Université de Toamasina Officiel

21/07/2025

𝐅𝐀𝐍𝐎𝐊𝐀𝐅𝐀𝐍𝐀 𝐀𝐌𝐈𝐍'𝐍𝐘 𝐅𝐎𝐌𝐁𝐀 𝐎𝐅𝐈𝐒𝐈𝐀𝐋𝐘 𝐍𝐘 𝐅𝐀𝐍𝐀𝐃𝐈𝐍𝐀𝐌-𝐏𝐀𝐍𝐉𝐀𝐊𝐀𝐍𝐀 𝐁𝐀𝐂𝐂𝐀𝐋𝐀𝐔𝐑𝐄́𝐀𝐓 𝐒𝐄𝐒𝐒𝐈𝐎𝐍 𝟐𝟎𝟐𝟓 𝐓𝐄𝐓𝐎 𝐓𝐎𝐀𝐌𝐀𝐒𝐈𝐍𝐀

Nizotra soa aman-tsara amin' ny ankapobeny ny fanokafana tamin'ny fomba ofisialy ny fanadinam-panjakana "Baccalauréat Session 2025" teto amin'ny faritany Toamasina ny alatsinainy 21 Jolay 2025 tamin'ny 07 ora sy sasany maraina tao amin'ny Lycée Jacques RABEMANANJARA.

Tonga nanatrika izany sy nankahery ireo mpiadina, ny Filohan'ny Oniversite Profesora Diny RAZANAKOLONA sy ny mpiara-miasa aminy, ny manam-pahefana sy tompon'andraiki-panjakana izay notarihin'ny Governoran'ny faritra Atsinanana mpisolo toerana Atoa RAKOTOVAO Andry, ny solon-tena avy amin'ny Ministera maro samihafa, ny Presidents du Jury, ny Superviseurs, ny Chef de Centre, ny DREN sy ny Chef Cisco, ny Directeur Regional ny Sécurité Publique, ny mpitandro filaminana ary ireo mpanao gazety rehetra teto Toamasina.

Miisa 33 867 ny isan' ny mpiadina eto amin' ny faritany Toamasina (Atsinanana, Alaotra Mangoro, ary Analanjirofo ary Ambatosoa). 59 taona ny zokiny indrindra ary 10 taona ny zandry raha ny amin' ny salan-taona ny mpiadina

Ny "Philosophie" no taranja nisantarana ny fanadinana izao alatsinainy maraina izao ary hofaranana ny zoma 26 Jolay ho an'ireo izay manao ny taranja "Sciences Économiques et Sociales".

Ny Oniversiten'i Toamasina sy ny ekipa rehetra miara-misalahy amin'ny fanatontosana ny fanadinana Baccalauréat dia mamerina ny firarian-tsoa ho an'ireo mpiadina rehetra ary mankahery hatrany ireo Ray aman-dreny.

20/07/2025

𝗙𝗔𝗡𝗔𝗭𝗔𝗩𝗔𝗡𝗔 𝗠𝗜𝗞𝗔𝗦𝗜𝗞𝗔 𝗡𝗬 𝗙𝗔𝗡𝗔𝗗𝗜𝗡𝗔𝗡𝗔 𝗕𝗔𝗖𝗖𝗔𝗟𝗔𝗨𝗥𝗘́𝗔𝗧 𝗦𝗘𝗦𝗦𝗜𝗢𝗡 𝟮𝟬𝟮𝟱 𝗛𝗢 𝗔𝗡'𝗡𝗬 𝗙𝗔𝗥𝗜𝗧𝗔𝗡𝗜𝗡'𝗡𝗬 𝗧𝗢𝗔𝗠𝗔𝗦𝗜𝗡𝗔

Hanomboka ny alatsinainy faha 21 jolay 2025 ny fanadinana Bakalorea Session 2025 ka nanatanteraka fihaonana tamin'ireo mpanao Gazety ireo tompon’andraikitra eto amin'ny Oniversite Toamasina izay notarihin'ny Filoha Profesora Diny RAZANAKOLONA sy ny tompon' andraikitra avy ao amin'ny Service du Baccalauréat, ny Alahady 20 jolay 2025, nitondrana fanazavana be be kokoa mikasika ny fanadinana.

☑Antontan’ isa :
- Raha ho an’ ny Faritany Toamasina manokana (faritra : Atsinanana, Alaotra Mangoro, Analanjorofo
ary Ambatosoa) dia miisa 33 867 ny isan’ ny mpiadina, izay mitsinjara ho 32 204 ho an’ ny
fampianarana ankapobeny ary 1 663 ny mpiadina amin’ny sampam-piofanana teknika sy ny fanofanana arak'asa.

- Niakatra 543 ny isan'ireo mpiadina raha hoarina tamin' ny taon-dasa, izany hoe niakatra 1,63 % ary sokajiana manana kandida betsaka indrindra aorian'ny Antananarivo sy Fianarantsoa ny Faritany Toamasina.

☑️ Mikasika ny salan-taona ny mpiadina dia 59 taona no zokiny indrindra ary 10 taona no zandriny indrindra, izay samy serie A2 sy ao amin'ny ivo-toeram-panadinana Toamasina avokoa.

☑Fanomanana ny fanadinana :
Mizotra soa aman-tsara ny fanomanana ary efa lasa avokoa ny Chefs de centre sy ny laza-adina ho an'ireo Faritra ivelan'i Toamasina rehetra, indrindra ho an'ny distrika lavi-dalana toy ny Nosibe An' ala, Marolambo, Tanambao Manampotsy, Sainte Marie, Mananara Avaratra ary Maroantsetra.

☑Fanamafisana ireo fepetra mifehy ny fanadinana:
Amin’ ny maha-fanadinam-panjakana ny fanadinana Bakalorea, dia ampahatsiahivina ny mpiadina fa:
- tsy maintsy mitondra ny taratasy fiantsoana (convocation) sy ny fanamarinana ny mombamomba azy mandritra ny fanadinana rehetra ny mpiadina.
- voarara ny fitondràna ireo fitaovana toy ny finday sy ireo antontan- taratasy na ireo zava-drehetra ahafahana manao “fraude” ao anaty efi-tranom-panadinana.

Ho entitra tokoa ny fanaraha-maso sy ny fisavana ka entanina ny mpianatra mba
hanaja ireo fitsipika rehetra mifehy ny fanadinam-panjakana. Manentana ireo Ray aman-dreny koa mba hanaramaso tsara ireo zanany.

Ny Oniversite Toamasina dia misaotra sy mankasitraka ireo rehetra niara-nisalahy amin'ny fikarakarana izao fanadinana Bakalorea Session 2025 izao:
ireo mpiara-miombon’antoka eto an-toerana izay nanampy sy ireo ekipa rehetra na avy ato amin’ ny oniversite na ireo rehetra avy any ivelany anisan' izany ny avy ao amin’ny Prefecture sy ny Faritra Atsinanana, ireo mpitandro filaminana, DREN, Direction Régionale de l’Enseignement Technique et de la Formation Professionnelle, ireo CISCO,
Proviseurs Lycées rehetra, Directeurs CEG sy ireo Tompon'Andraikitra maro voakasika amin'ny izany.

☑Famoahana ny valim-panadinana:
Ezahina havoaka 1 volana aorian’ny fanombohan’ny BACC ny valim-panadina ary
afaka jerena amin’ny site web : bacc.univ-toamasina.mg sy amin'ireo Opérateurs mobile izay miara-miasa amin'ny Oniversiten'i Toamasina ihany koa.

Ny Oniversiten’ i Toamasina dia mirary soa ho anareo mpianatra rehetra hanala fanadinana.

Bakalorea 2025 tsy misy sampona, tsy misy tomika no tanjontsika rehetra.

19/07/2025

INSTITUT SUPÉRIEUR DE SCIENCES, ENVIRONNEMENT ET DÉVELOPPEMENT DURABLE (ISSEDD): 𝑵𝒂𝒏𝒅𝒓𝒂𝒚 𝒏𝒚 𝒕𝒐𝒆𝒓𝒂𝒏𝒚 𝒂𝒎𝒊𝒏'𝒏𝒚 𝒇𝒐𝒎𝒃𝒂 𝒐𝒇𝒊𝒔𝒊𝒂𝒍𝒚 𝒏𝒚 𝒕𝒂𝒍𝒆 𝒗𝒂𝒐𝒗𝒂𝒐 𝒗𝒐𝒂𝒕𝒆𝒏𝒅𝒓𝒚 𝒉𝒊𝒕𝒂𝒏𝒕𝒂𝒏𝒂 𝒂𝒐 𝒂𝒏𝒂𝒕𝒊𝒏'𝒏𝒚 3 𝒕𝒂𝒐𝒏𝒂.

✅ Maro ny fanatsarana sy ny fanavaozana nentin'ny mpitantana teo aloha toy ny:

- Fanamafisana ny lafin’ny serasera anatiny sy ivelany

- Fanamafisana ny fiaraha-miombon’antoka (partenariats), izay nahitana vokatra tsara amin’ny kalitaon’ny fampianarana, ny fanavaozana sy fananganana foto-drafitr’asa toy ny laboratoire, birao, efitrano fianarana

- Fametrahana connexion Wi-Fi ho fanamorana ny fikarohana sy fianarana

- Fandraisana anjara mavitrika amin’ny appel à projets

- Fandraisana mpampianatra raikitra vaovao miisa 4.

✅ Dr MAVINTA Jean Christian, tale vaovao, dia nidera sy nankasitraka ny ezaka vitan’ny tale teo aloha sy ny ekipany. Nanome toky izy fa hanohy sy hanamafy ireo tetikasa efa natomboka, ary namelabelatra ny vina sy fandaharan’asany ho an’ny 3 taona ho avy.

➡️ Ny Profesora Diny RAZANAKOLONA, filohan’ny Oniversite Toamasina, no nitarika ny fotoana. Nandritra izany no nankasitrahany ny tale teo aloha noho ny zava-bita sy ny fahaiza-mitantana, ary nanambara fa anisan'ny modely ny ISSEDD amin'ny fananana mpiara-miombon'antoka maro, indrindra avy any ivelany toa ny Oniversiten’i Turin (Italia), ny Nosy Komoro, sy maro hafa.

Nirary soa sy fahombiazana ho an’ny tale vaovao ny tenany, amin’ny fanatanterahana ny vina sy ny tetikasa vaovao napetrany mandritra ny fepotoana hitantanany.

Mirary soa sy fahombiazana ho an’ny tale vaovao sy ny ISSEDD!

17/07/2025

𝑶𝒏𝒊𝒗𝒆𝒓𝒔𝒊𝒕𝒆 𝑻𝒐𝒂𝒎𝒂𝒔𝒊𝒏𝒂 : 𝒗𝒐𝒂𝒇𝒊𝒅𝒚 𝒉𝒐 "𝑼𝒏𝒊𝒗𝒆𝒓𝒔𝒊𝒕𝒆́ 𝒑𝒊𝒍𝒐𝒕𝒆" 𝒉𝒂𝒏𝒂𝒕𝒂𝒏𝒕𝒆𝒓𝒂𝒉𝒂𝒏𝒂 𝒊𝒍𝒂𝒚 𝒕𝒆𝒕𝒊𝒌𝒂𝒔𝒂𝒏-𝒕𝒔𝒆𝒓𝒂𝒔𝒆𝒓𝒂 𝒗𝒂𝒐𝒗𝒂𝒐 𝒂𝒑𝒆𝒕𝒓𝒂𝒌𝒂 𝒆𝒐 𝒂𝒏𝒊𝒗𝒐𝒏’𝒏𝒚 𝑫𝒊𝒓𝒆𝒄𝒕𝒊𝒐𝒏 𝑮𝒆́𝒏𝒆́𝒓𝒂𝒍𝒆 𝒅𝒖 𝑻𝒓𝒆́𝒔𝒐𝒓 𝑷𝒖𝒃𝒍𝒊𝒄 𝑴𝒂𝒍𝒂𝒈𝒂𝒔𝒚.

Ho fampahafantarana ny tolotra, ny vokatra ary ireo fanatsarana misy eo anivon’ny Direction Générale du Trésor Public Malagasy, sy ho fanamafisana ny fanomezana ny tolotra manakaiky vahoaka, dia hisy ny fiaraha-miasa amin’ireo Oniversite rehetra manerana an’i Nosy ka i Toamasina no anombohana izany.

Hivelatra amin’ny sehatra maro ny fiaraha-miasa, ary ezahina hisitraka izany avokoa ireo sampam-piofanana misy eto amin'ny Oniversite.

Ho fanombohana ny fiaraha-miasa dia tonga teto amin’ny Fiadidiana ny Oniversite Toamasina ny delegasiona avy amin’ny Direction Générale du Trésor Public Malagasy, izay notarihin-dRamatoa RAKOTOARISOA Handriniaina Elise, Chef du service de la communication, des relations publiques et du partenariat, nanatanteraka ny dinidinika savaranonando amin’n’y fanaovana-tsonia ny fiaraha miasa sy ho fanomanana ilay conference izay hiarahan’ny Oniversite ny Toamasina amin'ny Direction Générale Tresor sy ny Ministère de l'économie et des finances (MEF).

Nandray azy ireo ny tompon’andraikitra eto amin’ny Oniversite Toamasina izay notarihin’ny Filoha, Profesora Diny RAZANAKOLONA. Nandritra izany no nanehoany ny fahavononana tanteraka amin’izao fiaraha-miasa izao mba ho tombontsoa ho an’ireo mpianatra eto amin’ny Oniversite Barikadimy Toamasina.

Ho fahombiazana anie izao fiaraha-miasa eo amin’ny roa tonta izao !

17/07/2025

17/07/2025

📌 𝐎𝐅𝐅𝐑𝐄 𝐃𝐄 𝐁𝐎𝐔𝐑𝐒𝐄𝐒 𝐃'𝐄𝐓𝐔𝐃𝐄𝐒 𝐄𝐍 𝐀𝐋𝐆𝐄́𝐑𝐈𝐄 𝐏𝐎𝐔𝐑 𝐋'𝐀𝐍𝐍𝐄𝐄 𝐀𝐂𝐀𝐃𝐄𝐌𝐈𝐐𝐔𝐄 𝟐𝟎𝟐𝟓-𝟐𝟎𝟐𝟔

www.mesupres.gov.mg

16/07/2025

📢 𝐂𝐎𝐋𝐋𝐎𝐐𝐔𝐄 𝐈𝐍𝐓𝐄𝐑𝐍𝐀𝐓𝐈𝐎𝐍𝐀𝐋 𝐈𝐍𝐓𝐄𝐑𝐃𝐈𝐒𝐂𝐈𝐏𝐋𝐈𝐍𝐀𝐈𝐑𝐄 — 𝐓𝐎𝐀𝐌𝐀𝐒𝐈𝐍𝐀 𝟐𝟎𝟐𝟓

Sous le haut patronage du Ministère de l’Enseignement Supérieur et de la Recherche Scientifique, organisé par l’Université de Toamasina

Vous qui êtes :
👩‍🏫Enseignant-chercheur
📘 Doctorant
🏭 Industriel
📊 Opérateur économique
🧑‍⚖️ Décideur politique
🎓 Formateur universitaire
💼 Employeur
👨‍🎓 Étudiant universitaire avide de connaissances et de partage interactif
… ou tout simplement un acteur engagé dans le domaine de l’enseignement supérieur et/ou de l’insertion professionnelle

Ce colloque vous concerne directement !

📌 THÈME :
« 𝑼𝒏𝒊𝒗𝒆𝒓𝒔𝒊𝒕𝒆́𝒔 𝒆𝒕 𝒎𝒂𝒓𝒄𝒉𝒆́ 𝒅𝒖 𝒕𝒓𝒂𝒗𝒂𝒊𝒍 : 𝒄𝒐𝒎𝒎𝒆𝒏𝒕 𝒎𝒊𝒆𝒖𝒙 𝒂𝒅𝒂𝒑𝒕𝒆𝒓 𝒍𝒆𝒔 𝒇𝒐𝒓𝒎𝒂𝒕𝒊𝒐𝒏𝒔 𝒂𝒖𝒙 𝒃𝒆𝒔𝒐𝒊𝒏𝒔 𝒔𝒐𝒄𝒊𝒐-𝒆́𝒄𝒐𝒏𝒐𝒎𝒊𝒒𝒖𝒆𝒔 𝒅𝒆 𝑴𝒂𝒅𝒂𝒈𝒂𝒔𝒄𝒂𝒓 ? »

🗓️ Date : 𝐌𝐚𝐫𝐝𝐢 𝟐𝟗 𝐣𝐮𝐢𝐥𝐥𝐞𝐭 𝟐𝟎𝟐𝟓
🕗 Horaire : 𝐝𝐞 𝟖𝐡𝟑𝟎 𝐚̀ 𝟏𝟕𝐡𝟎𝟎
📍 Lieu : 𝐏𝐨𝐫𝐭 𝐀𝐜𝐚𝐝𝐞𝐦𝐲 𝐂𝐞𝐧𝐭𝐞𝐫 𝐓𝐨𝐚𝐦𝐚𝐬𝐢𝐧𝐚 (𝐏𝐀𝐂𝐓 𝐓𝐨𝐚𝐦𝐚𝐬𝐢𝐧𝐚)

✅ Participation gratuite, mais inscription fortement recommandée via ce lien :
https://docs.google.com/document/d/1obcozu7EP6HCQhvPcOVd1ScW3oqtBd9W/edit

⚠️ Attention : places limitées !
👉 Premier arrivé, premier servi.
Prenez moins de 3 minutes pour vous inscrire !

➡️ Veuillez trouver ci-joints :
- Votre carton d’invitation numérique
- Le programme détaillé de la journée

📍 Rendez-vous le 29 juillet à 8h30 au PACT Toamasina !

📻 𝑷𝒐𝒖𝒓 𝒑𝒍𝒖𝒔 𝒅'𝒊𝒏𝒇𝒐𝒓𝒎𝒂𝒕𝒊𝒐𝒏𝒔, 𝒔𝒖𝒊𝒗𝒆𝒛 𝒍𝒂 𝑹𝒂𝒅𝒊𝒐 𝑼𝒏𝒊𝒗𝒆𝒓𝒔𝒊𝒕𝒂𝒊𝒓𝒆 𝒅𝒆 𝑻𝒐𝒂𝒎𝒂𝒔𝒊𝒏𝒂 𝑭𝑴 91.4. 🎤🎧🎙️

16/07/2025

𝗥𝗲́𝘂𝗻𝗶𝗼𝗻 𝗣𝗿𝗲́𝗽𝗮𝗿𝗮𝘁𝗼𝗶𝗿𝗲 𝗱𝘂 𝗕𝗮𝗰𝗰𝗮𝗹𝗮𝘂𝗿𝗲́𝗮𝘁 𝟮𝟬𝟮𝟱

Dans le cadre des préparatifs de la session 2025 du Baccalauréat, une réunion préliminaire s’est tenue ce 15 juillet 2025 au CEDI, sous la direction du Professeur Diny RAZANAKOLONA, Président de l’Université de Toamasina, accompagné de la Vice-Présidente chargée de la Pédagogie et de la Recherche, Dr Caroline FENO PIERRE, ainsi que du Chef de Service du Baccalauréat, M. Dietrich ROLAND et son équipe.

Cette rencontre stratégique a réuni les chefs de centre des épreuves du Baccalauréat dans les régions Atsinanana, Analanjirofo, Alaotra Mangoro et Ambatosoa.

Les représentants des forces de l’ordre ont également pris part à cette réunion. Ils ont réaffirmé leur engagement à assurer la sécurisation des centres d’examen et à collaborer pleinement pour garantir le bon déroulement des épreuves.

Plusieurs consignes importantes ont été partagées, notamment en matière de mesures strictes sur les fuites de sujets, de réglementation sur l’utilisation des téléphones, et de renforcement des dispositifs de contrôle, afin d’assurer la transparence, la sécurité et la qualité des résultats du Baccalauréat.

Les épreuves écrites débuteront ce lundi 21 juillet 2025.

Des points de presse seront organisés prochainement avec les responsables concernés afin de fournir davantage d’explications, tant aux parents qu’aux candidats, et de rappeler les instructions essentielles avant le lancement officiel des examens.

15/07/2025

𝑭𝑨𝑴𝑬𝑳𝑨𝑩𝑬𝑳𝑨𝑹𝑨𝑵-𝑲𝑬𝑽𝑰𝑻𝑹𝑨 𝑴𝑨𝑯𝑨𝑲𝑨𝑺𝑰𝑲𝑨 𝑵𝒀 : "𝑨𝑵𝑫𝑹𝑨𝑰𝑲𝑰𝑻𝑹𝑨 𝑵𝒀 𝑭𝑰𝑳𝑨𝑵𝑲𝑬𝑽𝑰𝑻𝑹𝑨 𝑨𝑴𝑩𝑶𝑵𝒀 𝑴𝑨𝑵𝑶𝑳𝑶𝑨𝑵𝑨 𝑵𝒀 𝑫𝑬𝑴𝑶𝑲𝑹𝑨𝑺𝑰𝑨, 𝑵𝒀 𝑻𝑨𝑵𝒀 𝑻𝑨𝑵-𝑫𝑨𝑳𝑨𝑵𝑨 𝑨𝑹𝒀 𝑵𝒀 𝑭𝑰𝑭𝑰𝑫𝑰𝑨𝑵𝑨𝑵𝑨"

Manatanteraka hetsika fitetezam-paritra ny Filankevitra Ambony Miaro ny Demokrasia sy ny Tany Tan-dalana na Haut Conseil pour la Défense de la Démocratie et de l’État de Droit (HCDDED), ho fampahafantarana ny andraikiny sy ny asany amin’ireo rafitra sy vondron’olona isan-tsokajiny manerana ny Nosy.

Ny Zoma 11 Jolay 2025 lasa teo, dia anjaran’ny mpianatra, mpampianatra ary mpandraharaha eto amin’ny Oniversite Toamasina no nandray izany hetsika izany.

Nisy famelabelaran-kevitra narahina adihevitra notontosaina tao amin’ny Demi-Tonneau, Campus Barikadimy, izay notarihin’ny filohan’ny HCDDED, Atoa RANADIALISON Angelo, niaraka tamin’ireo mpikambana ao amin’ny birao maharitra.

🎯 Tanjon’ny hetsika:

➡️ Fampahafantarana ny mpikambana 9 mandrafitra ny birao maharitra izay solontenan’ny andrim-panjakana sy sehatra tsy miankina, voatendry hiasa mandritra ny dimy taona tsy azo havaozina.

➡️Fanazavana momba ny andraikitra, adidy ary fomba fiasa amin’ny maha Filankevitra Ambony azy ireo.

Nandray azy ireo tamin'ny anaran'ny Oniversite Toamasina, ny Sojaben’ny Faculté de Droit, des Sciences Économiques et de Gestion, Prof. NDRIANASY Laurens, ary naneho ny maha zava-dehibe ny fandraisana ny hetsika toy izao ho an’ny fianakaviambe ny Oniversite Toamasina.

🙏 Ankasitrahana tanteraka ireo rehetra izay tonga sy nandray anjara mavitrika tamin’ity famelabelaran-kevitra ity.

14/07/2025

12/07/2025

🤝𝑭𝒂𝒎𝒑𝒊𝒕𝒂𝒏𝒂 𝒂𝒏𝒅𝒓𝒂𝒊𝒌𝒊𝒕𝒓𝒂 𝒕𝒆𝒐 𝒂𝒏𝒊𝒗𝒐𝒏' 𝒏𝒚 𝑪𝑬𝑬𝑹𝑬 𝒕𝒂𝒐 𝒂𝒎𝒊𝒏'𝒏𝒚 𝑰𝑺𝑷𝑮 - 𝑶𝒏𝒊𝒗𝒆𝒓𝒔𝒊𝒕𝒆𝒏'𝒊 𝑻𝒐𝒂𝒎𝒂𝒔𝒊𝒏𝒂

Tontosa soa aman-tsara ny zoma 11 jolay 2025 tao amin’ny Institut Supérieur Professionnel de Gestion (ISPG) – Oniversiten’i Toamasina, ny lanonana ofisialy famindram-pitantanana eo anivon’ny Club des Entrepreneurs Étudiants du Rendez-vous des Entrepreneurs (CEERE).

Nofidina manokana ny ISPG hanaovana ity lanonana ity, noho izy mpiara- miombon'antoka amin' ny resaka fampivelarana ireo tanora amin' ny sehatry ny fandraharahana sy noho izy foiben' ny CEERE eto Toamasina.

Nandritra io fotoana io dia namindra ny fitantanany i Ramatoa NAIVOARISOA Mélodie, izay nitondra ny fikambanana teto Toamasina nandritra ny dimy taona. Ary dia nandray ny fitaratra Andriamatoa RAKOTONIRINA Kennedy, mpianatra ao amin’ny ISPG, izay hitondra ny CEERE Toamasina mandritra ny roa taona manaraka.

Tonga nanatrika ny lanonana famindram-pitantanana ny Tale vaovaon' ny ISPG, Dr VAVISOA Angelina, izay nanazava ny fifandraisan' ny ivo toeram-pianarana izay tantanany sy ny CEERE, ary nanamafy ny fiaraha-miasa sy ny fanohanana ny tanora amin’ny sehatry ny fandraharahana.

Nanome voninahitra ny lanonana ihany koa ny Filohan'ny ny CEERE Sampana Antananarivo izay nampahatsiahy fa tao aorian'ny hetsika RDV des Entrepreneurs dia tafatsangana ny sampana teto Toamasina, tamin’ny taona 2020.

Manana vina mazava ny CEERE, dia ny fanandratana ny kolontsaina fandraharahana eo amin’ny tanora amin’ny alalan’ireo hetsika toy ny Espace Jeune Entrepreneur (EJE), fitsidihana orinasa (eto an-toerana sy any ivelany, ohatra any Frantsa), fiaraha-miasa amin’ireo mpiara-miombon’antoka maro,
sns.

Manasa manokana ireo tanora, mpianatra,mpiara-miombon’antoka ary fikambanana hafa ny CEERE mba hifanome tanana ho fampandrosoana ny fandraharahana eto Toamasina sy manerana an’i Madagasikara.

12/07/2025

📌 𝐋𝐞 𝐦𝐨𝐢𝐬 𝐝𝐞𝐬 𝐔𝐧𝐢𝐯𝐞𝐫𝐬𝐢𝐭𝐞́𝐬 𝐞𝐧 𝐝𝐢𝐚𝐥𝐨𝐠𝐮𝐞

www.mesupres.gov.mg