Investigative Reporting Lab Macedonia

25/12/2025

Обдукциските извештаи откриваат дека ниту една од 50-те жртви од пожарот во кочанскиот див ноќен клуб „Пулс“, кај кои како причина за смрт е утврдено задушување со јаглерод моноксид, немале ни приближно фатални нивоа за да умрат од тоа.

Обвинителите и вештаците по судска медицина го знаеле ова, но за време на истрагата не ги испитале присуствата на цијанид.

Целото истражување е достапно на овој линк https://shorturl.at/Ujrep

24/12/2025

Кога родителите на жртвите во „Пулс“ ги добија обдукциите од Обвинителство, изразија сомнежи за нивните наоди. Според вештаците, причината за смрт кај 50 од жртвите е труење со јаглерод моноксид. Но, нивото на јаглерод моноксид во крвта на загинатите е невообичаено ниско и не го надминува фаталниот праг од 60 до 70 проценти.

Институциите никогаш не им дадоа конкретен одговор на родителите која е вистинската причина за смртта на нивните деца.

ИРЛ открива дека во воздухот таа ноќ имало цијанид. Гас толку смртоносен, што во Холокаустот се користел за да се усмртат милиони луѓе во нацистичките логори.

Со заклучена помошна врата, затворени прозорци и вентилација, „Пулс“ се претворила во гасна комора исполнета со коктел од смртоносни отрови.

Целото истражување на www.irl.mk

23/12/2025

Обдукциските извештаи откриваат дека ниту една од 50-те жртви од пожарот во кочанскиот див ноќен клуб „Пулс“, кај кои како причина за смрт е утврдено задушување со јаглерод моноксид, немале ни приближно фатални нивоа за да умрат од тоа.
Според обдукциските наоди, хемиското и градежното вештачење, како и новата линија на сведоштва на вклучените во настаните ноќта на 16 март годинава покажува дека во воздухот во клубот „Пулс“ гореле токсични материјали како што е полиуретански сунѓер, кој кога гори испушта водороден цијанид.
Обвинителите и вештаците по судска медицина го знаеле ова, но за време на истрагата не ги испитале присуствата на цијанид. Целото истражување е достапно на овој линк https://shorturl.at/Ujrep

17/12/2025

Зошто Скопје е грд град за живеење и како не мора да биде?

Уредничката на ИРЛ, Сашка Цветковска, во гостување во утринската програма „Здраво Македонијо“ на Канал 5, ги изнесе своите ставови за деструкцијата врз градот во дебата со актуелниот претседател на Советот на Град Скопје - Даме Димитровски и поранешниот градоначалник на - Коце Трајановски.

„Имаме масивно градење и тоа не е безопасно. Не се должи само на намерата некој да профитира од продажба на станови, туку и на перење пари стекнати од корупција и организиран криминал, особено со зајакнатата позиција на Албанија во медитеранската мафија“, истакна Цветковска.

27/11/2025

Жирото истакна дека истражувањето на ИРЛ ги исполнило највисоките глобални стандарди за истражувачка сторија, поткрепено со бројни докази и меѓународна соработка.

„Раскажано е во исклучителна новинарска приказна како врвен криминален роман“, потенцираше Тихомир Лоза, член на меѓународната жири-комисија на „EU Investigative Journalism Awards 2025“

„EU Investigative Journalism Awards 2025” е регионално признание, финансирано од Европската Унија, а организирано од „Thomson Media”, меѓународна непрофитна организација која работи на...

27/11/2025

🥇 Прва регионална награда за истражувачко новинарство од ЕУ

26/11/2025

Студенчишкото Блато е уникатен екосистем стар над 10 000 години. За опасноста од негова деградација беше алармирано на последното заседание на УНЕСКО што ова лето се одржа во Париз.

Прочитај ја сторијата на следниот линк: https://irl.mk/divogradbite-vo-blatoto-drzhavata-vo-mochurishteto/

26/11/2025

Куќи и бетонски плочи се градат на диво во заштитеното Студенчишкото Блато во Охрид. Општината не ги урива. Дивоградбите веќе имаат и струја. Приклучени се во системот на електродистрибуција како пумпи за наводнување.

Сопственичка на дел од земјата е 13 годишно девојче. Татко ѝ е охриѓанецот Владо Рувинов, викан Љац. Тој има криминално минато за посредување при проституција и бил осуден заедно со познатиот трговец на „бело робје“ од Македонија, Дилавер Бојку.

Инаку, Студенчишкото Блато е уникатен екосистем стар над 10 000 години. За опасноста од негова деградација беше алармирано на последното заседание на УНЕСКО што ова лето се одржа во Париз.

Куќи и бетонски плочи се градат на диво во заштитеното Студенчишкото Блато во Охрид. Општината не ги урива. Дивоградбите веќе имаат и струја. Приклучени се во систе....

21/11/2025

‼️Партнерот на Дрин Ахмети во „Соравија“ и фирмата „Ѓока“ за паркингот во Клинички под истрага во Албанија

Специјалната антикорупциска структура (СПАК) во Тирана, која е една од најважните и најмоќните институции во Албанија, ја суспендираше од функцијата албанската вицепремиерка и министерка за инфраструктура Белинда Балуку. Забрането ѝ е да ја напушта и Албанија.

СПАК вчера ја обвини за местење тендери во кои како фирми се јавуваат и албанските компании „ПЕ-ВЛА-КУ“ и „Ѓока Констракшн“ кои изминативе две години беа дел од две одвоени афери и во Македонија.

Прочитај повеќе ➡️ https://irl.mk/partnerot-na-drin-ahmeti-vo-soravi-a-i-firmata-oka-za-parkingot-vo-klinichki-pod-istraga-vo-albani-a/

20/11/2025

Уапсени инспекторите Драган Паунов - Дацо и Дуле Димитриев од УЈП, по истражувањето на ИРЛ „Кочани - нашиот морален компромис“

Државниот јавен обвинител Љупчо Коцевски потврди дека се приведени вкупно десетина луѓе од Управата за јавни приходи и Државниот пазарен инспекторат, а се вршат претреси на нивните домови и канцеларии.

Осомничените се товарат за кривични дела примање мито, како и за злоупотреба на службената положба и овластувања.

ИРЛ на 28 септември обелодени дека одредени луѓе во инспекцискиот ланец на контроли биле поштедени во истрагата за пожарот во Кочани, по што Јавното обвинителство отвори предистрага.

Преписките помеѓу синот на сопственикот на „Пулс“ Михајло Јованов и инспекторите од УЈП открија дека тие ја одржувале во живот дивата дискотека. Контролорите биле доушници за можни инспекции од УЈП и други институции, вклучително и МВР.

За возврат, инспекторите добиле скапи подароци, како рачни часовници.

Михајло Јованов кој во судскиот процес што започна вчера е третообвинет, сега е осомничен за уште едно кривично дело, давање поткуп.

https://irl.mk/privedeni-danochnite-inspektori-od-stori-ata-na-irl-kochani-nashiot-moralen-kompromis/

19/11/2025

Кочани во битка за вистината, почна судењето за дивата дискотека „Пулс“

Многу полиција, семејства на 63 починати и 35 обвинети. По осум месеци од трагедијата во дивата дискотека „Пулс“ во Кочани, роднините на загинатите дочекаа да започне судскиот процес. Новата судница во рамки на затворот Идризово беше преполна.

Обвинителството порача дека доколку во Пулс имало контрола, надзор и санкција, пожарот ќе се запаметел како инцидент а не како масовна гробница.

Ден пред почетокот на судењето, пратениците конечно се решија да ги расветлуваат причините за пожарот и иницираа анкетна комисија, откако семејствата на загинатите на саботниот марш јавно го побараа тоа од нив.

ИРЛ во април иницираше акција во која 5.000 граѓани побараа надзорна расправа, но пратениците рекоа дека „не е време“ бидејќи истрагата сè уште траела. Иако истрагата заврши во мај и обвинението е поднесено во јуни, до денес нема надзорна расправа.

Го прашавме координаторот на СДСМ во Собранието, Оливер Спасовски зошто чекале досега, бидејќи истрагата заврши уште на 30 мај.
„Затоа што сега сме одлучиле дека треба да ја поднесеме“, одговори Спасовски.

Координаторот на ВМРО–ДПМНЕ, Никола Мицевски, вели дека ќе поддржат и надзорна и анкетна расправа, но да се зборува и за несреќата во модуларната болница во Тетово и автобуските несреќи. „Што би утврдила таа надзорна расправа различно од судскиот процес?!“, додаде тој.

Прочитајте повеќе за денешното рочиште и за анкетната комисија на следниот линк: https://irl.mk/kochani-vo-bitka-za-vistinata-pochna-sude.../

15/11/2025

Денес во Скопје семејствата на загинатите, заедно со илјадници граѓани маршираа за правда за 63-те жртви во пожарот во „Пулс”.
„Бараме судење без одложување, притисоци, прикриени докази и селективност”, беа барањата на родителите.

Маршот тргна во 12:05 од Плоштад „Македонија“ и заврши пред Кривичниот суд, на само четири дена пред почетокот на судењето за трагедијата во Кочани во која животот го загубија 63 луѓе и над 200 беа повредени.