25/01/2024
👉 Manavy ny zanakao ?
👉 Matahotra ianao sao mifanintona izy ?
🤒 Resaka manavy sy fanintona ny lohahevitra androany 👇
▪
🤒 Inona no atao hoe manavy ?
✖ Rehefa ambanin'ny 36,5°C ny zaza dia mangatsiaka izy izay.
✖ Rehefa 36,5°C hatramin'ny 37,5°C ny zaza dia antonony ny hafanany.
✖ Rehefa 37,6 hatramin'ny 38,5°C ny zaza dia manavy kely azo leferina.
✖ Ary rehefa miohatra ny 38,5°C ny zaza dia manavy. Eo izy vao afaka omena fanafody.
↪ Io famantarana ny tena hafanana marina io no hilavana ny THERMOMÈTRE satria tsy hatokisana ny mitsapa amin'ny tanana (ny loha mety hafana nefa tsy manavy akory ny zaza), ary mba hahalalana hoe efa azo omena fanafody ve ny zaza sa mbola azo iafiana.
🔫 Tsy hatokisana ny thermomètre ilay tifirina toa ny basy ireny. Tsara kokoa raha thermomètre à mercure (ilay tsy mila pile ireny) satria ny thermomètre électronique tsinona mety diso rehefa efa ho lany pile.
🤒 Ny fampiasana ny thermomètre ?
✖ Raha tena te hahazo ny valiny marina dia atsofoka any amin'ny lava-body ny thermomètre. Satria ny hafanan'ny ao anatin'ny vatana no tena mila fantarina fa tsy ny aty ivelany.
✖ Mba TSY HAMPIJALIANA NY ZAZA dia atao ao ambany helika ny thermomètre. Fa mila ampiana 0,5°C ny valiny azo.
Oh : 39,4°C no nipoitra valiny teo. Atao +5 ny aorian'ny virgule izay dia 39,9°C izany no tena hafanan'ny zaza.
⚠ Tsy tsara ampidirina am-bavan'ny zaza ny thermomètre manjary mety vaky.
⚠ Aza mifantoka be loatra amin'ny habetsaky ny tarehimariky ny hafanan'ny zaza fa ny FAHATANTESANY ny hafanan'ny vatany. Izany hoe, jerena aloha ny fihetsiky ny zaza : tsy maninona izy fa tantiny tsara ilay manavy, nefa mbola niakatra ny hafanan'ny vatany, dia tsy misy hatahorana fa tohizo ny fampidinana ny hafanana. Fa aza avela miohatra ny 40°C kosa aloha.
🚨 Ireto avy no famantarana fa tsy zakan'ny zaza ny fanaviana :
❗ Fihetsika hafahafa : toa ny tsy misy réaction intsony ny zaza rehefa resahina, na kitikitihina, na tairina, ...
❗ Loko hafahafa : fotsy hatsatra ny zaza, na mangamanga ny molony na ny tanany sy ny tongony.
❗ Respiration hafahafa : miaina haingana be izy (misefosefo), na sahirana be miaina.
↪ Manatonà pédiatre farany izay haingana rehefa mitranga amin'ny zaza manavy ny iray amin'ireo.
↪ Ankoatra ireo dia tsy mbola misy hoe hatahorana be 😉
🚑 Raha zaza latsaky ny 3 volana no manavy (miohatra ny 38,5°C ny hafanany), dia tokony tonga dia manatona pédiatre haingana. Raha zaza latsaky ny 1 volana dia tokony hiditra urgences.
▫
🌡 Inona avy no atao rehefa manavy ny zaza ?
✖ Hanesorana tsikelikely ny akanjony mba hampangatsiatsiaka azy tsikelikely.
Oh : Esorina aloha ny gants sy ny bas. Afaka 10mn esorina ny akanjo bà. Afaka 10mn soloina short ny pataloha.
⚠ Tsy azo ampiborodanina tampoka ny zaza manjary mampisy choc thermique : mafana be dia lasa mangatsiaka be tampoka. Manjary mampikaikona ny lalandrà tampoka ka mety hahasafotra na hahafaty mihitsy aza.
⚠ Tsy azo ampandroana amin'ny rano mangatsiaka izy satria tsy mandaitra izany, sady isorohana choc thermique.
✖ Atao peta-glasy ny zaza : maka lamba madio dia lemana rano mangatsiaka. Dia fihazana. Iny no apetaka ny handrin'ny zaza.
⚠ Mety hampavoan'ny sery na gripa ny zaza io.
🌟 Ianaro ato ny fitsaboana ny sery sy gripa : https://www.facebook.com/100984206697995/posts/2787873081342414
✖ Raha 37,6 hatramin'ny 38,5°C ka hitanao fa malemilemy ny zaza dia omeo fanafody fampidinana hafanana ny zaza isaky ny adiny 6, mandrampidinan'ny hafanany ho 37,5°C.
✖ Raha miohatra ny 38,5°C ny hafanany dia omena fanafody fampidinana hafanana ny zaza isaky ny adiny 6, mandrampidinan'ny hafanany ho 37,5°C.
✖ Raha miohatra ny 38,5°C ny hafanany dia azonao omena isaky ny adiny 4 raha tsy mety midina mihitsy ny hafanana, mandrampidinan'ny hafanany ho 37,5°C.
💊 Ny paracetamol no fanafody manala fanaintainana SY mampidina ny hafanana.
⚠ Tsy azo omena antibiotique ny zaza raha manavy satria otrikaretina no mampanavy azy fa tsy bactéries : ny bactéries no vonoin'ny antibiotiques.
⚠ Misy karazany ny fanafody misy paracetamol : Doliprane, Efferalgan, Dafalgan, Dolko, Paralyoc, Perfalgan ... Fa
✖ FANAFODY NATOKANA HO AN'NY ZAZA no omena ny zaza satria misy fatrany mila hajaina arakaraky ny lanjan'ny zaza ny paracetamol. Ka raha ny paracetamol an'ny olon-dehibe no zarainao 4 dia lasa miohatra ny mety ny zaza ka lasa mitarika aretina ho azy indray ary mety hahafaty azy mihitsy aza.
✖ Fanafody misy paracetamol 1 ihany no omena ny zaza mba tsy hioharan'ny fatra (dose) mety. Izany hoe omena Doliprane dia efa mety ny zaza fa tsy hoe sady omena Doliprane izy no omena Efferalgan.
🌟 Ianaro ato ny fomba fanomezana fanafody ny zaza : https://www.facebook.com/100984206697995/posts/3230932140369837
🤮 Raha hatahorana handoa ny zaza, dia aleo suppositoire no ampiasaina. Ny suppositoire ihany koa haingana fiasa kokoa noho ny sirop. Oh : Doliprane suppositoire.
⏱ Afaka 45mn taorian'ny nampidirana azy vao manomboka miasa ny fanafody fa tsy eo noho eo. Noho izany, mila tohizana foana ny fampidinana ny hafanana amin'ny fomba natoraly (atao maivamaivana ny akanjo, atao peta-glasy ...) mandrampiasan'ilay fanafody.
📆 Tokony haharitra 5 andro farafahabetsany ny sery, angine, bronchite, ... izay vokatry ny otrikaretina (mampanavy).
✔ Raha toa ka miohatra ny 5 andro nefa mba efa nisy fiovana kely ny fijerinao ny zaza (mba nahinan-kanina ihany ohatra) dia tsy misy hatahorana.
✔ Raha toa ka 3 andro nitohitohy ho an'ny zaza latsaky ny 3 taona ary 5 andro nitohitohy raha zaza miohatra ny 3 taona ka tsy nety nihidina mihitsy ny hafanan'ny zaza dia mila manatona pédiatre.
▫
💡 Raiso sary an-tsaina hoe ny jiro ao an-trano. Raha toa ka betsaka loatra ny prizy hatsatoka amin'ny courabt dia misy court-circuit izay mety handoro trano. Ka tapahan'ny disjoncteur ny jiro. Rehefa mitranga izay dia averina ampiretina ny disjoncteur, dia jerena sao dia misy tsy mandeha intsony ny rehetra nampiasaina teo.
➡ Tahaka izay ny mitranga rehefa mifanintona ny zaza. Nisy court-circuit nitranga fa niakatra tampotampoka amin'ny tsy zakan'ny zaza ny hafanan'ny vatany (manavy). Dia nopihan'ny disjoncteur mandritra ny fotoana fohy ny atidoha sao simba : izay ilay nifanintona. Izany hoe ny fanintona izany no miaro ny atidohan'ny zaza mba tsy ho simba raha ny tena marina. Fa ilay zaza manavy no mety nampisy fiantraikany ratsy tamin'ny atidoha sy vatana (court-circuit).
🔦 Rehefa avy mifanintona ny zaza dia miverina amin'ny laoniny ny fiasan'ny atidoha, raha tsy hoe efa nisy fiantraikany ny hafanam-batana avo loatra tampoka teo aloha. Izay no hilavana hanaovana examen neurologique an'ny zaza avy nifanintona : jerena hoe normal daholo ve ny atidoha.
🔁 Raha miverina in-2 na in-3 izay dia tsy hatahorana. Fa raha toa ka miverimberina foana avy eo, na faritra iray amin'ny vatana ihany no mihovitrovitra dia izay vao jerena hoe sao dia misy zavatra hafa mahatonga an'ilay fanintona.
🚨 Inona no atao raha toa ka mifanintona ny zaza ?
➡ Esory ny pataloha, vahao ny bokotra amin'ny akanjony, sy izay rehetra mety hanembatsembana ny respiration an'ny zaza.
➡ Ataovy izay hampidina ny hafanany : ataovy maivamaivana ny akanjony.
➡ Ataovy en Position Latérale de Sécurite (PLS) ny zaza (jereo ny sary), izany hoe tazomy mihorirana fa tsy mitsilany, ny loha somary ambanimbany, sao dia kenda tampoka raha nisy zavatra ny vavany na mandoa.
➡ Halaviro ny fanaka izy sao mipoaka amin'ny zavatra ny lohany.
➡ Tsy fehezina ny vatany mba tsy hihetsika.
➡ Tsy sokafana ny vavany raha tsy hoe nisy kilalao na sakafo raikitra ao, ary tsy hampidirana zavatra ny vavany.
➡ Jereo hoe maharitra hafiriana ny fanintona satria ilain'ny mpitsabo izany.
➡ Hoento any amin'ny mpitsabo ny zaza vao tapitra ilay izy.
🌡 Noho izany, tsy an-kifidy ny tarehimarika izay mipoitra amin'ny thermomètre ny mampidy fanintona. Fa arakaraky ny fahatantesan'ny atidoha izay hafanam-batana izay io. Mety hoe miova na dia kely fotsiny aza ny hafanam-batana dia mifanintona ny zaza. Oh : Mety hifanintona ny zaza na vao 37,9°C aza, na efa 40°C, na 38°C ...
👶 Zava-doza ho an'ny zaza latsaky ny 3 volana ny mabavy sy mifanintona. Fa na izany aza, samy hatahorana daholo ny zaza rehetra rehefa mifanintona, na firy volana na firy taona.
👋 Tsy hoe sendra nifanintona ny zaza tamin'ny nanavy dia lasa hifanintona foana izy na ho voan'ny épilepsie. Io arakaraky ny zava-mitranga.
▪
📚 Tao amin'ny pejy Toubib or not toubib : https://www.facebook.com/401563697126072/posts/450103662272075
📚 Nalaina tao amin'ny Dr Sanon Mercedes (Pédiatre) : https://www.facebook.com/1189719511060664/posts/2817395268293072
▪
📌 Tageo ny reny rehetra izay matahotra resaka fanaviana.
💖 Ataovy j'aime 👍 sy araho ny pejy mba hahitanao torohevitra hafa momba ny fikarakarana zaza.
💌 Tonga dia alefaso message (fa tsy ao amin'ny commentaire) ny fanontaniana fa aza miera fa manjary miandry ela be ianao vao ho voavaly.
