RVA Hakha Chin

22/08/2025

Hlan lio ahcun hruaitu cheukhat cu an k*tdong hmang in rian an ṭuan, Bawi a rak ṭuanmi an um ko lai. Ka chim ning in ṭuan uh tiah nawl ngeihnak (power) hmang in mi an rak uk tawn. Tu chan ahcun hruaitu hna nih hmaisuang ah kal in rian a ṭuanmi le fimthiamnak le pahrang a ngeihmi kha mizapi caah a hmangmi hruaitu lawng hi mi an hip kho.

22/08/2025

Daily Audio Program (23.08.2025-Saturday)
Bible Thiang Relnak
St. Rose of Lima
Health
Daily Reflection

22/08/2025

Mithiang Rose of Lima Puaini
*********
August 23, 2025 (SAT)

Mithiang nu Rose cu Thlanglei America in hmasabik mithiang an thimmi asi. 1586 K*m Peru ram Lima khua ah a chuak. Amah i a serturmi a bel ruang ah a nu nih Rose (Hninsipar) tiah a rak auh. Nugak thianghlim biakkamnak a tuah hnuah a nu le a pa nih va ngeihter an duhnak kha a al hna. Amah a herhmi hna kha amah sinin an kirtthan awk ah a dawh ngaimi a hmai le a k*tdong hna kha ngazukkaung aa thuh tawn. K*m 20 a ti ah Rose cu St.Dominic i dotthumnak a simi thianghlim bu ah a lut. Cu hnu thawkin amah inn i a ummi dum hmete chung i thlam hmete chungah semrel tein rawlulh in a rak um.
Mah nu cu tukforhnak tampi hna kha zumhnak le thinfualnak in a in. Nikhat cu Pathain nih " Harnak fakpi hnuah thluchuah a ra lai. Cu caah vailamtung umloin ahohmanh vancung kainak lam an hmuh kho lai lo" tiah a rak ti. Mah bia a theih tikah a ngan ngaimi thlarau thazaang pakhat nih lamlai ah a hruai i " Maw minung hna ngai tuah u, Kannih nih safah temnak kan in lo ahcun thluchuah kan hmu lai lo" tiah aw thangpiin a au i a forh hna. A thihlai ni tlawmpal a rauh ah mah nu nih cun " Maw! ka Pathian, keimah sifah temhinnak kha hi nakin karhchinter tuah. Mah harnak le sifahtemhnak nakin Nangmah i dawtnak kha ka lung chungah karhter hram tuah" tiah a ti. St Rose cu 1617 K*m, a k*m (31) a ti ah a thi i Thlanglei America kha zohkhenhtu tiah thanhnak a hmu.

✍ RVA Hakh Chin


,
,

22/08/2025

Nifatin Ruahawk tete
Bible: Ruth. 1,3-6, 24-26,22/ Psalm 145:5-10/ Maṭ 22:34-40

Nawlbia nganbik

Lehthahnak puai i a donghnak lei ṭhen ah, hnatlaknak i thlennak ah, nuva hna nih hitihin thla an cam ṭi: “Maw Bawipa, nihin thawkin hmailei ah thihnak nih a kan ṭhen hlan tiang, chiat ah chiatkhat, ṭhat ah ṭhatkhat, rum ah hrumṭi, paam ah paamṭi, dam caan le zawtfah caan ah lungkhat thinkhatte kan si khawhnak lai run kan bawm ko. Tiduhnak cu hnangamnak asiloah harnak in hmunkhat ah an um lai i pakhat le pakhat kha thihnak lawng nih an i ṭhen khawh lai tinak a si.

Nihin thawngṭha ah Jesuh cu zeidah a nganbik nawlbia a si tiah hal a si i Jesuh nih Nawlbia dihlak (Moses nih a aiawhmi) le profet hna (profet Elijah nih a aiawhmi) aa hngatmi pahnih a langhter: cucu Pathian dawtnak le innpa dawtnak a si. A ngaingai ti ahcun Hebru Cathiang (Biakam Hlun) cu Nawlbia le Profet hna lawng si loin thawchuah hnawhmi cauk pathumnak, “Caṭialmi” zong aa tel. Judah mi hna nih an Cathiang kha an chim tikah, “TaNaK,” asiloah Torah (Nawlbia), Nebiim (Prophet) le Kethubim (Caṭialmi) hna tiah an auh. Asinain, Cathiang dihlak kha “Nawlbia le Profet hna” tiah auh cu phung a si.

Hi nawlbia nganbik pahnih hi, nuva hna bantukin, pakhat le pakhat ṭhen khawh lomi an si. Pathian dawtnak ah i pekchanhnak nih innpa dawtnak he aa pehtlaihnak ah sullam le biatak a hmuh khawh.

Cucaah hi dawtnak nawlbia ngan pahnih kongah kan ruah awk a simi thil pahnih: a um.

Pakhatnak cu, Pathian pakhatnak ah chiah hi a si. Farasi pawl nih Torah asiloah Biakam Hlun chung i a hmasabik cauk panga ah nawlbia 613 an rak hmuh. Cu chungah, 248 cu a ṭhami an si: “Na tuah lai…” tiah an ti i 365 cu a ṭhalomi an si: “Na tuah lai lo…” tiah an ti.

Jesuh i lehnak cu phunhnih a si. A hmasabik ah Deuteronomy 6:15 ah a hun i mer: “Bawipa na Pathian kha na dawt lai …” Mah cu Judah mi hna nih an theih ciami a si, zeicahtiah “Shema” tiah auhmi thlacamnak ah nikhat ah voi zeimawzat an rel i an innka tung vialte ah an ṭial i an cal hmanh ah an chiah. Kannih caah cun, Pathian cu kan sertu le kan tlanhtu a si caah kan nunnak ah pakhatnak ah a um awk a si ti kha a zungzal in a kan theihtertu a si. Pathian nih kan cungah nawl a ngei. A cungah zeizong vialte leiba kan ngei. Kan ngeihmi thil vialte hi amah laksawng a si. Pathian kha kan nunnak ah pakhatnak ah chiah timi cu kan ni chung i aṭha bikmi caan kha Amah sinah thlacamnak caah chiah le Amah dawtnak in kan nunnak caan paoh ah a duhnak nunpi i, zuam tinak a si. 👇👇👇

Bible: Ruth. 1,3-6, 24-26,22/ Psalm 145:5-10/ Maṭ 22:34-40 Nawlbia nganbik Lehthahnak puai i a donghnak lei ṭhen ah, hnatlaknak i thlennak ah, nuva hna nih hitihin thla an cam ṭi: “Maw Bawipa, nihin thawkin hmailei ah thihnak nih a kan ṭhen hlan tiang, chiat ah chiatkhat, ṭhat ah ṭhatk...

22/08/2025

Pope Leo XIV Chimmi Biahna

21/08/2025

"Jesuh nih Sadusi mi kha holh awk hngal loin a tuah hna ti kha Farasi mi nih an theih tikah, hmun khat ah an i pum i " "annih lak i pakhat, Phungbia cawnpiaktu saya a simi nih khan bia in foih a timh. " "Aa thawh i, “Saya, Phungbia chungah hin zei nawlbia dah a ngan bikmi a si?” tiah a hal. " "Jesuh nih cun, “ ‘ Bawipa na Pathian cu na lungthin dihlak le na ruahnak dihlak le na nunnak dihlak in na dawt lai,’ " ti hi a ngan bik le a biapi bik nawlbia cu a si. "A hun changtu biapi bik nawlbia cu, cu bantuk ṭhiamṭhiam cu a si i, ‘Na innpa cu nangmah naa dawt bantukin na dawt lai,’ ti hi a si. " "Moses Nawlbia vialte le profet hna cawnpiaknak vialte cu, hi nawlbia pahnih chungah hin an i khumh dih,” tiah a ti."

21/08/2025

Daily Reflection
Thlarau rawl
22.08.2025-Friday

21/08/2025

Happy Birthday to Rev. Fr. Christopher Ling Naing, na chuahcam ni sunglawi ah Bawipa nih lunun ngandamnak in pe sehlaw tuukhal rian na ttuannak ah Bawipa nih hlawhtlinnak in pe zungzal ko seh tiah RVA Hakha Chin nih thlaza Kan in campiak.
‎
‎

21/08/2025

Daily Audio Program (22.08.2025-Friday)
Bible Thiang Relnak
Our Lady, Mother and Queen
Family, Agriculture

21/08/2025

Nuu Mary Siangpahrang Bawinu Sinak Puai
*****
August 22, 2025 (FRI)

Nuu Mary kha Bawinu an peknak puai cu 1954 k*m ah Pope (12) nih Khrihfa hna sinah a kuatmi ca " Vancungram ah " (AD Caeli Aeyinam) timi in a thawk. Hi puai cu Bawinu Mary Vancung an cawinak puai he pehtlaihnak a ngei. Nungak thiang Mary cu Vancung ah an cawi hnuah van le vawlei Bawipa luchin chinnak a hmuh. Bawunu an peknak cu St. John thawngttha bia a ttialtu myisam umtuning hmuh nakah hram a bunh. " Van ah khin khuaruahhar hmelchunhnak pakhat a lang. Mi nu pakhat a lang i a thuam ah nika a si, thlapa kha a ke in aa lamh i a lu ah arfi hleinih Bawi luchin a chinh," (Biathlam 12:1)
Pathian nih Mary kha tinvo a peknak cu amah cu Pathian nu a si caah siko hmanhsehlaw Pathian bia kha a zumh caah tinvo a pek deuhnak a si. Minu pakhat nih, " Nangmah a rak in hring i a rak nih.

✍ RVA Hakha Chin

21/08/2025

(Tuanbia kan rel hlanah ruah hmasa ding)

Akita cu Japan ram khualipi pakhat a si i Honshu Tikulh, Tohuku Ramkulh ah a um. Japan ram mipa pawl (men) cungah zeiruangah dah Pathian thinhunnak a ngantuk hringhran timi hi zohṭi ta u sih. 1945 August 6 le 9 ahkhan Hiroshima le Nagasaki cu America nih (Atomic Bomb) in vutcaam ah a rak canter ti kan theih. Cun (Unconditional surrender) zungzal in kan sung tiah nan ti lawnglawng ah ral kan dai lai tiah an ti hna. Japan Ram Uktupa Hirohito nih zungzal in a sung kan in pek hna a ti i ralpi pahnihnak cu a dih. Mah nithawk in, America k*t tangah sal tannak in an um i 1954 ah independence an pek ṭhan hna.

Independence an ngahnak 19 hnu, 1973 thawkin Nu Mary langh hram aa thawk. Ralpi pa 2 nak lio i an thil hrawhmi vialte le America sinin independence an hmuh hnu i an thil sermi vialte le an tuah hngami vialte cu Nu Mary nih a theih dih. A thin a hungtuk mi Japan pa pawl nih mah bantuk (atomic bomb) cu an ser kho lai lo tiah aho nih dah a chim khawh lai? Vawileicung seh-hmuh lei (Technology) ah a sangbik an si cang tiah an timi hna ram an si. Atu chan ahhin Hiroshima le Nagasaki i thlakmi Bomnak in let 1,000 a ṭhawng deuhmi (1 bomb) an ser khawh cang ti a si. Japan pa pawl nih an i timhtuah mi le America miphun cung i thil tuah an i timhmi vialte cu ahohmanh nih kan thei kho lo, sihmanhsehlaw Nu Mary nih a rak hmuhdih cikcek cang. Japan nih America cu vun lehrulh ṭhan hna sehlaw vawleicung minung vialte ca zongah zeitluk in dah harnak kan tawn ve hnga ti cu Nu Mary nih a theih caah 101 tiang a miṭhli a luan ter i (warning) a pekmi hna cu a si.

Janpan Ram, Akita khualipi i Bawi Nu Mary a langhnak kong a tlangpi

1973 June 12 ni ah Bawi Nu Mary langhnak hi theitlei thil pakhat in aa thawk. Mah ni ahhin Sr. Agnes Katsuko Sasagawa nih ruah lopi in khuaruahhar taktak a simi mei ceupi Bawipa thisa kuang chung in a rak chuak kha a hmuh. Mah bantuk meiceu pi cu ni 3 chung pehzulh in a hmuh. 1973 June 28 ni ah Sr. Agnes Katsuko Sasagawa a keh lei k*tphah chungah cross+ bantuk pungsaan a ngeimi hma ngeih hram aa thawk. A thi tamtuk a chuak i a faktuk hringhran. >>>> read more>>> 👇👇👇

(Tuanbia kan rel hlanah ruah hmasa ding)      Akita cu Japan ram khualipi pakhat a si i Honshu Tikulh, Tohuku Ramkulh ah a um. Japan ram mipa pawl (men) cungah zeiruangah dah Pathian thinhunnak a ngantuk hringhran timi hi zohṭi ta u sih. 1945 August 6 le 9 ahkhan Hiroshima le Nagasaki cu Ameri...

21/08/2025

Hakha Diocese uktu Bishop Lucius Hre Kung nih hnatlakpi in ttialmi "Mary Pathian I Nu Van Siangpahrang Bawinu" Cauk thar a chuak cang.
-Mary Kong fiang tein a thei rih lomi nih rel awk a tlak hrimhrim mi cauk ttha pakhat a si.
-Kan Diocese chungah Hakha Holh in ttialmi Mary Kong Cauk a um rih lo.
-Na khua, na Parish le carel a duh ko nain cauk a caw kho lomi hna caah hlut khawh a si.
-Mah pumpak rel awk zongah aa tlak tthiamtthiam ko.
-Aman uk (1)- MMK 15000/-
Pastoral Center, Hakha (Hakha Diocese Signis OSC office) ah c**k khawh a si.