The Hakha Post

The Hakha Post The Hakha Post cu Chin ramkulh khualipi Hakha hrambunh nifatin chuah mi thawngzamhca a si. Dirh k*m: 2012 January 14
Reg. No. 00138

Kalay-Gangaw kar sakhaan pawl laak than ding in SAC nih raal lam a sial caah kahdohnak a chuak August 4 ll The Hakha Pos...
04/08/2025

Kalay-Gangaw kar sakhaan pawl laak than ding in SAC nih raal lam a sial caah kahdohnak a chuak

August 4 ll The Hakha Post

CDF-KKG Major Operation in an rak laak mi Kalay-Gangaw karlak i sakhaan pawl cu laak than ding in SAC ralkap nih raal lam an sial caah kahdohnak a chuak, tiah theih a si.

SAC ralkap pawl nih Pyosawhti an thawnnak Hanthawadi khua in Kyanthar khua lei ah raal lam an sial caah August 2 ah kahdohnak a chuak nain SAC ralkap pawl cu hnu ah an tolh than.

Kan hnu May thla chung zong ah khan Kyantha khua laak than ding in SAC ralkap nih voi tam nawn an doh nain an la kho lo.

August 2 kahdohnak ah SAC ralkap pawl hnu ah an tolh nain Hanthawadi lei ah an kir thai lo i, nihin August 4 Kyantha khua lei ah raal lam an sial than caah kahdohnak a chuak than ding dirhmun ah an um, tiah theih a si.

Atu k*m February le March thla chung ah khan Kalay-Gangaw karlak i Hmandaw, Aungthayar le Kyantha khua i SAC ralkap sakhaan pawl cu CDF-KKG Major operation min in CNA tel in mizapi ralkap pawl nih an rak laak.

SAC nih vanlawng in Mindat khua bomb a thlak caah inn tampi an rawkAugust 4 ll The Hakha PostSAC nih Mindat khuapi chung...
04/08/2025

SAC nih vanlawng in Mindat khua bomb a thlak caah inn tampi an rawk

August 4 ll The Hakha Post

SAC nih Mindat khuapi chung ah vanlawng in voi 2 bomb a thlak caah inn 10 hrawng an rawk, tiah Mindat peng ukhruaitu bu nih theihternak a tuah.

Mindat khuapi chung ah bomb a thlak ko nain khuachung ah mi tam an um lo caah aa hliam mi an um lo, tiah CDF-Mindat chimnak nawlngei Yaw Mang nih Khonumthung ah a chim.

Nizaan August 3 ah SAC nih Mindat khuachung ah vanlawng in bomb a thlak hi a si i, cozah zung inn pahnih le tualchungmi inn pariat an rawk, tiah theih a si.

SAC nih Mogok khua ah vanlawng in bomb a thlak caah tualchungmi 12 an nunnak a liam August 2 ll The Hakha PostNihin Augu...
02/08/2025

SAC nih Mogok khua ah vanlawng in bomb a thlak caah tualchungmi 12 an nunnak a liam

August 2 ll The Hakha Post

Nihin August 2, zinglei sml. 8 hrawng ah Mandalay ramthen, Mogok khuachung i mi an tamnak hmun ah SAC nih vanlawng in bomb a thlak caah tualchung 12 an thi i a dang minung tampi hliamhma an pu, tiah theih a si.

Mogok khua nitlaklei i lakphak dawr le thilpuan zuarnak dawr pawl an umnak Aung Thukha sang ah zinglei michoklet an tam lio ah SAC nih vanlawng in bomb a thlak hi a si.

Tualchungmi pakhat nih, "Bomb voi 2 pehtlai in an thlak. Lamkam i inn 8 hrawng an rawk. Minung 12 an thi i cu chung ah cun phungki pakhat zong aa tel," tiah Irrawaddy Burmese ah a chim.

A thi mi munung 12 leng ah hliamhma a pu mi minung 20 an um i cu chung ah cun a zualhma deuh mi zong an um caah mithi hi an i chap kho, tiah a cunglei tualchungmi nih a chim.

SAC nih NDSC ruahnak petu bu ah Dr. Hmuh Thang an telh, Chinram CM rian cu Dr. Vung Suan Thang an pekAugust 1 ll The Hak...
01/08/2025

SAC nih NDSC ruahnak petu bu ah Dr. Hmuh Thang an telh, Chinram CM rian cu Dr. Vung Suan Thang an pek

August 1 ll The Hakha Post

SAC kuttang National Defense and Security Council (NDSC) ruahnak petu bu ah Dr. Hmuh Thang cu chungtel ah SAC nih an telh bang in Dr. Vung Suan Thang cu Chinram Chief Minister rian an pek, tiah theih a si.

July 31 ah SAC nih a tuah mi NDSC meeting ah chungtel 15 in NDSC Central Advisory Board cu an ser i Dr. Hmuh Thang zong chungtel ah an thim ve.

Ramthen le ramkomh cozah bu SAC nih a ser i Chinram Cheif Minister ah Dr. Vung Suan Thang an thim, tiah theih a si.

Chinram khuapi pasarih cu State of Emergency ah NDSC nih a thanhAugust 1 ll The Hakha PostChinram chung khuapi pasarih c...
01/08/2025

Chinram khuapi pasarih cu State of Emergency ah NDSC nih a thanh

August 1 ll The Hakha Post

Chinram chung khuapi pasarih cu SAC kuttang National Defense and Security Council (NDSC) nih State of Emergency dirhmun ah nizaan July 31 ah khan thawng a thanh, tiah theih a si.

Hramtlai buaibainak a daih khawh nakhnga le phung lennak (rule of law) a um khawh nakhnga Myanmar ramchung peng 62 ah State of Emergency kan thanh tiah SAC nih a langhter i cu chung ah cun Chinram khuapi pasarih zong an i tel hi a si.

Mindat, Kanpetlet, Matupi, Paletwa, Falam, Tonzang le Thantlang pawl hi State of Emergency ah SAC nih a thanh mi khuapi pasarih cu an si.

Min Aung Hlaing nih nizaan July 31 ah amah le amah kha caan karlak president rian aa pek hnu ah SAC cu an hrawh i, National Security and Peace Commission ti mi bu an ser than, tiah theih a si.

Min Aung Hlaing nih amahle amah nawlngeihnak a ap hnu ah SAC an hrawh July 31 ll The Hakha Post SAC ralkap bawi zik Min ...
31/07/2025

Min Aung Hlaing nih amahle amah nawlngeihnak a ap hnu ah SAC an hrawh

July 31 ll The Hakha Post

SAC ralkap bawi zik Min Aung Hlaing nih nihin July 31 ah caan karlak President Min Aung Hlaing sin ah rampi nawlngeihnak a ap hnu ah State Administration Council (SAC) cu an hrawh, tiah theih a si.

Ralkap thazaang in Min Aung Hlaing nih rampi nawlngeihnak a laak hnu ah ralkap uknak (SAC) cu a hun hrawh than i, caan karlak president min in rampi nawlngeihnak a hun laak than hi a si.

Min Aung Hlaing nih SAC a hrawh i, caan karlak president rian aa pek hnu ah National Security and Peace Commission (NSPC) ti mi bu thar a hun ser than.

NSPC ah Min Aung Hlaing cu Chairman rian aa khinh than i atu hnu thla 6 chung ah thimnak (Election) kan tuah lai, tiah thawng a thanh.

Lumte khua innkanghnak ah ngakchia pakhat a nunnak a liamJuly 31 ll The Hakha Post Nizaan July 30 zaan ah Falam peng, Lu...
31/07/2025

Lumte khua innkanghnak ah ngakchia pakhat a nunnak a liam

July 31 ll The Hakha Post

Nizaan July 30 zaan ah Falam peng, Lumte khua ah innkanghnak a chuak i k*m 9 ngakchia pakhat a nunnak a liam, tiah theih a si.

Zaan sml. 9:00 hrawng ah innkanghnak a chuah hi a si i inntek hna i an fanu (k*m 9) a nunnak a liam, tiah Falam lei thawngzamhnak nih an langhter.

Innkanghnak aruang hi meilul (Candle) an van mi in aa thawk mi a si kho, tiah an zumh.

SAC nih Youtube le Facebook phihkham khawhnak upadi hman hram a thawkJuly 31 ll The Hakha Post Myanmar rammi nih nitin t...
31/07/2025

SAC nih Youtube le Facebook phihkham khawhnak upadi hman hram a thawk

July 31 ll The Hakha Post

Myanmar rammi nih nitin thawngpang theihnak ca ah kan hman bik mi Youtube le Facebook phihkham khawhnak upadi cu July 30 thawk in hman ding in SAC nih nawl a chuah, tiah theih a si.

Cu upadi cu Cyber Security Law cu 2025 January 1 ah khan SAC nih a rak ser mi a si i, July 30 thawk in hman ding in SAC nih nawl a chuah hi a si.

Cu upadi nih cun online social platform pawl (Facebook, Youtube, Tiktok, X (Twitter), tbk. pawl) nih Myanmar ram ah riantuan le an social platform pawl Myanmar ramchung ah nunter ahcun SAC sin ah license an tuah a herh, tiah a langhter.

Cu lawng si loin online social platform pawl nih SAC ser mi phungphai tha tein an zulh a herh i, SAC nih a honh lo mi le a kham mi zei bantuk konglam tar a ngah lai lo tiah Pohma 31 le 32 nih a langhter.

Online social platform ah an tar mi konglam pakhatkhat kha SAC nih a phihkham khawh bang in cu social platform nih a ngeih mi thilri pawl zong chuh khawh a si pin ah Myanmar ramchung ah riantuan lo ding zong in phihkham khawh a si, tiah pohma 43 nih a langhter.

US a phaknak ni 5 lawng a si mi Tony Sui Tling ti ah a paam July 30 ll The Hakha PostUS ah a phaknak ni 5 lawng a si mi ...
30/07/2025

US a phaknak ni 5 lawng a si mi Tony Sui Tling ti ah a paam

July 30 ll The Hakha Post

US ah a phaknak ni 5 lawng a si mi Tony Sui Tling (k*m 20) cu a chungkhar he tiva an kalnak ah ti ah a paam tiah, Indiana Chin Baptist Church (ICBC) nih ngaihchiatpinak ca an chuah.

Tony Sui Tling hi International Student Visa in American ram, Indianapolis ah a phan mi a si i, chungkhar he caan karlak i dinh ta ding in tiva an kalnak ah atu bantuk hin a nunnak a liam hi a si.

Tony Sui Tling a ruak cu Danville Corona Office ah an chiah i, aralaimi August 1 ah ICBC biakinn ah ruakhumhnak program an tuah te lai, tiah theih a si.

MDF/AA le CDF-Mara karlak kahdohnak ruang ah tualchungmi thong leng raal an zaamJuly 29 ll The Hakha Post MDF le AA nih ...
29/07/2025

MDF/AA le CDF-Mara karlak kahdohnak ruang ah tualchungmi thong leng raal an zaam

July 29 ll The Hakha Post

MDF le AA nih CDF-Mara hmunram ah raal lam an sial i kap hnih kahdohnak a chuah caah tualchungmi a thong leng nih innlo a ln chuahtak i ral an zaam, tiah theih a si.

July 14 thawk khan Fartlang hrawnghrang ah AA le MDF ralkap pawl an rak phan i CDF-Mara he i kahdohnak a chuak, tiah CDF-Mara nih a langhter.

Atu zong ah CDF-Mara headquarter kiangkap ah a um mi khua pawl cu AA le MDF ralkap pawl nih an kulh hna i zei tik caan poh ah ruah lo piin kahdohnak a chuak ding dirhmun ah an um.

MDF le AA nih an kulh mi khuate hna ah a um mi tualchung mi thong leng cu innlo chuahtak in raal an zaam hna, tiah CDF-Mara nih theihternak a tuah.

CDF-Hualngoram nih Rupee sing 200 man rithaisii pawl mei in an khangh July 28 ll The Hakha Post CDF-Hualngoram nih atu k...
28/07/2025

CDF-Hualngoram nih Rupee sing 200 man rithaisii pawl mei in an khangh

July 28 ll The Hakha Post

CDF-Hualngoram nih atu k*m chung ah an tlaih mi India tangka Rupee sing 200 (20,000,000) man rithaisii pawl cu July 25 ah mei in an khangh, tiah theih a si.

Mei in an khangh mi rithaisii pawl hi 2025 May 9 in July 9 tiang an tlaih mi an si i, rithaisii tlang 280,300 le bing (O***m) bawm 430 leng an i tel.

Rithaisii hi Chin mino pawl a hrawktu a si caah CDF-Hualngoram nih pehtlai in kan doh lai tiah an ti rithaisii dohnak ah ramchung le ramleng Chinmi dihlak i tel cio ding in sawmnak zong an tuah.

CDF-Zotung nih a voi 4nak Special Force Training tlamtling tein an limJuly 26 ll The Hakha PostCDF-Zotung nih a tuah mi ...
26/07/2025

CDF-Zotung nih a voi 4nak Special Force Training tlamtling tein an lim

July 26 ll The Hakha Post

CDF-Zotung nih a tuah mi a voi 4nak Special Force Training cu tlamtling tein an lim i July 24 ah training kharnak program zong an tuah, tiah theih a si.

Hi training tuahnak ca ah bawmchantu mizapi le training a tlamtlin nakhnga tawlreltu vialte cung ah CDF-Zotung nih lawmhnak bia an chim.

I tlukruannak a um mi ramkomh ser ding in Chinram le Chin miphun ca ah pehtlai in raal kan do lai, tiah CDF-Zotung nih a langhter.

Address

Haka
03011

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 12:00

Website

Alerts

Be the first to know and let us send you an email when The Hakha Post posts news and promotions. Your email address will not be used for any other purpose, and you can unsubscribe at any time.

Contact The Business

Send a message to The Hakha Post:

Shortcuts

Share

Category