Сказнувалка

01/04/2026

Во 2025 го спроведовме особено драгиот проект ШАРЕНИ ЧИТАНКИ, поддржан од Град Скопје.

Спроведовме 19 работилници во следните детски градинки: ЈУДГ „Весели Цветови“ (општина Кисела Вода), ЈУДГ „Распеана младост“ (општина Карпош), „Мини фини буџетчиња“ (општина Центар), ЈУДГ „Корчагин“ (општина Центар), ЈДГОА „Срничка“ (општина Аеродром), ЈУОДГ „Пролет“ (општина Карпош – Влае), ЈУДГ „Осми Март“ (општина Кисела Вода) и ЈУГД „Детска радост“ (општина Гази Баба), како и основното училиште ООУ Војдан Чернодрински (општина Карпош), и беа вклучени над 700 деца.

Работилниците ги водеше Марија Павлеска Јанкулоска, Мама(ми)чита и беа насочени кон поттикнување читателски навики кај децата од предучилишна возраст и развој на емотивна интелигенција.

Работилниците беа инспирирани од сликовницата „Ѕверче од бои“ на Ана Лјенас и беа споделени и работни материјали од боенката „Ѕверче од бои“.

❤
🧙

01/02/2026

Vane Kosturanov

Happy new year!🎆 A peaceful 2026 to our friends all over the world!🤍

Wir wünchen allen Freunden nah und fern ein friedliches Neues Jahr!🎇

01/02/2026

Среќна 2026 година! Многу здравје и радости! И, како што ѝ напишал Рилке во едно писмо на Клара: „А, сега, да веруваме во долгата година што ни претстои​ – нова​, негибната, полна работи што никогаш не се случиле.“

❤
🧙

12/25/2025

ЅВЕРЧЕ ОД БОИ — БОЕНКА ⬇️

Боенката „Ѕверче од бои“ го следи концептот на сликовница „Ѕверче од бои“ од Ана Лјенас и ја претвора во интерактивна игра што им помага на децата да ги истражуваат чувствата. Наместо само да читаат за емоциите, тие бојат сцени од секојдневието на Ѕверчето во различни емоционални ситуации, замислувајќи како би можело тоа да се чувствува – глупаво, збунето, исфрустрирано или весело. Сликовницата ги охрабрува малите уметници да размислуваат независно за чувствата и за боите, наместо строго да ги следат правилата. Таа е корисна алатка за развивање на емоционална писменост, но и за забава.

Боенката „Ѕверче од бои“ е игрива, емоционално ангажирачка и ја спојува креативноста со емоционалното образование – совршена за мали дечиња што учат да ги именуваат и да им даваат бои на своите чувства.

Совет за родители: на прашањето Како би можел да се чувствува Ѕверко во оваа ситуација? не настојувајте децата да ви го дадат одговорот што вие го сметате за точен. Наместо тоа винимателно слушајте ги нивните одговори.

Книги за деца / Сликовници / Боенки / 3+ години Knigi za deca / Slikovnici / Boenki / 3+ godini

10/13/2025

ЧИТАМЕ ВО ⅞ РИТАМ

На најголемиот деловно-книжевен настан во светот, Саемот на книгата во Франкфурт, годинава македонската книжевност ја презентираме како збир од нерамноделни, непредвидливи и оригинални гласови кои изненадуваат и фасцинираат.

Како што нашата музика има свој единствен ритам, и нашата книжевност пулсира со непредвидлива енергија, со ритам што заведува и не се заборава.

Од завршувањето на нашиот Саем на книгата во мај досега, работната група на МАИ вредно работеше на организацијата на нашето претставување на Саемот на книгата во Франкфурт.

Зад креативниот концепт оваа година се потпишува дизајн-студиото „Кома“ (Koma - design studio), кое го осмисли изгледот на нашиот национален штанд и на промотивните материјали.

Во Франкфурт ќе биде присутна делегација на МАИ, која пет дена ќе ја претставува нашата книжевност пред издавачи, агенти, автори, преведувачи и посетители од целиот свет.

Претставувањето е финансирано од Министерството за култура и туризам на Република Северна Македонија (Министерство за култура / Ministria e Kulturës).

09/28/2025

🦉

09/25/2025

Со голема радост објавуваме ПОВИК ЗА ЈАВНИ ДЕТСКИ ГРАДИНКИ.

Проектот „Шарени читанки“, поддржан од Град Скопје вклучува:

🔸работилница за децата инспирирана од сликовницата „Ѕверче од бои“ на Ана Лјенас со Мама (ми) чита, и
🔸 донација: сликовница за градинката и боенки „Ѕверче од бои“ за дечињата.

Со нетрпение ги очекуваме сите заинтересирани градинки да ни пишат на [email protected]. Бројот на работилници е ограничен.

❤
🧙‍♀️

09/09/2025