Bukvibooks е веб-страница на издавачкиот центар Слово Љубве кој е создаден како отворен дом за авторите и нивните дела. Првиот мост е воспоставен и веќе фукционира на релација помеѓу Македонија и земјите од поранешните југословенски републики, пред сè, поради блискоста помеѓу авторите и нивните стилови и секако, јазичната блискост.
Книжевниот свет на Bukvibooks се отвора и шири сè повеќе. Главната цел е афирмација и претставување на авторите и делата од Македонија во земјите од регионот, но и обратно. За таа цел го уредуваме и објавуваме и списанието „СЛОВО ЉУБВЕ“, кое засега излегува на српски јазик.
Во рамките на нашиот издавачки центар ги нудиме и реализираме следните дејности: превод, лектура, подготовка и објавување на книги, организација на промоции, презентации и други настани, како и подготовка и идејни решенија за сите видови печатен материјал, организација на работилници, конференции, трибини.
