Direct News

15/03/2026

13/03/2026

https://www.facebook.com/100090981735416/posts/906448735731176/?app=fbl

❗Maniry ny hanohizan'Andriamatoa Gascar Fenosoa ny fitantanana ny 'ny sy ny ireo Mpikabary.

♦️Mbola maro ny asa andrasana amin'ny Minisitry ny Serasera sy ny Kolontsaina hoy ireo Mpikabary sy mpitarika fikambanana maro androany. Minisitra manome lanja ny Kolontsaina i ka maniry izy ireo ny hanohizany ny fitantanana ity Minisitera ity.

👉🏼 Andrasana aminy ny fanohizana ny fametrahana ny lanjan'ny mari-pahaizana momba ny kabary ho ara-panjakana.
👉🏼Ny firosoana tsikelikely amin'ny matihanina mba hisitrahana fisotroan-dronono.
👉🏼 Ho tena sehatra velon-tena ho an'ny mpikabary ny fiseharana amin'izany.

❗Nisaotra ny Minisitra Gascar Fenosoa moa izy ireo tamin'ny asa vitany sy ny fanohanana azo tsapain-tanana nasehony hatramin'izay.🙏🏼

18/07/2025

‼️Concert-Hommage : Andrarezina dimy hihira maimaimpoana androany‼️

▶️Mpanakanto dimy tsy lefy laza hatramin’izao amin’ny sehatra ny mozika sy ny hira no hiakan-tsehatra ao Antsonjombe ny zoma 18 jolay 2025 izao. Vision Madagascar (VIMA) dia miakarakara io fampisehona maimaim-poana io. Ahitana an’i Rossy, Jaojoby, Mily Clément, Samoela, DA Hopp. Eo ankilany dia RDJ’s Team no hiandraikitra ny fandrindrana sy fanafanana ny lanonana izay heverina fa hisintona olona 20000 eo ho eo.



✅Zavatra telo lehibe moa no atompisian’ity « Concert Hommage » ity. Voalohany dia ny fahatsiarovana ireo olona 36 namoy ny ainy vokatry ilay fiaramanidina DC-3 niaran-doza ny taona 1995, raha nanao asa soa nitondra fitsaboana hoan’olona miisa 6000 tany Maintirano Zouzar Bouka PDG an’i VIMA. Marihina fa izy dia isan’ireo olona 4 tsara vintana ka velon’aina soamantsara tamin’io fianjerana fiaramanidina io. Tena mbola malahelo izy mahatsiaro sy mitantara ny zava-nitranga izay sarotra hadinoina.



✅Io datin’ny 18 jolay io ihany koa dia fahatsiarovana ny tsingerin-taona faha 25 taona nitsanganan’ny VIMA, orinasa tena manana ny toerany eo amin’ny sehatra ara-ekonomika eto Madagasikara.



✅Ary farany, ny 18 jolay dia manamarika ilay hatao hoe »Mandela Day », daty hahatsiarovana manokana ihany koa ny andro nahaterahan’ny Nelson Mandela izay diso fantatra loatra amin’ny fandalana ny fitandroana ny fahandriam-pahalemana, ny fitakiana ny zo fototra maha olona.

17/07/2025

HIVERINA HANANIKA AN'I EVEREST RY BOUKA

22/05/2025

🛑 Fiakarana an'i Everest : Tapitra hatreo ny dian'ny fianakaviana Bouka

✅Tara loatra. Tsy afaka nanao andrana vaovao hiakarana ny tendron’i Everest intsony i Raj-Alexandre Bouka. Avy hatrany dia nanantona ny rainy sy ny rahalahiny tany Katmandou any Népal izy rehefa nidina avy any amin’ny camp 4 izay nisarahany tamin’ny Raïs Bouka ny talata lasa teo. Ity farany moa izay efa niala an-daharana ihany koa rehefa nisy mangana na « engelure » ny ratsa-tongony ka natahorana hiombo.

▶️Raha ny fantatra dia tsy nanana olana ara-pahasalamana i Raj-Alexendre . Ny tomponandraikitra voalohany na «chef d’expédition » amin’ity tetikasa « Ho any Everest » ity kosa no nandrara ny hanaovany andrana vaovao indray hanatrarana ny tendron’izao tontolo izao mba isorohana ny loza izay mety hitranga.

✅«Fantatro fa mafy ary mahavaky fo mihintsy ny fanajanonana ny zava-drehetra saingy tsy afaka hamela na iza na iza hiverina any intsony aho. Efa mafana loatra ny andro ary malemy sy tsy azo fehezina ny tendrombohitra sy ny Khumbu icefall. Tsy misangy amitsika ny tendrombohitra », hoy ny nambaran’ity sefon’ny mpitari-dia ity raha nanoratra tamin’i Zouzar Bouka izay efa niala an-daharana tany amin’ny camp 1 ihany koa moa rehefa tojo tsy fahasalamana.👊 «Ny andraikitra izay nankinina tamiko sy ny fanajako ny etika amin’ny fanatanterahana ny asako no mibaiko ahy handray io fepetra io », hoy hatrany ny nambarany. 😱

▶️Tsy mbola amin’ity taona 2025 ity aloha izany no hiofahofa eny antendron’izao tontolo izao ny saina Malagasy. Saingy hoan’ny fanakaviana Bouka izay nametraka io tanjona io dia santatra ambava-rano ihany iny fa ny manetsabe mbola ho avy.

🛑 « Mbola ho eo foana ny mont Everest ary nanokatra zavatra lehibe ao am-poanay sy eo amin’ny fanakavianay iny zavatra natao iny », hoy Zouzar Bouka izany nemetraka fa mbola tsy voakitika ny fanantenana sy ny fanirian’izy ireo ho any amin’ny tendron’izao tontolo izao.

▶️Omaly alarobia 21 may dia efa tafavory tao Katmandou i Zouzar, Raïs ary Raj Alexandre Bouka telo mianaka. Salama tsara izy telo mirahalahy izay nilaza fa haka aina aloha fa tena reraka tanteraka. Ho avy kosa ny fotoana izay hitantaran’izy ireo amin’ny antsipirihiny ny zava-nitranga tany ambony tendrombohitra tany. «Tena betsaka ny zava-niseho ary mendrika ho tantaraina », hoy Zouzar Bouka.🙏🙏

✅Marihina moa fa ny 16 aprily lasa teo no nanomboka ity tetikasa «De Madagascar à l’Everest » an’ny foanakaviana Bouka ity izay naharitra iray volana sy herinandro izany.📌

21/05/2025

🛑Fiakarana an’i Everest : Any amin’i Raj-Alexadre Bouka ny mason’ny Malagasy

✅Raha efa mamerina hery any amin’ny hopitaly any Katmandou, any Népal, i Zouzar sy Raïs Bouka dia mbola any an-tendrombohitra kosa i Raj-Alexandre Bouka. Raha ny vaovao farany dia any amin’ny camp 2 izy omaly ary miandry izay fanapahan-kevitra mahakasika ny fanohizana ny fiakarana ny Mont Everest.

▶️Salama tsara ary vonona hanatratra ny tanjona izay napetrak’izy telo mianaka hatrany am-boalohany ny lehilahy dia ny hanofahofa sy hametraka ny saina malagasy any amin’ity tendron’izao tontolo izao ity izay mahatratra 8848 metatra. Any amin’I Raj-Alexendre izany ny ankehitriny ny mason’ny Malagasy mahakasika izay mety ho tohin’ny raharaha.


💪Raha ny fampitam-baovao nalefan’ny ekipa manodidina azy ireo aloha dia mijery akaiky ny fivoaran’ny “Cascade de glace de Hhumbu” na “Khumbu ice fall” izy ireo akehitriny. Raha ny tombana mantsy dia tokony hiverina hidina hatrany amin’ny camp de base indray aloha I Raj-Alexandre hanomana ny dingana vaovao hiverenana any amin’ny tendron’i Everest.

📌 Hatreto anefa dia somary sarotsarotra ny raharaha nohon’ny toetr’adro any an-toerana ary araka ny anarany dia mihetsika ary toin’ny mikoriana mihintsy ny laglasy ka mampiova isan’andro ny endrik’ity “Khumbu icefall” ity. Andrasana noho izany ny vaovao farany avy any an-toerana.

20/05/2025

🛑 Fiankarana an'i Everest : Voatery niala an-daharana i Zouzar sy Raïs Bouka


✅Kivy fa tsy mbola manary toky. Io no tenin’i Zouzar Bouka manoloana ny fialany an-daharany amin’ny fiakarana ny tendrombohitr’i Everest. Tojo tsy fahasalamana mantsy ny tenany vao teo amin’ny Camp1 ka voatery nalefa notsaboina any Katmandou. Ary raha ny fanazavany dia tratran’ny « virus » tany amin’ny camp de base izy ka sempotra ary tsy afaka nanohy intsony.

▶️«Nanantena aho fa mba hivoatra hiatsara ho ahy hy zava-drehetra dia nandray ny fiaingana ihany tamin’ny dingana farany hianihina an’i Everest saingy nihasarotra ny fisefoako ka voaterny nalefa notsaboina aho », hoy ny fanazavany. 💪💪

✅Tojo tsy fahasalamana toy izany koa ny zanany lahy iray dia i Raïs Bouka. Ity farany kosa dia efa 150 metatra tsy ho tonga tany amin’ny fara-tampony, izany hoe tany amin'ny 8400-8600 metatra tany ambony tany no voatery niverin-dàlana nohon’ny tsy fahampian’ny oksizena. Raha ny fanazavany dia very fotoana be loatra izy ireo vokatry ny habetsahan’ny olona nianika tamin’io fotoana io kah tsy ampy nentina hatramin’ny farany ny oksizena ka voatery nanapa-kevitra hitodi-doha hiverina tany amin’ny camp 4 aloha.

🛑Tao anefa dia hita fa nisy mangana ny ratsatongotr’i Raïs Bouka vokatry ny hatsiaka sy ny tsy fahampiana oksizena ka nanapa-kevitra ireo mpitari-dia na « guide » fa alefa ho tsaboina any Katmandou ihany koa ny tenany.

✅«Raha mbola nijanona ora iray na roa fotsiny tany izahay dia inoako fa tsy maitsy notapahana ny ratsa-tongotro », hoy ny fanazavany rehefa tafahoana tamin’ny Zouzar Bouka tao amin’ny hopitaly izy.

▶️ «Olona telo no maty vokatry ny hatsiaka sy ny tsy fhampiana oksizena nandritra io alina niakaranay io », hoy hatrany ny fitantarany. ▶️

✅Tapitra hatreo aloha izany ny làlana hoamin’ity andrana voalohany niakarana ny tendrombohitra avo indrindra maneran-tany ity ho azy mianaka ireto. Tsy tapitra hatreo kosa ny tetikasa « Madagasikara hoany Everest » hoy Zouzar Bouka satria maro ireo traikefa noratovina nandritra izay fotoana izay. «Efa ato am-poanay ny Everest », hoy izy.

💪💪Mbola mitohy kosa ny làlana hoan’i Raj-Alexandre Bouka izao niverina ao amin’ny camp 2 ary mety hiverina hatrany amin’ny camp de base mihintsy aloha haka aina. Ho fantatra manaraka eo ihany ny fandaharam-potoanan’izy telo mianaka ireto.

19/05/2025

🛑Fiakarana an’i Everest
Efa any amin’ny manodidina ny camp 3 ry Bouka

✅Miha-manakaiky ny tanjona ny fianakaviana Bouka. Raha ny vaovao azo farany dia efa any amin’ny manodidina ny toerana filasiana faha 3 na « camp 3 » no misy azy ireo omaly alahady 18 may.

▶️Mizotra mananika ny Everest hatrany izy ireo ary raha ny tombana amin’ny fihetsika hita amin’ny sary dia salama tsara ary vonona i Zouzar, Raïs ary Raj-Alexandra hanatratra ny tanjona any amin’ny 8848 metatra.

✅Raha ny fantatra dia dingana farany mialohan’ny tena sedra ity camp 3 ity satria avy eo dia hiazo ny camp farany dia ny camp 4 izy ireo mialohan’ny hanakarana ny mont Everest.

✅Tsy fantatra mazava hatreto ny fandahara-potoananan’izy ireo mahakasika ny ho tohin’ity dia « Ho any Everest » ity. Miankina amin’ny toe-batana sy toe-pahasalamana ary indrindra ny toetr’andro ny fe-potoana ahatongavan’izy ireo any amin’ny tendrony any. Ankoatra ny havizanana sy ny hatsiaka dia isan’ny sedra tsy maintsy ihoaran’izy ireo ny tsy fahampiana oksizena izay mitranga rehafa amin’ny avo toerana tahaka izao.💪💪

▶️Marihina fa tendrombohitra avo indrindra maneran-tany ity « Mont Everest » ity.

16/05/2025

🛑 FIANIHINA AN’I EVEREST:
ONJA MIABO MAROBE HOAN’I ZOUZAR SY RAÏS ARY RAJ ALEXANDRE

✅Hafatra sy horonan-tsary marobe nalaina tamin’ny tambazotra izay manohana sy mankahery ny fianakaviana Bouka no voarain’izy ireo hatramin’ny voalohan’ity herinandro ity.
▶️Isan’ireo lohalaharana nandefa izany hafatra izany i Rakotondrainibe Jean François na Aigle, tompon-daka maneran-tany amin’ny fahitsiana toraka amin’ny kanetibe na « tirs de précision » tamin’ny 2024.
👏Ny ekipa mpanao volley ball lehilahy sy vehivavy avy amin’ny zandarimariam-pirenena izany isan’ny sangany eto Madagasikara sy eto amin’ny Océan Indien.
✅Ny Club omnisport de la police nationale (Cospn), tompon-dakan’i Madagascar 2024
👊Ny FTM Rugby efa im-8 tompondakan’i Madagasikara sokajy lehilahy sy ny Sporting club ao Besarety efa in-6 tompondakan’i Madagasikara ihany koa.
▶️Mazava ho azy moa fa ny ekipani Vision Madagasikara izay orinasa noforonin’i Zouzar Bouka eto Madagasikara no isan’ny mpanohana voalohany ireo mahery fo izay miatrika ady any an-tendrombohitra any mba hanofahofa sy hametraka ny saina Malagasy any amin’ny tafon’izao tontolo izao.

👊Hatramin’ny talata lasa teo no efa roso ho amin’ny dingana farany amin’ity ezaka fiakarana an’i Everest ry Bouka telo mianaka.
⭐Raha tsy misy ny sampona dia any amin’ny camp 3 izy ireo amin’izao fotoana izao ary sambany kosa vao Hanouna hananika ny camp 4 rahampitso maraina.
💪Miankina betsaka amin’ny toe-trandro sy ny toe-batan’izy ireo ny firosoana sy ny mety haatraran’izy ireo amin’ireo dingana ireo.
✅Raha niainga tany amin’ny 5300 metatra mantsy ny toerana misy ny camp de base dia hatrany amin’ny 8848 metatra no misy ny tendron’i Everest. Izany hoe hatramin’ny 3600 metatra no elanelana haavo tsy maintsy hiakarana. ▶️Ny tsy fahampiana oxygène, hatsika farany ambany ary havizanana no tsy miantsy hianjady amin’izy reo mandritra ireo fotoana ireo.
🤞Raha ny hafatra azo farany tamin’izy telo mianaka moa dia hitafy fahasahiana sy herim-po tanteraka izy ireo hoan’i Madagasikara sy ny vahoaka malagasy.
❤️Voarainay avokoa hoy ny nambarany ny hafatra fankaherezana feno fitiavana sy onja miabo avy aminareo ary ho hery lehibe hanosika anay izany. Raha tsy misy moa izany ny fiovana sy ny sampona dia andrasana rahalina na rahampitso ny vaovao farany mahakasika io fihanihina farany io.

10/05/2025

🛑Isan’ireo velon’aina tamin’ny fianjerana fiaramanidina i Zouzar Bouka

✅Efa nitrangana fahagagana lehibe teo amin’ny fiainan’i Zouzar Bouka. Vao 25 taona monja izy dia isan’ireo olona efatra hany sisa velon’aina tamin’ny mpandeha ampolony tao anatin’ny fiaramanidina iray nianjera. Tena nandona ahy loatra io zava-nitranga tamin’ny fiainako io hoy izy ary nanomboka teo da tonga saina aho fa sarobidy loatra ny aina sy ny miaina. Nanomboka teo dia nankafiziny hatramin’ny segaondra iray amin’ny fiainany, indrindra ny fiarahany amin’ireo olona akaiky azy izay tena sarobidy aminy tokoa.

✅«Ity fikasana hananika ny tendron’i Everest ity dia tsy hoe rendrarendra fotsiny fa fomba iray anehoako sy ampianarako ireo zanako fa zava-tsarobidy ny aina ary mila manana nofy goavana iraisana », hoy Zouzar Bouka tao anaty oronan-tsary fohy izay nataony, ora vitsy mialohan’ny dian’izy ireo hananika ny tendron’i Everest.

08/05/2025

🛑 Efa manangasanga ny tendron’i Everest hoan’ireo Malagasy

✅Nahavita nananika hatrany amin’ny camp 2 ny dingana ataon'ireo ireo fianakaviana Malagasy mananika ny « Mont Everest ». I Raj Alexendre Bouka irery kosa no tojo hatrany amin'ny camp 3 nametraka ny entana sy n'y saina Malagasy raha nijanona Téo anelanelan'ny camp 2 sy 3 i Zouzar sy Raïs Bouka izy Mbola somary marefo ara-pahasalamana. Ny talata 6 mai teo izy ireo no tafaverina soamatsara tao amin’ny camp de base de l’Everest raha nanainga ny 29 aprily nanao fanazaran-tena hiazo ireo camp 3 amin’ireo 4 tsy maintsy lalovana mialohan’ny ahatongavana any antedron’ity tendrombohitra avo indrindra maneran-tany ity.

✅ Azo lazaina fa tratra noho izany ny tanzona hoan’i Zouzar, Raïs ary Raj Alexendre Bouka tamin’ny dingana izay nataon’izy ireo ity. Io no fanazaran-tena farany mialohan’ny dingana farany hanohizana hatrany antendron’i Everest izay kasain'izy ireo hatomboka ny 12 mai izao.