Gyobingauk Thadin

22/06/2025

"ကိုမိုး ဆိုတဲ့ကောင်က မှန်ပင်ထူးအုပ်စုအတွင်း သွားလာနေတဲ့ သာမန်လူငယ်တွေကို PDFတွေပါဆိုပြီး စခတွေဆီ ဖုန်းဆက်တိုင်လို့ လူငယ်တွေရှောင်နေရတယ်။ စခတွေနဲ့ပေါင်းပြီး ပြည်သူတွေကို အနိုင်ကျင့်ဗိုလ်ကျ အာဏာပြခြိမ်းခြောက်တယ်။ နောက်ပြီးတော်လှန်ရေးအဖွဲ့တွေ ရိုးပေါ်ကဆင်းလာချိန်မှာ ဗီဒီယိုခိုးရိုက်ပြီး စခတွေဆီပို့တယ်။ ပြည်သူ​တွေနဲ့ PDFအဖွဲ့တွေကို ဒုက္ခပေးတဲ့အတွက် သူ့ကို မဖြစ်မနေ အရေးယူလိုက်ရတာပါ"ဟု Black Dragon (GBK-PDF) တပ်ခွဲမှူး ရိုးမနဂါးမှ Tharyarwaddy 8 City ကို​ ရှင်းပြပါသည်။

ကြို့ပင်ကောက်မှာ လူငယ်တွေအား PDFဆိုပြီး စစ်ကောင်စီတပ်ထံ မမှန်သတင်းပေးတိုင်ကြားတဲ့ စစ်တပ်သတင်းပေး ကိုမိုး ပစ်ခတ်ရှင်းလင်းခံရ

Tharyarwaddy 8 City / ဇွန် ၂၂ ၊ ၂၀၂‌၅

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက ကြို့ပင်ကောက်မြို့နယ်၊ မှန်ပင်ထူးအုပ်စု၊ မှန်ပင်ထူးရွာနေ စစ်တပ်သတင်းပေး ကိုမိုး အား ဇွန်လ ၂၀ ရက်နေ့ မွန်းလွဲ ၄ နာရီ ၃၀ မိနစ်ခန့် အချိန်တွင် သာယာဝတီခရိုင် တပ်ရင်း ၃၈၀၂ တပ်ခွဲ ၆ Black Dragon (GBK-PDF) မှ ပစ်ခတ်ရှင်းလင်းခဲ့ကြောင်း သတင်းရရှိပါသည်။

သေဆုံးသွားသည့် ကိုမိုး ဟာ တော်လှန်ရေးရဲဘော်များ၏ သွားလာလှုပ်ရှားမှုများအား ဖုန်းဖြင့်မှတ်တမ်းရိုက်ယူကာ စစ်ကောင်စီတပ်ထံ ပေးပို့ခြင်း၊ ဒေသခံ လူငယ်များအား PDFများဟုဆိုကာ စစ်ကောင်စီတပ်ထံ မမှန်သတင်းပေး၍ ဖုန်းဆက်တိုင်ကြားခြင်း၊ ဒေသခံပြည်သူများအား စစ်ကောင်စီတပ်သားများနှင့်ပေါင်းကာ အနိုင်ကျင့်ခြိမ်းခြောက်ခြင်းများ လုပ်ဆောင်နေသည်ဟု ပြည်သူများ တိုင်ကြားလာသောကြောင့် စိစစ်အတည်ပြုကာ အရေးယူခဲ့ခြင်းဖြစ်ကြောင်း သိရသည်။

"ကိုမိုး ဆိုတဲ့ကောင်က မှန်ပင်ထူးအုပ်စုအတွင်း သွားလာနေတဲ့ သာမန်လူငယ်တွေကို PDFတွေပါဆိုပြီး စခတွေဆီ ဖုန်းဆက်တိုင်လို့ လူငယ်တွေရှောင်နေရတယ်။ စခတွေနဲ့ပေါင်းပြီး ပြည်သူတွေကို အနိုင်ကျင့်ဗိုလ်ကျ အာဏာပြခြိမ်းခြောက်တယ်။ နောက်ပြီးတော်လှန်ရေးအဖွဲ့တွေ ရိုးပေါ်ကဆင်းလာချိန်မှာ ဗီဒီယိုခိုးရိုက်ပြီး စခတွေဆီပို့တယ်။ ပြည်သူ​တွေနဲ့ PDFအဖွဲ့တွေကို ဒုက္ခပေးတဲ့အတွက် သူ့ကို မဖြစ်မနေ အရေးယူလိုက်ရတာပါ"ဟု Black Dragon (GBK-PDF) တပ်ခွဲမှူး ရိုးမနဂါးမှ Tharyarwaddy 8 City ကို​ ရှင်းပြပါသည်။

Black Dragon (GBK-PDF) အနေဖြင့် ပြည်သူများနှင့် တော်လှန်ရေးတပ်ဖွဲ့များကို ဒုက္ခပေးနေကြသည့် စကစများအပြင် စကစထောက်တိုင်များကိုပါ အရှိန်မြင့် တိုက်ခိုက်သွားမည်ဖြစ်၍ ပြည်သူများ အနေဖြင့် ၄င်းတို့အနီး သွားလာနေထိုင်ခြင်းများ မပြုလုပ်ကြရန် အသိပေးသည်။

ဓာတ်ပုံ - ပစ်ခတ်ရှင်းလင်းခံရသည့် စစ်တပ်သတင်းပေး ကိုမိုး

သတင်း - ခန့်စိုး
စာတည်း - ရာမန်

#ကြို့ပင်ကောက်မြို့နယ်

22/06/2025

09/06/2025

"PDFတွေပစ်လို့ သေသွားတဲ့ အုပ်ကြီးမောင်ညိမ်းက ဘိတ်သိတ်ဆရာ လုပ်တယ်။ အဓိကလုပ်တာက တရားမဝင် သစ်လုပ်ငန်းပါ။ သူသတင်းပေးပြီး စခတွေကိုဖမ်းခိုင်းလို့ ပြေးရသူတွေဆိုတာလည်း မနည်းဘူး။ သူ့အိမ်မှာဆို စစ်သားတွေခေါ်ပြီး လုံခြုံရေးယူခိုင်းတဲ့အထိ သြဇာကြီးတယ်"ဟု ဒေသခံတစ်ဦးမှ Tharyarwaddy 8 City ကို ​ပြောပြသည်။

ကြို့ပင်ကောက်မှာ လက်ပစ်ဗုံး၂လုံးကိုင် ဘိိသိတ်ဆရာ ပျူခေါင်းဆောင် အုပ်ကြီး သေနတ်နဲ့ ပစ်ခံရကာ ပွဲချင်းပြီး သေဆုံး

Tharyarwaddy 8 City / ဇွန် ၉ ၊ ၂၀၂‌၅

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက ကြို့ပင်ကောက်မြို့နယ်၊ ​ဗောဓိကုန်းရွာနေ ကြို့ပင်စခမ်းအုပ်စု အုပ်ချုပ်ရေးမှူး ပျူခေါင်းဆောင် မောင်ညိမ်း အား ဇွန်လ ၈ ရက် ယမန်နေ့ ညနေ ၅ နာရီ ၃၀ မိနစ် အချိန်တွင် BTZM GBK PDF ပဲခူးရိုးမအခြေပြုတပ်ဖွဲ့မှ သေနတ်နဲ့ ၃ချက် ပစ်ခတ်ခဲ့ရာ ပွဲချင်းပြီး သေဆုံးကာ လက်ပစ်ဗုံး ၂ လုံးလည်း သိမ်းဆည်းနိုင်ခဲ့ကြောင်း သတင်းရရှိပါသည်။

"ကုန်းရွာနဲ့ကွင်းချောင်း ပျူအဖွဲ့တွေကိုလည်း မောင်ငြိမ်းက နောက်ကနေ ထောက်ပံ့ပေးထားတယ်။ စစ်တပ်က ငွေတတ်နိုင်တဲ့ လူငယ်တွေကို ပေါ်တာဆွဲသွားရင် သိန်း၁၅၀/၂၀၀ ပေးမယ်ဆို သူလိုက်ထုတ်ပေးတယ်။ မောင်ညိမ်းက စစ်မှူထမ်းဟောင်းကနေ အုပ်ချုပ်ရေးမှူး ဖြစ်လာပြီး ပျူအဖွဲ့မှာဆိုလည်း သူကခေါင်းဆောင်ပါ။ တပည့်တပန်းတွေနဲ့ သူ့အိမ်မှာ လုံခြုံရေးယူပေးထားလို့ တခြားPDFအဖွဲ့တွေ ရှင်းဖို့လုပ်နေတာ အဆင်မပြေကြဘူးလေ။ ခုကမထင်မှတ်တဲ့အချိန်မှာ မြေသြဇာပက်ဖို့ သူလယ်ထဲထွက်လာလို့ ကျွန်တော်တို့ သေနတ်နဲ့ ၃ချက်ပစ်ပြီး ရှင်းလင်းနိုင်ခဲ့တာ"ဟု BTZM GBK-PDF ပဲခူးရိုးမအခြေပြုတပ်ဖွဲ့ တာဝန်ခံ ရဲဘော်တေဇမင်း မှ Tharyarwaddy 8 City ကို ရှင်းပြသည်။

သေဆုံးသွားသည့် အုပ်ချုပ်ရေးမှူး မောင်ငြိမ်း ဟာ ဘိသိတ်ဆရာအဖြစ် ဟန်ပြလုပ်ကာ သစ်လုပ်ငန်းအား အကြီးအကျယ်လုပ်ကိုင်နေပြီး စစ်တပ်နှင့်ရဲကိုပိုင်သည့် နံမည်ကြီး ပျူခေါင်းဆောင်ဖြစ်ကြောင်း၊ ကြို့ပင်ကောက်မြို့နယ်အရှေ့ဘက်ရှိ ကျေးရွာများမှ အုပ်ချုပ်ရေးမှူးများအနေနဲ့ စစ်မှုထမ်းထောက်ပံ့ကြေးများ ကောက်ခံရာတွင်လည်း ၄င်း၏ ညွှန်ကြားချက်ကို ရယူပြီးမှသာ ကောက်ခံရကြောင်း သိရပါသည်။

"PDFတွေပစ်လို့ သေသွားတဲ့ အုပ်ကြီးမောင်ညိမ်းက ဘိတ်သိတ်ဆရာ လုပ်တယ်။ အဓိကလုပ်တာက တရားမဝင် သစ်လုပ်ငန်းပါ။ သူသတင်းပေးပြီး စခတွေကိုဖမ်းခိုင်းလို့ ပြေးရသူတွေဆိုတာလည်း မနည်းဘူး။ သူ့အိမ်မှာဆို စစ်သားတွေခေါ်ပြီး လုံခြုံရေးယူခိုင်းတဲ့အထိ သြဇာကြီးတယ်"ဟု ဒေသခံတစ်ဦးမှ Tharyarwaddy 8 City ကို ​ပြောပြသည်။

ဓာတ်ပုံ - အုပ်ချုပ်ရေးမှူး မောင်ငြိမ်း(မသေခင်ပုံ)နှင့် သိမ်းဆည်းရရှိသည့် လက်ပစ်ဗုံး ၂လုံး

သတင်း - ခန့်စိုး
စာတည်း - ရာမန်

#ကြို့ပင်ကောက်မြို့နယ်

07/06/2025

"ဂိတ်နားမှာ စခတွေရှိနေလို့ တပ်ကြပ်ရာဇာကြီးရယ် အညာတန်းရွာဘက်က အိမ်ထဲဝင်လာတုန်း စောင့်ပြီးရှင်းလိုက်တာပါ။ ဒီကောင်က ဆိုင်ကယ်သမား ကားသမားတွေဆီက ဂိတ်ကြေးကောက်တဲ့အပြင် စစ်မှုထမ်းကြေးတွေပါ ပြည်သူတွေဆီ ကောက်နေလို့ ပစ်ခတ်ရှင်းလင်းခဲ့တာပါ"ဟု ကြို့ပင်ကောက်HEROပြောက်ကျားတပ်ဖွဲ့ တပ်ခွဲမှူး ရဲဘော်မိုးသီး မှ Tharyarwaddy 8 City ကို ​ရှင်းပြပါသည်။

ကြို့ပင်ကောက်မှာ စစ်ဆေးရေးဂိတ်စောင့် စစ်မှုထမ်းဟောင်း တပ်ကြပ်ကြီး သေနတ်နဲ့ သုံးချက်ပစ်ခတ်ခံရလို့ ပွဲချင်းပြီး သေဆုံး

Tharyarwaddy 8 City / ဇွန် ၇ ၊ ၂၀၂‌၅

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက ကြို့ပင်ကောက်မြို့နယ်၊ ကိုင်းယားရှည်ကျေးရွာရှိ စစ်ဆေးရေးဂိတ်၌ ဂိတ်ကြေးများ ကောက်ခံနေသည့် စစ်မှုထမ်းဟောင်း တပ်ကြပ်ကြီး ရာဇာကြီး (ခ) စိုးရာဇာ အား ဇွန်လ ၇ ရက် ယနေ့ နံနက် ၁၀ နာရီခန့် အချိန်တွင် သာယာဝတီခရိုင် တပ်ရင်း ၃၈၀၁၊ တပ်ခွဲ၅ ကြို့ပင်ကောက်HEROပြောက်ကျားတပ်ဖွဲ့ ရဲဘော်များမှ ၄င်း၏ ဦးခေါင်းတည့်တည့်ကို သေနတ်ဖြင့် ၃ချက် ပစ်ခတ်ခဲ့ရာ နေရာမှာ သေဆုံးသွားကြောင်း သတင်းရရှိပါသည်။

သေဆုံးသွားသော စစ်မှုထမ်းဟောင်း တပ်ကြပ်ကြီး ရာဇာကြီး (ခ) စိုးရာဇာ
ထံမှ လက်ပစ်ဗုံး ၁လုံး၊ ကျည် ၉ဝောာင့်၊ ဆိုင်ကယ် ၁စီး၊ မိုလ်ဘိုင်းဖုန်း ၁လုံး၊ ငွေသား ၁၅၀၀၀ကျပ်၊ မှတ်ပုံတင် ၁ခုနှင့် စစ်မှုထမ်းဟောင်းကတ် တို့အား သိမ်းဆည်းရရှိခဲ့ကြောင်း သိရသည်။

"ဂိတ်နားမှာ စခတွေရှိနေလို့ တပ်ကြပ်ရာဇာကြီးရယ် အညာတန်းရွာဘက်က အိမ်ထဲဝင်လာတုန်း စောင့်ပြီးရှင်းလိုက်တာပါ။ ဒီကောင်က ဆိုင်ကယ်သမား ကားသမားတွေဆီက ဂိတ်ကြေးကောက်တဲ့အပြင် စစ်မှုထမ်းကြေးတွေပါ ပြည်သူတွေဆီ ကောက်နေလို့ ပစ်ခတ်ရှင်းလင်းခဲ့တာပါ"ဟု ကြို့ပင်ကောက်HEROပြောက်ကျားတပ်ဖွဲ့ တပ်ခွဲမှူး ရဲဘော်မိုးသီး မှ Tharyarwaddy 8 City ကို ​ရှင်းပြပါသည်။

ကြို့ပင်ကောက်HEROပြောက်ကျားတပ်ဖွဲ့အနေဖြင့် ပြည်သူများနှင့် တော်လှန်ရေးတပ်ဖွဲ့များအား ဒုက္ခပေးနေကြသည့် စစ်ကောင်စီနှင့် စစ်ကောင်စီထောက်တိုင် သတင်းပေး ဒလန်များကို အချိန်နေရာမရွေး ပြင်းပြင်းထန်ထန် တိုက်ခိုက်သွားမည်ဖြစ်၍ ပြည်သူများအနေနဲ့ ၄င်းတို့အနီး သွားလာနေထိုင်ခြင်း မပြုလုပ်ကြရန် အသိပေးထားသည်။

ဓာတ်ပုံ - ပစ်ခတ်ခံရပြီး သေဆုံးနေသည့် စစ်မှုထမ်းဟောင်း တပ်ကြပ်ကြီး ရာဇာကြီး (ခ) စိုးရာဇာ နှင့် သိမ်းဆည်းရရှိသော ပစ္စည်းများ

သတင်း - ခန့်စိုး
စာတည်း - ရာမန်

#ကြို့ပင်ကောက်မြို့နယ်

04/06/2025

"၁ရက်နေ့မှာ ကျွန်တော်တို့အဖွဲ့တွေနဲ့ တိုက်ပွဲဖြစ်ပြီး ပြည်သူတွေထွက်ပြေးတော့ ပေါ်တာဆွဲမရဘူးလေ။ အဲ့ဒါကိုမကျေနပ်လို့ ၂ရက်နေ့မှာ ပြန်လာပြီး စခနဲ့ပျူတွေ ရွာကိုမီးရှို့ဖို့လုပ်ပေမယ့် မိုးတအားရွာနေတော့ မီးမလောင်ဘူး။ အဲ့ကနေသူတို့ပြန်ထွက်လာပြီး ပိတောက်မြိုင်ရွာနောက်ဘက်က ဆည်မြောင်းဘောင်ပေါ်အရောက်မှာ ကျွန်တော်တို့ စောင့်ဆော်ပါတယ်။ မိုင်းဆွဲတာနဲ့ ပစ်ခတ်တာရယ် ၁၀မိနစ်လောက်ကြာပြီး စခနဲ့ပျူ ၆ကောင် နေရာတင်သေတော့ သူတို့ပြန်ဆုတ်ပြေးကြတယ်"ဟု ရဲဘော်တေဇမင်း မှ Tharyarwaddy 8 City ကို ရှင်းပြပါသည်။

ကြို့ပင်ကောက်မှာ ပြည်သူတွေကို ပေါ်တာဆွဲမရလို့ နေအိမ်တွေမီးလာရှို့တဲ့ စစ်တပ်နဲ့ပျူစောထီးများအား PDFပူးပေါင်းတပ်ဖွဲ့ စောင့်ကြိုတိုက်ခိုက်လို့ ၆ဦးသေ

Tharyarwaddy 8 City / ဇွန် ၄၊ ၂၀၂၅

ပဲခူးတိုင်းအ‌နောက်ခြမ်း၊ သာယာဝတီခရိုင်ရှစ်မြို့နယ်ထဲက ကြို့ပင်ကောက်မြို့နယ်အပိုင် ပဲခူးရိုးမအစပ်ရှိ ပိတောက်မြိုင်ရွာမှ ပြည်သူများအား ပေါ်တာဆွဲ ဖမ်းဆီးရန် ရွာအတွင်းသို့ ရောက်ရှိနေသည့် ဇီးကုန်းမြို့နယ် ဘော်ဘင်ရွာက ပျူစောထီးများ အပါအဝင် စစ်ကောင်စီတပ်သား ၈၀ခန့် နှင့် တော်လှန်ရေးပူးပေါင်းတပ်ဖွဲ့တို့ ဇွန်လ ၁ ရက်နေ့ နံနက် ၈ နာရီခန့် အချိန်တွင် အပြန်အလှန် ပစ်ခတ်ကြ​ကြောင်း သတင်းရရှိပါသည်။

"ပိတောက်မြိုင်ရွာထဲကို ပေါ်တာဝင်ဆွဲတဲ့ စခတွေရယ် ဘော်ဘင်ပျူတွေရယ်နဲ့ ကျွန်တော်တို့ပူးပေါင်းအဖွဲ့တွေ ပစ်ခတ်မှုဖြစ်ပါတယ်။ မနက်၈နာရီလောက်ကနေ မွန်းတည့် ၁၂နာရီလောက်ထိ နှစ်ဖက်ပစ်ခတ်ကြပြီးနောက် စခနဲ့ပျူတွေ ဆုတ်ပြေးပါတယ်"ဟု တိုက်ခိုက်မှုမှာပါဝင်တဲ့ BTZM GBK-PDF ပဲခူးရိုးမအခြေပြုတပ်ဖွဲ့ တာဝန်ခံ ရဲဘော်တေဇမင်း မှ Tharyarwaddy 8 City ကို ရှင်းပြသည်။

တော်လှန်ရေးတပ်ဖွဲ့များနဲ့ ပစ်ခတ်မှုဖြစ်ပွားချိန် ဒေသခံပြည်သူများ ရွာလုံးကျွတ် ထွက်ပြေးကြ၍ ၄င်းတို့ကို ပေါ်တာဆွဲ ဖမ်းဆီးမရသဖြင့် ပျူစောထီးနှင့် စစ်ကောင်စီတပ်သားများ မကျေမနပ်ဖြစ်ကာ ဇွန်လ ၂ ရက်နေ့ မွန်းလွဲ ၁ နာရီခန့် အချိန်တွင် ပိတောက်မြိုင်ရွာ အတွင်းသို့ ထပ်မံဝင်ရောက်ကာ နေအိမ်များကို မီးရှို့ကြကြောင်း သိရပါသည်။

ထိုသို့မီးရှို့သော်လည်း မိုးသည်းထန်စွာ ရွာသွန်းမှုကြောင့် နေအိမ်များ မီးမလောင်၍ ပျူစောထီးနှင့် စစ်ကောင်စီတပ်သားများ ရွာအတွင်းမှ ပြန်ထွက်လာပြီး ဘော်ဘင်ဆည် ရေလွတ်မြောင်း ဘောင်ပေါ်အရောက်မှာ တော်လှန်ရေးပူးပေါင်းတပ်ဖွဲ့မှ စောင့်ကြိုမိုင်းဆွဲ၍ ပစ်ခတ်တိုက်ခိုက်ကြကြောင်း၊ အဆိုပါ ပစ်ခတ်တိုက်ခိုက်မှုအတွင်း စစ်တပ်ဘက်မှ ၆ဦး နေရာမှာ သေဆုံးပြီး ၁ဦး ပြင်းထန်ဒဏ်ရာရရှိကာ အထိနာတာကြောင့် သေဆုံးအလောင်းများကို အရသယ်၍ ဇီးကုန်းမြို့နယ် ဘော်ဘင်ရွာဘက်သို့ တပ်ဆုတ်ထွက်ပြေးသွားကြောင်း သိရသည်။

"၁ရက်နေ့မှာ ကျွန်တော်တို့အဖွဲ့တွေနဲ့ တိုက်ပွဲဖြစ်ပြီး ပြည်သူတွေထွက်ပြေးတော့ ပေါ်တာဆွဲမရဘူးလေ။ အဲ့ဒါကိုမကျေနပ်လို့ ၂ရက်နေ့မှာ ပြန်လာပြီး စခနဲ့ပျူတွေ ရွာကိုမီးရှို့ဖို့လုပ်ပေမယ့် မိုးတအားရွာနေတော့ မီးမလောင်ဘူး။ အဲ့ကနေသူတို့ပြန်ထွက်လာပြီး ပိတောက်မြိုင်ရွာနောက်ဘက်က ဆည်မြောင်းဘောင်ပေါ်အရောက်မှာ ကျွန်တော်တို့ စောင့်ဆော်ပါတယ်။ မိုင်းဆွဲတာနဲ့ ပစ်ခတ်တာရယ် ၁၀မိနစ်လောက်ကြာပြီး စခနဲ့ပျူ ၆ကောင် နေရာတင်သေတော့ သူတို့ ပြန်ဆုတ်ပြေးကြတယ်"ဟု ရဲဘော်တေဇမင်း မှ Tharyarwaddy 8 City ကို ရှင်းပြပါသည်။

ယခုတိုက်ခိုက်မှုကို ပဲခူးခရိုင် တပ်ရင်း ၃၇၀၁ တပ်ခွဲ ၂ BTZM GBK-PDF ပဲခူးရိုးမအခြေပြုတပ်ဖွဲ့၊ သာယာဝတီခရိုင် တပ်ရင်း ၃၈ဝ၁ တပ်ခွဲ ၁ YOMA GBK-PDF နှင့် သာယာဝတီခရိုင် တပ်ရင်း ၃၈ဝ၂ တပ်ခွဲ၁ Dragon Brothers GBK-PDF တို့ ပူးပေါင်းတိုက်ခိုက်ခဲ့ခြင်းဖြစ်ကြောင်း သိရသည်။

သတင်း - ခန့်စိုး
စာတည်း - ရာမန်

#ကြို့ပင်ကောက်မြို့နယ်

04/06/2025

♦️သတင်း ထုတ်ပြန်ခြင်း ♦️

🔖🔖🔖🔖🔖🔖🔖🔖🔖🔖

ဇွန်လ ၃ ရက် ၊ ၂၀၂၅ ခုနှစ်


#ပြည်သူကာကွယ်ရေးတပ်ဖွဲ့

31/05/2025

သေဆုံးသွားသူမှာ ကြို့ပင်ကောက်မြို့နယ်၊ ကံကြီးအုပ်စု၊ တောရရွာနေ အသက် ၁၄နှစ် အရွယ် မောင်သက်ပိုင်ဖြိုး ဟုသိရပြီး ၄င်း၏ အလောင်းအား ဆေးရုံမှ နေအိမ်သို့ ပြန်သယ်လာကြောင်း သိရပါသည်။

ကြို့ပင်ကောက်မှာ အသက်၁၄နှစ် အရွယ် လူငယ်တစ်ဦး လယ်ကွင်းထဲတွင် မိုးကြိုးပစ်ခံရပြီး ဆေးရုံပို့စဥ် သေဆုံး

Tharyarwaddy 8 City / မေ ၃၁၊ ၂၀၂၅

ပဲခူးတိုင်းအ‌နောက်ခြမ်း၊ သာယာဝတီခရိုင်ရှစ်မြို့နယ်ထဲက ကြို့ပင်ကောက်မြို့နယ်မှာ အသက်၁၄နှစ် အရွယ် လူငယ်တစ်ဦး လယ်ကွင်းထဲတွင် မိုးကြိုးပစ်ခံရပြီး ဆေးရုံပို့စဥ် သေဆုံးသွားကြောင်း သတင်းရရှိပါသည်။

မေလ ၃၀ ရက် ယမန်နေ့ ညနေ ၅ နာရီခန့် အချိန်တွင် ကြို့ပင်ကောက်မြို့နယ်၊ လှေတုံးအုပ်စု၊ သခွတ်ကုန်းရွာအနီးက လယ်ကွင်းထဲမှာ လူငယ်တစ်ဦး မိုးကြိုးပစ်ခံရ၍ နာရေးကူညီမှုအသင်း - ကြို့ပင်ကောက်မြို့ AMBULANCE ကားဖြင့် ကြို့ပင်ကောက်မြို့နယ်ပြည်သူ့ဆေးရုံ ကို အရေးပေါ်ပို့ဆောင်ပေးခဲ့ကြောင်း သိရသည်။

ထိုသို့ဆေးရုံသို့ အရေးပေါ်ပို့ဆောင်ပေးခဲ့သော်လည်း မိုးကြိုးပစ်ခံရမှုကြောင့်
ရရှိသည့် ဒဏ်ရာများဖြင့် လူငယ်မှာ သေဆုံးသွားကြောင်း၊ သေဆုံးသွားသူမှာ ကြို့ပင်ကောက်မြို့နယ်၊ ကံကြီးအုပ်စု၊ တောရရွာနေ အသက် ၁၄နှစ် အရွယ် မောင်သက်ပိုင်ဖြိုး ဟုသိရပြီး ၄င်း၏ အလောင်းအား ဆေးရုံမှ နေအိမ်သို့ ပြန်သယ်လာကြောင်း သိရပါသည်။

သာယာဝတီခရိုင်ထဲတွင် မိုးဦးကာလများ၌ မိုးကြိုးပစ်ခြင်းများ နှစ်စဥ်ကြုံတွေ့နေရကာ အသက်သေဆုံးခြင်းများ ရှိနေပြီး ကွင်းပြင်မှာ သွားလာနေထိုင်ကြသူများအနေနဲ့ အမိုးအကာအောက်သို့ အမြန်ဝင်၍ မိုးကြိုးအန္တရာယ်မှ ကာကွယ်ကြရန်နှင့် သစ်ပင်ကြီးများအောက် မိုးခိုခြင်းမှ ရှောင်ရှားကြရန် မိုးလေဝသကျွမ်းကျင်သူများက အသိပေးထားသည်။

ဓာတ်ပုံ - မိုးကြိုးပစ်ခံရ၍ သေဆုံးသွားသည့် လူငယ်၏ ရုပ်အလောင်းအား နာရေးကူညီမှုအသင်း ကားပေါ်တင်နေစဥ်

သတင်း - ခန့်စိုး
စာတည်း - ရာမန်

#ကြို့ပင်ကောက်မြို့နယ်

27/05/2025

"ခုနေ့၂နာရီလောက်မှာ ကုန်တင်ဘောက်ကားတစ်စီး အရှိန်ပြင်းပြင်းနဲ့ မောင်းလာရင်းက စလစ်ဖြစ်ပြီး သစ်ပင်ကို ဝင်တိုက်လို့ ယာဥ်မောင်း နေရာတင်သေတယ်။ မိုးကလည်းရွာထားပြီး အရှိန်ပြင်းတော့ စလစ်ဖြစ်တာကို မထိန်းနိုင်ဘဲ ဝင်တိုက်တာဗျ။ ခုရက်ထဲ ရန်ကုန်-ပြည်လမ်းမှာ ကားမောင်းရင် သတိထားသင့်ပါတယ်"ဟု ဒေသခံတစ်ဦးမှ Tharyarwaddy 8 City ကို ပြောပြပါသည်။

ကြို့ပင်ကောက်မှာ အရှိန်ပြင်းစွာ မောင်းနှင်လာတဲ့ ကုန်တင်ဘောက်ကား စလစ်ဖြစ်ကာ သစ်ပင်ဝင်တိုက်မိပြီး ယာဥ်မောင်းသေဆုံး

Tharyarwaddy 8 City / မေ ၂၇၊ ၂၀၂၅

ပဲခူးတိုင်းအ‌နောက်ခြမ်း၊ သာယာဝတီခရိုင်ရှစ်မြို့နယ်ထဲက ကြို့ပင်ကောက်မြို့နယ်မှာ အရှိန်ပြင်းစွာ မောင်းနှင်လာတဲ့ ကုန်တင်ဘောက်ကား စလစ်ဖြစ်ကာ သစ်ပင်ဝင်တိုက်မိပြီး ယာဥ်မောင်းသေဆုံးသွားကြောင်း သတင်းရရှိပါသည်။

မေလ ၂၇ ရက် ယနေ့ မွန်းလွဲ ၂ နာရီ ခန့် အချိန်တွင် ကြို့ပင်ကောက်မြို့နယ်၊ အောင်ပင်သာအုပ်စု၊ ကျန်တောစုရွာထိပ်ရှိ ရန်ကုန် - ပြည် ကားလမ်းပေါ်၌ အရှိန်ပြင်းစွာ မောင်းနှင်လာသော ကုန်တင်ဘောက်ကားတစ်စီး စလစ်ဖြစ်ကာ လမ်းဘေး သစ်ပင်အား ဝင်တိုက်မိ၍ ယာဥ်မောင်းသူ သေဆုံးသွားကြောင်း သိရသည်။

“ခုနေ့၂နာရီလောက်မှာ ကုန်တင်ဘောက်ကားတစ်စီး အရှိန်ပြင်းပြင်းနဲ့ မောင်းလာရင်းက စလစ်ဖြစ်ပြီး သစ်ပင်ကို ဝင်တိုက်လို့ ယာဥ်မောင်း နေရာတင်သေတယ်။ မိုးကလည်းရွာထားပြီး အရှိန်ပြင်းတော့ စလစ်ဖြစ်တာကို မထိန်းနိုင်ဘဲ ဝင်တိုက်တာဗျ။ ခုရက်ထဲ ရန်ကုန်-ပြည်လမ်းမှာ ကားမောင်းရင် သတိထားသင့်ပါတယ်"ဟု ဒေသခံတစ်ဦးမှ Tharyarwaddy 8 City ကို ပြောပြပါသည်။

ကားတိုက်ခံရပြီး သေဆုံးသွားသည့် ယာဥ်မောင်းဖြစ်သူ၏ အလောင်းအား ကြို့ပင်ကောက်မြို့နယ်ပြည်သူ့ဆေးရုံသို့ နာရေးကူညီမှုကားဖြင့် လာရောက်သယ်ဆောင်သွားကြောင်း သိရသည်။

ဓာတ်ပုံ - သစ်ပင်အား ဝင်တိုက်သည့် ကားနှင့် သေဆုံး ယာဥ်မောင်း၏ ရုပ်အလောင်း လာသယ်သည့် နာရေးကူညီမှုအသင်းကား

သတင်း - ခန့်စိုး
စာတည်း - ရာမန်

#ကြို့ပင်ကောက်မြို့နယ်

25/05/2025

အဆိုပါ တိုက်ပွဲနဲ့ပတ်သတ်ပြီး ကွင်းချောင်းရွာ ပျူစောထီးအဖွဲ့ ဖရဲသီးနှင့် စစ်ကောင်စီတပ် ဖရဲသီးထံ Tharyarwaddy 8 City သတင်းဌာနမှ ဆက်သွယ်မေးမြန်းရာ တိုက်ပွဲဖြစ်ပွားချိန်တွင် ပျူစောထီး ၁ဦး သေဆုံးခဲ့သလို တိုက်ပွဲအတွင်း ဒဏ်ရာရရှိသည့် ပျူစောထီး ၄ဦးအား ဆေးရုံသို့ ပို့ဆောင် ဆေးကုသစဥ် ၁ဦး ထပ်မံသေဆုံးသွားကြောင်း ပြောဆိုသည်။

ကြို့ပင်ကောက်မှာ ပျူစောထီးအဖွဲ့နဲ့ တော်လှန်ရေးပူးပေါင်းတပ်ဖွဲ့တို့ ထိတွေ့တိုက်ပွဲဖြစ်ပွားပြီး ပျူတစ်ဦး သေဆုံး

Tharyarwaddy 8 City / မေ ၂၅၊ ၂၀၂၅

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက ကြို့ပင်ကောက်မြို့နယ်၊ ကုန်းရွာအုပ်စု၊ ကွင်းချောင်းရွာ ပျူစောထီးအဖွဲ့နှင့် ၄င်းရွာအနီး၌ မေလ ၂၄ ရက် ယမန်နေ့ နံနက် ၉နာရီ ၂၀ မိနစ်ခန့် အချိန်တွင် သာယာဝတီခရိုင် တပ်ရင်း ၃၈၀၂၊ တပ်ခွဲ၁ Dragon Brothers GBK-PDF တို့ ထိတွေ့တိုက်ပွဲ ဖြစ်ပွားခဲ့ကြောင်း သတင်းရရှိပါသည်။

ထိတွေ့တိုက်ပွဲ ဖြစ်ပွားပြီးနောက် သာယာဝတီခရိုင် တပ်ရင်း ၃၈၀၂၊ တပ်ခွဲ၁ Dragon Brothers GBK-PDF နှင့်အတူ သာယာဝတီခရိုင် တပ်ရင်း ၃၈၀၁၊ တပ်ခွဲ၁ YOMA GBK-PDF မှ ကွင်းချောင်းရွာ ပျူစောထီးများအား လိုက်လံ ပစ်ခတ်တိုက်ခိုက်၍ နယ်မြေရှင်းလင်းရေး ပြုလုပ်ခဲ့ကြောင်း သိရသည်။

ယင်းနေ့တိုက်ပွဲတွင် ကွင်းချောင်းရွာ ပျူစောထီးအဖွဲ့မှ ၁ဦး သေဆုံးပြီး တော်လှန်ရေးရဲဘော်များ အထိအခိုက်မရှိ နယ်မြေရှင်းလင်းရေး ပြုလုပ်၍ ဘေးကင်းစွာပြန်လည်ဆုတ်ခွာနိုင်ခဲ့ကြောင်း တိုက်ခိုက်မှုပြုလုပ်တဲ့ တပ်ဖွဲ့များက သတင်းထုတ်ပြန်ထားပါသည်။

အဆိုပါ တိုက်ပွဲနဲ့ပတ်သတ်ပြီး ကွင်းချောင်းရွာ ပျူစောထီးအဖွဲ့ ဖရဲသီးနှင့် စစ်ကောင်စီတပ် ဖရဲသီးထံ Tharyarwaddy 8 City သတင်းဌာနမှ ဆက်သွယ်မေးမြန်းရာ တိုက်ပွဲဖြစ်ပွားချိန်တွင် ပျူစောထီး ၁ဦး သေဆုံးခဲ့သလို တိုက်ပွဲအတွင်း ဒဏ်ရာရရှိသည့် ပျူစောထီး ၄ဦးအား ဆေးရုံသို့ ပို့ဆောင် ဆေးကုသစဥ် ၁ဦး ထပ်မံသေဆုံးသွားကြောင်း ပြောဆိုသည်။

ဓာတ်ပုံ - တော်လှန်ရေးတပ်ဖွဲ့မှ နယ်မြေရှင်းလင်းစဥ် တွေ့ရသည့် လက်နက်ကြီးကျည် နှင့် ဖရဲသီးများ ပေးပို့သော တိုက်ပွဲအတွင်း သေဆုံးခဲ့သည်ဆိုသော ပျူစောထီး၏ ရုပ်အလောင်း

သတင်း - ခန့်စိုး
စာတည်း - ရာမန်

#ကြို့ပင်ကောက်မြို့နယ်

25/05/2025