10/06/2023
Kun belebele 7la kosɔn, mɔgɔ kanka Oui « Awɔ» ta referandɔmu in na Sariyasun kura voteli k**a:
1- A sɛbɛlen do sariyasun kura in kɔnɔ ko, bɛ be se k'i ka diinɛ n'i danbè waleya, jamana sariyaw bonyali kɔnɔ, ani hadamadenya hakɛ bonyali.
Ko LAYISITE kun ye ka diinɛ bɛɛ lakana ka bɛn ni kelenya sinsin mɔgɔ ni ɲɔgɔn cɛ i mana kɛ dinɛ o dinɛ la.
2- Fangadafiri balili : Sariyasun kura in bɛ se di jamanadenw ma u ka se ka dansigi jamanakuntigi ka fanga la kasɔrɔ a ma kɛ sariyasɔsɔ ye, wa a ma kɛ ni ni gɛlɛyawalew ye minu kɔ bese ka kɛ nimisa ye, i n'afɔ fangadafiri tɛmɛlenw minu kɛra mɔgɔ caman ka saya sabu ye guansan cogomin.
3- Fasokanw tali bala : Sariyasun kura in bɛ jamanakan bɛɛ jate k'u ye jamana kan lakodonnenw ye, forobabaarakɛlaw bɛɛ bese ka kuma kan minu na, walasa jamanadenw bɛɛ u niyɔrɔ jamana kunkow la, kalannen ni kalanbali ko tɛ a la.
Wa a « Sariyasun » bɛ sira di fasokanw ma u dɔlakelen kase ka kɛ jamana baarakɛkan ( langue de travail) ye.
4- Jamana kɔrɔn n'a kilebi bɛɛ ye jamana kelen ye : Sariyasun kura in b'a jira ko jamana yɔrɔ si tɛ bila jamakulu dɔ ka mara la, sabu jamana bɛɛ ye jamana kelen ye, o kumakan in bɛkɛ sabu ye k'an ka jamana kɛ an ta ye, a kana se ka kila don n'a nataw la.
5- Jamanaden guasanw bɛse ka damakasisɛbɛn don kiribulon baarakɛw k**a, walima jamana foroba baarakɛw k**a, wa a bɛ jaagoya kiribulontigiw kan u ka forobabaarakɛla weele, hali ni wasaden do, a ka barada sutura bɛ wili ka b'a kan k'a ɲininka a dalakan na.
6- Dugukolo koɲɛ bɛ bɔ mɛriw bolo, o na kɛ sabu ye ka caman bɔ yurukuyuruku la, dugukoloko la.
7- dugutigiw, ni laadatigiw lakodɔnli, k'u jɔyɔrɔ bonya, k'u da don fasoko ni kunkow ɲɛnabɔli la, k'a jira k'a fɔ ko an danbew n'a taabolo kɔrɔ bɛɛ makan ka kɛ bolokɔfɛfen ye, sabu n'a ye tubabuw ladege cogo o cogo n'an ma an kɔfilɛ an yɛrɛ la, an ka yiriwa bɛ gɛlɛya kosɛbɛ, a kakan an ka kɛ an yɛrɛ ye.
Farankan: (Bonus)
Sariyasun kura in b'a pereprelatigɛ k'a fɔ ko furu bɛ daga cɛ ni muso dɔrɔn de ni ɲɔgɔn cɛ.
🔶______