08/09/2025
သာမန်ဘဝက ရုန်းထွက်ဖို့ အဆင့် (၁၀) ဆင့်
၁။ ကိုယ့်ဘဝအတွက် တာဝန်စယူပါ။
ဘဝမှာ အပြောင်းအလဲလိုချင်ရင် အရင်ဆုံး ကိုယ့်ဖြစ်နေချိန်အတွက် ကိုယ့်ကိုယ်ကိုယ် တာဝန်ယူဖို့ လိုပါတယ်။ အောင်မြင်မှုမျိုးကို ရဖို့ ကြိုးစားအားထုတ်မယ့်သူက ကိုယ်ပဲဖြစ်သလို၊ မလုပ်ချင်ဘဲ တစ်ဖက်နေနေမယ့်သူလည်း ကိုယ်ပဲ ဖြစ်ပါတယ်။
၂။ သာမန်ဘဝလောက်နဲ့ မကျေနပ်ပါနဲ့။
Comfort Zone ထဲမှာပဲ ပျော်မွေ့နေရင် ဘာအောင်မြင်မှုမှမရှိပါဘူး။ ကိုယ့်အနာဂတ်ကို နောင်တမိစေမယ့် တည်ငြိမ်လွန်းတဲ့ ဘဝထဲမှာ မထိုင်နဲ့။Comfort zone ကနေချဲထွက်ခဲ့ပါ
၃။ ကိုယ့်ရဲ့ အားသာချက်တွေကို ရှာပါ။
လူတိုင်းမှာ တော်တဲ့နေရာ၊ တက်သစ်တဲ့ အစွမ်းစုံရှိပါတယ်။ စကားပြောခြင်း၊ စာရေးခြင်း၊ တီထွင်ဆန်းသစ်ခြင်း စသဖြင့် ကိုယ့်ရဲ့ အားသာချက်ကို ရှာဖွေတွေ့ဆုံဖို့ လိုပါတယ်။
၄။ အားသာချက်နဲ့ သွားနိုင်မယ့် ပန်းတိုင် သတ်မှတ်ပါ။
ဘဝကို အနည်းဆုံး အခြေခံအစီအစဉ်တစ်ခုနဲ့ ဦးတည်သွားဖို့ လိုပါတယ်။ ပန်းတိုင်မသတ်မှတ်ရင် ဘယ်နေရာကို သွားချင်တာတောင်မသိတော့ပါဘူး။
၅။ စည်းကမ်းရှိပါ။
ပညာတတ်ချင်တယ်၊ ငွေကြေးကောင်းချင်တယ်ဆိုတာ လွယ်သော်လည်း အမှန်တကယ် လိုချင်ရင် စည်းကမ်းနဲ့ နေ့စဉ် စဉ်ဆက်မပြတ် ကြိုးစားဖို့ လိုပါတယ်။ စည်းကမ်းမရှိရင် ဘာမျှမပြောင်းလဲနိုင်ပါဘူး။
၆။ အရာရာကို ဂရုစိုက်နေမနေနဲ့။
လမ်းမှာဟောင်သမျှခွေးတိုင်းကို ခဲမထုပါနဲ့။ အရေးမကြီးတဲ့အရာတွေ၊ အဆိပ်အတောက်များတဲ့အချို့လူတွေကို ဂရုစိုက်နေမိရင် ကိုယ့်ဘဝရဲ့ အဓိက လမ်းကြောင်းကို မရောက်နိုင်တော့ပါ။
၇။ လူရွေးပေါင်းပါ။
သင့်တော်တဲ့လူတွေနဲ့ ပေါင်းသင်းပါ။ တိုးတက်ချင်ရင် ငပျင်းတွေ၊ မျက်ကွယ်ထဲမှာ အနုတ်လက္ခဏာဖြစ်စေမယ့် လူတွေနဲ့ မပေါင်းပါနဲ့။ ပတ်ဝန်းကျင်က ကိုယ့်ကို တိုးတက်စေသလား၊ နောက်ဆုတ်စေသလား သတိထားပါ။
၈။ စိတ်ရှည်ပါ၊ ဆက်လက်သင်ယူပါ။
တစ်နေ့တည်းနဲ့ အောင်မြင်မှုမရပါဘူး။ ပုံမှန်လိုက်လုပ်ဖို့၊ နေ့စဉ် တိုးတက်ဖို့ လိုပါတယ်။ သင်ယူမှုကို ရပ်လိုက်တာနဲ့ တိုးတက်မှု ရပ်သွားပါတယ်။
၉။ အောင်မြင်မှုရဲ့ တန်ဖိုးကို နားလည်ပါ။
အောင်မြင်မှုဟာ ချက်ချင်းမရတဲ့ အရာ၊ တစ်စုံတစ်ယောက် လက်ဆောင်ပေးထားတဲ့အရာ မဟုတ်ပါ။ ကြိုးစားမှု၊ စည်းကမ်း၊ စိတ်ရှည်မှုတွေ ရောနှောပြီးမှသာ ရရှိတာပါ။
၁၀။ မတူညီတဲ့ ကိုယ်ပိုင်လမ်းကြောင်း ဖန်တီးပါ။
သူများအတွက် ထိပ်တန်းဖြစ်ဖို့မဟုတ်ဘဲ ကိုယ့်အတွက် စွမ်းဆောင်နိုင်စွမ်းအပြည့်ထုတ်ဖော်ဖို့ ကြိုးစားပါ။
အောင်မြင်မှုဆိုတာ အားလုံးနဲ့ယှဉ်ကြည့်ရမယ့် အရာမဟုတ်ပါ။ ကိုယ့်ယနေ့ကို မနေ့ထက် တိုးတက်အောင်လုပ်နိုင်ရင်၊ အဲဒါပဲ အမှန်တကယ် အောင်မြင်မှုဖြစ်ပါတယ်။
ဘဝက တဖြည်းဖြည်း တိုးတက်သွားဖို့ ကြိုးစားသလောက်သာ အဓိကဖြစ်ပါတယ်။ သာမန်အဆင့်ထဲမှာပဲ နေလို့မရပါဘူး။
