DRCC Menabe

24/07/2025

20/07/2025

📢 Fitaleavam-paritry ny Serasera sy ny Kolontsaina – Menabe

Ny Fitaleavam-paritry ny Serasera sy ny Kolontsaina Menabe dia maneho feno fanohanana sy firaisankina amin’ny ady atao amin’ny fanaparitahana vaovao tsy marina, araka ny toromarika sy fepetra hentitra raisin’ny Minisiteran’ny Serasera sy ny Kolontsaina, izay tarihin’ny Ramatoa Ministra MARA Volamiranty Donna.

Manamafy sy manohana hatrany koa izahay ny fitondram-panjakana tarihin’ny Andriamatoa Filohan’ny Repoblika, ANDRY Nirina RAJOELINA, izay miezaka hatrany amin’ny fanarenana sy fanatsarana ny rafitra sy ny asa eo amin’ny sehatry ny serasera sy ny kolontsaina, ho tombontsoan’ny vahoaka malagasy manontolo.

Ny andraikitsika amin’ny sehatra rehetra dia ny miaro ny marina, mampiely vaovao marina, ary mijoro amin’ny fahaiza-manao sy ny fahamatorana hatrany .

20/07/2025

https://www.facebook.com/61560325739599/posts/122192276030344191/?mibextid=rS40aB7S9Ucbxw6v

19/07/2025

Ireto avy àry ny adidy sy andraikitra lehibe hiantsorohan’ny Filoha Malagasy Andry Nirina Rajoelina amin’ny maha Filohan’ny SADC (Southern African Development Community) azy mandritra ny taom-piasana 2025.

🇲🇬 Ny fandraisana an-tanana ny fitarihana ara-politika ao anatin’ny Vondrona:
Amin'ny maha filohan'ny SADC, dia andraikitry ny Filoha Andry Rajoelina ny mitarika sy mandrindra ny asa sy ny paikady iombonana ho fampandrosoana maharitra sy ho amin'ny fitoniana ara-politika sy ara-toekarena aty amin’ny faritra Afrika Atsimo.

📌 Fanamafisana ny fiaraha-miasa amin’ireo Firenena mpikambana (16):
Anisan’ny asa lehibe miandry azy ny fanamafisana ny firaisankina sy ny fiaraha-mientana eo amin’ireo firenena mpikambana, amin’ny alalan’ny fifanarahana ara-toekarena, ara-tsosialy, ara-tontolo iainana ary fandriampahalemana.

📈 Fandrisihana ny fampandrosoana ara-toekarena:
Tanjona lehibe amin’ny fitondrana ny fivondronana ny fampiakarana ny tahan’ny varotra anatiny, ny fampivoarana ny famokarana anatiny (industrialisation), ary ny fanatsarana ny fotodrafitrasa (infrastructures) hanamora ny fifanakalozana sy ny famatsiana ara-tsakafo.

🤝 Fitadiavana vahaolana iombonana amin’ny olan’ny faritra:
Ao anatin’ny andraikiny ny fanomezan-danja ny fifandaminana sy ny fandrindrana iombonana amin’ny fanalefahana ireo olana iombonana toy ny fiovaovan’ny toetr’andro, ny tsy fandriampahalemana amin’ny sisintany, ny fanjakazakana amin’ny loharanon-karena ary ny olana amin’ny fifindra-monina.

🕊️ Fanamafisana ny fandriampahalemana sy ny fitoniana:
Andraikitry ny filoha mitarika ny SADC ny mitady vahaolana amin’ny alalan’ny fifampiresahana sy ny fampihavanam-pirenena amin’ireo firenena ahitana krizy politika na herisetra, amin’ny alalan’ny fiaraha-miasa amin’ny rafitra manampy sy mandrindra toy ny Troïka sy ny Panel of Elders.

📚 Fanohanana sy fanentanana ny fidirana amin’ny fanabeazana sy ny asa ho an’ny tanora:
Hanome lanja manokana amin’ny politikam-pitantanana iombonana ny fanohanana ireo tanora sy vehivavy, amin’ny alalan’ny fandaharanasa SADC momba ny fandraharahana, fidirana amin’ny asa sy fahaiza-manao (skills development).

🌍 Fanamafisana ny toeran’ny SADC amin’ny sehatra iraisam-pirenena:
Amin’ny maha-mpitondra tenin’ny Vondrona, andraikiny ny misolo tena sy miaro ny soatoavina sy ny tombontsoa iraisan’ny SADC eo anivon’ireo sehatra iraisam-pirenena sy kaonfederasiona hafa, toy ny Vondrona Afrikana (UA), ny ONU, ary ny mpiara-miombon’antoka maneran-tany.

🗓️ Fametrahana drafitra mazava sy azo tanterahina:
Ny fivorian’ny SADC an-tampony dia hanamarika ny fanombohana amin’ny fomba ofisialy ny fitarihana Malagasy. Hanaraka izany ny famolavolana fandaharam-potoana amin’ny asa hotanterahina, amin’ny maha-filoha mandritra ny taona iray azy.

Amin’ity vanim-potoana maha-filohan’ny SADC an’i Madagasikara ity, dia vinavinaina ho zava-dehibe indrindra ny fampandrenesana amin’izao tontolo izao fa afaka mitarika sy mandray andraikitra lehibe i Madagasikara, sady maneho fiaviana vaovao eo amin’ny sehatra iraisam-pirenena.

19/07/2025

Fitsidihana ara-pomba nataon'ny Minisitra

Tonga nitsidika sy nanome voninahitra ny Ray aman-dreny ara-drazana, “Mpanjaka ISSA Tsimiaro III”, tao amin’ny faritry DIANA, distrikan’Ambilobe, Ramatoa MARA Volamiranty Donna, Minisitry ny Serasera sy ny Kolontsaina.

Natao ho fanehoana fanajana sy fanamafisana ny soatoavina sy kolontsaina Malagasy izany, indrindra amin’ny fanajana ireo Mpanjaka sy fomban-drazana.

18/07/2025

18/07/2025

Fampiofanana sy Fanamafisana ny Fahaiza-manao ho an’ny Talem-paritra sy ny Delege

Tanteraka tao Ambilobe ny 16 hatramin’ny 18 Jolay 2025 ny fiofanana manokana nokarakarain’ny Ministeran’ny Serasera sy ny Kolontsaina, natokana ho an’ireo talem-paritra sy delege 21 avy amin’ny faritra DIANA sy SAVA. Tanjona amin’izany ny hanamafisana ny fahaiza-mitantana, ny fahaiza-manao amin’ny serasera sy tambajotra sosialy, ary koa ny fanamafisana ny maha-olona sy ny fahaiza-miara-miaina.

Ity fiofanana ity dia tafiditra anatin’ny vina nasionaly hoe “Fampiroboroboana ny Maha-olona” sy “Fanjakana Tsara Tantana”, araka ny paikady sy politika napetraky ny Filohan’ny Repoblikan’i Madagasikara, Andriamatoa Andry Rajoelina.

Nitarika sy nanome ny fanazavana rehetra nandritra ny fiofanana ireo tompon’andraikitra ambony avy ao amin’ny Ministera foibe, notarihin’ny Minisitry ny Serasera sy ny Kolontsaina, Ramatoa MARA Volamiranty Donna.

Izany rehetra izany dia natao mba hanamafisana ny fahavononan’ireo mpiasam-panjakana amin’ny fanatanterahana andraikitra, entina hanatsarana hatrany ny tolotra ho an’ny vahoaka.