24/08/2026
*LEHILAHY IRAY MISANDOKA HO MPAMPANOA LALÀNA SY MPISOLO VAVA NO TRATRA.
* OLONA 08 MIANADAHY VOASAMBOTRA NOHO NY VAKY TRANO
• Lehilahy iray fantatra amin’ny anarana hoe TSIMIRAFY Samuel avy any amin’ny Distrikan'i Antalaha Faritra SAVA, no voasambotra tao Antakotako Kaominina Ambanivohitra Antakotako ihany Distrikan'i Maroantsetra Faritra Ambatosoa ny Zoma 21 Aogositra 2026 rehefa avy nitety tanàna maromaro nanao asa fisolokiaka sy fisandohana andraikitra ambony toy ny :
Avocat, Procureur ary indraindray misandoka ho Zandary.
Milaza ho :
✓Mahatafaboaka olona avy amponja,
✓Mahatafiditra olona miasa,
✓Manararaotra mpivarotra tsy manana taratasy ara-dalana eny ambanivohitra,
✓Ary efa nikasa hampiaka-bady zanak’olona tany Ambanivohitra tamin’ny fisandohana ho Procureur izy io dia izao tratra izao.
Tao no efa azony fananana, tao no azony vola, sns…
Natao famotorana tao amin’ny Brigadin’ny Zadarimariam-pirenena teto Maroantsetra izy io ary atolotra ny Fampanoavana.
• Mikasika ny vaky trano kosa dia mitohy ny famongorana izany asa ratsy izany ary mandeha hatrany ny fanadihadiana ataon’ny Zadarimariam-pirenena avy amin’ny Brigady Maroantsetra izay tarihin’ny Komandin'ny tombimparitry ny Zadarimariam-pirenena.
✓Olona valo (08) mianadahy izao no tratra ary atolotra ny fampanoavana amin’izao fotoana.
Loharanom-baovao ara-potoana avy amin’ny olona tsara sitrapo no nahafahana niroso tamin’ny fisamborana ireo olon-dratsy rehetra ireo.
Etoana dia mbola manentana atsika vahoaka ny Zadarimariam-pirenena mba hanome loharanom-baovao ara-potoana raha misy olona mampiahiahy na tratra manao asa ratsy.
Afaka miantso maimaimpoana ny laharana maitso 119 mampafantatra izany na manatona mivantana eny amin’ny Birao fa mijanona ho tsiambaratelo ny loharanom-baovao.
Namanao ny zandarimaria
📷 Tsilavomanana Maroantsetra Ofisialy
