Radio Karen

Radio Karen Contact information, map and directions, contact form, opening hours, services, ratings, photos, videos and announcements from Radio Karen, Media/News Company, Hpa-an.

https://kicnews.org/
https://karennews.org/
https://www.youtube.com/
https://twitter.com/KIC_NewsCompany
https://www.instagram.com/karen_information_center_kic/
https://t.me/Karen_Information_Center
https://www.tiktok.com/

10/06/2026

1. နွံလၢကဟဲအံၤဘၣ်ကီဘၣ်ခဲဖိလၢလဲၤမၤတၢ်လၢတၢ်ချၢတဖၣ်တၢ်စးထီၣ်ဒိန့ၢ်ဝဲလံၥ်အုၣ်သးတၢ်ဂီၤ
2. KMCC ခိရ့ယါတၢ်ကရၢကရိ အိးထီၣ်ယိၤကျိၥ်တၢ်မၤလိလၢအူးပၠၣ်ဒဲကဝီၤပူၤ
3. (BMWEC)(၂၅)နံၣ်ပှဲၤထီၣ်အဖီခိၣ်,ပှၤမၤသကိးတၢ်ဒီးတဖၣ်အတၢ်ပၥ်ကဖၢသးဒီးတၢ်ကတိၤဆၢဂ့ၤ
4. တၢ်ထံၣ်လိၥ်သံကွၢ်သရၣ်မုၣ်နီၢ်ဖီရ့ၣ်ဘၣ်ဃး(BMWEC)ဟဲထီၣ်ထီၣ်သးဒီးအတၢ်ဖံးတၢ်မၤအဂ့ၢ်
5. လွဲၤကီၤပှၤလီၢ်အိၣ်ကမှံလၢ က့ၤတသ့ဒံးတဖၣ် သဂၢၢ်ဘၣ်ဒီး တၢ်အီၣ်တၢ်အီတၢ်ကီတၢ်ခဲ
6. ယါဘၠဲဟီၣ်ကဝီၤ ပှၤ၁၃ဂၤလၢ ဟဲဒိး မီၤတီၤဘိၣ်တခိၣ် သုးကရူၢ် ဖီၣ်ဝဲ
7. ထဲၤဝၤမၤကွၢ်ဝဲတၢ်ဒုးတၢ်မၤလိဒ်တရူးဟဲနုၥ်လီၤလၢအဝဲသ့ၣ်ကီၢ်ပူၤအသိး

ကတီၢ်ယံၤတၢ်မုၥ်တၢ်ခုၣ်အဂီၢ်တၢ်ပၥ်သးအိၣ်လၢကတဲသကိးတၢ်ဒီးသုးကရူၢ်အဂ့ၢ် 7 EAO Alliance အခိၣ် သုးခိၣ်ဒိၣ်စိ စဲင့ စံးဝဲလါယူၤ ၉...
09/06/2026

ကတီၢ်ယံၤတၢ်မုၥ်တၢ်ခုၣ်အဂီၢ်တၢ်ပၥ်သးအိၣ်လၢကတဲသကိးတၢ်ဒီးသုးကရူၢ်အဂ့ၢ် 7 EAO Alliance အခိၣ် သုးခိၣ်ဒိၣ်စိ စဲင့ စံးဝဲ

လါယူၤ ၉ သီ, ၂၀၂၆ နံၣ်, ခ့ၣ်အဲးစံၣ်

ဖဲတနံၤလါယူၤ ၉ သီ လၢန့ၣ်ပၠံၣ်တီၣ်န့ၣ် သုးကရူၢ်(NSPNC)ဒီး 7 EAO Alliance ဖီၣ်စုကဝဲၤကရူၢ်(၇)ဒူၣ်မၤဝဲတၢ်ထံၣ် လိၥ်တၢၣ်ပီၣ်တဲသကိးဒီး လၢတၢ်တဲသကိးအံၤအပူၤ ကသူၣ်ထီၣ်ကတီၢ်ယံၤတၢ်မုၥ်တၢ်ခုၣ်လၢအဂၢၢ်အကျၢၤကန့ၢ်အဂီၢ် တၢ်ပၥ်သးအိၣ်လၢကတၢၣ်ပီၣ်တဲသကိးဝဲအဂ့ၢ်န့ၣ် (7 EAO Alliance)အလံၥ်တၢ်ပၥ်ဖျါအပူၤ သုးရိၣ်ဒိၣ်စိ စဲလ့ စံးဝဲဒၣ်န့ၣ်လီၤ.

ဒ်(7 EAO Alliance)အလံၥ်တၢ်ပၥ်ဖျါပူၤ သုးခိၣ်ဒိၣ်စိ စဲလ့ စံးဝဲအသိးန့ၣ် လၢတၢ်မၤဝဲတၢ်ထံၣ်လိၥ်တၢၣ်ပီၣ်တဲသကိး တၢ်ရဲၣ်တၢ်ကျဲၤ ဘျီ ဝဲအံၤအပူၤန့ၣ် သုးကရူၢ်တကပၤ(NSPNC) ပှၤပၢၤလီၢ်ဆ့ၣ်နီၤ သုးခိၣ်ကျၢၢ်ဒိၣ်စိ ယၤပၠ့ၣ် ဒီး ကမံးတံၥ်ဖိ တဖၣ်ဟဲထီၣ် ဝဲအသိး လၢ(7 EAO) တကပၤစ့ၢ်ကီး ခၢၣ်စးတဖၣ်ဟဲထီၣ်ဝဲခဲလၢၥ်အဂ့ၢ်န့ၣ် သ့ၣ်ညါဘၣ် န့ၣ်လီၤ.

ဖဲအပူၤကွံၥ်လါအ့ဖြ့ၣ် ၂၁ သီအနံၤ လၢကတၢၣ်ပီၣ်တဲသကိးတဲတၢ်မုၥ်တၢ်ခုၣ်အံၤအဂီၢ်တၢ်ကွဲမုၥ်အိၣ်ထီၣ်ဝံၤလီၢ်ခံ (NSPNC) ကရူၢ်ကွဲမုၥ်ဝဲ ဖီၣ်စုကဝဲၤကရူၢ်(၇)ဒူၣ်လၢၥ်လၢအဆဲးလီၤဝဲ(NCA)အံၤတဖၣ်လၢလံၥ်အံၤတဆီန့ၣ်လီၤ. တကတီၢ်ဃီလၢတၢ်ကွဲမုၥ် အံၤအဖီခိၣ် ကမၤဖျါထီၣ်တၢ်မုၥ်တၢ်ခုၣ်တၢ်တိၥ်ကျဲၤလၢအလီၤပလိၥ်သးဒီးတကီၢ်ခါတၢ်အိၣ်သးအံၤဒီး ကရူၢ်ကရၢလၢအကြၢး ပၣ်ဃုၥ်တဖၣ် ကဟဲပၣ်ဃုၥ်ဝဲဒီး တကးဒံးဘၣ်တၢ်မုၥ်တၢ်ခုၣ်လၢတၢ်ကတဲသကိးဝဲအံၤကမ့ၢ်တၢ်မုၥ်တၢ်ခုၣ်လၢကတီၢ်ယံၤအဂီၢ် ကရူၢ်အံၤပညိၣ်ဒီးတၢ်ပၥ်သးအိၣ်လၢကတၢၣ်ပီၣ်တဲသကိးဝဲအဂ့ၢ်န့ၣ် လံၥ်တၢ်ပၥ်ဖျါအပူၤ ပၥ်ဖျါဝဲန့ၣ်လီၤ.

လၢတၢ်မၤဝဲတၢ်ထံၣ်လိၥ်အိၣ်သကိးနံၤဝဲအံၤအပူၤန့ၣ် ခံခီခံကပၤတၢၣ်ပီၣ်တဲသကိးဝဲဘၣ်ဃးတၢ်မုၥ်တၢ်ခုၣ်တၢ်တိၥ်ကျဲၤ အတၢ်ဖံး တၢ်မၤအဂ့ၢ်တဖၣ်ဖျိဖျိဖျါဖျါဒီး ဒ်သိးတၢ်အစၢလၢအဂ့ၤကဟဲအိၣ်ဖျါထီၣ်အဂီၢ်ကဂုၥ်ကျဲးစၢးပၥ်ဖှိၣ်မၤသကိးတၢ်အဂ့ၢ်န့ၣ် (7 EAO Alliance) ကရူၢ်ခိၣ်နၢ်အံၤတဖၣ် ဆီၣ်တခူထီၣ်ဝဲန့ၣ်လီၤ.

ဒ်န့ၣ်အသိးလၢတၢ်တၢၣ်ပီၣ်တဲသကိးဘျီဝဲအံၤန့ၣ်ကရူၢ်တဖၣ်အကျါ မ့မ့ၢ်လၢ(DKBA) တကပၤန့ၣ် သုးခိၣ်စီၤစ့ၤဝ့, သုးခိၣ်စီၤန့ၢ်ဘျုးဒီး (KNU/KNLA-PC)တကပၤခီန့ၣ် သုးခိၣ်စီၤကၠီၤညိၣ်လဲၤထီၣ်ဝဲအဂ့ၢ်န့ၣ် သ့ၣ်ညါဘၣ်န့ၣ်လီၤ.

7 EAO ကရူၢ်လၢအပၣ်ဃုၥ်ဝဲ(KNU),(DKBA),(KNU/KNLA-PC),(PNLO) ,(CNF),(RCSS), (ALP),(LDU), (NMSP), (ABSDF)ဖီၣ်စုကဝဲၤကရူၢ်တဖၣ်အံၤ သုးဟံန့ၢ်ထံကီၢ် တၢ်စိတၢ်ကမီၤဝံၤလီၢ်ခံ ကရူၢ်အံၤအကျါမ့မ့ၢ်(ခ့ၣ်အဲၣ်ယူၣ်)ဒီး (ABSDF),(CNF) ကရူၢ် ၃ ဒူၣ်အံၤ ဟးထီၣ်ကွံၥ်ဝဲလၢကရူၢ်ပူၤထီဒါပၢၢ်ဆၢက့ၤဝဲ သုးကရူၢ်တုၤလၢခဲအံၤတစုန့ၣ်လီၤ.

လၢၢ်ဖးဒိၣ်သုးကလၢၤလၢ(သုးက့ ၄)သုးပၥ်ဖှိၣ်ထီၣ်န့ၢ်ဝဲအံၤပယီၤသုးက့ၤထီၣ်မၤန့ၢ်ကဒါဝဲလါယူၤ ၉ သီ, ၂၀၂၆ နံၣ်, ခ့ၣ်အဲးစံၣ် လၢၢ်ဖးဒိ...
09/06/2026

လၢၢ်ဖးဒိၣ်သုးကလၢၤလၢ(သုးက့ ၄)သုးပၥ်ဖှိၣ်ထီၣ်န့ၢ်ဝဲအံၤပယီၤသုးက့ၤထီၣ်မၤန့ၢ်ကဒါဝဲ

လါယူၤ ၉ သီ, ၂၀၂၆ နံၣ်, ခ့ၣ်အဲးစံၣ်

လၢၢ်ဖးဒိၣ်ပယီၤသုးကလၢၤလၢအိၣ်ခ့ၣ်အဲၣ်ယူၣ် ဘျံးဒဝဲၢ်ကီၢ်ရ့ၣ်(သုးက့ ၄)လၢၢ်မုၢ်လါကီၢ်ဆၣ်အပူၤလၢ ဟီၣ်ကဝီၤတၢ်ပၢၢ်ဆၢ သုးပၥ်ဖှိၣ်ကရူၢ်ထီၣ်မၤန့ၢ်တ့ၢ်ဝဲအံၤ ပယီၤသုးဟဲထီၣ်ဒီးဂံၢ်ဘါအါအါဂီၢ်ဂီၢ်က့ၤထီၣ်မၤန့ၢ်ကဒါဝဲ အဂ့ၢ်န့ၣ် သ့ၣ်ညါဘၣ်န့ၣ်လီၤ.

သုးကလၢၤအံၤဖဲအပူၤကွံၥ်လါမ့ၤ ၂၉ သီ ဟါခီ ၄ နၣ်ရံၣ်အဆၢကတီၢ်န့ၣ် ဟီၣ်ကဝီၤကညီဒီကလုၥ်တၢ်ထူၣ်ဖျဲးသုးမုၢ်(KNLA) ဒုးယၤနီၣ်ဂံၢ်(၁), ကညီဒီကလုၥ်ဂၢၤသးကရၢ(KNDO) သုးရ့ၣ်-၇ ဃုၥ်ဒီးသိၣ်မှံၤသုးပၥ်ဖှိၣ်ကရူၢ်တဖၣ် လၢတၢ်ဆၢကတီၢ်အသီ (၁၀)အတီၢ်ပူၤထီၣ်မၤန့ၢ်ဝဲ သုးကလၢၤအံၤဃုၥ်ဒီးကျိချံပှၥ်သၣ်အါအါဂီၢ်ဂီၢ်မၤန့ၢ်ဃုၥ်ဝဲဒၣ်န့ၣ်လီၤ.

ဘၣ်ဆၣ်တၢ်ထီၣ်သုးကလၢၤအံၤဝံၤတဘျီဃီမုၢ်ဆ့ၣ်ထီၣ်လါမ့ၤ ၃၀ သီ ဟါခီအဆၢကတီၢ်န့ၣ် ပယီၤသုးအံၤသူဝဲသုးဂံၢ်ဘါ အါအါဂီၢ်ဂီၢ်ဟဲထီၣ်မၤန့ၢ်ကဒါက့ၤဝဲသုးကလၢၤဘၣ်ဟဲအိၣ်ထီၣ်ဝဲဒ်အံၤလီၤအဂ့ၢ်န့ၣ် လီၢ်ကဝီၤပှၤဘၣ်မူ ဘၣ်ဒါလၢအိၣ်ဘူး ဖဲန့ၣ်တဂၤ စံးဝဲန့ၣ်လီၤ.

“ဒ်သိးပသ့ၣ်ညါန့ၣ်လၢၢ်ဖးဒိၣ်သုးကလၢၤန့ၣ်ပှၤထီၣ်န့ၢ်ဝံၤမုၢ်ဆ့ၣ်ထီၣ်ဟါခီန့ၣ်ပယီၤသုးဟဲက့ၤထီၣ်မၤန့ၢ်ကဒါက့ၤဝဲလီၤ. ပယီၤသုးန့ၣ်ဟဲထီၣ်အါအါဂီၢ်ဂီၢ်မီၤ.လၢညါခါန့ၣ်အဝဲသ့ၣ်ဟဲထီၣ်အသုးနီၣ်ဂံၢ်ကအိၣ်ထဲ(၁၀၀)ဘျဲၣ်ဒ်န့ၣ်လီၤ.ဘၣ်ဆၣ်ခဲအံၤတမ့ၢ်ဒ်န့ၣ် ဘၣ်,ဟဲထီၣ်အဂၤ(၂၀၀)ဘျဲၣ်,(၃၀၀)ဘျဲၣ်တုၤလၢ(၄၀၀)ဒ်န့ၣ်ညါ.မ့ဝံၤအဝဲသ့ၣ်န့ၣ်သူအါထီၣ်ကဘီယူၤဟးခးနါစိၤတၢ်လီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်ဖဲတနံၤအံၤန့ၣ်လီၤ.

(သုးက့ ၄)ဟီၣ်ကဝီၤအပူၤ လၢၢ်မုၢ်လါကီၢ်ဆၣ်အမဲၥ်ညါ တနီသရံၣ်ကီၢ်ဆၣ် ကီၢ်ကၠီၣ်တဲၣ်-ကီၢ်ပယီၤကီၢ်ဆၢ မိဒီၢ်ဝ့ၢ်လၢ ဟီၣ်ကဝီၤတၢ်ပၢၢ်ဆၢသုးပၥ်ဖှိၣ်ကရူၢ်ထီၣ်န့ၢ်ဝဲအံၤစ့ၢ်ကီး ဖဲအပူၤကွံၥ်လါမ့ၤ ၁၉ သီအနံၤ ပယီၤသုးဟဲက့ၤထီၣ်ဒိၣ်စိကဒါဝဲဒၣ် န့ၣ်လီၤ.

ဒ်န့ၣ်အသိးစးထီၣ်လၢပယီၤသုးဟဲက့ၤထီၣ်ဒိၣ်စိန့ၢ်က့ၤဝဲမိဒီၢ်ဝံၤလီၢ်ခံ လၢဝ့ၢ်ခိၣ်ဝ့ၢ်ဃၢၤဒူသဝီသ့ၣ်တဖၣ်အပူၤ ပယီၤသုးကျိၤ နုၥ်လီၤဟူးဂဲၤဝဲအါအါဂီၢ်ဂီၢ်ဒီး ဒွဲၣ်အူအီၣ်ဝဲကမျၢၢ်ဟံၣ်,တၢ်ဘူၣ်တၢ်ဘါ,ကၠိတၢ်သူၣ်ထီၣ်သ့ၣ်တဖၣ်အမဲၥ်ညါ ဖီၣ်မၤဒၢၣ်ဝဲ ကမျၢၢ် ဟဲအိၣ်ထီၣ်ဝဲတပယူၥ်ဃီန့ၣ်လီၤ.

တကီၢ်ခါခဲအံၤ(သုးက့ ၄)ဃုၥ်ဒီးကီၢ်ရ့ၣ်/သုးက့ဟီၣ်ကဝီၤလၢအဂၤတဖၣ်အပူၤစ့ၢ်ကီး ပယီၤသုးအံၤလၢကထီၣ်မၤန့ၢ်က့ၤ သုးကလၢၤအံၤဒီး အသုးကလၢၤလၢဘၣ်တၢ်ကဝီၤခးဝဲအဖၢမုၢ်အံၤတဖၣ်သုတလီၤတဂ့ၤအဂီၢ်န့ၣ် သူဝဲဒၣ်နီၣ်ဂံၢ်အါအါဂီၢ်ဂီၢ် တကးဒံးဘၣ်တကတီၢ်ဃီသူဃုၥ်စ့ၢ်ကီးဝဲကဘီယူၤ,ဒြိ,ကျိဖးဒိၣ်ဒိၣ်ဒိၣ်မုၢ်မုၢ်ဒီး တုၤလၢခဲအံၤဒုးယၤတၢ်သဘံၣ် သဘုၣ်ကဲထီၣ်ဝဲ လၢခံခီခံကပၤအဘၢၣ်စၢၤအဖၢမုၢ်န့ၣ်လီၤ.

Photo: KNU

09/06/2026

Radio Karen: 9–6-2026 > ကတီၢ်ယံၤတၢ်မုၥ်တၢ်ခုၣ်အဂီၢ်တၢ်ပၥ်သးအိၣ်လၢကတဲသကိးတၢ်ဒီးသုးကရူၢ်အဂ့ၢ် 7 EAO Alliance အခိၣ် သုးခိၣ်ဒိၣ်စိ စဲင့ စံးဝဲ


----------------
-> ကရင်ပြည်သူထု၏ အသံများ နှင့် အမြင်များကို ဖော်ပြပေးသော လွတ်လပ်သည့်သတင်းဌာနအဖြစ် ရေရှည်ရပ်တည်နိုင်ဖို့အတွက် လူမှုအသိုင်းအဝိုင်းနဲ့ပရိဿတ်အားလုံးရဲ့ ဝန်းရံပံ့ပိုးမှုတွေကို ကြိုဆိုပါတယ်။

09/06/2026

Radio Karen: 9–6-2026 > တၢ်မၤလၤကပီၤဝဲ(BMWEC)ပှဲၤထီၣ်(၂၅)နံၣ်ပှဲၤယူဘလံၣ်


----------------
-> ကရင်ပြည်သူထု၏ အသံများ နှင့် အမြင်များကို ဖော်ပြပေးသော လွတ်လပ်သည့်သတင်းဌာနအဖြစ် ရေရှည်ရပ်တည်နိုင်ဖို့အတွက် လူမှုအသိုင်းအဝိုင်းနဲ့ပရိဿတ်အားလုံးရဲ့ ဝန်းရံပံ့ပိုးမှုတွေကို ကြိုဆိုပါတယ်။

တၢ်မၤလၤကပီၤဝဲ(BMWEC)ပှဲၤထီၣ်(၂၅)နံၣ်ပှဲၤယူဘလံၣ် လါယူၤ ၉သီ, ၂၀၂၆နံၣ်, ခ့ၣ်အဲးစံၣ်, ကီၢ်ကၠီၣ်တဲၣ်ကီၢ်ပယီၤကီၢ်ဆၢမဲၢ်ဆီးဝ့ၢ...
09/06/2026

တၢ်မၤလၤကပီၤဝဲ(BMWEC)ပှဲၤထီၣ်(၂၅)နံၣ်ပှဲၤယူဘလံၣ်

လါယူၤ ၉သီ, ၂၀၂၆နံၣ်, ခ့ၣ်အဲးစံၣ်,

ကီၢ်ကၠီၣ်တဲၣ်ကီၢ်ပယီၤကီၢ်ဆၢမဲၢ်ဆီးဝ့ၢ်တၢ်လီၢ်တတီၤအပူၤတနံၣ်အံၤလါယူၤ(၉)သီအနံၤအပူၤတၢ်မၤလၤကပီၤဝဲကီၢ်ပယီၤခီကီၢ်ကူၣ်သ့ကမံးတံၥ်(Burmese Migrant Education Committee (BMWEC) ပှဲၤထီၣ်(၂၅)နံၣ်ယူဘလံၣ်အဂ့ၢ်,သ့ၣ်ညါဘၣ်န့ၣ်လီၤ.

(၂၅)နံၣ်ယူဘလံၣ်စ့အတၢ်ရဲၣ်တၢ်ကျဲၤကဲထီၣ်လိၣ်ထီၣ်ဝဲဒီးတၢ်ဟဲပၣ်ဃုၥ်ပၣ်ဂီၢ်မၤကပီၤဝဲအါအါဂီၢ်ဂီၢ်အဖီခိၣ်,ပှၤဒုးအိၣ်ထီၣ်ကီၢ်ပယီၤခီကီၢ်ကူၣ်သ့ကမံးတံၥ်(BMWEC)နီၢ်ဖီရ့ၣ်စံးဝဲဒၣ်လၢ “တနံၤအံၤလၢယဂီၢ်မ့ၢ်တၢ်ပၥ်ကဖၢလၢသးဒီးတၢ်သးခုလီၤ.ဘၣ်မနုၤလဲၣ်(၂၅)နံၣ်အတီၢ်ပူၤပဘၣ်လဲၤခီဖျိတ့ၢ်တၢ်ကီကီခဲအသိး,တုၤခဲအံၤသနၥ်က့ပဘၣ်လဲၤခီဖျိတၢ်ကီကီခဲခဲလီၤ.ပကတုၤဆူ(၂၅)နံၣ်တမ့ၢ်တၢ်လၢအညီဘၣ်.ဒီးတနံၤအံၤပသးခုစ့ၢ်ကီးလၢပှၤဟဲအါအါဂီၢ်ဂီၢ်ဒီးပထံၣ်ဘၣ်စ့ၢ်ကီးပဖိပလံၤတဖၣ်ဟဲက့ၤဟးအိၣ်သကိးပှၤပၣ်ဃုၥ်ပၣ်ဂီၢ်လၢတၢ်ရဲၣ်တၢ်ကျဲၤအံၤန့ၣ်လီၤ”အဂ့ၢ်စံးဝဲန့ၣ်လီၤ.

လၢန့ၣ်အမဲၥ်ညါ,(၂၅)နံၣ်တၢ်လဲၤခီဖျိအပူၤသဂၢၢ်ဘၣ်ဝဲတၢ်ကီတၢ်ခဲအါမံၤဘၣ်ဆၣ်သးခုစံးဘျူးဘၣ်ဝဲခီကီၢ်ကူၣ်သ့ပှၤမၤသကိးတၢ်ဒီးကၠိသရၣ်သရၣ်မုၣ်လၢအတူၢ်ဆါသးတဖၣ်ကိးဂၤဒဲးအဂ့ၢ်,အဝဲစံးဝဲဒၣ်န့ၣ်လီၤ.

တၢ်ဟဲထီၣ်မၤလၤကပီၤဘၣ်ဝဲ(၂၅)နံၣ်ပှဲၤထီၣ်(BMWEC)ယူဘလံၣ်စ့တၢ်ရဲၣ်တၢ်ကျဲၤအဃိဘၣ်ကဖၢလၢဘၣ်ဝဲအသးအဂ့ၢ်,(BMWEC)နဲၣ်ရွဲၣ်ပှၤမၤသကိးတၢ်လီၢ်လံၤစီၤန့ၤအူစံးဝဲန့ၣ်လီၤ.

(BMWEC)ကရူၢ်ကရၢအံၤခါဆူညါကလဲၤထီၣ်လဲၤထီအါန့ၢ်ဒံးဝဲအလီၢ်အဂီၢ်ဆၢဂ့ၤဆၢဝါစံးဝဲဒ်အံၤစ့ၢ်ကီးန့ၣ်လီၤ.

“တၢ်ကွဲမုၥ်ပှၤအဃိပသးခုဒိၣ်မးလီၤ.ပက့ၤကွၢ်ကဒါလၢအပူၤကွံၥ်န့ၣ်တၢ်ကီတၢ်ခဲအိၣ်အါမံၤဘၣ်ဆၣ်,ပထံၣ်ဘၣ်လၢတဆီတဆီတၢ်လဲၤထီၣ်လဲၤထီၣ်အိၣ်ဝဲတယူၥ်ဃီလီၤ.အဃိပနၥ်လၢကရူၢ်ကရၢဝဲအံၤခါဆူညါန့ၣ်ကရူၢ်ကရၢဝဲအံၤကလဲၤထီၣ်လီၤထီအါန့ၢ်ဒံးအလီၢ်န့ၣ်လီၤ.”အဂ့ၢ်စံးဝဲန့ၣ်လီၤ.

(၂၅)နံၣ်ပှဲၤထီၣ်(BMWEC)ယူဘလံၣ်စ့တၢ်ရဲၣ်တၢ်ကျဲၤအပူၤကၠီၣ်တဲၣ်ဖၠၣ်စိမိၤခိၣ်နၢ်ဒိၣ်ထီၣ်တဖၣ်ကတိၤဟ့ၣ်ဂံၢ်ဟ့ၣ်လီၤတၢ်ဒီ,တၢ်ဟ့ၣ်လီၤစ့ၢ်ကီးဝဲတၢ်လၤကပီၤလံၥ်အုၣ်သးတဖၣ်ဆူခိၣ်နၢ်ဒိၣ်ထီဒီးကၠိသရၣ်သရၣ်မုၣ်လၢဟ့ၣ်လီၤသးလၢခီကီၢ်တၢ်ကူၣ်ဘၣ်ကူၣ်သ့တဖၣ်အမဲၥ်ညါ,အိၣ်စ့ၢ်ကီးဝဲဒီးခီကီၢ်ကၠိဖိတဖၣ်တၢ်ဒုးနဲၣ်တၢ်ဒ့တၢ်အူ,တၢ်ဂဲၤကလံၣ်သ့ၣ်တဖၣ်န့ၣ်လီၤ.

ဒ်န့ၣ်အသိး,တၢ်ရဲၣ်အတၢ်ကျဲၤဘျီဝဲအံၤအပူၤကၠီၣ်တဲၣ်(ChaingMai University),(Rajamagala University of Techology lanna) (Lampang Rajabphat University),(Myanmar Creative University)ဖၠၣ်စိမိၤခိၣ်နၢ်ဒိၣ်ထီတဖၣ်ဟဲထီၣ်ပၥ်ဃုၥ်ပၣ်ဂီၢ်ဝဲအမဲၥ်ညါ,(BMWEC)အစုတီၤဖီလၥ်ကၠိတဖၣ်,ကူၣ်သ့ပှၤမၤသကိးတၢ်ကရူၢ်ကရၢတဖၣ်,ဒီးခီကီၢ်ကၠိဖိလၢဖျိထီၣ်ဝဲဖၠၣ်စိမိၤကၠိတဖၣ်ဟဲထီၣ်မၤလၤကပီၤပၣ်ဃုၥ်ပၣ်ဂီၢ်ဝဲဒၣ်ဒီးပှၤနီၢ်ဂံၢ်ခဲလၢၥ်အိၣ်ဝဲ(၄၀၀)ဘျဲၣ်ဃၣ်ဃၣ်အဂ့ၢ်,သ့ၣ်ညါဘၣ်န့ၣ်လီၤ.

ကီၢ်ပယီၤခီကီၢ်ကူၣ်သ့ကမံးတံၥ်(Burmese Migrant Education Committee အံၤတၢ်ဒုးအိၣ်ထီၣ်ဝဲဒၣ်ဖဲ (၂၀၀၀)နံၣ်အပူၤဒီးဘၣ်တၢ်တီခိၣ်ရိၢ်မဲဒုးအိၣ်ထီၣ်တ့ၢ်ဝဲဒၣ်လၢကီၢ်ကၠီၣ်တဲၣ်ကီၢ်ပယီၤကီၢ်ဆၢပှၤဟူးဂဲၤလၢဖိဒံဖိသၣ်ဂ့ၢ်ဝီခွဲးယၥ်ဒီးဖိဒံဖိသၣ်ဆူၣ်ချ့ဂ့ၢ်ဝီခွဲးယၥ်ဒ်အမ့ၢ်ဒီးကထၢၣ်စ့ၣ်သံၣ်ယၣ်မီၤဒီးသရၣ်မုၣ်နီၢ်ဖီရ့ၣ်သ့ၣ်တဖၣ်အဂ့ၢ်သ့ၣ်ညါဘၣ်န့ၣ်လီၤ.

ဒီး(BMWEC)ကရူၢ်ကရၢအံၤဟူးဂဲၤဝဲဒၣ်လၢကီၢ်ကၠီၣ်တဲၣ်ကီၢ်ပယီၤကီၢ်ဆၢခီကီၢ်ကၠိဖိတဖၣ်တၢ်ကူၣ်ဘၣ်ကူၣ်သ့အတၢ်လိၣ်ဘၣ်နီၢ်နီၢ်အဂီၢ်အဂ့ၢ်,သ့ၣ်ညါဘၣ်န့ၣ်လီၤ.

09/06/2026

1. -ကီၢ်ကၠီၣ်တဲၣ်-ကီၢ်ပယီၤကီၢ်ဆၢ ယိၤစ့အတူး(၁၀၀၀)ရၤလီၤသး
2. လၢၢ်ဖးဒိၣ်သုးကလၢၤလၢ(သုးက့ ၄)သုးပၥ်ဖှိၣ်ထီၣ်န့ၢ်ဝဲအံၤပယီၤသုးဟဲက့ၤထီၣ်မၤန့ၢ်ကဒါဝဲ
3. တၢ်မၤလၤကပီၤဝဲ(BMWEC)ပှဲၤထီၣ်(၂၅)နံၣ်ယူဘလံၣ်
4. ကတီၢ်ယံၤတၢ်မုၥ်တၢ်ခုၣ်အဂီၢ်တၢ်ပၥ်သးအိၣ်လၢကတဲသကိးတၢ်ဒီးသုးကရူၢ်အဂ့ၢ် 7 EAO Alliance အခိၣ် သုးခိၣ်ဒိၣ်စိ စဲင့ စံးဝဲ
5. တၢ်ပိၢ်ဖးထီၣ်လၢ နၣ်ခါဝံၤအလီၢ်ခံ တၢ်ပဲၥ်ထံနီၤဖးအိၣ်ထီၣ်လၢ TNLAအဖီခိၣ်ဘၣ်ဃးတၢ်ဟ့ၣ်လီၤတၢ်မၤစၢၤ
6. သုးကရူၢ်ရၤလီၤဝဲဒၣ်တၢ်ကစီၣ်လၢ AAသုးဖိ ပၥ်လီၤတၢ်စုဝဲၤလၢအဝဲသ့ၣ်အအိၣ်
7. ဘၣ်ဃးဒီး တၢ်န့ၢ်ပၢဘၣ်ပီၣ်လဲၣ် အလဲၢ်အထီတၢ်ဂ့ၢ်ကီန့ၣ် ကၠီၣ်တဲၣ်ဒီး ခၣ်ဘီဒံယါကဘှါဆှဲဝဲဒ် UNCLOS သဲစးတၢ်ဘျၢအိၣ်ဝဲအသိး

09/06/2026

Radio Karen: 9–6-2026 >ကီၢ်ကၠီၣ်တဲၣ်-ကီၢ်ပယီၤကီၢ်ဆၢ ယိၤစ့အတူး(၁၀၀၀)ရၤလီၤသး


----------------
-> ကရင်ပြည်သူထု၏ အသံများ နှင့် အမြင်များကို ဖော်ပြပေးသော လွတ်လပ်သည့်သတင်းဌာနအဖြစ် ရေရှည်ရပ်တည်နိုင်ဖို့အတွက် လူမှုအသိုင်းအဝိုင်းနဲ့ပရိဿတ်အားလုံးရဲ့ ဝန်းရံပံ့ပိုးမှုတွေကို ကြိုဆိုပါတယ်။

09/06/2026

Radio Karen: 9–6-2026 > လၢၢ်ဖးဒိၣ်သုးကလၢၤလၢ(သုးက့ ၄)သုးပၥ်ဖှိၣ်ထီၣ်န့ၢ်ဝဲအံၤပယီၤသုးဟဲက့ၤထီၣ်မၤန့ၢ်ကဒါဝဲ


----------------
-> ကရင်ပြည်သူထု၏ အသံများ နှင့် အမြင်များကို ဖော်ပြပေးသော လွတ်လပ်သည့်သတင်းဌာနအဖြစ် ရေရှည်ရပ်တည်နိုင်ဖို့အတွက် လူမှုအသိုင်းအဝိုင်းနဲ့ပရိဿတ်အားလုံးရဲ့ ဝန်းရံပံ့ပိုးမှုတွေကို ကြိုဆိုပါတယ်။

ပှၤကၠိဖိလၢလဲၤစဲးလီၤမံၤလၢဝ့ၢ်ပူၤတဖၣ်ကသုးဘၣ်လီၢ်ဆူဝ့ၢ်ပူၤအဂ့ၢ် လီလိဖီၣ်စုကဝဲၤကရူၢ်ထုးထီၣ်လံၥ်အဖီခိၣ် တၢ်ပဲၥ်ထံနီၤဖးအိၣ်ထီၣ...
08/06/2026

ပှၤကၠိဖိလၢလဲၤစဲးလီၤမံၤလၢဝ့ၢ်ပူၤတဖၣ်ကသုးဘၣ်လီၢ်ဆူဝ့ၢ်ပူၤအဂ့ၢ် လီလိဖီၣ်စုကဝဲၤကရူၢ်ထုးထီၣ်လံၥ်အဖီခိၣ် တၢ်ပဲၥ်ထံနီၤဖးအိၣ်ထီၣ်

လါယူၤ ၈ သီ, ၂၀၂၆ နံၣ်, ခ့ၣ်အဲးစံၣ်

လၢတနီသရံၣ်ကီၢ်ခီဒိၣ် ဘျံးဒဝဲၢ် တနီသရံၣ်ကီၢ်ဆၣ်အပူၤ ပှၤကၠိဖိဃုၥ်ဒီးကၠိဖိမၢ်ပၢ်လၢအလဲၤစဲးလီၤကၠိမံၤလၢဝ့ၢ်ပူၤတဖၣ် လၢတၢ်ဘံၣ်တၢ်ဘၢအဖီခိၣ် ကသုးလီၢ်သုးကျဲလဲၤအိၣ်က့ၤလၢဝ့ၢ်ပူၤအဂ့ၢ်န့ၣ် လီလိဟီၣ်ကဝီၤဖီၣ်စုကဝဲၤဒီးကူၣ်သ့ကရူၢ်ထုးထီၣ် လံၥ်တၢ်ပၥ်ဖျါအဖီခိၣ် တၢ်ပဲၥ်ထံနီၤဖးအိၣ်ထီၣ်ဝဲဒၣ်န့ၣ်လီၤ.

သုးကရူၢ်လၢအဟံတၢ်ဒီသဒၢလၢသိလ့ၣ်တီၣ်ဆှၢပှၤကၠိဖိတဖၣ်အံၤဒီးတၢ်ပၢၢ်ဆၢသုးကရူၢ် အဘၢၣ်စၢၤတၢ်ဒုးကဲထီၣ်သ့အဃိ ပှၤကၠိဖိဒီးကၠိဖိမိၢ်ပၢ်လၢအလဲၤဆဲးလီၤကၠိမံၤလၢဝ့ၢ်ပူၤတဖၣ်အံၤကလဲၤအိၣ်သုးလီၢ်သုးကျဲဆူ ဝ့ၢ်ပူၤအဂ့ၢ်န့ၣ် လီလိ (ပကဖ,ပအဖ,ပလဖ)ဖီၣ်စုကဝဲၤကရူၢ်ဒီး လီလိကူၣ်သ့ကရူၢ်တဖၣ်ထုးထီၣ်လံၥ်တၢ်ပၥ်ဖျါအံၤ ဖဲလါယူၤ ၆ သီအနံၤ န့ၣ်လီၤ.

ဖီၣ်စုကဝဲၤအတၢ်လံၥ်တၢ်ပၥ်ဖျါအံၤ မ့ၢ်တၢ်ြတီဝဲကူၣ်သ့တၢ်ခွဲးတၢ်ယၥ်ဒီး ဂံၢ်ခီၣ်ထံးပှၤဂ့ၢ်ဝီခွဲးယၥ်တဖၣ်အသိး လီၢ်ကဝီၤကမျၢၢ် တဖၣ်ကပၥ်တ့ၢ်ကွံၥ်အဟံၣ်အဃီ,အတၣ်ဖံးတၢ်မၤဝံၤကလဲၤသုးလီၢ်သုးကျဲဆူဝ့ၢ်ပူၤအံၤတမ့ၢ်တၢ်လၢအညီဝဲဘၣ် အဂ့ၢ်န့ၣ် တၢ်ပဲၥ်ထံနီၤဖးစံးဝဲန့ၣ်လီၤ.

“တမ့ၢ်လၢတၢ်ဒုးကဲထီၣ်ကိးမုၢ်နံၤဒဲးဘၣ်.တၢ်ဒုးမ့ကဲထီၣ်န့ၣ်မတၤတဂၤမးတလဲၤထီၣ်ကၠိဘၣ်.အခဲအံၤအတၢ်လဲၤသးဒ်သိး ပှၤကၠိဖိလၢလဲၤအိၣ်ကၠိ လၢဝ့ၢ်ပူၤတဖၣ်ကဘၣ်လဲၤအိၣ်လၢဝ့ၢ်ပူၤ.ဖဲသုးဟံန့ၢ်တၢ်စိတၢ်ကမီၤအတီၢ်ပူၤအံၤပှၤဒံၣ်ပှၤဖိတအိၣ်ဘၣ် ကၠိဘၣ်အိၣ်ဒီဒူၣ်.ဖဲန့ၣ်(CDM)သရၣ်/မုၣ်အဒံၣ်အဖိပၣ်ဃုၥ်စ့ၢ်ကီးလီၤ.ဝဲဒၣ်တၢ်သ့ၣ်တဖၣ်အံၤပထံၣ်လၢအလုၢ်သ့ၣ်ခါပတၥ်ဝဲပှၤဂ့ၢ်ဝီခွဲးယၥ်လီၤ”အဂ့ၢ်န့ၣ် လီလိ ကမျၢၢ်ပိၥ်မုၣ်လၢအဟူးဂဲၤလၢကူၣ်သ့တကပၤတဂၤ စံးဝဲန့ၣ်လီၤ.

ဘၣ်ဃးတၢ်ဂ့ၢ်အံၤအဝဲသ့ၣ်တကပၤတမ့ၢ်အတြီဃၥ်ဝဲတၢ်ဖံးလိမၤဒိးတၢ်ခွဲးတၢ်ယၥ်ဘၣ်ဒီး မ့မ့ၢ်တခီဖဲခံခီခံကပၤတၢ်ဒုး အပူၤ ဘၣ်ယိၣ်ဝဲလၢပှၤကၠိဖိတၢ်ဘၣ်ဒိဘၣ်ထံးအဂီၢ်လီၤအဂ့ၢ်န့ၣ် လံၥ်တၢ်ပၥ်ဖျါအပူၤပၥ်ဖျါဝဲန့ၣ်လီၤ. တကးဒံးဘၣ်လၢန့ၣ်အမဲၥ်ညါ ဟီၣ်ကဝီၤအပူၤဖဲဒုးယၤတၢ်ဖ့ၣ်စၢကဲထီၣ်အတီၢ်ပူၤသုးကရူၢ်အံၤသူကမျၢၢ်ဒ်တၢ်ဒီသဒၢအသိးအိၣ်ဝဲအဂ့ၢ်န့ၣ် ဖီၣ်စုကဝဲၤကရူၢ် တဖၣ်စ့ၢ်ကီးစံးဝဲန့ၣ်လီၤ.

ဘျံးဒဝဲၢ်ကီၢ်ရ့ၣ် နီၣ်ဂံၢ်(၈၀၀၃)သုးရ့ၣ် တၢ်ဘိးဘၣ်ရၤလီၤပှၤဘၣ်မူဘၣ်ဒါတဂၤစံးဝဲလၢ “ကၠိတဖျၢၣ်ဂ့ၤတဖျၢၣ်ဂ့ၤ ပးသးကအိၣ် လၢကတြီဃၥ်ပှၤကၠိဖိလၢကမၤလိမၤဒိးတၢ်န့ၣ်တအိၣ်ဘၣ်.တၢ်သ့ၣ်တဖၣ်အံၤလၢပှၤကၠိဖိကပူၤဖျဲးဒီးတၢ်လီၤဘၣ်ယိၣ်အဂီၢ်လီၤ.”အဂ့ၢ်န့ၣ် စံးဘၣ်ခ့ၣ်အဲးစံၣ်- ကညီတၢ်ကစီၣ်န့ၣ်လီၤ.

တကီၢ်ခါခဲအံၤ ပယီၤသုးကျိၤနုၥ်လီၤဟူးဂဲၤလၢတနီသရံၣ်ကီၢ်ဆၣ်ဒူသဝီသ့ၣ်တဖၣ်အပူၤဒီး ဖီၣ်ဝဲကမျၢၢ်သူဝဲဒ်တၢ်ဒီသဒၢစုကဝဲၤ တခါ အသိးဝံၤပျၢ်လီၤကဒါဝဲအိၣ်အသိး အပူၤကွံၥ်လၢညါခါစ့ၢ်ကီးတၢ်ကဲထီၣ်သးဒ်အံၤအိၣ်ဝဲအဂ့ၢ်န့ၣ် လီၢ်ကဝီၤကမျၢၢ်စံးဝဲအသိး သ့ၣ်ညါဘၣ်န့ၣ်လီၤ.

ဒ်န့ၣ်အသိးဘၣ်ဃးလံၥ်တၢ်ပၥ်ဖျါအံၤ ဒ်ဒံၣ်မိၣ်ခြ့ၣ်စံၣ်ကူၣ်သ့အဂံၢ်ခီၣ်ထံးတၢ်ပၥ်လီၤအိၣ်ဝဲအသိးန့ၣ် ပှၤကၠိဖိကိးဂၤဒဲး အိၣ်ဒီး တၢ်ခွဲးတၢ်ယၥ်လၢကဃုထၢဖံးလိမၤလိတၢ်အဂ့ၢ်န့ၣ် ဘျံးဒဝဲၢ်ကီၢ်ရ့ၣ် (DDMSC)စ့ၢ်ကီး က့ၤခီၣ်ဆၢထုးထီၣ်ပၥ်ဖျါကဒါဝဲလံၥ် တၢ်ပၥ်ဖျါ အံၤဖဲလါယူၤ ၆ သီအနံၤအိၣ်ဝဲန့ၣ်လီၤ.

တကးဒံးဘၣ်သုးကရူၢ်ဃုၥ်ဒီးတၢ်ပၢၢ်ဆၢကရူၢ်ကရၢလၢအခီပတၥ်မၤတံၥ်တၥ်ဝဲကူၣ်သ့အတၢ်ခွဲးတၢ်ယၥ်အံၤတဖၣ်န့ၣ် ထီဒါဝဲတဲၥ်တဲၥ်ဖျုဖျုအဂ့ၢ်န့ၣ် DDMSC ပဲၥ်အၢပဲၥ်သီစံးဝဲန့ၣ်လီၤ.

လီလိကီၢ်ဆၣ်အပူၤ သုးကရူၢ်စုတီၤဖီလၥ်ကၠိတဖၣ်အမဲၥ်ညါ ဒီကလုၥ်ဃူဖိးပဒိၣ်(NUG) ကူၣ်သ့ကိတိၥ်ဝဲၤကျိၤစုတီၤဖီလၥ် ကၠိစ့ၢ်ကီးအိၣ်ဝဲအသိး ကၠိလၢဘၣ်တၢ်အိးထီၣ်ဝဲလၢကမျၢၢ်အဂံၢ်အဘါတဖၣ်စ့ၢ်ကီးအိၣ်ဝဲအဂ့ၢ်န့ၣ် လီၢ်ကဝီၤကမျၢၢ်စံးဝဲအသိး သ့ၣ်ညါဘၣ်န့ၣ်လီၤ.

Address

Hpa-an

Website

Alerts

Be the first to know and let us send you an email when Radio Karen posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Radio Karen:

Shortcuts

Share

Category