29/01/2026
🎯Androany, ny STEPIC INFOS dia manolotra antsika ny mombamomba an’i Ramatoa ANNE MIHERSON Sylvia, Talem-paritry ny Fizahan-tany sy ny Asa tànana ato amin’ny Faritra Atsimo-Andrefana.
📌FIANARANA SY LALAM-PIOFANANA
✅Ny fianarana sy ny lalam-piofanana nodiaviny no hanombohantsika ity fampahafantarana ity. Tao amin’ny Lycée Laurent Botokeky no nahazoan’i Ramatoa Sylvia ny diplaoma voalohany, Baccalauréat. Nanohy ny fianarany izy taty aoriana ka nahazo ny mari-pahaizana Licence en Administration des Entreprises et Commerce, option Commerce International, tao amin’ny Institut de Management des Arts et Métiers (IMGAM), Antananarivo. Roa taona taorian’izany dia nahazo ny mari-pahaizana Master II tao amin’io Institut io ihany izy, ka « Marketing et Administration » no Option nosafidiany.
📌NY ASA SY ANDRAIKITRA NOSAHANINA
✅Taorian’ireo fianarana ireo dia niditra tanteraka teo amin’ny sehatry ny asa Ramatoa Sylvia. Nitàna andraikitra roa sosona tao amin’ny Ministeran’ny Asa tanana, ny Kolontsaina ary ny Vakoka izy, dia:
Chargée d’études tao amin’ny Service de la Planification et de la Programmation eo anivon’ny Direction Générale de la Culture et de l’Artisanat ;
Chargée d’études sur les données artistiques et culturelles tao amin’io Ministera io ihany koa. Manaraka izany dia efa nitazona ny andraikitra Responsable Communication et Marketing teo anivon’ny Direction du Fonds « LOVAKO » ao amin’ny Ministeran’ny Kolontsaina sy ny Asa tànana izy. Taorian’izay dia voatendry ho Chef de Service de la Culture tao amin’ny Direction Régionale de la Culture, de la Promotion de l’Artisanat et de la Sauvegarde du Patrimoine ato amin’ny Faritra Atsimo-Andrefana. Tao anatin’izany ihany koa no nitantanany ny Centre Régional de l’Enseignement de la Musique et de la Danse.
✅Talohan’ny nanendrena azy ho Talem-paritry ny Fizahan-tany sy ny Asa tànana, dia efa Tomponandraikitra ny Mozea tao amin’ny Fitaleavam-paritry ny Serasera sy ny Kolontsaina izy.
Ankoatra ireo andraikitra ireo dia mampianatra Vacataire ao amin’ny Domaine des Sciences de la Société, ao amin’ny Anjerimanontolon’i Toliara, Ramatoa Sylvia.
📌FIKAROHANA SY FIANARANA AMBONY
✅Na teo aza ireo andraikitra marolafy nosahaniny, dia tsy nitsahatra nanohy ny fianarany izy ka afaka niaro am-pahibemaso ny « thèse en Management des Organisations » tao amin’ny CNTEMAD. Amin’izao fotoana izao kosa dia eo am-panomanana ny thèse de Doctorat faharoa izy, option Marketing, ao amin’ny Oniversiten’i Toliara.
📌FIOFANANA SY FIROTSAHANA AN-TSEHATRA
✅Maro ihany koa ireo fiofanana nahazoany traikefa momba ny serasera, ny haino vaky jery, ary ny zon’olombelona, izay niarahana tamin’ireo mpiaramiombonantoka iraisam-pirenena toa ny FES sy ny UNICEF. Mpikambana mavitrika ao amin’ny Soroptimist Club de Toliara sy ny Fikambanana « Solidarité des Jeunes Intellectuels pour l’Avenir de Madagascar » izy.
Izahay eto amin’ny STEPIC INFOS dia mirary fahombiazana, faharetana, mba hahaleo, hahalasana amin’ny fanatanterahana ireo adidy aman’andraikitra sahaninao, Ramatoa Talé ANNE MIHERSON Sylvia, ho fampandrosoana ny Faritra Atsimo-Andrefana.
