27/09/2025
မဟာမြိုင်လမ်းအခြေအနေ
---------------------------
အခုရက်ပိုင်းမှာတော့ကားကြီးတွေအဝင်တန့်နေသလို
ကားလေးတွေလည်းအဝင်ကျဲနေကြောင်းသိရပါတယ်။ ကလေးမြို့လေးမှာသာမိုးလေးတစ်ဖျောက်နှစ်ဖျောက်ရွာနေပေမဲ့ မဟာမြိုင်မှာတော့မိုးများပါတယ်တဲ့။
မန္တလေးက အထွက်မှာ စွယ်တော်ကားကြီးဝင်းမှာတော့
ဂျူတီမဲ့ကုန်တွေ ၊တရားမဝင်ကုန်တွေ
၊တားမြစ်ကုန်ပစ္စည်းတွေအစစ်ဆေးခံကြရတာမို့
အချိန်ကြန့်ကြာမှုတွေရှိနေသလို ...
မန္တလေး - စစ်ကိုင်း-ရွှေဘိုလမ်းမှာလည်း
လမ်းလုံခြုံရေးအခြေအနေအရကြာမြင့်မှုတွေရှိနေတတ်ပါသေးတယ်။
မဟာမြိုင်ထဲမှာတော့ ၅၁မိုင်ကစတက်တဲ့တောင်ပေါ်မှာ မိုးများရင်ဗွက်တွေထ၊ လမ်းတွေပျက်ပြီးကားတွေဗွက်နစ်လမ်းချော်တိမ်းမှောက်တာတွေလည်းရှိတတ်ပါတယ်။
အခုရက်ပိုင်း ၅၆မိုင်တောင်ပေါ်မှာ ကားကြီးသုံးစီးတိမ်းမှောက်ပြီးလမ်းပိတ်နေတယ်လို့သိရပါတယ်။
ဗွက်နစ်ရင်ထွန်စက်များနဲ့ဆွဲထုတ်ကြရပြီး အခန့်မသင့်ရင်ထွန်စက်ဆွဲခ သိန်း၂၀ ဝန်းကျင်အထိကုန်ကျမှုရှိကြောင်းသိရပါတယ်။တောင်ပေါ်ကဖြတ်ပြီးရင်ပျဥ်းကိုင်းကိုရောက်ပါတယ်။
ပျဥ်းကိုင်းကထွက်လာပြန်တော့လည်း ဘုကားဂိတ်ကနေအစပြုတဲ့ အောင်ချမ်းသာ
ကွင်းလမ်းဟာစွန့်စားမှုကြီးတရပ်လိုဖြတ်သန်းကြရပြန်ပါတယ်တဲ့ ။
အရင်ကနာရီဝက်အပြင်မကြာတဲ့လမ်းကို ကွင်းကြရတော့ ဘယ်နှစ်ရက်ကြာမယ်မသိရကြောင်း၊လမ်းဟာအတော်ဆိုးကြောင်း၊ကားတစ်စီးစီးသာပျက်နေရင် လဲရင် လမ်းပိတ်တော့တာပါတဲ့ ဒါ့ကြောင့်ကားကြီးတွေအဝင်ရပ်နေတာလို့ကားဆရာတစ်ဦးထံမှသိရပါတယ်။
အမြဲဝင်နေကျဖြစ်တဲ့စိုးမိုးသူကားလေးတွေကလည်းအခုရက်ပိုင်းအဝင်မရှိပြန်ပါဘူး။
လမ်းအခြေအနေ၊ဂိတ်ကြေးကားဆီိဘိုးကုန်ကျငွေနဲ့ ရတဲ့ငွေကမကာမိလို့ကားဆရာတွေကကားမထွက်ချင်ကြဘူးလို့ ကားဆရာတစ်ဦးကပြောပြပါတယ်။
ကျနော်ဆို လမ်းမှာလေးညအိပ်ခဲ့ရပါတယ်။
ကားတန်ဆာ၊ခရီးသည်ဆီကရတဲ့ကားခနဲ့ လုံးဝမကိုက်ဘူးဗျာ ရှုံးတောင်ရှုံးသေးတယ်။
အုံနာကိုအားနာနေရတယ်။
နောက်တခေါက်တော့တက်မလာသေးဘူးဗျာလို့ သူကဆက်ပြောပြပါတယ်။
ကားဂိတ်တွေမှာကုန်ချထားပြီနှစ်လလောက်အထိကလေးကိုရောက်မလာသေးတာတွေရှိကြောင်းကုန်သည်တစ်ဦးထံမှသိရပါတယ်။
မဟာမြိုင်ကိုဖြတ်လာရတဲ့ကားလမ်းကအဆင်မပြေကြပေမဲ့လည်း ချင်းတွင်းမြစ်ကနေသင်္ဘောနဲ့ ကလေးဝအထိလာတဲ့ရေကြောင်းကနေကုန်စည်စီးဆင်းမှုတော့အဆင်ပြေနေကြတယ်လို့သိရပါကြောင်းတင်ပြပေးအပ်ပါသည်။
ကဖိုးတင်
