The CHIN Times CFB

23/12/2022

CFB(Kalay - Kabaw) a tthawn khawh nakhnga a kan dirhkamhtu hna

Hi rianttuannak Buu a tthawn khawh nakhnga chawva in siseh, thlacamnak in siseh, ruahnak cheuhnak in siseh a kan dirhkamhtu ramchung ramleng ttuanttihawi hna cu a tanglei bantukin an si...

1.Kalay - Kabaw ram chung ,CFB chungtel chungkhar hna le pumpak hna.

2.Kalay - Kabaw ramchung, Miphun le khuatlang aiawh in dirhmi Fellowship hna.

3.Chin Baptist Association ram chungah a ummi Local khrihfabu dihlak hna le khrihfabu dang hna.

4.Chin Association for Christian Communication (CACC) .

5.Ramdangah a ummi kan phunhawi khrihfabu hna le pumpak hna.

6.Chin Baptist Churches,USA (CBCUSA) hna an si.

Hi bantukin ramchung ramleng kan phunhawi hna nih biatak tein an kan dirhkamhnak cu Kalay - Kabaw ram chungah a ummi an phunhawi hna an kan dawt ruangah le Miphun aiawh in rianttuantu a simi Chin Funtomnak Buu(CFB) cu zumhtlakmi rianttuantu Buu a si ruangah a si.

CFB nih zumh awktlak tein le hi nak tthawng chinchin in Miphun caah rian a ttuan khawh nakhnga kan dirhkamh rih hram u tiah ramchung ramleng kan phunhawi dihlak kan sawm hna.

Hrang Tum

19/12/2022

Chin Funtomnak Buu(Kalay - Kabaw) nih a huapmi hna le aa tinhmi hna
===============================

Chin Funtomnak Buu(Kalay - Kabaw) rianttuannak nih a huapmi hna cu Miphunte aiawh in dirhmi Fellowship -7 le a khua in khua 23, chungkhar in 4606 le milu in 23000 renglo an si.

Hi buu rianttuannak cu a fekfuanmi tinhmi pasarih(7) cungah kar a hlang cuahmahmi a si.Cu aa tinhmi hna cu a tanglei bantukin ka vun langhter hna ,

1.Kalay - Kabaw ram chungah a ummi Chin mi(Lai holh aa hrawmmi) hna lungrualnak le hmunkhat ah rianttuanttinak, tthanchoternak le Chin Miphun dang he lungrualnak fehcahternak.

2.Zatlaang nun tthanchoternak (Social development)
(a).Fim cawnnak lei tthanchonak caah bawmchanhnak
(b).Lai holh kilven tthanchoternak
(c).Chin(Lai) mipi caah thilttha hngalhternak le ttuanternak.
(d).Miphun caah hmantlak minung sersiamnak(HRD).
(e).Miphun nih a herhmi zatlaang covo runvennak
(f).Kan tonmi buainak(case) kongah I ttanpinak.

3.Nunphung le nunziadawh tthanchoternak.

4.Buu chungtel karah I hawikomhnak le pehtlaihnak tthanchoternak
(a).Zaangleknak(sport)a phunphun tuahnak
(b).Nunphung he aa pehtlaimi puai(Lai k*mthar) tuahnak.

5.Miphun damnak le remnak rian ttuannak.

6. Miphun chung in vanchiat rawhralnak a tongmi hna bawmchanhnak.

7.Hi Buu rianttuannak cu chungtel chung lawng a huap lai.

A cunglei ah langhtermi chung in ttuan cuahmahmi an um bantuk in phaisa chawva tlamtlin rih lo ruangah ttuanchuah kho rih lomi zong a um ve.Tinhmi kan tlinh khawh nakhnga Kalay - Kabaw ram chungah a ummi Lai miphun dihlak lungrual tein ttangtti hna u sih tiah kan sawm hna.

04/12/2022

CFB le Laica kilven thanchoternak rian
===============================

Funtomnak Buu(CFB) nih kan holh le kan caa kilven thanchoternak rian kha a bikin aa hmaithlakmi a si.Cucaah holh le caa thanchoternak caah bawmchanhtu a simi a tanglei langhtermi rian hna hi a tuan .

1. The Chin Time Journal kha thla khat ah voihnih a rak chuah tawn nain atu ah cun a ruang tampi ruangah aa din chung nain online in cun hman tein thlah a si ko rih.

2. Khrihfabu nih tuanvo a lak khawh lomi khua le veng le sang ah thal Laica cawnnak a tuah zungzal.

3. Cu thal Laica cawnnak cu Kalaymyo peng lawngah si loin Gangaw peng zongah a tuan.

4. 2017 k*m thawkin Cozah singinn ah mahle Miphun caa cawn khawh a si cang caah Laica chimtu Saya/sayamate Laica chimh ningcang cawnpiaknak(TOT ) cu 2017 k*m ah voikhat, 2018 k*m ah voikhat le 2019 k*m ah voikhat tiin voithum tiang a tuah.

5. Culawng si loin Lai Tho Puai ah Laica in Caapar zuamnak zong a tuah fawn rih.

Cucaah kan Laiholh, Laica le Lai nunphung kilven thanchoternak rian hi mibu pakhat lawng in tuan khawhmi a si lo i miphun dihlak kan I tel lawngah tinhmi hmuh khawh ding a si caah Kalay - Kabaw ram chung Lai miphun dihlak nih chaw le va in siseh, thazang peknak in siseh, ruahnak cheuhnak in siseh tanpi cio hna u sih tiah kan sawm hna.

18/11/2022

Kalay - Kabaw le C.F.B riantuannak

Vawlei chungah Miphun tling an si ko tiah cohlan kan si venak cu Pathian nih a kan pekmi Ca,Holh,Nunphung le kan pupa hna nih an kan roh takmi Chinram kan ngeihmi hna ruang ahhin a si.

Lai Miphun (Hakha Miphun) hna cu AD 1918 hrawng ah Kalay - Kabaw nelrawn kan rak phan.Minung tam bik kan rak phanhnak cu 1960 le 1970 k*m kar hrawng ahhin a si. Atu ah cun Kalay - Kabaw nelrawn ah khua kan saknak hi k*m sawmruk Leng a si ve cang.Miphun dang,Holh dang,Nunphung dang le Biaknak dang kar ah aa tenhmi kan si caah kan Holh, kan Ca le kan nunphung kan sunsak ,kan kilven, kan thanchoter lo ahcun caan zeimawzat a rauh tikah cun Miphun tlau ah kan cang kho.Holh le Caa hi aa then kho lomi a si.Holh kha Caa in tialnak a um lo ahcun caan a rauh tikah a tlau khawh bantukin Caa zong a tlau kho I a donghnak ah cun , cu Holh le Caa a ngeitu Miphun tiang zong a tlau kho ve.

Lai Miphun hna Kalay - Kabaw nelrawn ah k*m sawmruk reng lo khua kan sak cang nain nihin ni tiangah Miphun tlau kan si lonak cu kan Biaknak ruangah a si ko.1984 k*m ah Miphun a dawtu kan pale hmangin Chin Baptist Association(CBA) an rak dirh.A bikin an I tinhmi cu mah caa le holhte in Pathian biak le thangthat kha a si ko nain kan holh , kan caa le kan nunphung kilven thanchoternak rian zong kha biatak tein an rak tuanchih.Chin Baptist Association cu Kalay - Kabaw nelrawn ah a ummi Laimi phun dihlak a kan huap khawh lo caah 2011, December 29 ,Salem Baptist Church ah khua le sang aiawhtu kuzale 120 hnatlaknakin Chin Funtomnak Buu (CFB)an rak dirh I kan holh,kan caa le kan nunphung kilven thanchoternak rian kha an I hmaithlak i biatak tein rian an tuan.Kan holh ,kan caa le kan nunphung kilven thanchoternak rian lawng si loin kokek harnak a tongmi bawmhchanhnak rian zong kha biatak tein an tuanchih.2016 k*m in Chin Association for Christian Communication (CACC) nih Kalay - Kabaw nelrawn ah riantuan hram a thawk ve I cuticun CBA le Chin Funtomnak Buu he I bawmhin kan holh, kan caa le kan nunphung kilven thanchoternak rian kha an tuanti hna.

2021 k*m in Chin Association for Christian Communication (CACC) nih Kalay - Kabaw nelrawn ah Miphun caah riantuannak kha a ngol chung.A ngolnak a ruang bik cu CFB nih CACC nih aa hmaithlakmi kan holh, kan caa le kan nunphung kilven thanchoternak rian kha biatak tein a tuan cuahmah ko caah a si.Kalay-Kabaw nelrawn ah CACC riantuannak um ti hlah hmansehlaw Lai Miphun kan um chung poah hi a sunglawi tukmi Miphun kilven thanchoternak rian, thawng chinchin in a kal khawh nakhnga CFB kha thawnter chin u sih law thazang pe chin ko hna u sih tiah kan sawm hna.

13/10/2022

Thih dar
Saza Thawngkhen hi kalyakabaw nih kan bo chan mi asi. 2014 khampat Tho puai mino hlasak zuam nak ah pa khat nak lak sawng a kan lak piak tu asi.CFB min in kan chiarman Dr ChanNawl he ruak kan va hum kho ve.kan mi phun nih an i bochan tuk mi nih ruah lo tuk in an kan liam tak tik ah kan ngeih chiat nak The Chin time in kan van langh ter.

15/09/2022

Nan dam cio hna maw CFB le The chin times tha zang pe tu nan dih lak nan k*t kan tleih hna k*m 4 chung CFB riantuan nak in kai din.A tu cu ka lut than ve cang.A tu thok in kan i neih chun mi The chin times ah hin miphun zawn ruah nak he ca van tial cio ding in kan sawm hna.

24/01/2022

Thihnak darkhing thawngpang
===========================
Salem Tipil Khrihfabu chungin
Pu Khua Lian Uk (K*m 60) nih
24 Jan 2022 Cawnnikhat ni ah mual a kan liamtak.

CFB le Kalay Lai Mino Bu nih a herh ning in rian bawmhnak le cawlcanghnak kan ngeihpi kho hna.

24/10/2021

Mercy Ngun Tha Chin "Ramhla"
======================
Ral le rai ruang ah Laimi nih kan puai ngeihchun pakhat a simi Chin K*mthar (Tho) zong hlunghlai in tuah khawh a si lo i, Online lawng in tuah khawh a si.
Atu hi CACC Hall ah 2021 Chin K*mthar (Tho) an tuah lio ah "Ramhla" A sakmi a si.
FACEBOOK LIVE an thlahmi ka tar chinmi a si.

08/08/2021

lunglawmhnak authawng..
--------------------------------------------

♦️Ram nih harnak a van ton tikah khuanu khuapa hna nih hartong mi bawmchantu committtee an ser i a bik in Hakha-Thantlang laitlai miphun aiawh in minung 18an thim hna.

♦️Pulraai a hong fah tuk caah Rev.ThlaAwr Bawi Hrin sin ah bawmhnak kan hal i CBC USA nih Sing(70)an kan bawmh. Cun Australia lei Kalay Rawnchin ummi hna nih sing (200)an van kan bawmh.Kan lung ai lawmh tuk ah kan lung lei a hno ko.

♦️Oxygen dur a hme he a ngan he,Oxygen Concentrator he oximeter he 30 lengkai kan cawk.Covid checknak testkit le PPE le mizaw check tu ding ah caantling rianttuan tu minung pahnih kan lak hna i kan cawlcang.Thlakhat chung ah minung 300 lengkai test kan tuah hna i theihkauhnak le zawt tik ah i ralring ding ningcang zong chimh cawnpiaknak kan neih hna.Oxygen dur hi a herh bau mi an tamtuk lio a si ah cun i daih lo a um ttheu rih caah a zual deuh mi tu kan hlanh tawn hna.

♦️Mithi hi nikhat ah a tam caan ah 40 hrawnghrang in a tlawm caan ah kan10 kar an um.Hi nan kan bawmh mi phaisa hi Pathian nih thluachuah a pek i minung nunnak tampi a khamh hna.A kan bawmtu nan cung le Pathian cung ah kan i lawm tuk.Hi pin lei zong Ttuan ding a tam tuk hringhran ko.Pathian nih kan umpi cio hram seh.

05/08/2021

♦️U Tha Kio cu tuzan lei suimilam 6:00 pm hrawng,Wesly siizung ah anunnak aliam cang tiah thawng theih asi.A ni hi Kalay Lautu Kilven Bu ah President attuan cuahmah lio asi hlei ah Zion Baptist Church ah term thum tiangin Church president a ttuan,Cun Kalay Lautu Organization Credit zongah president atuan cuahmah lio pi asi.Laimi nih kan i bochan tak tak mi kan pa asi i ka**ak mi chungkhar hna Bawipa nih hna ngam daihnak pe ko hna seh.

28/12/2020

Fimthiamnak lei ah theih hngalh aduh mi nih like & share cio dingin
kan in sawm hna. https://www.facebook.com/thetsannyae2012

​ကျောင်းသင်ရိုးသာမက ​ကျောင်းသူ/သားများဘက်စုံဖွံ့ဖြိုးတိုးတက်မှုကိုပါ သင်ကြား​ပေးပါသည်။