Alb Vizion

Alb Vizion Portal Informativ Shqiptar

Fatmir Sheholli, spiuni i BIA-s serbe i kapur me dosje, lavdëronte vazhdimisht Ali Ahmetin.Çfarë e lidh Ali Ahmetin me F...
25/08/2026

Fatmir Sheholli, spiuni i BIA-s serbe i kapur me dosje, lavdëronte vazhdimisht Ali Ahmetin.

Çfarë e lidh Ali Ahmetin me Fatmir Shehollin dhe BIA-n serbe?!

21/08/2026

📰 Ekipi i NPK “Tetova” gjatë aksionit të tyre në orët e vona

Ekipi i NPK “Tetova” gjatë orëve të vona ka zhvilluar aksionin e pastrimit dhe larjes së trotuareve në Ilirija.

Puna vazhdon edhe pas përfundimit të ditës, me qëllim që hapësirat publike të jenë sa më të pastra dhe të mirëmbajtura.

Komentuesit "ia mbyllin" gojën Rami Mislimit Një reagim i pronarit të portalit TetovaSot, Rami Mislimit, për gjobat e ve...
20/08/2026

Komentuesit "ia mbyllin" gojën Rami Mislimit

Një reagim i pronarit të portalit TetovaSot, Rami Mislimit, për gjobat e vendosura për shkeljet në komunikacion ka shkaktuar reagime të shumta nga qytetarët në rrjetet sociale.

Mislimi shkroi se “VLEN-i i dogji mërgimtarët me dënime” dhe kritikoi faktin që qytetarët presin në kufi për të paguar gjobat. Por komentuesit nuk u pajtuan me të dhe në masë të madhe e kundërshtuan qëndrimin e tij.

“BDI e votoi këtë ligj, madje Aliu me krenari e tha se na duhen 2/3 për Safe City. Përkundër kësaj, kamera ka gjithkund në Evropë, të kap radari dhe e paguan. Me të mira”, shkroi një qytetar.

Një tjetër komentues i drejtohet drejtpërdrejt Mislimit: “Rami, ty nuk të intereson mirëqenia e popullit, tepër partiak je!”

Reagimet vazhduan edhe me argumentin se gjobat nuk janë çështje partie, por respektimi i rregullave.

“Pse, a s’duhet të paguajnë? Unë s’jam mërgimtar, por dje pagova dënim. A shteti ma ka fajin, a VLEN-i, a VMRO-ja?”, shkruan një qytetar.

Në një tjetër koment thuhet: “As VLEN-i, as S-VLEN-i! Përderisa në Evropë duhet të vozisim sipas rregullave, atëherë edhe në vendlindje do të vozisim sipas rregullave, e jo kush të na lëshojë pe.”

Një tjetër qytetar e akuzon Mislimin se po e dramatizon situatën: “Në secilin shtet ku të shkosh, nëse të kap radari, në dalje e paguan dënimin. Mos e bëj tragjike.”

Komentuesit i kanë kujtuar gjithashtu se gjobat vendosen për shkelje të rregullave dhe jo për përkatësi partiake.

Në mesin e reagimeve kishte edhe komente ironike ndaj Mislimit, duke e pyetur pse fajin duhet ta mbajë VLEN-i apo VMRO-ja për një gjobë të marrë si pasojë e shkeljes së rregullave të komunikacionit.

Reagimet e shumta tregojnë se deklarata e Mislimit ka hasur në kundërshtim të fortë nga qytetarët, të cilët argumentojnë se respektimi i rregullave të trafikut duhet të vlejë njësoj për të gjithë, pavarësisht nëse janë banorë të vendit apo mërgimtarë.

Adnan Azizi: BDI-së i është bërë e padurueshme opozita, koha e tyre ka mbaruarDeputeti i VLEN-it, Adnan Azizi, ka reagua...
20/08/2026

Adnan Azizi: BDI-së i është bërë e padurueshme opozita, koha e tyre ka mbaruar

Deputeti i VLEN-it, Adnan Azizi, ka reaguar ndaj kërkesave të BDI-së për mbajtjen e zgjedhjeve të parakohshme, duke vlerësuar se kjo kërkesë vjen si pasojë e pamundësisë së kësaj partie për t’u përballur me rolin e opozitës. Azizi thotë se prioriteti i pushtetit aktual mbeten projektet infrastrukturore që, sipas tij, ndikojnë drejtpërdrejt në jetën e qytetarëve.

Sipas Azizit, BDI-ja për vite me radhë e ka konsideruar pushtetin si qëllimin kryesor politik, ndërsa tani, përballë humbjes së pushtetit, po kërkon zgjedhje të parakohshme. Ai thekson se qeveria nuk do të ndalojë projektet strategjike për shkak të kërkesave politike të opozitës, duke veçuar Korridorin 8, rrugën Shkup–Bllacë dhe rrugën Tetovë–Prizren.

“BDI-ja po kërkon zgjedhje të parakohshme sepse opozita i është bërë e padurueshme. Për vite me radhë e kanë parë pushtetin si qëllim, ndërsa sot e kanë kuptuar se pa pushtet nuk kanë ardhmëri si grupacion politik.Por prioriteti ynë sot janë projektet që ndryshojnë jetën e qytetarëve: Korridori 8, rruga Shkup–Bllacë dhe rruga Tetovë–Prizren.Ne nuk do t’i ndalim këto projekte për t’i bërë qejfin BDI-së.Kurdo që të ketë zgjedhje, shqiptarët do të japin përgjigjen e tyre.

Dhe ajo përgjigje do të jetë e qartë: shqiptarët nuk kthehen më te politika e vjetër, te keqpërdorimi i pushtetit dhe te një kastë që për vite me radhë e përdori përfaqësimin e shqiptarëve për pasurimin e individëve.BDI-ja duhet ta pranojë realitetin: koha e tyre ka mbaruar”, ka deklaruar Azizi.

Azizi vlerëson se zgjedhjet, kurdo që të mbahen, do të jenë momenti kur qytetarët shqiptarë do të japin verdiktin e tyre politik. Ai paralajmëron se VLEN do të vazhdojë fokusin te projektet infrastrukturore dhe zhvillimi, duke kundërshtuar çdo tentativë për ndërprerjen e tyre për interesa politike.

04/08/2026

Samet Bislimi: Të gjitha pyetjet janë diskutuar dhe sqaruar në Këshill

Drejtori i NPK Tetova, Samet Bislimi, ka reaguar ndaj akuzave të bëra pas miratimit të raportit financiar, duke theksuar se të gjitha çështjet dhe paqartësitë janë diskutuar gjatë mbledhjes së Këshillit.

„Raporti financiar u miratua me votën e të gjithë këshilltarëve të pranishëm, përfshirë edhe këshilltarët e BDI-së, të cilët morën përgjigje për çdo çështje të ngritur“, deklaroi Bislimi.

Ai ka kritikuar deklaratat e Bajram Rexhepit dhe BDI-së, duke theksuar se sqarimet duhet të kërkohen gjatë mbledhjeve të Këshillit dhe jo pas votimit përmes rrjeteve sociale.

„Në Këshill u dhanë përgjigje për çdo pyetje dhe u sqarua çdo paqartësi. Roli i këshilltarit është të diskutojë dhe të kërkojë sqarime aty ku merret vendimi, e jo pas votimit të bëjë akuza përmes Facebook-ut“, u shpreh Bislimi.

Duke folur për përgjegjësinë, Bislimi përmendi edhe çështjen e dëmtimit të rrugës në Sellc, për të cilën pretendon se është bërë për interesa personale, si dhe raste të tjera që, sipas tij, meritojnë vëmendje.

„Këto sulme nuk më demotivojnë. Përkundrazi, më motivojnë të vazhdojmë punën për qytetarët që e vlerësojnë punën tonë“, përfundoi Bislimi.

Tjetër goditje për Ahmetin, Blerim Idrizi braktis BDI-nëVazhdojnë largimet në BDI. Është Blerim Idrizi ai i cili ka njof...
31/07/2026

Tjetër goditje për Ahmetin, Blerim Idrizi braktis BDI-në

Vazhdojnë largimet në BDI. Është Blerim Idrizi ai i cili ka njoftuar dorëheqjen nga funksioni i anëtarit të Këshillit të përgjithshëm të BDI-së, duke bërë të ditur njëkohësisht se ndërpret edhe aktivitetin e tij partiak.

Në një mesazh drejtuar bashkëpartiakëve, miqve dhe aktivistëve të BDI-së, Idrizi thotë se vendimi është marrë për shkaqe personale, por edhe parimore.

“Nuk duhet ta mbaj peng këtë funksion dhe është koha t’u hapet rrugë aktivistëve të tjerë, të cilët në këtë moment mund të japin një kontribut më efektiv”, shprehet Idrizi.

Ai i referohet edhe pasojave të humbjes në zgjedhjet lokale dhe ristrukturimeve brenda degëve të partisë, duke theksuar se nuk e sheh më të arsyeshme të jetë pjesë e organeve më të larta të BDI-së.

Idrizi thotë se gjatë gjithë angazhimit të tij politik ka kontribuar në mënyrë “të sinqertë, transparente dhe të palëkundur”, ndërsa përmend edhe përballjen me, siç shprehet ai, “shpifje dhe përpjekje për njollosjen e figurës të tij”.

Dorëheqja e Blerim Idrizit vjen në një periudhë të përballjes me pasoja politike dhe riorganizime të brendshme në BDI, duke shtuar pikëpyetjet mbi gjendjen e strukturave të partisë pas rezultatit të dobët në zgjedhjet lokale.

Largimi i Idrizit është një tjetër sinjal se pakënaqësitë dhe lëvizjet brenda strukturave të BDI-së vazhdojnë.

31/07/2026

Për 25 vjet, mbi 400.000 shqiptarë ikën në Zvicër e Gjermani.

Kjo është arritja e Ali Ahmetit!

31/07/2026

Popullariteti i Adnan Azizit po i pengon Rina Ajdarit: “Videoja e tij në Facebook u bë virale!”

Portalet e Bujar Osmanit, Kosovën e bëjnë pjesë të SerbisëNjë fotografi e publikuar në portalet dhe platformat e lidhura...
31/07/2026

Portalet e Bujar Osmanit, Kosovën e bëjnë pjesë të Serbisë

Një fotografi e publikuar në portalet dhe platformat e lidhura me Bujar Osmanin ka nxitur reagime, pasi në sfond shfaqet një hartë gjeografike ku Kosova nuk figuron si territor i veçantë.

Në imazhin e publikuar, harta paraqet rajonin pa përfshirjen e Kosovës, duke ngritur pikëpyetje për përdorimin e një grafike të tillë, veçanërisht nga një figurë politike që vazhdimisht është deklaruar në mbështetje të shtetit të Kosovës.

Publikimi ka ngjallur kritika në rrjetet sociale, ku përdorues të shumtë e kanë cilësuar si papërgjegjësi ose neglizhencë përdorimin e një harte që nuk e paraqet Kosovën në mënyrën e njohur ndërkombëtarisht.

Nikollovski demanton Osmanin: Në kohën tuaj kishte vetëm provizione, hekurudhën e bëjmë ne Zëvendëskryeministri dhe mini...
30/07/2026

Nikollovski demanton Osmanin: Në kohën tuaj kishte vetëm provizione, hekurudhën e bëjmë ne

Zëvendëskryeministri dhe ministri i Transportit, Aleksandar Nikollovski, ka hedhur poshtë pretendimet e ish-ministrit të Punëve të Jashtme, Bujar Osmani, se Maqedonia e Veriut ka humbur 60,77 milionë euro nga fondet IPA të Bashkimit Evropian për pjesën hekurudhore të Korridorit VIII drejt Bullgarisë.

Nikollovski i cilësoi deklaratat e Osmanit si “gënjeshtra dhe manipulime”, duke theksuar se Qeveria e re kishte trashëguar një tender për ndërtimin e një hekurudhe që, sipas tij, përfundonte në një tunel të ndërtuar vetëm deri në gjysmë.

“Qeveria u formua në fund të qershorit, ndërsa fondet IPA duhej të shfrytëzoheshin deri në nëntor të vitit 2024. Ishte shpallur një tender për një ndërtim të pamundur – tunel deri në gjysmë”, deklaroi Nikollovski, duke akuzuar qeverinë e mëparshme të LSDM-së dhe BDI-së për keqmenaxhimin e projektit.

Ai tha se tenderi është ndërprerë dhe se më pas janë zhvilluar bisedime serioze me Bashkimin Evropian dhe Bullgarinë, me qëllim që projekti të vendoset mbi baza të reja.

Sipas Nikollovskit, është arritur marrëveshje që të ndërtohet një tunel i plotë, me mbështetje financiare në formën e grantit nga Bashkimi Evropian.

Ai njoftoi se është mbajtur edhe takimi i parë i grupit të përbashkët ndërmjet Maqedonisë së Veriut dhe Bullgarisë, ndërsa do të dërgohet letër e përbashkët deri te BE-ja, Banka Evropiane e Investimeve dhe Banka Evropiane për Rindërtim dhe Zhvillim për sigurimin e financimit.

Nikollovski shtoi se për fazën e tretë të Korridorit VIII është siguruar grant prej 149 milionë eurosh.

“Derisa Bujar Osmani krijonte probleme si ministër i Jashtëm, ne tani po i zgjidhim. Hekurudhë do të ketë, njësoj si edhe autostrada. Në kohën tuaj kishte vetëm provizione”, deklaroi Nikollovski, duke drejtuar akuza të ashpra ndaj ish-qeverisë së LSDM-së dhe BDI-së.

Address

Tetovë
1200

Website

Alerts

Be the first to know and let us send you an email when Alb Vizion posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Alb Vizion:

Shortcuts

Share

Category