN-TSARY 19H30 - 30 SEPTEMBRE 2025

Address

Rue Gisèle Rabesahala Anosy
Antananarivo
101

Website

Alerts

Be the first to know and let us send you an email when TVM posts news and promotions. Your email address will not be used for any other purpose, and you can unsubscribe at any time.

Shortcuts

Share

Category