19/10/2025
Mission Sunday 19 October 2025
📖 Ex. 17:8-13; Ps, 121:1-2, 3-4, 5-6, 7-8; Tim. 3:14-4:2; Lk. 18: 1-8 📖📕
Dawtmi ulenau hna, Nihin i kan relmi bible hna kha ṭha tein na ngaih ahcun, a konglam pakhat nih an in hngalhter lai: cucu thlacamnak fek tein ngeih khawhnak ṭhawnnak a si. Kan rel hmasa bikmi ah, Moses cu tlangpar ah kan hmuh, Joshua nih a tanglei Amalek mi a doh hna lio ah thlacamnak ah a k*t a hler. Moses nih thla a cam chung paoh cu Israel mi nih teinak an hmuh. A k*t cu a ba i a tla thok tikah, raltuknak cu an cungah aa thlen. Cucaah Aaron le Hur nih a k*t kha an dirpi—k*ttongh ah aaa dawhtuk mi hmanthlak—kan lak i a ṭhawng bikmi hmanh nih thlacamnak ah bawmhnak an herh caan a um ti kha a kan hmuhsak.
Thawngṭha chungah, Jesuh nih nuhmeinu sifak pakhat nih a ding lomi biaceihtu kha amah leiah biakhiahnak tuah dingin a forh pengmi kong bianabia a chim. Dirhmun a ngei lo, a caah biachimtu ding pasal a ngei lo, cun upadi lei in nawlngeihnak tlawmte lawng a ngei. Asinain a ngeihmi cu biakhiahnak a si—cun a ngol loin a zuamnak nih biaceihtu i dohnak kha a zorter. A ding lomi biaceihtu hmanh kha ngol loin a nawlnak nih a lung a thawhter khawh ahcun, a dingfelmi le dawtnak a ngeimi kan Pathian nih, chunzaan in amah sinah a au lengmangmi hna kha zeitluk in dah a leh hna lai?
Mah tuanbia hna cu a sawhsawh a si nain a ṭhawngmi an si. Thlacamnak cu rianrang in chawlehnak a si lo ti kha an kan hmuhsak. Teimaknak le zumhnak a halmi pehtlaihnak a si. A fawi zungzal lo; thlacamnak cu zuamnak, hngahnak lentecelhnak, asiloah dai tein um bantuk hmanh in a um kho. Asinain kannih cu tuah peng awkah auh kan si—a ṭha zongah a ṭha lo zongah thlacam ding kan si.
Cun cu nih cun Paul nih Timote sin a kuatmi Cakuat Pahnihnak chungin a voihnihnak kan relmi bible ah a kan hruai, cuka ahcun abiapi tukmi thawngpang dang pakhat kan theih: Cathiang nih a hmunmi, nunnak a pemi ṭhawnnak kha a kan pek. Paul nih Timote kha “Cathiang hi a dihlak in Pathian thaw chuahhnawhmi a si”—cucu “Pathian thawchuah hnawhmi” a si tiah a ti. Cu hmanthlak lawng nih cun kan thaw a chuah khawh. Pathian thaw hrimhrim nih Zarhpi ni fatin kan thanhmi bia kha a nunter. Cu hna cu a thi cangmi cakuat le hlanlio bia an si lo, Thlarau in a khatmi, cawnpiaknak, remhnak, zuamcawhnak le thianter khawhnak a nungmi bia an si.
Bible cu science cauk asiloah tuanbia ṭialmi a si lo. A nungmi Pathian he kan i ton tikah khamhnak lam a kan hruaitu dingah ṭialmi a si. Cucu kan fimnak lawng si loin zumhnak, toidornak le upatnak lungput he kan naih a hau tinak a si. Cathiang nih Pathian cu ahodah a si, ahodah kan si, Pathian le pakhat le pakhat pehtlaihnak ah zeitindah kan nun lai ti kha a kan cawnpiak. Cucaah nihin ah, Khrihfa nunnak ah a herhmi thil pahnih kan hmuh: thlacamnak le Cathiang hna an si. Nuhmeinu bantukin lungdong loin thla kan cam awk a si. Cun Timote bantukin, kan sinah pekmi Bia cungah zumhawktlak tein kan um a hau, kan hlathlai a hau, kan ruah a hau, kan ruahnak le kan tuahsernak a sersiam a hau.
Atu cu, ni>>>>
Mission Sunday 19 October 2025 📖 Ex. 17:8-13; Ps, 121:1-2, 3-4, 5-6, 7-8; Tim. 3:14-4:2; Lk. 18: 1-8 📖📕 Dawtmi ulenau hna, Nihin i kan relmi bible hna kha ṭha tein na ngaih ahcun, a konglam pakhat nih an in hngalhter lai: cucu thlacamnak fek tein ngeih khawhnak ṭhawnnak a si. Kan rel hm...
