DREN Vakinankaratra

13/09/2025

🛑Tonga nitsidika ny EPP Ambohibary, CISCO Antsirabe II, ny Minisitry ny fambolena sy ny fiompiana, ny Talem-paritry ny Fanabeazam-pirenena Vakinankaratra ary ireo ekipa avy ao amin'ny PAM sy ny FSRP nijery ifotony ny fanatanterahana ny fampisakafoana an-tsekoly ny zoma 12 septambra 2025.

▶️Tanjona ny hanampiana ara-tsakafo ireo ankizy mba hampifantoka azy kokoa amin'ny fianarana ka hahatsara ny voka-panadinana ary hamporisika ireo ray aman-dreny handefa ny zanany an-tsekoly.

▶️Vokatry ny fiaraha-miasa eo amin'ny Minisiteran'ny Fanabeazam-pirenena sy ny Minisiteran'ny fambolena sy fiompiana no nanatontosana ity tetikasa ity.

12/09/2025

✳️Notanterahina ny alakamisy 11 septambra 2025 tao amin'ny biraon'ny DREN Vakinankaratra sy CISCO Antsirabe II ny fanolorana ara-pomba ofisialy ny "vitrine préscolaire" avy amin'ny tetikasa IEPPE na Investir dans l'Education et la Protection de la Petite Enfance ary iarahana amin'ny Action Éducation.

▶️Nandritra io fotoana io no nanolorana sy nampahafantarana ireo fitaovana entina hanatsarana ny fampianarana sy hanaovana ny tombana mahakasika ny "bien-être" an'ireo zaza madinika any an-tsekoly.

▶️Ankoatra ireo fitaovana dia efa nisy ihany koa ny fampiofanana ireo mpampianatra ao anatin'ny FEFFI izay nomen'ny Action Éducation sy ny fanentanana mahakasika ny "éducation parentale".

▶️Nanokatra ny fotoana tamin'ny fomba ofisialy ny Talem-paritry ny Fanabeazam-pirenena Vakinankaratra.

10/09/2025

✳ Indro ny rohy ahitana:

▶ Ny tondrozotra mahakasika ny fikarakarana ny fidirana an-tsekoly 2025-2026

▶ Ny lisitra sy ny sandan'ny "caisse école" sitrahan'ny sekolim-panjakana tsirairay manerana ny Nosy

08/09/2025

✳️✳️Nampiharina nanomboka ny zoma 29 aogositra 2025 ny fifanarahana mahakasika ny tetikasa « Transformation de l’Accès et de l’Apprentissage à Madagascar » (TALIM) sy ny « Accord de don du GPE ».

▶️Lany tsy nasiam-panitsiana teny anivon'ny Antenimiera roa tonta izany.

▶️Voarain’ny Minisiteran’ny Fanabeazam-pirenena ny fanambarana fa manan-kery ny TALIM ny 4 septambra 2025 ka hiroso amin’ny fanatanterahana ny tetikasa.

▶️Ny tetikasa TALIM dia miompana amin’ny fanatsarana ny kalitaon’ny fanabeazana amin’ny alalan’ny fanatsarana ny politikan’ny fampianarana, ny fizarana boky ho an’ny mpianatra, ny fampisakafoana an-tsekoly ary ny fananganana trano fianarana.

04/09/2025

🛑Notanterahina ny talata 02 septambra 2025 ny fametrahana ny talen'ny lisea manara-penitra Faravohitra, CISCO Faratsiho, Andriamatoa RANDRIANARISON Faliarivony Andry Barijaona.

03/09/2025

🛑Niatrika fiofanana mikasika ny "Formation des encadreurs pour les préscolaires" tao Faravohitra ny eo anivon'ny CISCO Antsirabe II, nanomboka ny talata 02 septambra 2025.

▶️ Miara-misalahy amin'izany ny Tetikasa Anjara sy ny "Action Éducation".

▶️ Haharitra roa andro ny fiofanana ary ireo Lehiben'ny ZAP sy ny Talen-tsekoly voakasiky ny tetikasa no misitraka izany.

▶️ Nanokatra izany tamin'ny fomba ofisialy ny Lehiben'ny CISCO Antsirabe II.

01/09/2025

✳️ Notontosaina ny sabotsy 30 aogositra 2025 tao amin'ny Kianja Vélodrome Antsirabe ny fanokafana amin'ny fomba ofisialy ny "Rentrée Mifampitsinjo" ho an'ny DREN Vakinankaratra ka haharitra telo andro izany.

▶️Hetsika fanomezan-tanana ny ray aman-dreny hiatrehana izao fidiran’ny mpianatra taona 2025-2026 izao, hahafahana misitraka fihenam-bidy goavana 50% amin’ny fitaovam-pianarana rehetra.

▶️ Nanatrika izany ny Governoran'ny Faritra Vakinankaratra, ny Préfet, ny Ben'ny tanànan'Antsirabe I, ny Talem-paritry ny Fanabeazam-pirenena sy ireo Talem-paritra eo anivon'ny sampan-draharaha samihafa eto Vakinankaratra ary ireo olo-manan-kaja maro.

28/08/2025

27/08/2025

✳️Eo ambany fiahian’ny Filohan’ny Repoblikan'i Madagasikara sy Ramatoa vadiny dia ho tanterahina ao amin’ny Vélodrome Antsirabe ny hetsika "Rentrée Mifampitsinjo" ny sabotsy 30 aogositra ka hatramin’ny alatsinainy 01 septambra 2025.

▶️Hetsika fanomezan-tanana ny ray aman-dreny hiatrehana izao fidiran’ny mpianatra taona 2025-2026 izao, hahafahana misitraka fihenam-bidy goavana 50% amin’ny fitaovam-pianarana rehetra ho an'ireo mpianatra hiatrika fanadinam-panjakana 2025-2026 : CEPE-BEPC-Bakalorea.

▶️ Ireo izay liana amin'izany dia iangaviana hitondra ny karinem-pokontany sy ny "bulletin de note" farany.

25/08/2025

15/08/2025

🛑 Notontosaina ny herinandron'ny alatsinainy 11 aogositra 2025 tao amin'ny EPP Ambohimandroso, ny fanofanana ireo mpampianatra rehetra amin'ny ambaratonga fototra eo anivon'ny CISCO Antanifotsy.

▶️"Les 4 compétences de bases des enseignants" no lohahevitra novelabelarina nandritry ny fiofanana ary naharitra dimy andro izany.

▶️Vokatry ny fiaraha-miasa eo amin'ny CISCO sy ny STLM (France) no nanatontosana izany.

12/08/2025

🛑Miatrika fiofanana mpampiofana ireo lehiben'ny ZAP sy mpanolotsaina ara-pedagojia, ary talen-tsekoly ao amin'ny CISCO Antsirabe II ny alatsinainy 11 aogositra 2025, izay iarahana miasa amin'ny tetikasa ANJARA, ka haharitra 02 andro izany.

▶️Fanamafisana fahaiza-manaon'ireo mpitantsoroka no tanjona amin'izany.

▶️Nanokatra izany tamin'ny fomba ofisialy ny lehiben'ny CISCO Antsirabe II.