09/05/2024
Ry Namana, Ralahy sy Ranabavy isany,
Tongasoa eto amin'ny Pejy!
Ny Pejy Amin'ny anaran'I Jesoa dia niforona hizarana amin-tsika mianakavy ireo eritritritra sy aingam-panahy kristianina vokatra avy amin'ny fahitanam-baovao (découvertes) ary haingam-panahy hita anaty vaky teny Masina isan-karazany sy fandinihana.
Noezahina natao amin'ny teny malagasy rano iray ny fizarana, na an-tsoratra na an-tsary. Hialana tsiny ny tsipelina diso. Ny mpanomponareo izay mizara dia manao irery izao asa izao ary mihezaka mitana tsiambaratelo ny momba azy manotolo. I Kristy, zanak'Andriamanitra, sady Andriamanitra no haroso manoloana ny olona sy ao am-pon'ny olona fa tsy ny mpanomponareo manao izao fizarana akory. Mety hisy hiany anefa ny teny baiko eny atsefatsefany eny, nohon'ny antony ara-teknika amin'ny fampiharana ka azahoana antoka fa azon'ny namana mihaino tsara ny fizarana kasaina atao, raha sitrapon'Andriamanitra.
Tsy misolo-tena Fiangonana na miteny amin'ny anaram-piangonana na antokom-pinoana manokana ny pejy. Fizarana hiany no atao ary raha misy fahadisoana dia aoka hoan'ny mpanomponareo irery izany. Raha misy kosa ny mahasoa sy ventiny entiniareo eo amin'ny fiainana andavanandro ka afahanareo tia be be kokoa an'I Kristy sy ny namanareo, dia ho voninahitr'Andriamanitra irery anie izany. Izy no miteny ao am-po, ny sisa kosa, ny pejy indrindra indrindra, dia fitaovana tsy tonga lafatra sy marefo hiany.
Tsy hanao mpianatra no tanjon'ny fizarana fa raha sitrak'I Kristy, raha sitrakareo, dia ny hampanjaka ny fitiavana ao amin'ny tsirairay sy eo amin'ny tsirairay.
Hoan'Andriamanitra: Ray - Zanaka - Fanahy Masina irery hiany anie ny voninahitra, anio sy amin'ny taona rehetra mandrakizay.
Sary nindramina mitondra ny anarana hoe "Jésus de Nazareth" noforonin'ny mpanakanto Heinrich Hofmann.
