TV Presse Mada

TV Presse Mada TVPresse Madagascar, le journal de proximité

21/08/2025

Elia RABEVAHINY: Sanatriavina ny hangiana manoloana ny zavatra tsy mety eto amin'ny firenena, na dia nisy aza ny sazy mihantona 1taona nomen'ny fitsarana anay.

- Tsy ny Otrikafo mihitsy no hoe hamatsy vola ny mpianatra Maninday sy ny mpiasan'ny Jirama hitokona. Ireo mantsy no isan'ny vesatra nanenjehana anay, ankoatry ny hoe fanakanana ny fandaharanasan'ny fanjakana amin'ny Base Toliara.

21/08/2025

Alain RASAMBANY: Efa mirehitra mena avokoa ny "témoin" amin'ny lafiny maro eto Madagasikara.

20/08/2025

EMISSION "TSIKAFONA" TV Presse Mada.
VAHINY/Barson RAKOTOMANGA/SG RANDRANA SENDIKALY SVS/USAM. "LET'S ANTICIPATE NOT JUST REACT".

- Tsy ny eto Madagasikara intsony no mijery ny mari-drefin'ny asa amin'izao fitantanan-tsika ny SADC izao.
- Atsaharo manomboka izao ny "werawera sy tsinjotsinjo" fa mahatonga ny fijerin'ny olona ho miiba izany.
- 10 dolara isan'olona isan'andro, tsy nofy ririnina intsony fa efa tanjona mazava azo tanterahina.
- Ramatoa minisitry ny asam-panjakana, raha te hahatratra ny asa mendrika iraisam-pirenena isika dia tsy toy izao ny fitantanana azy, satria fisolo-tena sendikaly vonjimaika no misy eny anivon'ny Cnaps.
- Nandray anjara tamin'ny fiofanana sy fizarana niarahana tamin'ny sendikan'ny SADC tany Namibie ny RANDRANA SENDIKALY izay nosafidian'izy ireo teto Madagasikara ny 20 Jolay lasa teo, ka ny tenako no nanatrika izany.

20/08/2025

EMISSION "TSIKAFONA" TV Presse Mada.
Vahiny/RANDRIANASOLO Jean Nicolas/Solombavambahoaka voafidy tao amin'ny distrikan'i BETROKA.

-Andriamatoa filoham-pirenena, ampy afaka nisainan'ireo gadra politika ny fotoana ela nitazonana azy any am-ponja, toa an'i Mbola RAJAONAH, ny mpanao gazety Lola RASOAMAHARO sns, ka aleo re esorina tany amin'izay mba hisian'ny fitoniana.

-Hafatra ho an'ny lehiben'ny mpanohitra, ny tsara ho anao dia ny mivavaka ho an'ny filoham-pirenena filohan'ny SADC hahavita ny fitantanana ao anatin'ny taona iray. Aza be fialonana ianareo.

-Fitantanana ny SADC, misy lanjany lehibe ho an'ny firenena izany. Ho anareo mpanohitra, aza sintonina hidina ny filoha rehefa manao asa ho fampandrosoana ny firenena.

-Izaho dia tsy mpanao politika mpisolelaka be fahatany na mpanohitra be fahatany.

-Betroka, ireo olona tsy tia ahy no tena mpanao ny aferan-drongony, misy mihitsy aza no manamby vola fa tsy mety amiko izany.

Manasa anao ary hanaraka hatramin'ny farany ny fandaharana.
Mpanao gazety: Mamitiana RASOLONIRINA

20/08/2025

TOKELY Justin: Zava-dehibe hitondra fampandrosoana ho an'i Madagasikara ny fandraisan-tsika ny fitantanana ny SADC manomboka izao, isan'izany ireo teboka hamahana ny olana fototra eo amin'ny lafiny ara-tsakafo sy teknolojia, hoy ity filohan'ny Antenimierampirenena ity.

20/08/2025

VONDRON'NY FIRAISAN-KINA: Tsy hanaiky intsony ny faneriterena sy ny fandemen-tsaina sy ny fanakatsakanana ary ny fanosihosena ny zon'olombelona, ny demokrasia ny ny fahalalahana maneho hevitra. Voarakitra tao amin'ny fifanarahana natao nandritra ny fivorian'ny SADC teto ny fampanajana ireo. Nisy ny tafa nifanaovan'izy ireo tamin'ny mpanao gazety androany maraina.

18/08/2025

Fandaharana "Harena Sarobidy ny Fahasalamana" TV Presse.
Vahiny/Infirmière Miora/CABINET MEDICAL DOMOINA.

Toro-hevitra ho an'ireo mpiandry marary sy ny tokony hatao raha misy olana ny fampiasana ny SERUM.

14/08/2025

Dr. RATSIMIVONY Jean Claude: Mampihena ny fanaintainana amin’ny aretina maro samihafa. Isan'izany ireto ho tanisaina amin-tsika ireto.

Arthrite
Arthrose
Aretin’ny lamosina
Prostate
Sciatique
Trouble erectile.

Dr. RATSIMIVONY Jean Claude/PDG GROUPE JCR BIO CLINIC FUTURA VANIALA ANTSAKAVIRO.

14/08/2025

TARANJA KARATE DO: Misokatra ho an'ny rehetra ny ECS KARATE DO eto amin'ny fokontany Anosizato EST.

Omaly no nanokafana tamin'ny fomba ofisialy ny hetsika izay nisoloan'ny filoha lefitry ny federasionan'ny taranja KARATE DO tena sy ny minisitera ary ireo avy amin'ny seksiona atsimon-drano, ankilany ny filohan'ny fokontanin'i Anosizato Est, Atoa RAFANOMEZANTSOA Jean Nirina. Nasaina tamin'izao hetsika izao ihany koa ireo sefo fokontany avy ao amin'ny boriboritany fahaefatra.

Fitaizana ny tanora sy ankizy ho volavolaina ho tonga olom-banona no tanjona hoy ireo tompon'andraikitra. Miainga eny anivon'ny fokontany mantsy no taninketsa hahatonga azy ireo ho lasa matihaniana.

RAFANOMEZANTSOA Jean Nirina, CEINTURE NOIR?

14/08/2025

JAOBILY FAHA 70 TAONA NY DIOSEZIN'I MIARINARIVO/Hiantsoana ny zana-pielezana ZADIMI(Zana-pielezanan'ny DIosezin'i MIarinarivo) rehetra hiombona sy hisitraka izany aim-panahy izany.

Ny 21-22-23-24 Aogositra ho avy izao no ivon'ny fankalazana ity taon-jaobily ity. Misy arak'izany ny hafaliana hifampizarana mandritra ireo andro ireo. Hisy ihany koa ny hetsika ara-panatanjahan-tena izay ho atao any an-toerana.

IKONGO: Misedra olana ny mpiasam-panjakana misotro ronono aty amin'ny District Ikongo, satria efa tonga tamin'ny 08 Aogo...
14/08/2025

IKONGO: Misedra olana ny mpiasam-panjakana misotro ronono aty amin'ny District Ikongo, satria efa tonga tamin'ny 08 Aogositra lasa teo ny BC n'izy ireo.

Nohon'ny tsifisiany vola ao amin'ny Trésor public Ikongo dia tsy mbola afaka mandray ny fisotroan-dronono volana Aogositra 2025 izy ireo. Misy amin'ireto farany anefa no avy lavitra any amin'ny Kaominina Kalafotsy sy Ankarimbelo sy Ifanirea ary Andefampony sns no tonga eto an-toerana haka ny vola fisotron-drononony, nefa nohon'ny tsy fisiam-bola ao amin'ny Trésor public Ikongo dia miverina mody maina nefa ny aina efa miha-reraka amin'ny fahanterana. Nampanantena azy ireo ihany ny Pércepteur eto Ikongo fa ho tonga tsy ho ela ny angidim-by hanatitra ny vola eto amin'ny trésor public Ikongo, fa hatramin'izao mbola tsy tonga na dia efa miezaka manao tatitra isanandro aza ny Pércepteur sy ny tompon'andraikitra aty Ikongo. Koa mangataka amin'ny fitondram-panjakana mahefa sy hajaina tompoko mba hamaha ny olana misy aty Ikongo haingana fa mampalahelo ireo beantitra ireo. Noho ny faharatsian'ny Lalam-pirenena faha 14 À no antony tsy ahafahany fiara manatitra ny volan'ny trésor aty Ikongo intsony, fa tsy maintsy ny angidim-by no hany sisa afaka manatitra vola aty mba hiarovana ny fandriam-pahaleman'izy ireo amin'ny lalana.

Andry Tafaray/TV Presse IKONGO

12/08/2025

RANDRANA SENDIKALY: Gisitra amin'ny fampandrosoana isika raha ny tontolon'ny asa no resahiana. Efa maro ny tanora no vonona sy miditra any anaty sendika amin'izao fotoana izao. Manoloana ny fandraisan-tsika izao fivorian'ny Sadc izao, dia miandrandra ny hampiakarana ny karama 10 dolara isan'andro isan'olona izy ireo.

Androany dia nisy ny fampiofanana azy ireo satria andro iraisam-pirenena ho an'ny tanora. Tetsy amin'ny le Pavé Antaninarenina no nanatontosan'izy ireo izany.

Address

MAHAMASINA
Ampitatafika
TANA101

Website

Alerts

Be the first to know and let us send you an email when TV Presse Mada posts news and promotions. Your email address will not be used for any other purpose, and you can unsubscribe at any time.

Contact The Business

Send a message to TV Presse Mada:

Shortcuts

Share

Category