Radio Oasis 106.4FM - Mananara avaratra

15/09/2026

LANCEMENT ONEVOICE27.
Asehoy ny maha izy ianao, FEOIRAY27.
NDAO HIARAKA HAMITA IRAKA IRAY.

15/09/2026

14/09/2026

08/09/2026

Famaranana fiofanana Informatique sy Zaitra: 15 mpianatra nahazo certificat tany Andaingo Distrika Amboasary alaotra

Tamin’ny Zoma 4 Septambra 2026, nisy famoahana mpianatra vokatry ny Centre d’Influence tany Andaingo Distrika Amboasary Alaotra . Mpianatra 15 no nahavita ny fiofanana momba ny Informatique sy ny zaitra.

Ity fiofanana ity dia nokarakarain’ny CR Mangoro ary notronin’ny Département Vehivavy FME. Nandritra ny fotoam-piofanana, tsy nianatra fotsiny ny fahaiza-manao praktika ireo mpianatra, fa nandray koa ny hafatra avy amin’Andriamanitra izay zaraina isan’andro.

Tamin’ny fiafaran’ny fiofanana dia notolorana certificat ny mpianatra rehetra. Anisan’izany ny vehivavy iray kilemaina izay tsy vitan’ny nahavita ny fianarana fotsiny, fa lasa major de promotion koa.
Nisy solontenan’ireo manampahefana isan-tsokajiny nanatrika ny lanonana.

Ity hetsika ity dia manamarika ny fanoloran-tena hanome fahafahana ny vehivavy sy ny tanora hahazo fahaiza-manao azo ampiasaina amin’ny fiainana andavanandro.

05/09/2026

FANDRAISANA PASTEUR VAOVAO

Tontosa teto amin’ny Fiangonana Advantista Beryl Mananara, ny Sabata 5 Septambra 2026, ny fandraisana ireo pasteur vaovao hitandrina distrika telo.

Pastora Juliano no hitandrina ny Distrikan’ny Fiangonana Advantista Antanambaobe, Pastora Judicael ny Mananara Centre, ary Pastor Rija kosa ny Sandrakatsika.

Ny Departemantan’ny Fampielezam-boky sy Vavaka, niaraka tamin’ny Departemantan’ny Tanora avy amin’ny Federasiona Madagasikara Atsinanana, no nitarika ny fotoana.

Nisy ihany koa ny fanentanana momba ny ONEVOICE27, ary nambara tamin’ny fomba ofisialy ny Camporée des Seniors, na Tolopandragnа, izay hotanterahina eto Mananara amin’ny volana Desambra 2026.

Fotoana nanamarika ny fiandohan’ny andraikitra vaovao sy ny fiomanana amin’ireo hetsika lehibe ho avy eo anivon’ny Fiangonana Advantista.

04/09/2026

✅OFFICIEL
Asaina isika rehetra hanao ity pdp ity, indrindra isika mambra ato anatin'ny Ranomasimbe Indiana.
Miditra amin'ity lien ity.⬇️
➡️ https://twb.nz/onevoice27iouc

ONE VOICE 27 - FEO IRAY 27 - ALL THINGS NEW - IOUC

04/09/2026

TANY VINANIVAO/ANTALAHA SUD - OLONA IRAY MPANOMPO TROMBA NANOLO-TENA HO AN'I JESOSY.

Fanahy telo no nanapa-kevitra hanolotra ny fiainany ho an’Andriamanitra tamin’ny alalan’ny batisa, tao Vinanivao, distrikan’Antalaha, taorian’ny nandresen’ny herin’ny Filazantsara lahatra azy ireo hanaraka ny fahamarinana.

Anisan’ireo vita batisa ny tovolahy iray, 31 taona, izay tsy afaka mandeha noho ny ratra nahazo azy. Na teo aza anefa ny toe-pahasalamany sy ny zava-tsarotra sedrainy, dia nanapa-kevitra ny hanolotra ny fiainany ho an’Andriamanitra izy.

Ny roa ambiny kosa dia mpivady. Nisongadina manokana tamin’ity fotoana ity ny tantaran’ilay ramatoa, izay fantatra ho isan’ireo mpanao tromba nalaza tao amin’ny Kaominina Vinanivao. Saingy, noho ny fiasan’Andriamanitra teo amin’ny fiainany, dia resy lahatra izy ka nanapa-kevitra ny handao tanteraka ny fomba fiainany taloha ary hanaraka ny Fahamarinana.

Ho mariky ny fanapahan-keviny sy ny fiovam-pony, dia nomeny ho levonina avokoa ny fitaovana rehetra nampiasainy tamin’ny fanaovana tromba, tamin’ny Alarobia 12 Aogositra lasa teo.

Nitohy tamin’ny dingana lehibe kokoa izany fanoloran-tena izany ny Alarobia 02 Septambra, rehefa niara-nanao batisa izy mivady, ka nanambara ampahibemaso ny fanapahan-keviny hanaraka an’i Jesosy Kristy.

Zava-mitranga mampiseho indray fa mbola miasa eo amin’ny fiainan’ny olona Andriamanitra ary mbola manana hery hanova fo sy hanome fiandohana vaovao ho an’izay rehetra manaiky Azy ny Fahamarinana.

Voninahitra ho an’Andriamanitra irery ihany!

Ampanavoana, Antalaha-Sud.

04/09/2026

HIRA FANEVA

Amin'ny teny Frantsay

03/09/2026

Hafatra avy amin'ny filohan'ny FIANGONANA ADVANTISTA MANERANTANY.
Mila miomana isika