09/05/2026
Falam ZAHAU Politician MAH leh ZAHAU NLD INVISIBLE WAR
(Zahau politician MAH le Zahau NLD do-awknak)
A ruh kâwl:
Siar thluh ta loin i comment hlah!! 🙏🙏
Constructive Criticism:
Kan ram revolution umdan zoh rero tikah “a cakcak dam khawsuahnak”(survival of the fittest) ti rori a si thlang. Curuangah mipi le ṭhangtharin a ruh lang lawlaw ih thu kan theih hi a cu thlangin ka thei. CNO/CB pawl Falam ramsungah Operation hi tuah duh rero hrih hlah uh. Nan operation performance ahcun midang teh ziangce! ti nan si kona’n politics roll nan paly dan le nan mission plans fehpit danah nan calibre in a ban ciah hrih lo. Cu’ihleiah nan ralthuam, nan manpower le Lennak khalin a ban hrih lo. Maw, a ban na’n nan ngam taktak lo leh lam!. Cucu nan pomngam ka beisei. Nan do hi ‘thisen le taksa lawng a si lo, lalnak le thuneihduhnak tiangin nan do tel ti hi.
Ziangahtile operation nan tuah tinten Zahau politician MAH le CC MAH nan do tel phah ringring ti a lang. Politics ah nan hnakih Senior an sinak khi thuhtheih va si hlah maw… Curuangah a ruh lang lawlaw in sim seh la CNO/CB in Operation nan tuah vivo ding cengmang asile SAC+ Pu Than,SAC+ Pu Satin Thawng le MAH/SAC supporter langsar deuh pawl tiangin ṭhua lawlaw uh. Cumi nan ngam lo asile CNO/CNDF um tho siin Pu Than support lawlaw men uh!. Cucu, CC le SAC lakih Falam a himnak ding le ram ruak (Uninhabited land)a si lonak dingin. Cun,mipi khal a tlung duh le tlung ngam cu tlunter men ding. Mipi ralkap ti râwl tlannak hrangah. Culoasile nan mipi le nan milaipawl an thi lak rero men ding.
A ruh langih kan sim asile Pu Than le Pu Satin Thawng inn nan hawiher, nan umdan,nan umnak, nan thlen cin le nan timtuah dan pawl an lo hmu in an lo thei thluh. (ngaihnak um lo, ‘You’re still too junior in politics).
FALAM BIKAH:
CNO/CNDF le SAC+ MAH lawng nan do aw lo, nan mipi khal MAH supporter le NLD/CNO supporter pawl, tlunsal ṭul ti le ti lo zawngin nan ṭhua aw ṭan cu a si hi maw. Cucu a tlunih ka sim zo miih a affect vivo a si. Falam duhdawttu ti aw veve, duhdawt dan bangaw thei hrih lo men nan si. Lungkhat put dan dap tum hramhram uh law!. Nan dap thei lo asile nan mipi tam sawn mizo ah nan can thluh ding.
ZAHAU CU ZIANG AN SI?
Thuhtheih va si hlah!. 1948-2020 tiang, Chin State Historical kan zoh asile laitlang pumpi hi Zahau Leadership nak deuhin a feh ti seh la a sual tam zik lo. Zahaupawl hi an thluak a ṭhat bakah mifim cathiam khal an tamih an huham khal a na si ke, unaupawl in an do nasat bik danah. Falam ah phei cun 2020 tiang lawng a si na he! tuini tiang Zahau hnakih huham nei an um taktak thei hrih lo. Asina’n, tihsual an nei, Zahau le Zahau thuneih an cuhawknak ruangah Falam mipi Lairawl le Mizoram ah tlanin an vaivuan thluh dengmang!. Pumkhatawknak lam nan zawh lo asile “Zahau in Jahau ah” “Ziangha in Enga ah” nan cang thluh leh ding.
CNO/CNDF A DIN RINGRING A ṬUL MAW? Ṭul tuk e le… ti’n si hrih seh!. Politics cu football le boxing thawngh vek a si. Professional lêm lo hrangah cun sunnak le tuarlaknak menah a cang ṭheu! Cuvekin nan operation strategy zoh tikah NLD/CNO political analysts pawl quantity, attitude le ṭihnak(dread) a lang tel. Khatlam zawngah kaphnih kapthum negotiate ṭul a si ruangah diplomacy khal thiam a harin thil ol ai a si lo zia khal a lang tel.
FALAM A DAM MAW?
Hitin rel seh la; Falam mipiin political system le dothlengnak system hi kan theithiam tawk hrih lo a bang. Tuisi thokin hnaihnok aw si loih pom dan,thlir dan thiam tumcio uh si. Culoasile mipi hmunhnihah nan kâkter ringring ding. Kâk cing cun khuilam khuilam khalin nan tum ram nan thlenpi lo ding. Mipi nunnak hi infrastructure development hnakin a thupi sawn.
Unau hrekkhat pawlin Pu Than ih a political attitude hehchet tiih an donak san khal khi Zahau NLD/CNO pawl an lo duhdawt ruangah a si lo, nan pumkhat an phan ruangih do le soisel an sisawn. Mipi khalin nan ralkappawl nasa sinih nan thuamcak a ṭul. Hmuhsuam nautat nan si lonak dingin.
Ngantu - Thawnga Lv
