Ratsimavandy

30/09/2025

NITADY PROBLÈME KA DIA NAHAZO TOKOA : TAPAKA NY RN1 AMIN'IZAO ORA IZAO MANGATAKA TSY MISY HATAKANDRO NY HAMOAHANA NY DÉPUT RAJERISON ANTOINE NY VAHOAKAN'IMERINTSIATOSIKA.

25/09/2025

MILA MIHITSIKA NAREO OPERATEUR JIABY. NAREO COMMISSIONAIRE, COLLECTEUR VANILLE TAVARATRA JIABY RENY. FOTOANA IZAO. AIZA NAREO JIABY MANANA TROSA AMIN'I ERIC BESOA IRENY. AIZA IANA LEBABA ANALAMPOTSY ? FIRY MILLIARD VOLANAO AMIN'AZY IGNY ?

25/09/2025

OMENA NY ANJARANY KOA ERIC BESOA MAROANTSETRA

03/01/2025

🔥 TRANGA MAMPALAHELO NITRANGA TAO ANTANANDRAHAVANA🔥

Ny alin’ny 02 Janoary 2025, nanomboka tamin’ny misasak’alina ka hatramin’ny 01 ora maraina ny 03 Janoary 2025, dia nisy trano vita amin’ny falafa may tanteraka tao Antanandrahavana, Fokontany sy Kaominina Mahanoro, Distrika Fénérive-Est.

Mampalahelo fa nisy aina nafoy tamin’ity loza ity. Ramatoa NOELSON André, 37 taona, no niharam-boina, maty tao anatin’ilay trano rehefa tsy tafavoaka.

Niezaka namono ny afo ny fokonolona, saingy tsy noheverina velively fa mbola tao anaty trano ilay niharam-boina raha tsy efa maty tanteraka ny afo vao hita izany.

Ny anton’ny afo dia mbola eo am-panaovana fanadihadiana ny mpitandro ny filaminana, kanefa voalaza fa nisy fifandirana teo amin’ny mpivady talohan’ny tranga, izay mety ho antony nitarika ny loza.

19/11/2024

FISAORANA HO AN'NY VAHOAKAN'I SOANIERANA IVONGO

Vita soa aman-tsara ny lanonana fisaorana ho an'ny vahoakan'i Soanierana Ivongo, izay naneho ny safidiny sy nanohana ny solombavambahoaka MENAVOLO Alban.

Tonga maro nanotrona ity hetsika lehibe ity ireo solombavam-bahoaka, olom-boafidy, ary olom-boatendry ato amin'ny faritra Analanjirofo, mariky ny firaisankina sy ny fiaraha-miasa ho amin'ny tombontsoa iombonana.

Mirary soa ho anao, Andriamatoa Solombavambahoaka MENAVOLO Alban, amin'ny andraikitra masina iantsorohanao.

Enga anie ianao hitondra amim-pahatokiana ny feon'ny vahoaka, hiady ho an'ny tombontsoan'i Soanierana Ivongo, ary hiasa ho amin'ny fampandrosoana sy ny fanatsarana ny fiainan'ny mponina.

Mankasitraka sy mirary fahombiazana ho anao amin’ny asa rehetra miandry!

Send a message to learn more

24/05/2024

PEJY POLITIKA : Vaky ny ady eo amin’ny LEHILAHY JOBY sy LEHILAHY ORIGINALE.
- Miteraka resa-be eny anivon’ny fiaraha-monina ny tsy fahitana an’i BITA Charles (LEHILAHY JOBY) nandritra ny propagandy hataon’i SAMUEL (LEHILAHY ORIGINALE).
- Nisy ny hevitra tsy nitovizan’izy ireo tamin’ny ora farany ka samy naka sisiny.
- Nilaza ny LEHILAHY ORIGINALE fa mbola hilatsaka Maire CU raha tsy lany amin’ity fifidianana ity kanefa tsy mety amin’ny LEHILAHY JOBY.
Raha lany kosa anefa i SAMUEL dia efa maro ny ady sisika eo amin’ny ekipan’i’zy ireo satria hita sy tsapa fa soavaly be tongatra i LEHILAHY JOBY (sarotra asesy) ka tsy afaka hihazakazaka sy hifaninana amin’ny fifidianana ben’ny tanana ho avy izao.
- Asa aloha izay fahamarinany fa efa namadika palitaho tanteraka i LEHILAHY JOBY ka efa ao andamosin’i RAMATOA.
- Etsy ankilany moa dia nafindra ihany koa ny QG MAPAR raha teo ampitan’ny CU no nahitana azy hatramin’izay. Mipetraka amintsika arak’izany ny fanontaniana fa nisy antony hafa ihany koa ve no namindrana io QG io ?
TSARA RAHA MAZAVA

08/03/2024

𝐕𝐏𝐒 𝐄𝐑𝐈𝐂 𝐁𝐄𝐒𝐎𝐀
Mitaraina ireo mpandraharaha ao Maroantsetra, Rantabe ary Mananara nohon’ny fanamparam-pahefana sy ny ramatahora ataon’Atoa ERIC Besoa, Vice president du Sénat.

➡ Very fanahy mbola velona izy ireo satria dia tsy voahefa ny vidim-bokatra (Vanille) amin’ny milliard maro, natao trosa efa taona maro lasa.

❌ Tsy afa-manoatra nefa izy ireo satria akaiky izao fitondrana mijiro izao ity olom-boafidy ity ka atahorana ho very maina ny fanenjehina azy raha hitory eny amin’ny fitsarana.

👉 Ankoatran’izay dia mahatsapa ihany koa izy ireo fa misy fanakanana ankolaka avy amin’ity olom-boafidy ity no tsy nazahon’ireo mpandraharaha ao Maroantsetra sy Rantabe ny agrément avy amin’ny fanjakana mba afahany manjaka irery ao amin’ny Faritra AMBATOSOA.

🇲🇬 Arak’izany dia miantso vonjy amin’Atoa FILOHA hajaina izy ireo mba hijery akaiky ity raharaha ity fa misy fiantraikany goavana eo amin'ny velontenan'izy ireo ary mandratsy endrika izao fitondrana izao ny tsy maty manota toy izao.

➡ Enga anie mba hijoro ny Faritra AMBATOSOA ka hiova toetra ity milaza ho future GOVERNORA ity fa hiova ny rivotra any an-toerana raha izao no mitohy.

25/11/2023

MANANARA AVARATRA

03/10/2023

MANANARA : COMMUNE RATSY TANTANA, MPITONDRA MANARARAOTRA FAHEFANA

Voalaza fa ny fanjakana foibe no tsy mampandroso kanefa ny mpitondra ifotony no manao tantely afa-drakotra ny Kaomina tantaniny.

Ny Kaomina ao anatin'ny District Mananara/Avaratra no asina resaka dia hita mibaribary fa misy fanararaotana ataon'ireo ben'ny tanana ka anisan'ireo nahenona resabe ny mikasika ny Commune SARIMAONA sy AMBATOHARANANA.

1-CR SARIMAONA : Very anjavona ny ristourne 2021-2022 satria nanaovan'ny giahy Maire trano vato ao Ambodiampana. Araka ny vaovao mari-pototra voaray mantsy dia fianakavian'ingahy Maire RIVOMANANA avokoa no mitaky ireo ristourne ireo ka manao izay saimpantany izy ireo amin'ny fihinanana volam-bahoaka. Ny mponina any an-toerana moa dia tsy masahy mitory satria misy raha matahora ataon'ingahy Maire.

Tsy vitan'izay ihany fa manao fanolanana zaza tsy ampy, fanodikodinana zaza tsy ampy taona ary misambotra vola tsy mamerina ny Maire ao an-toerana ka jerem-potsiny satria tsy sahy mitory ireo vahoaka madinika.

2-CR AMBATOHARANANA : Ristourne mitentina 30.000.000Ar hatreto no tsy hita popoka ka mifanjevo ny iray tanana. Voalaza fa ny ben'ny tanana no lohan'io fanodikodinana volam-panjakana io ka efa eny anivon'ny Distrika Mananara ny raharaha.

Manoloana izao tranga izao kosa dia manara-maso akaiky izao toe-draharaha izao ny vahoaka ary ahiana ny hisian'ny fitoriana any amin'ny manam-pahefana mahefa raha tsy misy ny fandraisana andraikitra haingana.

Mbola hitohy.

30/08/2023

VAVATENINA : Fanamboarana pavé

Notanterahina tao Vavatenina androany faha 30 Aogositra 2023 ny fametrahana ny vato fototra amin'ny fanaovana pavé eo amin'ny bureau Distrika mampitohy ny CSB-II Vavatenina.

Ny lanonana dia natrehan'ireo olo-manakaja maro ka anisan'izany ny Governoran'ny faritra Analanjirofo, Solombavambahoaka, ny lehiben'ny Distrika, talem-paritra maromaro, ny ben'ny tanana sns ....

Ny orin'asa FCB no hanatanteraka ny asa ka maharitra 180 andro ny fepotoana hanaovana izany.

Enga anie mba ho vita tokoa ity tetik'asa ity fa tsy sanatrian'izany ho kobaka ambava.