23/05/2026
Отворен ден во СУГС „Лазар Танев“ – можност за идните средношколци да ја изберат својата професија
Во СУГС „Лазар Танев“ на 28 мај ќе се одржи Отворен ден за сите полуматуранти од Скопје и од цела Македонија. Настанот ќе се реализира од 10:00 до 18:00 часот во просториите на училиштето, кое повеќе од 75 години образува кадри во областа на гастрономијата, туризмот и угостителството.
Идните средношколци ќе имаат можност одблизу да се запознаат со образовните профили, практичната настава и условите што ги нуди училиштето. Во „Лазар Танев“ се образуваат готвачи, слаткари, келнери, пекари, месопреработувачи, хотелско-туристички техничари, угостителски техничари, техничари за настани и анимации, како и хотелско-ресторански техничари.
За посетителите се подготвени бесплатни дегустации, street food зона, десерти и коктели во живо, DJ музика, натпревари, подароци и бројни изненадувања.
Од училиштето информираат дека за учениците од другите градови е обезбеден организиран превоз доколку од еден град се запишат повеќе од 20 ученици, како и бесплатно сместување во ученички дом во Скопје и бесплатни три оброци дневно.
Од СУГС „Лазар Танев“ ги повикуваат сите заинтересирани полуматуранти да го посетат Отворениот ден и да се запознаат со можностите што ги нуди училиштето за успешна професионална иднина.
