https://www.facebook.com/101091905968205/

Zandry kely, Route nationale, Antsiranana (2025)

24/06/2024

Tsara ny vokatra hoan'ny Cisco Ds Antsiranana I tamin'ny valim-panadinana CEPE 2024. Ny Epp Labigorne no voalohany tamin'ireo mpianatra nahazo Lauréat. 2946 mpianatra nisoratra anarana, 2901 tonga nihatrika fanadinana ary 45 kosa ny tsy tonga tamin'izany ary 81,13 % Admis

23/06/2024

𝗦𝗟𝗠𝗣𝗥𝗢𝗧𝗘𝗖𝗧: Anisany orinasa azo antoka amin'ny resaka fiarovana amin'ireo hotely, banky, fiantsonan'ny fiara, orinasa, tobin-tsolika ary olon-tsotra. Manana tombiny ny eto Antsiranana amin'izao fisiany Orinasa SLMPROTECT ity satria hampy tsara ny trakaifa ary efa nahazo fiofanana maro lafy ireo mpiambina. Raha ny zava-misy eto amitsika maro ireo tanora mahavita fianarana ao koa ireo tsy nahatody fa saingy tsy mahita asa ka noho izany anisany nataony Orinasa ity laharam-pahamefana ny fandraisana tanora tsika aby ireny.
©

23/06/2024

CEPE hoan'ny Cisco Antsiranana II Nivoaka tamin'ny alina iny ny valim-panadinana

26/07/2023

FARITRA DIANA : MADEHA TSARA NY ASA FANAMBOARAN-DALANA RN6 ARY NISY FIDINANA IFOTINY IZAY NATAONY GOVERNORAN'NY FARITRA DIANA NIJERY NY FIZOTRANY ASA
--------------------------------------------------------------------------
Anisany lalana nampitaraina vahoaka aty amin'ny tapany avaratra Nosy ny faharatsiany lalam-panorenana faha enina. Nataony fitondram-panjakana laharam-pahamenana ny fanamboarana izany taoriany nanamboarana RN5A ka izao madeha ihany koa ny RN6. Nisy ny fidinana tampoka nataony Governoran'ny faritra Diana Taciano Rakotomanga nijery ny firosoany asa ary hita tamin'izany fa mihazakazaka ny fizotrany asa satria efa misy toerana efa misy tara na goudron na amin'ny lot voalohany izay boaka Ambanja- Ambilobe eo ihany koa lot faharoa Diego- Ambilobe. Raha ny zava-misy saika nahavoazana tanteraka ireo tetezana ary betsaka ihany koa ireo caniveau izay toerana handalovany rano izay hampateza ny lalana.
©

26/07/2023

FARITRA DIANA : NAHAZO CSB II MANARAPENITRA AO AMIN'NY FKT ANKATAFA NY DISTRIKA AMBANJA
--------------------------------------------------------------------------
Velirano faha 5 ny filoha repoblika ny fahasalamana ho any daholobe ka nahazo Csb II manarapenitra Ankafa izay entina mamaha ny olana eo amin'ny sehatra fahasalamana. Anisany olana ny tsy fananana hopitaly eny amin'ny fokontany ka anisany mampanahirana vahoaka raha sendra tsy salama fa indrindra ny vehivavy hiteraka. Nandritra fitsidiahana izay nataony Governoran'ny faritra Diana Taciano Rakotomanga nijery ny fizotrany asa dia efa vita ny fotodrafitrasa ary efa memtraka ny fitaovana anatiny ireo tomponandraikitra. Noho izany dia velom-pisaorana amin'ny ezaka hataony fitondrana ny governora ary nambarany fa fampanantenana izay nataony filoha izy ity ka tsy maintsy vita ary hitokanana tsy aila sy azo hampiasainy vahoaka. Ny olona mikipy ihany no masahy miteny fa tsy misy zavatra vita ny fitondrana ary izao fahazoana Csb II ity no anisany porofo fa mijery aty amin'ny faritra ny filoha.
©

25/07/2023

FARITRA DIANA: NAHAZO EPP MANARAPENITRA NY DISTRIKA AMBANJA AO ANDIMAKAFITO
--------------------------------------------------------------------------
Efa azo ampiasagna amin'ny fidirana mpianatra izao ny Epp manarapenitra Andimakafito ao amin'ny Distrika Ambanja raha ny fahitana ny fizotrany asa nandritra ny fidinana izay nataony Governoran'ny faritra Diana Taciano Rakotomanga tamin'ny herinandro lasa teo. Efa tonga ireo fitaovana hampiasaina amin'ny sekoly ity ary efa mametaka izany ireo orinasa. Nambarany governora fa maro ireo fotodrafitrasa vitany fitondram-panjakana ity ary tsy diso anjara amin'izany ny faritra Diana. Ilaina tokoa ny fisiany fotodrafitrasa manarapenitra toy izao satria mianatra amin'ny sekoly tsizarizary ny zanaka malagasy ka mendrika mianatra amin'ny fotodrafitrasa manarapenitra toy izao izay tafidrika amin'ny velirano filoha. Ny azo vita ho hifampitsarana ary manao zavatra tsy vitany vava akory fa porofo izao fotodrafitrasa izay ho lovainy taranaka faramadimby ary rehareha ny faritra Diana ity.
©

25/07/2023

FARITRA DIANA : MANARAKA NY FENITRA NIFANARAHANA NY FANAMBOARANA LANANA ANY NOSY BE IZAY BOAKA EN VILLE MADEHA DJAMANJARY
Nanao fidinana tampoko ny governoran'ny faritra Diana Taciano Rakotomanga niaraka tamin'ny tomponandraikitra PIC nijery ny fizotrany fanamboarana ny asa tsoa sagnatria tsy manaraka ny fifanarahana izay natao. Rehefa natao carottage ny tara dia hita fa mihoatra 5Cm ny hatevenany tara izany izay mifanaraka tsara tamin'ny fifanarahana izay natao. Nankasitraka filoha repoblika ny Governora satria fampanantenana izay nataony ny fanamboarana lalana ity ka izao ho vita tsy ho ela izany ary nankasitraka ny tetikasa PIC ihany koa ny tenany tamin'ny fiarahamiasa. Natao indrindra hamahana olana fitohanana fiara na embouteillages izao fanamboarana lalana ity raha nambarany ben'ny tanàna Nosy Be VITA Zarga. Marihina fa tsy lalana ity ihany no namboariny fitondram-panjakana fa maro ny lalana ao Nosy Be vita ary nampiova ny endrika ny tanàna sady mahasarika ny mpizahantany.
©

14/07/2023

NIGADONA TAMIN'NY MARAINA TEO NY NOFOMANGATSIAKA AN'I TOMPOKOVAVY FRANCOMME CLOTILDE TAORIAN'NY FIKARAKARANA IZAY NATAONY BEN'NY TANANA ANTANAMITARANA NANDRITRA IZY TANY MORONI
--------------------------------------------------------------------------
Tonga nitsapa alahelo sy nitondra teny fampaherezena hoan'ny fianakaviana an'i tompokovavy Francomme Clotilde ny ben'ny tanàna Antanamitarana Congo Réunion Aly Mohamed ny maraina teo, nandritra izany no nagnambarany fa sarotro ny fikarakarana ny fadefasana razana taty an-tanindrazana. Sarotra tamiko no namela ireo diaspora irery tamin'ny fahoriana ity fa indrindra ny mahagasy ny tenako ary zanaka Diego satria teraka teto ary tombo teto ihany koa ka mahatsapa fa manana adidy sy andraikitra amin'ny fanampiana ny mpiray tanindrazana.

Noho fitadiavana no nialany tompokovavy teto raha nambarany fianakaviana ka izao vatamangatsika no niverina, raha tsy ben'ny tanàna Antanamitarana dia very tany an-taninolona ny razana ary zavatra sarompady amitsika malagasy ny taombalona izany. Fisaorana mitafotafo no nasetriny fianakaviana satria raha ezaka ben'ny tanàna ity no nahatongavany tompokovavy aty an-tanindrazana. Ny fanjakana komoriana no hisaorana hoy ny ben'ny tanàna izay tamin'ny alalan'ny Chef d'Etat major izay nagneky tamin'ny fifampiresahana sy fifanampiana nahafana nampody havatsika. Mbola nanamafy hatrany ben'ny tanàna ity ny fangatahana amin'ny mpitondra fanjakana mba tokiny hanokafana ny consul général any Moroni satria efa maro ny gasy miasa sy monina any ka mijaly noho tsy fisiany consul izany rehefa misy zavatra karakarainy. Marihina fa rahampitso sabotsy no hanatanterahana ny fandevenana any Anketrakabe.
©

13/07/2023

FARITRA DIANA: Ny governoran'ny faritra Diana Taciano Rakotomanga dia miarahaba ireo mpianatra rehetra izay nafaka fanadinana BEPC ary mankahery ireo izay mbola hamerina amin'ny taona ho avy. 63,17% ny taham-pahafana tamin'ny taom-pianarana 2022-2023 ity. 12626 ny mpiadina nisoratra anarana ka 7665 no nafaka.
©

06/05/2023

FARITRA DIANA : Tonga nanao fitsidihana ara-pomba fifanajahana tao amin'ny governoran'ny faritra Diana ny AFAFI-NORD, ka nivohitra nandritra izany ny fanamafisana fiaraha-miasa eo amin'ny faritra. Ny tanjona amin'ny tetikasa ity ny fampandrosoana ireo kominina ambanivohitra miisa 14 ao anaty ny Distrika ny Ambilobe. Anisany toerana ahitana tantsaha maro any an-toerana izay mivelona amin'ny resaka fambolena sy fiompiana.

Tsy miraviravin-tanana ny faritra Diana hoy hatrany Governoran'ny faritra Atoa Taciano Rakotomanga fa mitondra fanampiana eo amin'ny tontolo ambanivohotra toy ny fanaovana barrage de sable amin'ny renirano Mahavavy iny. Misokatra amin'ny rehetra ny varavarana ny faritra amin'ny fiarahamiasa ary mbola naneho fahavononana hatrany amin'ny fiarahana miaraka amin'ny AFAFI-NORD.
©

28/09/2022

Efa manomboko very ny kolontsaina tsika malagasy ary maro amin'ny tanora amin'izao fotoana izao dia efa tsy miraharaha noho ny antony maro samihafa. Isan-taona dia misy hetsika izay hataon'ireo fikambanana MAMAFI izay entina hampafatarana ny kolontsaina isaka faritra ary ny amin'ny taona ity dia ho tanterahana aty Antsiranana izany amin'ny herinandro ity. Ho tonga eto avy ireo ampanjaka, manatany,tangalamena ary ireo ray aman-dreny ara-drazana ka maro ny hetsika ho tanterahana mandritra izany ary ho hisy filaharana izay manomboko ery amin'ny hôtel de ville ho hampisehoana ny fomba fitafy sy kolontsaina isaka ny faritra.

Nankasitraka ny filoha lefitry ny antenimierampirenena faritany Antsiranana ireo ray aman-dreny anatin'ny fikambanana tamin'ny fanohanana hetsika ity satria nanolotro omby iray sy vary efatra gony ny tenany.
©

06/09/2022

🔴Nodimandry izao maraina izao Mgr Philippe Ranaivomanana, Evekan'ny Diosezin'Antsirabe.
Marihana fa mbola nanatrika ny lamesa famaranana ny JMJ X izy ny Alahady teo saingy efa tao anatin'ny tsy fahasalamana.

Mirary fiononana feno ho an'ny fianakaviambe ny Eglizy Katolika.
©

30/08/2022

Fitsidihana ara-pomba fanajana nataon'ny delegasionan'ny "Association des Communes et Collectivités D'Outre-Mer" (ACCD'OM) tao amin'ny ministera ny Ati-tany sy Fitsinjaram-pahefa omaly.
--------------------------------------------------------------------------
Fanaovan-tsonia fifanaraham- piara-miasa miaraka amin'ny OIF. Ny Ministeran'ny Atitany sy ny Fitsinjaram-pahefana eo amin'ny lafiny sora-piankohonana no nohamafisin'ny OIF tamin'ny alalan'ny fanaovan-tsonia ny fifanaraham-piara-miasa mahakasika izany ary hanaovana ministera tantsoroka izay hanampy betsaka amin'ny fampiharana ny Lalàna 2018-027 momba ny sora-piankohonana izao fiaraha-miasa izao.

Namaly ny fanasàn' ny Ben'ny Tanànan' Antanifotsy hitsidika an'i Madagasikara sy ny Kaominina Antanifotsy ireto delegasiona ireto. Efa misy ny fiaraha-miasan'ny ACCD'OM sy ny Kaominina Antanifotsy eo amin'ny sehatry ny fanabeazana, fambolena,... Hisy ihany koa ny sehatra iarahan'izy ireo hiasa amin'ny Faritra VAKINANKARATRA.
Zava-dehibe ny fiaraha-miasa, fifanakalozana sy fifampizaràna traikefa tahaka izao.
©

28/08/2022

VITA TANTERAKA NY FANAMBOARANA NY LALANA RN5A IZAY MAMPITOHY AMBILOBE SY VOHEMAR
--------------------------------------------------------------------------
Hitokanana amin'ny 09 septembre ho avy izao ny lalana RN5A izay mampitohy Ambilobe -Vohemar raha nambarany filoha lefitry ny antenimierampirenena faritany Antsiranana ( Diana sy Sava ) Rtoa Jocelyne Maxime nandritra lanonana famaranana ny festival Tsakaraka anio. Ho tonga hitokana izany ny filoha repoblika raha nambarany olom-boafidy ity tamin'ny vahoaka ny faritany Antsiranana. Lalana izay anisany nampijaly ary tsy nisy nanamboatra ka izao lasa nofinofy ny fahavitany lalana izany. Amin'izao fotoana izao dia hatao adiny roa ny lalana RN5A raha natao herinandro iray izany teo aloha rehefa fotoana asara. Anisany mampitabatra ny vahoaka aty amin'ny faritra Sava sy Diana ny fahavitany lalana ity raha nisaraka izany teo aloha vokatra ny haratsiany lalana.
©

28/08/2022

FAMETRAHANA SAMBOADIN' IREO BEN'NY TANÀNA TANY AMIN'NY DISTRIKA'ANTSIRABE FARITRA VAKINANKARATRA
--------------------------------------------------------------------------
Fanentanana ireo mpandray anjara amin'ny atrikasam-paritra fakan-kevitra handrafetana ny PNDE satria fototra iaingana mba hisian'ny fampandrosoana ifotony sy fitsinjaram-pahefana mifandraika amin'ny zava-misy isam-paritra izany. Mahakasika ireo tompon'andraikitra eny anivon'ny Kaominina, ny Ben'ny Tanàna, ny Lehiben’ny Boriboritany, ny Lehiben’ny Fokontany, dia namafisin'Andriamatoa Minisitra fa izy ireo no antoka voalohany amin'ny fampandehanan-draharaha sy fampandrosoana ny Kaominina ka tokony hitandro lalandava ny asany. Ary ny Fitondram-panjakana dia miahy sy mitsinjo azy ireo hatrany amin’ny alalan’ny tantsoroka maro samihafa ary anisan'izany ny fampiakarana ny fanampiana ara-bola na "subventions de fonctionnement" ho an'ny Kaominina ho 30 tapitrisa Ariary raha toa ka 20 tapitrisa Ariary izany teo aloha.
Eo ihany koa ny fanolorana teo anivon'ny Parlementa tolo-dalàna ho
fiarovana ny Ben'ny Tanàna sy Lehiben’ny Boriboritany eo am-panatanterahana ny asany izay mbola haverina dinihina eny amin'ny Antenimiera roa tonta.
Fanentanana ihany koa ny vahoaka sy ny tompon'andraikitra rehetra momba ny hetsika fanomezana kopian'ny sora-pahaterahana sy karapanondrom-pirenena faobe maimaimpoana ho an'ny olom-pirenena feno 18 taona no mihoatra izay hatomboka amin’ny volana septambra ho avy izao. Fanamarinam-pahaterahana ara-panjakana izay hiantombohan'ny fisitrahana zo maro samihafa ny kopian'ny sora-pahaterahana ary betsaka koa ireo zo azo amin'ny fananana karapanondrom-pirenena, ireo no teboka lehibe nandritra kabary izay nataony minisitra ny ati-tany sy fitsinjaram-pahefana Atoa Tokely Justin omaly tany amin'ny distrikan'Antsirabe.

Notanterahina nandritra io fotoana io ny fanomezana mari-boninahitra " Grand officier de l'ordre national" ny Lehiben’ny Distrikan'i Betafo sy ny fametrahana samboadin'ireo Ben'ny Tanàna ao anatin'ny Faritra VAKINANKARATRA.
Ny Faritra VAKINANKARATRA moa dia nandray ny Foara nokarakarain'ny Fikambanan'ireo Ben'ny Tanàna an-tanan-dehibe manerana ny Nosy ( AMGVM) nandritra ny telo andro ka namarana izany tamin'ny fomba ofisialy ny Minisitra Tokely Justin omaly.
©

21/08/2022

FANAMASINANA PRETA TAO AMIN'NY KIANJA MALALAKA SEKOLY SAINT JOSEPH ANDROANY
--------------------------------------------------------------------------
Efatra ny pretra sy telo Diakra no nomasinina androany rehefa nahavita fiofanana tao amin'ny séminaires. Nanamasina izy ireo ny ray aman-dreny ara-panahy Mgr Archevêque Marc Benjamin Ramarison, nanome hafatra ireo izay vao nasinina ny tenany satria hanompo an'Andrimanatra sy vahoaka ary hanamasina sy hanao raharaha fanompoana ka mitaky ny fitondran-tena mendrika. Raha ny hita dia nitombo isa ny pretra ato anatin'ny lafivalon'ny diosezy. Tonga nanometra voninahitra hetsika ara-panahy ity ny filoha lefitry ny antenimierampirenena faritany Antsiranana Rtoa Jocelyne Maxime izay notroniny olona manakaja maro.
©

19/08/2022

NANOLOTRO MOTO HO ANY MPITANDRO FILAMINANA RTOA VPAN ANTSIRANANA KA NANDRAY IZANY NY MINISITRA NY FILAMINAM-BAHOAKA
--------------------------------------------------------------------------
Tsy misy ny fampandrosoana vanona raha tsy misy ny fandrihampalemana ka noho izany dia nanolotro
moto Crosse efatra ny filoha lefitra ny antenimierampirenena faritany Antsiranana Rtoa Jocelyne Maxime ho any mpitandro filaminana, ka roa ho any polisy ao amin'ny Fip ary roa ambiny kosa ho any Zandarimariam-pirenena izay entina hanatevenana ny fitaovana eo ampelan-
tanana izy ireo izay entina miasa hadavan'andro. Tamin'ny alalan'ny teti-bola CIAD na crédit d'investissement Appuis au Développement izay CLD teo aloha no nivangana moto ireto. Noho izany dia nankasitraka ny Vpan Antsiranana Jocelyne Maxime ny Atoa minisitra ny filaminam-bahoaka satria maro ny zavatra tokiny nampiasana vola CIAD fa tsy nataony olom-boafidy ity ambany zavatra ny lafiny fandriampahalemana ka izao nanolotro fitaovana izao izay hanampy be amin'ny asa izay hiantsoriany mpitandro filaminana.

Velirano voalohany filoha repoblika ny mikasika ny fadrihampahalemana ary ny fanatanterahana izany dia tsy vitany fanjakana irery
fa samy tompon'andraikitra ny rehetra. Mbola maro ireo fokontany na kaominina sarodalana ka tsy afaka fiara ka ny fahazoana
moto ireto dia hanampy betsaka amin'ny fanatanterahana ny asa vonjy taitra.
Ny fampiasana araka ny tokiny ho izy ireto fitaovana vaovao ireto no takiana fa indrindra ny fikojakojana azy mba ho hateza.
Marihina fa nanafatra ny minisitra ny filaminam-bahoaka fa tokiny hampiasana amin'ny tokiny izy moto ireto satria amin'ny fotoana vonjy taitra no tena ilaina izy ireto ary ny vahoaka miandry vokatra avy amin'ny tsirairay.
©

Zandry kely

24/06/2024

23/06/2024

23/06/2024

26/07/2023

26/07/2023

25/07/2023

25/07/2023

14/07/2023

13/07/2023

06/05/2023

28/09/2022

06/09/2022

30/08/2022

28/08/2022

28/08/2022

21/08/2022

19/08/2022

Address

Telephone

Website

Alerts

Contact The Business

Shortcuts

Share

Category