28/04/2024
▶️Nisy FAMPIANARANA 3 azoko notsoahina tamin'ny rainay tpkl RAKOTO DAVID Rochel ary mbola ezahana tazomina hatramizao:
1- Ampianaro ny olona hahay hifankatia sy hifanohana samy Malagasy ary mifalia raha misy miezaka manao zavatra tsara mba ho reharehan'ny firenena, mahaiza mifanohana amin'ny fotodrafitr'asa mampandroso ary aza mifampialona.
2- Mahaiza mizara talenta sy ny traikefanao amin'ny hafa fa aza alevina ny talenta.
3- Afaka miaraka tsara ny mozika sy ny fianarana ary manampy amin'ny fivelaran'ny saina ny fianarana mozika.
▶️Izany no anisan'ny namporisika ahy nampianatra sy nizara tamin'ireo génération nifandimby nandritry ny taona maro izay. Maro be ireo lasa lavitra tamin'ny mozika ary mamiratra sy ikoizan'ny olona maneren-tany tamin'ireo namana, havana, mpiara-miasa, fiangonana sns...ary tsy nitsahatra ny nizara sy nanoro hevitra ary nampianatra ny tenako nandritry ny taona maro ary natao tamin'ny fo sy fifaliana ary fitiavana izany.
▶️Anjaran'ireto zanaka ireto izao ary tena anisan'ny fifaliana sy fahasambarana ho ahy ny miara-milalao mozika amin-dry zalahy ireto na dia efa tena miha lehibe aza ny taona😁, na dia tsy mitovy aza ny générations dia misaotra an'Andriamanitra aho fa nomeny namana tena tia mozika, miezaka mikotrana ary miaina ireo toro hevitra sy fampianarana ary fizarana traikefa.
▶️ QUARTETMAN: Ao amin'ny hotel de l'Avenue Analakely ny fotoana amin'ny talata hariva manomboka amin'ny 6 ora. Hisy namana mpanao mozika maro hilalao ao koa tongava maro fa tsy misy vidim-pidirana io.
