05/08/2025
ယုံကြည်မှုကို တန်ဖိုးထားပါ ...
တစ်ဖက်ထဲ လှရုံနဲ့ မရဘူး
ဖိနပ်က နှစ်ဖက်ရှိမှ ခရီးရောက်တာ
ယုံကြည်မှုဆိုတာလဲ အဲ့လိုဘဲ
တစ်ယောက်တည်း ရှိရုံနဲ့မရဘူး..
သူ့ဘက် ကိုယ့်ဘက်ရှိမှ
အဲ့ဒီဆက်ဆံရေးတစ်ခုက ရေရှည်မြဲတာ
ယုံကြည်မှုဆိုတာ
ပျက်စီးသွားပြီဆိုတဲ့အခါ
ဘယ်လိုပြန်တည်ဆောက် တည်ဆောက်
ဘယ်တော့မှ အရင်လို ပြန်မဖြစ်ဘူး..
ဒါကြောင့်
ယုံကြည်လို့ ရင်ဖွင့်တဲ့စကားကို
ကွယ်ရာမှာ အတင်းပြန်မပြောရဘူး..
ယုံကြည်လို့
ချေးငှားလိုက်တဲ့ ပိုက်ဆံကို
မတောင်းခင်ကတည်းက
အလိုက်တသိ ပြန်ပေးရတယ်..
ယုံကြည်လို့
ကူညီပေးလိုက်တာကို
ဘယ်တော့မှ ကျေးဇူးမကန်းရဘူး..
ယုံကြည်လို့
ပေးထားတဲ့ မေတ္တာကို
တန်ဖိုးမထား မလေးမစားမလုပ်ရဘူး..
ယုံကြည်လို့
တွဲထားတဲ့ လက်တွေကို
နာကျင်ဒဏ်ရာတွေ မပေးရဘူး..
ယုံကြည်လို့ပေးထားတဲ့
အခွင့်အရေးကို
ဘယ်တော့မှ အလွဲသုံးစားမလုပ်ရဘူး..
အဲ့ဒီယုံကြည်မှုထဲမှာ
ချစ်ခြင်းမေတ္တာတွေပါတယ်
ကိုယ်ချင်းစာတရားတွေပါတယ်
သံယောဇဉ်တွေပါတယ်..
ဒါကြောင့် ယုံကြည်မှုကို
လွယ်လွယ်နဲ့ မဖျက်စီးသင့်ဘူး
တကယ်လို့
ယုံကြည်မှုကို ဖျက်စီးလိုက်တဲ့အခါ
တကယ်နစ်နာဆုံးရှုံးသွားတာက
ကိုယ်ဖြစ်နေတတ်တယ်..
ဒီလိုဘဲ
ဘဝမှာ ကိုယ့်ရဲ့ယုံကြည်မူ့ကို
အလွဲသုံးစား လုပ်သွားတဲ့သူတွေ ရှိတယ်..
ဒါပေမယ့်
တကယ် ဝမ်းမနည်းပါဘူး
စိတ်မကောင်းတာ တစ်ခုတော့ရှိတယ်..
အဲ့ဒါက ဘာလဲဆိုတော့
အရင်လို စေတနာတွေ အကူအညီတွေ
ချစ်ခြင်းမေတ္တာတွေ ယုံကြည်မှုတွေကိုတော့
ကိုယ့်ဆီက သူတို့မရနိုင်တော့ဘူးလေ..
ယုံကြည်မှုကို တန်ဖိုးထားပါ..
တစ်ချို့အရာတွေက
ပြန်လိုချင်ရင်တောင်မှ
ပြန်ရနိုင်တဲ့ထိ စျေးမပေါဘူးလေ...✍
- မေတ္တာဖြင့်မျှဝေပါသည်။
- မူရင်းရေးသားသူအား လေးစားစွာ ခရက်ဒစ်ပေးပါသည်။
.
