Commune Rurale Bemasoandro Atsimondrano

09/08/2026

10 AOGOSITRA – ANDRON’I AFRIKA HO AN’NY SORA-PIANKOHONANA SY NY ANTONTAN’ISA:

Ankalazaina isan-taona, isaky ny 10 Aogositra, ny Andron’i Afrika ho an’ny Fisoratana ny Zava-misy eo amin’ny Sora-piankohonana sy ny Antontan’isa, eo ambany fiahian’ny Vondrona Afrikanina (Union Africaine).

Andro iray manan-danja ho an’ireo Kaominina aty Afrika izy ity, satria ny Kaominina no manana anjara toerana lehibe amin’ny fisoratana ny fahaterahana, fanambadiana ary fahafatesana, ary amin’ny fiantohana ny maha-izy ara-dalàna sy ny zo fototry ny olom-pirenena.

Ny sora-piankohonana sy ny antontan’isa azo itokisana dia fototra iray lehibe amin’ny fandrafetana ny fampandrosoana, ny fanatsarana ny tolotra ho an’ny mponina ary ny famolavolana politika mifanaraka amin’ny tena filàn’ny vahoaka.

Ho an’ny Kaominina Bemasoandro Atsimondrano, Madagasikara, fotoana iray hanamafisana hatrany ny ezaka amin’ny fanatsarana ny Sampan-draharahan’ny Sora-piankohonana, ny fanavaozana ny fomba fiasa ary ny fampiasana ny teknolojia nomerika, mba hanomezana tolotra tsara kokoa ho an’ny mponina.

Sora-piankohonana voalamina sy antontan’isa azo itokisana : fototry ny maha-olom-pirenena sy ny fampandrosoana. Mankasitraka ny Fitondrampanjakana miahy antsika amin'ny Rafitra misy eo anivon'ny Ministera .

10 Aogositra – Andron’i Afrika ho an’ny Sora-piankohonana sy ny Antontan’isa.

Maire Bemasoandro
Jimmy RANITRATSILO

07/08/2026

Mirefy 2 metatra ny fako tsikaritra isaky ny Dalle izay sokafana eraky ny Arabe eto BEMASOANDRO :

isika tsy Ampiheverana, isika fa Tsentsina sy dibodrano Ary maloto , isika ny afa . Raiso ny Andraikitra 🍀 Ho avy tsy ho Ela ny 'Code d'hygiène hanampy anao hanaja ny Fahadiovana sy Fidiovana sy hiaina ao anaty tontolo madio kokoa manaja tena sy manaja ny hafa 🔥 Manabe aloa isika izao .

Miroso ihany koa amin'ny fanadiovana ny Dalle eraky ny Arabe isika ankehitriny Manesy manomboka eo Anosimasina ka hatrany Sakambahiny .

07/08/2026

HETSIKA ARA-PAHASALAMANA MAIMAIM-POANA

🗓️ Manomboka ANIO ka hatramin’ny RAHAMPITSO
📍 Eto amin’ny Lapan’ny Tanàna Bemasoandro

Miaraka amin’ireo mpiara-miombon’antoka, dia hisy ny tolotra ara-pahasalamana MAIMAIM-POANA ho an’ny rehetra :

🩺 Fitiliana Diabeta
🩺 Fijerena Tosidrà
🦷 HASOAVANA – Fanalana nify
👩‍⚕️ Torohevitra momba ny fahasalamana
💆 Massage
💊 Torohevitra momba ny Médecine

➕ Sns…

👉 Aza adino ny manararaotra izao tolotra maimaim-poana izao!

Kaominina Ambanivohitra Bemasoandro Atsimondrano
🤝 Ho an’ny fahasalamana sy ny fiadanan’ny mponina.

05/08/2026

FAMPIHARANA NY « CODE D’HYGIÈNE »
FEHEZAM-PITSIPIKA MIKASIKA NY FANADIOVANA SY NY FIDIOVANA ETO BEMASOANDRO

Tapaka eto anivon’ny Kaominina Bemasoandro fa hampiharina amin’ny fomba hentitra ny Code d’Hygiène, ho fitsinjovana ny mponina sy ho fanarenana ny tanàna iray manontolo.

Hisy fanabeazana ifotony sy fampahafantarana ny rehetra mahakasika ireo fitsipika tokony hajaina, ary koa ireo Dina sy sazy mihatra amin’izay tsy manaraka ny lalàna sy ny fitsipika napetraka.

Mifampifehy sy mifanaja isika. Izany no tena vontoatin’ny fampiharana ny Code d’Hygiène, satria ny fitiavan-tena tafahoatra sy ny tsy firarahiana ny tombontsoan’ny besinimaro dia misy fiantraikany mivantana amin’ny fiarahamonina sy ny fahadiovan’ny tanàna.

FANAMBY HO FANORENANA IFOTONY,

Mametraka fanamby ny Kaominina Bemasoandro:

Ao anatin’ny roa volana mahery, dia hatao mafimafy kokoa ny ezaka fanabeazana, fanentanana ary indrindra ny fanesorana ireo fako sy loto manerana ny tanàna.

Rehefa vita izany dingana fanomanana sy fanabeazana izany, dia hampiharina 100% ny Code d’Hygiène, ary ho hentitra tanteraka ny fanaraha-maso sy ny fampiharana ireo fepetra voalazan’izany.

Fahadiovana no andraikitsika rehetra.
Fifampifehezana no fototry ny fiaraha-monina.
Bemasoandro madio, milamina ary mendrika antsika rehetra.'

Ny Ben'ny Tanàna,
Jimmy RANITRATSILO

04/08/2026

Misaotra antsika Polisy Kaominaly eto BEMASOANDRO amin'ny Fanentanana amin'ny resaka Fahadiovana .

04/08/2026

Misaotra antsika chef Fokontany Rehetra amin'ny Finiavana hidina Ifotony manao Andrimasompokonolona sy manentana ny Fiarahamonina eto BEMASOANDRO

04/08/2026

25/07/2026

🚨 TAXI MOTO ETO BEMASOANDRO
TSY MAMPIDITRA INTSONY ARY FERANA NY LISITR'IREO MPISEHATRA REHEFA VITA NY RECENSEMENT.
FARITANA OFISIALY NY TOERANA FIJANONANA
Nisy ny fifampidinihana sy fifanarahana niarahana tamin'ireo mpisehatra Taxi Moto rehetra eto Bemasoandro. Teny nifampiresahana sy nifampihainoana no natao, ka niteraka lamina iombonana ho fampandehanana ny asa am-pilaminana.
Manamafy ny Kaominina Bemasoandro fa tsy maintsy miroso amin'ny fanamafisana ny lamina eny amin'ny arabe rehetra isika.
🔹 Voafetra ny isan'ireo Taxi Moto rehefa vita ny recensement.
🔹 Tsy hisy fandraisana mpisehatra vaovao intsony.
🔹 Faritana sy hajaina ny toerana fiantsonana.
🔹 Hapetraka ny discipline sy ny fitsipika mifehy ny asa, manomboka izao.
Ny tanjona dia ny hanatsarana ny filaminana, ny fifamoivoizana ary ny fiarovana ny mpampiasa lalana rehetra.
Manamafy isika fa ao anatin'ny fifanajana sy ny fifampitsinjovana hatrany no tokony hiorenan'ny rafitra.
🙏 Mankasitraka ny Departemantan'ny tahirin'i Jean Aime Ratolojanahary sy ny amin'ny fiaraha-miasa sy ny fanohanana.

KAOMININA BEMASOANDRO
Maire sy ny Ekipa