TV Presse Mada

TV Presse Mada TVPresse Madagascar, le journal de proximité

BETROKA: Nahatratra rongony 12 sacs, milanja 130 kg tany Ambalateva, Kominina Ivahona ny Polisy ao Betroka omaly Alahady...
15/09/2025

BETROKA: Nahatratra rongony 12 sacs, milanja 130 kg tany Ambalateva, Kominina Ivahona ny Polisy ao Betroka omaly Alahady 14 Septembre 2025 nanodidina ny tamin'ny 5 ora tolakandro.
Araka ny tatitra voaraiko hoy ny Solombavambahoaka RANDRIANASOLO Jean Nicolas, dia avy tamin'ny commissaire any Betroka dia tsy nahatratrarana olona ireo rongony ireo, satria nisy namela nidaboka teny ambody vohitra no nisy nahita, ary ireo nahita azy indray no niantso ny Polisy nampahalala ny zava-misy.
Notazomina vonjimaika ao amin'ny Polisy eto Betroka ireo rongony ireo amin'izao, mandram-piandrasana ny fotoana handorana azy ireo araka ny lalàna.

15/09/2025

EMISSION "TSIKAFONA" TV Presse Mada.
Vahiny/ FREROT, dit L'homme Noir (Filohan'ny Jeune RMDM).
Hasina RAVELOSON ( Filohan'ny Antoko Repoblikanina Nasionalista).

Fanehoan-kevitra mikasika ny raharaham-pirenena sy ny fahalalahana maneho hevitra.

- Miantso ny filoham-pirenena amin'ny hirosoana amin'ny fifampidinihina mba tsy ho tonga amin'ireny tranga nisy tany NEPAL ireny.
- Ny mahakasika ny antso nataon'ny solombavambahoaka iray ny hisian'ny fotoam-piasan'ny filoha.

- Ny fanehoan'izy ireo ny alahelony tamin'ny fandaharana tokony ho nandeha tamin'ny fahitalavitra rahavavy iray omaly nefa tsy nalefa na dia efa vita aza ny fandraisana an-tsary azy mirahalahy ireto.

Ireo no ho entina amintsika ato anatin'ny fandaharana.
Manasa anao ary hanaraka hatramin'ny farany izany.
Mpanao Gazety: Mamitiana RASOLONIRINA.

12/09/2025

FANDAHARANA TORITENY sy FAMPIANARANA.
PASTEUR FETRANIAINA - "FIANGONANA METM Antiokia Famonjena Itaosy'' .
"Ny Fahendrena no Handresena".
Manasa anao hanaraka hatramin'ny farany ny fandaharana.

Fanamarihana/ Fiangonana METM Antiokia Famonjena Itaosy fa tsy METM 67HA.

12/09/2025

Fandaharana "Harena Sarobidy ny Fahasalamana" TV Presse.
VAHINY/Dr. LANDY/Groupe JCR/VANIALA.

"Ny aretin'aty no ho entina amintsika eto anio".
Manasa anao ary hanaraka hatramin'ny farany ny fandaharana.
Mpanao Gazety/Mamitiana RASOLONIRINA.

12/09/2025

RAFANOMEZANTSOA Jean Nirina: Mitsinjo ny mpiara-belona amin'ny fiahiana ny fahasalamany ny FITRAMA. Na manam-bola na tsia dia azo atao tsara ny manampy azy ireny. Tsy maintsy mandalo fitiliana avokoa ireo olona tonga mitsabo tena aty aminay. Misy ny fiaraha-miasa akaiky amin'ireo dokotera efa matihanina. Efa misandrahaka manerana ny Nosy ny ivon-toeram-pitsaboana nentim-paharazana FITRAMA.

MADAGASIKARA sy CHINE: Dr. Jean Louis ROBINSON no filohan'ny vondron'ny SADC any CHINE.Tontosa tao amin’ny Ambasadin'i Z...
12/09/2025

MADAGASIKARA sy CHINE: Dr. Jean Louis ROBINSON no filohan'ny vondron'ny SADC any CHINE.
Tontosa tao amin’ny Ambasadin'i Zimbabwe Teri Beijing ny fifamindram-pitantanana teo amin'ny filoha teo aloha ny vondron'ny SADC any Chine, ny Ambassadrice Zimbabwe ao Chine Son excellence Rtoa Abigail Shoniwa sy ny filoha vaovao, masoivohon'ny Madagascar any Chine, Dr Jean Louis Robinson. Hikaroka fiaraha-miasa sy hanamafy ny fifandraisana amin'ny firenena sinoa ireo firenena 16 mpikamban'ny SADC, eo anatrehan'ireo tetikasa izay efa tapaka tamin'ny fivorian'ny Focac 2024 izay natrehan'ny Filohan'ny Repoblika Malagasy Andry RAJOELINA sy ireo Delegasiona niaraka taminy tamin'ny volana septambra 2024 lasa iny. Voalohany izao no nisiana firaisan-kina amin'ny hijerena izay fampandrosoana ny firenena 16 mpikamban'ny SADC avy amin'ireo masoivohon'ireo firenena ireo any Chine. Fivondronana hampiroboroboana ny fifandraisana ary vina ny hanokatra ivon-toeram-pifandraisana any Gouanzhou, renivohitry Chine. Dr Jean Louis Robinson, Filohan'ny Sadc -Chine fa ho dinihina akaiky anatin'ity vondron'ny Sadc any Chine ity manomboka izao, ireo tanjaky ny tolo-kevitra arahina tombana hahafahana miara-miasa amin'ny firenena sinoa amin'ny lafiny ara-tontolo iainana, ara-toekarena, ara-diplomatika, ara-tsosialy, fanabeazana sy ny fahasalamana, ary ny fambolena. Miankina amin'izay laharam-pahamehan' ny firenena isan'isany kosa no hanapahan'ireo mpikamban'ny Sadc any Chine ny filany amin'ireo tetikasa maro ireo ary hatolotra ireo mpitondran'ny fireneny tsirairay avy. Ho an'i Madagasikara manokana, ho trandrahina ny fiaraha-miasa amin'ny lafiny toetr'andro amin'ny sehatry ny tontolo iainana ary ny momban'ny fambolena.

Efa nisy rahateo ny famelabelarana sy fitsidihana nokarakarain'ny ministeran'ny raharahambahiny any Chine sy ny fitantanana ankapobeny ao amin'io departemanta io, amin'ny fisokafan'ny fahafahana ireo faritany matanjaka ao Chine mifanampy amin'ny firenena aty Afrika anatin'ny vondrona Sadc fa indrindra i Madagasikara, hoy ny Filohan'ny vondron'ny Sadc ao Chine Dr Jean Louis Robinson. Voakasik'izany ny faritany be renivohitry ny faritanin'i Guangdong atsimon'i Chine izay tanàna ara-barotra sy indostrialy lehibe, ny faritra Macao izay manana ny laza ara-kolontsaina, ary Hunan izay faritany be tendrombohitra any atsimon'i China no sady toerana nahaterahan'ny mpitarika kominista Mao Zedong, Hongkong izay manana fizakan-tena ambony sy ireo faritany hafa manana laza amin'ny lafiny fanatanjahatena sy kolotoraly.

Ireo masoivohon'ireo firenena 16 mpikambana anatin'ny vondron'ny Sadc izay miasa any Chine no mpikambana anatin'ity vondron'ny Sadc any Chine izay mifantoka amin'ny fampiroboroboana ny fifandraisana ara-diplomatika marolafy ity.

11/09/2025

RANDRIANASOLO Jean Nicolas: Tsy ny mpanao lalàna mihitsy no handeha handika lalàna ka hitaky ny mbola hanohizan'ny mpitondra ny fitantanana ny firenena. Tsy anjaranao mpanao lalàna mihitsy ny miteny izany, hoy ity solombavambahoaka voafidy tany amin'ny distrikan'i Betroka ity androany.

Mandat roa ihany no azon'ny filoham-pirenena atao raha ny voalazan'ny lalàm-panorenana. Tokony ho sivaninana ihany ny teny tokony ho tenenina hoy izy raha nanitsy ireo namany miteniteny fahatany. Ambanin'ny lalàna isika fa tsy ambonin'ny lalàna. Aza dia omena hoditra akondro ny filoham-pirenena.

Isan'ny nametraka ny filoham-pirenena tamin'izao fitondrana izao aho na dia tsy miankina aza.

-Ny resaka fifidianana ben'ny tanàna sy ny fifidianana loholona.
-Ny mahakasika ny lafiny tsy fandriam-pahalemana sy ny rongony.

Nisy ny valan-drasaka nataony tamin'ny mpanao gazety androany maraina teny Tsimbazaza.

08/09/2025

RAMANANIRINA Yan Wilfried: Ny lafy ratsin'ny lalàna 2024-014.

𝟬𝟱 𝘀𝗲𝗽𝘁𝗮𝗺𝗯𝗿𝗮 𝟮𝟬𝟮𝟱 - Natolotry ny Filohan’ny Repoblika Andry Rajoelina tamin'ny tarany tao Belo sur Tsiribihina sy ny fo...
05/09/2025

𝟬𝟱 𝘀𝗲𝗽𝘁𝗮𝗺𝗯𝗿𝗮 𝟮𝟬𝟮𝟱 - Natolotry ny Filohan’ny Repoblika Andry Rajoelina tamin'ny tarany tao Belo sur Tsiribihina sy ny foko Sakalava iray manontolo ny Kabeson'ny Ampanjaka Toera sy ireo mpitari-tafika roa lahy niara-dia taminy.
Tamin'ny 06 novambra 2020, nandritra ny fitokanana ny Rovan’i Madagasikara, no nilaza am-pahibemaso ny Filoha Andry Rajoelina fa hitaky ny amerenana ny Kabeson’ny Ampanjaka Toera ary izao tanteraka izao.
Tsy famerenana taolam-balo ihany fa famerenan-kasina ho an’ny fianakaviana, ho any foko Sakalava Menabe sy ny firenena iray manontolo ihany koa izao hoy ny Filoha.
Nanteriny ihany koa fa tokony ho mendriky ny lova napetrak'ireo maherifon'ny firenena ireo isika taranaka ka ny tantara no tokony ho fototry ny ampinga ho entintsika miady sy ampiakatra avo dia avo ny hambopom-pirenena sy ny hasin’ny fitiava-tanindrazana. Mba ho taranaka mpanorina, sy ho taranaka mpanarina hoy hatrany ny Filoha Andry Rajoelina

05/09/2025

CENI: Tsy nihambahamba nilaza fa misy ho very zo ireo kaominina tsy misy ben'ny tanàna amin'ny fifidianana loholona izay ho tontosaina ny 11 Desambra ho avy izao. Raha 50 % n'ny kaominina no tsy misy ben'ny tanàna, dia any no tokony hisy ady hevitra. Natsipiny any amin'ny governemanta ny teny farany na haverina ny fifidianana na tsia mba hahazoan'izy ireny mifidy.

05/09/2025

Fandaharaha "Harena Sarobidy ny Fahasalamana" TV Presse.
VAHINY/Dr. Mamy/Clinique Médico Chirurgicale de Tanjombato.

Ny mahakasika ny antsoina hoe "KYSTE" ao amin'ny tranon-jaza no ho entina amin-tsika izao.
Mety ho sakana amin'ny tsy fahazoana tranaka izy io raha tsy voatsabo. Fantaro ary ny toro-hevitra vitsivitsy omena anao izao.

Manasa anao ary hanaraka ny fandaharana hatramin'ny farany.
Mpanao Gazety: Mamitiana RASOLONIRINA

𝟯 𝘀𝗲𝗽𝘁𝗮𝗺𝗯𝗿𝗮 𝟮𝟬𝟮𝟱 - Ho fanatsarana hatrany ny rafi-pahasalamana eto Madagasikara, dia natolotra amin'ny fomba ofisialy an...
03/09/2025

𝟯 𝘀𝗲𝗽𝘁𝗮𝗺𝗯𝗿𝗮 𝟮𝟬𝟮𝟱 - Ho fanatsarana hatrany ny rafi-pahasalamana eto Madagasikara, dia natolotra amin'ny fomba ofisialy androany ireo fiara sy fitaovana ho an'ireo tobim-pahasalamana manerana ny Nosy. Anisan'izany ireo fiara mpitondra marary miisa 18, motocross miisa 1432 avy amin'ny Banky Iraisam-pirenena sy ny UNICEF, kamiao 01 misy vata mangatsiaka sy kamiao lehibe 02, fiara tsy mataho-dalana 13, fiara misy vata fampangatsiahana miisa 17 avy amin'ny tetikasa Miarova ary 22 avy amin'ny UNICEF/GAVI izay hanamafy ny fitaterana sy fitehirizana vaksiny ao anatin'ny rojom-pangatsiahana manaraka fenitra iraisam-pirenena.
Izao fampitaovana izao dia mbola manaporofo fa laharam-pahamehana ao anatin'ny politika ankapoben'ny Fitondram-panjakana ny fahasalamam-bahoaka.
Tanjona lehibe hoy ny Filoha Andry Rajoelina ny hahatratra 100% ny tahan’ny fanaovam-baksiny eto Madagasikara. Noho ny ezaka nataon'ny Fitondram-panjakana, dia efa 98% amin’ireo vata fampangatsiahana fitehirizana vaksiny no efa mandeha amin'ny alalan'ny herin'ny masoandro manerana an’i Madagasikara izay miantoka ihany koa ny fitohizan’ny rojom-pangatsiahana.

Address

MAHAMASINA
Antananarivo
TANA101

Website

Alerts

Be the first to know and let us send you an email when TV Presse Mada posts news and promotions. Your email address will not be used for any other purpose, and you can unsubscribe at any time.

Contact The Business

Send a message to TV Presse Mada:

Shortcuts

Share

Category