The Hakha Post

The Hakha Post The Hakha Post cu Chin ramkulh khualipi Hakha hrambunh nifatin chuah mi thawngzamhca a si. Dirh k*m: 2012 January 14
Reg. No. 00138

29/05/2026

Ralzaam camp ah Joshua Van a kal

Video Credit - Khinmg Aye

29/05/2026

Joshua Van cu Mizoram khualipi Aizawl ah a phan cang

Joshua Van nih zuamcawhtu Tatsuro Taira a teiMay 10 || The Hakha PostNihin May 9 (Myanmar ram May 10) ah tuah mi UFC 328...
10/05/2026

Joshua Van nih zuamcawhtu Tatsuro Taira a tei

May 10 || The Hakha Post

Nihin May 9 (Myanmar ram May 10) ah tuah mi UFC 328, Fly Weight Champion taisawm cuhnak ah zuamcawhtu Japan pa Tatsuro Taira cu champion a si lio mi Chin pasal Joshua van nih round 5nak ah Technical Knockout in a tei i Joshua Van nih a champion taisawm a ven khawh.

A luan cia 2025 December thla ah Joshua Van nih Alexandre Pantoja a rak tei i UFC Flyweight Champion taisawm a rak co. Atu tan hi Joshua Van nih a voi khatnak champion taisawm a vennak a si.

Joshua Van cu k*m 24, a tung 65” a sang i Tatsuro Taira cu k*m 26, a tung 67” sang a si.

UFC tuanbia ah Asian chuak fighter pahnih nih a voi khatnak bik taisawm an i cuhnak a si. Joshua Van cu k*m 2000 hnu a chuak mi hna lakah a hmasa bik UFC Champion a si.

Chin Dictionary chuahtu Pu Hrang Tiam mual a liam---------------------Lai holh, ca le nunphung lei ah kan pa pakhat a si...
05/05/2026

Chin Dictionary chuahtu Pu Hrang Tiam mual a liam
---------------------
Lai holh, ca le nunphung lei ah kan pa pakhat a si mi Pu Hrang Tiam (Siang Mang pa), k*m 95 cu nihin 2026 May 5, zanlei sml. 2:30, Hakha khua ah mual a liam tiah kan theih.

Pu Hrang Tiam cu Thantlang peng, Thlualam khua chuak a si i, Lam Vuanthawk in pension a laak hnu ah Hakha khua, Pyidawtha, YMCA sang ah khua a sa. Lai mekazin cheukhat le thawngzamhca ah cabia tampi a tial hna i CACC Laica Ruatkhangtu Committee zong ah caan saupi chungtel a rak si.

K*m 2005 ah “Lai Nunphung Cheukhat” ti mi cauk a rak chuah.

“Chin to Chin Dictionary (Lai Holh)” a kan tuahpiak tu, ro tha taktak a kan vuih tu a si.

Cu lawng siloin, The Hakha Post thawngzamhca ah dawtnak he Proof Reader rian caan saupi a kan tuanpitu kan pa a si.

Hakha Post riantuantu hna nih a taang mi a chungkhar nan ngaihchiatnak kan in hrawmpi hna. Bawipa nih in hnem hram ko hna seh.


2026 May 5 || The Hakha Post

20/02/2026

K*m 78nak Chin Miphun Ni caan hmannak Live kan thlah lai

Chinland Council hruainak in tuah mi K*m 78nak Chin Miphun Ni caan hmannak cu a rauh hlan ah Live kan rak thlah lai caah zoh le ngaih cio ding in kan in sawm hna.

Hi caan chung ah (NUG) Acting President Duwa Lashi La, CRPH Chairman U Aung Kyi Nyunt, Karen National Union (KNU) Chairman Padoh Saw Kwe Htoo Win, Karenni National Progressive Party (KNPP) Chairman Kuh Oo Reh le Kachin Independence Organization (KIO) Vice Chairman Lt. General Gun Maw hna nih bia an chim lai tiah theih a si.

ချင်းပြည် (Chinland) ကောင်စီမှ ကြီးမှူးကျင်းပသည့်
(၇၈) နှစ်မြောက် ချင်းအမျိုးသားနေ့အခမ်းအနားကို မြန်မာစံတော်ချိန် နံနက် ၁၀း၀၀ နာရီတိတိတွင် Zoom Platform ဖြင့် ကျင်းပသွားမည်ဖြစ်ပါသည်။

အခမ်းအနား အစီအစဥ်ကို တိုက်ရိုက် (Live) ထုတ်လွှင့်သွားမည်ဖြစ်ပါသည်။

BNRA hruaitu Bo Nagar cu SSPC sin ah hriamnam he aa apFebruary 18 || The Hakha PostSagaing ramthen, Pale peng ah a cawlc...
18/02/2026

BNRA hruaitu Bo Nagar cu SSPC sin ah hriamnam he aa ap

February 18 || The Hakha Post

Sagaing ramthen, Pale peng ah a cawlcang mi Burma National Revolutionary Army (BNRA) hruaitu Bo Nagar cu nihin February 18 zanlei ah SSPC ralkap sin ah hriamnam he aa ap tiah SSPC nih hmanthlak he an thanh.

Nihin zanlei sml. 4:50 hrawng ah BNRA hruaitu Bo Nagar tiah auh mi Naing Lin le a chungkhar nih meithal zun 6 le kuanzen hna he Sagaing ramthen, Pale peng chung ralkap camp an pehtlaih i an rak i ap, tiah SSPC nih an thanh.

zaan sml. 8:00 ah SSPC k*ttang Myawaddy media nih, Bo Nagar le a chungkhar cu hriamnam he an rak i ap tiah hmanthlak he a langhter.

Bo Nagar, a chungkhar le a hnuzul cheukhat cu SSPC helicopter nih Pale peng khua pakhat ah a laak hna tiah Kawl media nih an langhter.



• Website: https://hakhapost.com/
• Youtube Channel: https://www.youtube.com/

Paletwa ah Mizo mawtaw khaltu a thih caah CYLA nih ramri chawlehtalnak lam an phih February 17 ll The Hakha Post AA nih ...
17/02/2026

Paletwa ah Mizo mawtaw khaltu a thih caah CYLA nih ramri chawlehtalnak lam an phih

February 17 ll The Hakha Post

AA nih an penmi Chinram, Paletwa peng chung ah Lawngtlai ah khua a sami Mizo mawtaw khaltu a thih caah CYLA nih ramri chawlehthalnak lam an phih, tiah theih a si.

Lawngtlai khua, AOC sang ah a um mi Pu Lalremsanga (37) cu February 12 ah Pickup mawtaw in Paletwa peng, Salachhuah ah thilri a phur i cu caan thawk cun a tlau.

February 13 ah Salachuah ah dawr a tuahmi Myanmar rammi pakhat nih Pu Lalremsanga i driving license le mawtaw tawh cu Pu Lalremsanga a naupa sin ah a pek. Asinain Pu Lalremsanga hi khawzei ah a um timi ka thei lo tiah a chimh.

Fenbruary 15 ah Pu Lalremsanga i a ruak cu Sala tiva le Kaladan tiva aa tonnak hmun ah an hmuh, tiah CYLA nih a langhter. Pu Lalremsanga hi zei ruang ah dah a thih timi belte an langhter lo.

Atu bantuk in Mizorammi mawtaw khaltu Myanmar ramchung ah a thih caah ramri chawlehthalnak gate vialte cu CYLA nih an khar, tiah theih a si.

SSPC Ralkap Kuttang Palek Motor CDF-Hakha Nih An Kah i Ralbawi Tel in pathum an thi February 13|| The Hakha PostHakha kh...
13/02/2026

SSPC Ralkap Kuttang Palek Motor CDF-Hakha Nih An Kah i Ralbawi Tel in pathum an thi

February 13|| The Hakha Post

Hakha khuapi chung ah tuahmi A voi 79nak Myanmar ram Union Day dih hnu i a rak tin mi SSPC ralkap k*ttang palek hna cu CDF-Hakha nih Hakha khuapi chung CB Bank pawng ah an kah hna i palek ralbawi pakhat tel in minung pathum an thih kong theih a si.

Hi kahdohnak hi February 12 suimilaam 7:15PM in 7:19PM tiang hrawng a si i SSPC lei minung pathum an thih lawng si loin minung panga nih hliam faak an tuar tiah kan theih.

“An i kan caan cu a sau lo. An i kah dih hnu ah SSPC ralkap lei khuachung ah an i chawk i meithal an puah pah. Cun, Rungtlang zong in hriamngan an puah,” tiah tualchung mi pakhat nih The Hakha Post ah a chim.

Hi operation chung ah tualchung mi hmapu an um le um lo hngalh a si rih lo.

Hakha um palek bawi (Ye-Min-Gyi) nih a k*ttang palek pawl kha ni fatin sing 30 nak tlawm lo khuami tangka chuh a fial hna i, Rungtlang um Biohahmu tluanhnak ah a pek lengmang caah kahdohnak operation kan tuah mi a si tiah CDF-Hakha nih an thanh.

Hakha khua chungah dai tein khua a sa mi hna sinah ningcanglo in tangka nan hal than hna ahcun atu nakin a faak deuh mi kahdohnak le bomb puahnak kan tuah than lai, ti zong CDF-Hakha nih ralrin peknak thawng a thanh.

February 9 zong ahkhan CDF-Hakha nih Hakha khuapi pawngkam ah mi zeihmanh i chawhleh lo ding le leeng chuah lo ding in an rak thanh cang.

Photo: Hmanthlak hlun a si.



• Website: https://hakhapost.com/
• Youtube Channel: https://www.youtube.com/

Kalay in Taingen ah mawtaw 5 in SAC nih ralkap thazaang a chap thanFebruary 12 ll The Hakha PostNizaan February 11 ah SA...
12/02/2026

Kalay in Taingen ah mawtaw 5 in SAC nih ralkap thazaang a chap than

February 12 ll The Hakha Post

Nizaan February 11 ah SAC ralkap nih Kalay in Taingen ah mawtaw panga in ralkap thazaang a chap than, tiah theih a si.

PDF-Zoland ralbawizik Greenland Gideon nih nihin chun hrawng ah Forland mawtaw panga in SAC ralkap pawl Taingen ah an phan, khawzei lei dah an panh lai timi theih a si lo caah mizapi umkal i ralrin u tiah ralrin peknak a tuah.

Taingen, Hiangzing le Mualpi ah SAC ralkap nih sakhaan an ser i, Kalay le Taingen karlak hi anmah nih an control lio a si.

Nik*m October thla in Falam laak ding Kalay in a rak kai mi SAC ralkap pawl cu lampi ah Chin ralkap bu hna he pehtlai in an i kap i a thi mi an tam caah January thla chung zong ah khan Taingen ah ralkap thazaang 200 leng an chap cang, tiah theih a si.

Tonzaang ah TDA nih a dang tein ukhruainak ser a timh caah CDF-Tonzaang nih duhlonak a langhter Fenruary 11 ll The Hakha...
11/02/2026

Tonzaang ah TDA nih a dang tein ukhruainak ser a timh caah CDF-Tonzaang nih duhlonak a langhter

Fenruary 11 ll The Hakha Post

CDF-Tonzaang nih an ukpen mi Tonzaang peng chung Thado Defense Army (TDA) nih a dang tein ukhruainak kalpi an timh caah CDF-Tonzaang nih February 8 ah duhlonak a langhter, tiah theih a si.

Tonzaang peng chung ah a um mi khuate pariat ah TDA nih ukhruainak ser an timh tiah CDF-Tonzang nih a ti i, hi khua hna hi Chinland Council le Tonzaang Township Council ukhruainak tang ah um a duh mi an si, tiah a langhter.

Hi khua riat hi Thado miphun pawl an umnak a si, tiah TDA nih an ti i ukhruainak a dang tein kalpi ding in timhtuahnak an ngei tiah Tonzaang Township Council tuanvo ngeitu nih a chim.

Asinain hi khua pawl ah hin Thado lawng si loin Zo miphun pawl zong an um caah miphun pakhat nih kan ram a si tiah ti khawh a si lo, tiah a chim chap.

Tonzaang khua cu CDF-Tonzaang tel in Chinland Council chungtel ralkap hna nih SAC k*t in an rak laak mi a si i, Tonzaang Township Council ukhruainak tang ah a um mi a si, tiah theih a si.

Address

Haka
03011

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 12:00

Website

Alerts

Be the first to know and let us send you an email when The Hakha Post posts news and promotions. Your email address will not be used for any other purpose, and you can unsubscribe at any time.

Contact The Business

Send a message to The Hakha Post:

Shortcuts

Share

Category