26/08/2024
ကြို့ပင်ကောက်မှာ စစ်မှုထမ်းထောက်ပံ့ကြေး တစ်အိမ်နှစ်သိန်းတောင်းတဲ့ အုပ်ချုပ်ရေးမှူး ပစ်ခတ်ရှင်းလင်းခံရ
သြဂုတ် ၂၆ ၂၀၂၄ တိုင်းဟံသာ
ပဲခူးတိုင်းအနောက်ခြမ်း၊ သာယာဝတီခရိုင်၊ ကြို့ပင်ကောက်မြို့နယ်မှာ စစ်မှုထမ်းထောက်ပံ့ကြေး တစ်အိမ်နှစ်သိန်းတောင်းတဲ့ အုပ်ချုပ်ရေးမှူး ပစ်ခတ်ရှင်းလင်းခံရကြောင်း သိရသည်။
ကြို့ပင်ကောက်မြို့နယ်၊ မြို့ကိုင်းအုပ်စု၊ ချောင်းခွကျေးရွာတွင် နေထိုင်သည့် အုပ်ချုပ်ရေးမှူး ရန်အောင်စိုး ဆိုသူကို ဩဂုတ်လ ၂၅ရက် မနေ့ နံနက်၁၁နာရီ ၃၀မိနစ်ခန့်တွင် ၄င်းနေထိုင်သည့် ရွာမှထွက်လာစဥ် ညောင်ပင်သာရွာ သင်္ချိုင်းကုန်းအနီး၌ BTZM GBK-PDF နှင့် သာယာ၀တီခရိုင်တပ်ရင်း ၃၈၀၁၊ တပ်ခွဲ၃ နတ်စစ်သည် တပ်ဖွဲ့တို့မှ သေနတ်နဲ့ ပစ်ခတ်ရှင်းလင်းခဲ့ခြင်းဖြစ်သည်။
"ဒီအုပ်ကြီးက တစ်အိမ်ကို စစ်မှုထမ်းထောက်ပံ့ကြေး နှစ်သိန်းတောင်းတယ်၊ မပေးရင် ဘာလုပ်မယ် ညာလုပ်မယ်ဆိုပြီး ပြည်သူတွေကို ခြိမ်းခြောက်အကြပ်ကိုင်တယ်၊ လူငယ်တွေကို စခတပ်သားသစ်မဖြစ် အတင်းစုနေတဲ့အတွက် ရှင်းလိုက်ရတာပါ"လို့
BTZM GBK-PDF တပ်ဖွဲ့တာဝန်ရှိသူတစ်ဦးမှ တိုင်းဟံသာကို ပြောပါတယ်။
အုပ်ချုပ်ရေးမှူး ရန်အောင်စိုးထံမှ မိုလ်ဘိုင်းဖုန်းတစ်လုံး နှင့် လောက်လေးခွတစ်ခုကို သိမ်းဆည်းရရှိခဲ့ပြီး ၄င်းသည် ဒေသခံလူငယ်များအား စစ်မှုထမ်းရန် တပ်သားသစ်အဖြစ် အဓမ္မစုဆောင်းခြင်း၊ ခြိမ်းခြောက်ငွေညှစ်တောင်းခံခြင်းများကို အကြိမ်ကြိမ်နိုင်ထက်စီးနင်းပြုလုပ်နေသည့်အပြင် ကျေးရွာအုပ်စု တစ်အုပ်စုကို ကျပ်သိန်းနှစ်ရာ တောင်းပြီး စစ်ကောင်စီ၏ ဖက်ဆစ်အာဏာရှင်စနစ် သက်ဆိုးရှည်အောင် လုပ်ဆောင်နေတာကြောင့် ယခုလို ပစ်ခတ်ရှင်းလင်းခဲ့ရတာလို့ ဆိုပါသည်။
ဓာတ်ပုံ - ပစ်ခတ်ရှင်းလင်းခံရသည့် ချောင်းခွကျေးရွာ အုပ်ချုပ်ရေးမှူး ရန်အောင်စိုး (မသေဆုံးခင်ဓာတ်ပုံ)
~~~~~~~~~~~~~~~~~~~~~~~~~~
တိုင်းဟံသာမှ တင်ဆက်နေသည့် သတင်းများကို https://t.me/timehanthar တယ်လီဂရမ်ချန်နယ်မှာလည်း ဖက်ရူနိုင်ပါသည်။
#တိုင်းဟံသာ
#ပဲခူးတိုင်းအနောက်ခြိမ်း
#သာယာဝတီခရိုင် #ကြို့ပင်ကောက်
