19/11/2025
✨*𝑴𝒊𝒔𝒂𝒐𝒓𝒂 𝒂𝒎𝒊𝒏’𝒏𝒚 𝒛𝒂𝒗𝒂𝒕𝒓𝒂 𝒓𝒆𝒉𝒆𝒕𝒓𝒂; 𝒇𝒂 𝒊𝒛𝒂𝒏𝒚 𝒏𝒐 𝒔𝒊𝒕𝒓𝒂𝒑𝒐𝒏’𝑨𝒏𝒅𝒓𝒊𝒂𝒎𝒂𝒏𝒊𝒕𝒓𝒂 𝒂𝒐 𝒂𝒎𝒊𝒏’𝒊 𝑲𝒓𝒊𝒔𝒕𝒚 𝑱𝒆𝒔𝒐𝒂 𝒉𝒐 𝒂𝒏𝒂𝒓𝒆𝒐." I Tesaloniana 5:18 🌿
Mampahatsiahy antsika i Paoly anio fa tsy miaina araka ny toe-javatra isika kristiana, fa araka ny fo sy toe-panahy nentin’i Kristy niaina teto an-tany.
Fantatry ny Tompo tsara manko fa ny fahaizana mankasitraka dia tsy toetra mendrika fotsiny, fa hery ara-panahy, ara-tsaina ary ara-piainana manova ny olona sy ny fiainany.
Tombontsoa lehibe maro no azontsika avy amin’izany :
🔥 Manamafy ny finoana sy fahatokiana amin’Andriamanitra
Rehefa misaotra, na dia amin’ny sarotra aza, ianao dia mampiseho fa matoky ny Tompo.
* Mino ny fitarihany
* Manaiky ny drafiny ary mahatoky fa tsy mivoana izany
* Mahatsiaro fa ny fiainana rehetra dia eo ambanin’ny fitiavany
* Manao ny sitrapony ao amin’i Kristy Jesoa
😌Mampitony ny adin-tsaina sy manatsara ny fahasalamana
Ny fankasitrahana dia voaporofo ara-tsiansa fa :
- mampidina adin-tsaina
- mampihena tosidra
- manatsara torimaso
- manatsara toe-tsaina sy hery ara-batana
Tsy ara-panahy ihany, fa ara-batana mihitsy.
💖 Manome fiadanam-po sy fandriampahalemana
Rehefa mahay misaotra isika dia mihena ny fitarainana, ny tebiteby, ary ny fahakiviana. Manjary mifantoka amin’ny soa ny fo fa tsy amin’ny ratsy.
☀️ Mampitombo hafaliana
Rehefa miala amin’ny fitarainana ny saina dia misokatra ka mora mahita na dia zavatra kely tsara aza amin’ny andavanandro ary mitondra amin’ny fifaliana.
🩹 Manasitrana ny ratram-po sy manamaivana enta-mavesatra
Ny olona mahay mankasitraka dia mifantoka amin'ny tsara, ka tsy mora tezitra ary
mahavita mamela haingana kokoa, satria toy ny fitsaboana voajanahary ho an’ny fo izany ka manamaivana ny tahotra sy alahelo.
🧑💼 Mampitombo fahafahana (fahafaha-manao : opportunité)
Ny olona mahay misaotra dia :
- mora mahita varavarana misokatra, vahaolana. Satria manokatra saina hahita izay tsy hitan’ny olona mpitaraina ny fankasitrahana.
- mora ifampiraharahana, mahay mankasitraka ny hafa ary manamora ny fihavanana sy fanajana ary fiombonana izany
🙏 Mampiorina toetra matotra sy mahatoky
Ny olona mahay misaotra dia mahazo toetra :
- miorina
- mihaino
- mahay mandefitra
- mahay misaina lavitra
- tsy mora solafaka
Ny fankasitrahana dia mampitombo fahendrena sy faharetana.
🌾 Mampaka-tahaka an’i Kristy
Jesoa dia nisaotra foana, na teo amin'ny fizarana m**o na teo amin'ny fasana aza.
Rehefa mahay mankasitraka ianao dia:
👉 manahaka ny fon’i Kristy
👉 mampiseho Azy ao anatinao
Izany no “toetry ny mpianatra marina”.
✨ Mampitombo fahasoavana
Andriamanitra manisy fitahiana manokana ny olona mahay misaotra:
“𝐹𝑎 𝑖𝑧𝑎𝑦 𝑚𝑎𝑛𝑎𝑛𝑎 𝑛𝑜 ℎ𝑜𝑚𝑒𝑛𝑎, 𝑘𝑎 ℎ𝑎𝑛𝑎𝑛𝑎 𝑏𝑒 𝑑𝑖𝑎 𝑏𝑒 𝑖𝑧𝑦” Matio 13:12a
Rehefa mahay misaotra ianao dia misokatra amin'ny fitahiana bebe kokoa.
Araka izany, ry sakaiza, ny fankasitrahana dia hery manova fiainana.
Ny olona mahay mankasitraka dia tsy manana fiainana tonga lafatra —indrindra fa isika kristianina, izay tsy ilaozan'ny fijaliana sy fisedrana.
Fa fahasoavana tsy lany no manaraka antsika, ao Aminy.
"𝐴𝑟𝑦 𝐴𝑛𝑑𝑟𝑖𝑎𝑚𝑎𝑛𝑖𝑡𝑟𝑎 𝑚𝑎ℎ𝑎𝑦 𝑚𝑎𝑚𝑝𝑖𝑡𝑜𝑚𝑏𝑜 𝑛𝑦 𝑓𝑎ℎ𝑎𝑠𝑜𝑎𝑣𝑎𝑛𝑎 𝑟𝑒ℎ𝑒𝑡𝑟𝑎 𝑎𝑚𝑖𝑛𝑎𝑟𝑒𝑜, 𝑚𝑏𝑎 ℎ𝑎𝑛𝑎𝑛𝑎𝑛𝑎𝑟𝑒𝑜 𝑛𝑦 𝑜𝑛𝑜𝑛𝑦 𝑟𝑒ℎ𝑒𝑡𝑟𝑎 𝑚𝑎𝑛𝑑𝑟𝑎𝑘𝑎𝑟𝑖𝑣𝑎 𝑎𝑚𝑖𝑛’𝑛𝑦 𝑧𝑎𝑣𝑎𝑡𝑟𝑎 𝑟𝑒ℎ𝑒𝑡𝑟𝑎, 𝑘𝑎 ℎ𝑖𝑡𝑜𝑚𝑏𝑜 𝑎𝑚𝑖𝑛’𝑛𝑦 𝑎𝑠𝑎 𝑡𝑠𝑎𝑟𝑎 𝑟𝑒ℎ𝑒𝑡𝑟𝑎." 2Korintiana 9:8🙏✨
