R V A Tedim Chin Service

R V A Tedim Chin Service RVA pen Pasian thu, Pawlpi thu leh Kalay Diocese tawh kisai a theihhuai thu te tangko na ahi hi.

09/06/2026

Misiangtho Ephrem Pawini.
(June - 9)
*****
Misiangtho Ephrem in 306 k*min, Syrian gam Nisibis ah suak hi. K*m (18) aphak hunin Catholic Pawlpi sungah tuisawpna Sacramentu a sanna hangin Pasian umlo a nulepa te in amah inn pan hawlkhia uh hi.
Tua pan Ephrem in Nisibis Siadaw St. Jacob kiangah pai in 325 k*min Siadawpa tawh Nicaea thukikupna ah zui hi. 350 k*m, Nisibis pen Persia te khutnuai ah a tun ciangin Ephrem in Edessa gei aom, mi a tun khol lohna mualtungah amakia omin nakpitak in kidekna tawh a nuntakna kalsuan hi.
Tua munah Ephrem in Kha lam khantohna nading lai te leh Laisiangtho khiatna tampi gelhin om hi. Ephrem in Deacon a suah khit ciangin Siampi suah ding pen ama ii kiniamkhitna tawh nial hi. Ephrem in Edessa ah Pasian thu tangko zel aa, amanlo lamlahna te nialin Catholic upna pen hangsan takin kem in dal hi.
473 k*min Edessa ah kialpi tunga, mitampi te nek ding neilo in om uh ahih manin Ephrem in tua cimawh zawlkhal te huh ding leh panpihna nasep asem dingin amahlehamah ki piakhia hi. Tua bangin mizawngte a huhna ah Ephrem in a thaneih zah tawh hanciam in sem ahih manin a tha bei aa, ama om na mualtung suanghawm sung a tun zawh kha khat ciangin si hi.
Ephrem ii a lian pen minthanna in a siangtho Pasian phatna la te pen kikhopna, biakpiakna ah a zangh masa pen ahi hi. Tua ahih manin amah pen “Kha Siantho ii tumngai” ci-in minthang hi.
Misiangtho Ephrem aw….Kote adingin thu hong ngetsak tan.
, , , , , ,

POPE LEO XIV Kammal********" Tuhun ah athupi akisam mahmah thu in muhna thak te lahkhiat zawhna leh khangno te lungmuan ...
09/06/2026

POPE LEO XIV Kammal
********
" Tuhun ah athupi akisam mahmah thu in muhna thak te lahkhiat zawhna leh khangno te lungmuan na apia zo pilna tawh kisai kiciam nate ahihi. "



08/06/2026

Hun nautang nipi kaal (10) na sung, (9.6.2026)Tuesday
Lungdamna Laisiangtho (Mk 5:13-16) a bulphihin Rev. Fr.Maximian Mung Pi tungpan kha-ann vakna ngai ni.
,
,
,

08/06/2026

Catholic Nisim Lungdamna Laisiangtho.
Hun Nautang Nipi Kaal (10) Na.
9.6.2026 (Tue)
*****
Matthew 5:13-16
13. “Note in leitung’ ci na hi uh hi; ahi zongin ci in a alna bei leh, bangci bangin ki-alkiksak thei ding ahi hiam? A kimanna om nawnlo dinga, kibua khia-in mite in tuancil lel ding uh hi.

14. Note in leitung’ khuavak na hi uh hi. Mual dawn-a kilam khuapi kiliahcip thei lo hi.

15. Kuamah in meivak a vak khit ciangin lawh nuai-ah koih ngeilo hi. Inn sung khempeuh a taanna dingin meivak tunna tungah kikoihzaw hi.

16. Tua mah bangin mite in na gamtatna hoihte uh a muh uh ciangin vantunga om na Pa uh a phat theihna dingun mite’ mai -ah na khuavak uh na tangsak un.”

Hi in T**a' Lungdamna Laisiangtho ahi hi.

,
, , , ,

🛑 သံစုံသီချင်းပြိုင်ပွဲ Linkများ စုစည်းမှုသာသနာ့မျိုးစေ့ချပေးသောM.E.P ပြင်သစ်သာသနာပြုဘုန်းတော်ကြီးများနှင့် အတူလိုက်လာသေ...
08/06/2026

🛑 သံစုံသီချင်းပြိုင်ပွဲ Linkများ စုစည်းမှု
သာသနာ့မျိုးစေ့ချပေးသော
M.E.P ပြင်သစ်သာသနာပြုဘုန်းတော်ကြီးများနှင့် အတူလိုက်လာသော ဓမ္မဆရာများအား
ဂုဏ်ပြုသံစုံသီချင်းပြိုင်ပွဲများကို
အောက်ပါ Link များတွင်
အားပေးကြည့်ရှုနိုင်ပါသည်။
၁။ သံစုံသီချင်းပြိုင်ပွဲ၀င်အမှတ်(၁)
St. Jude's Parish
Laaitui
https://www.facebook.com/share/v/1CuhH382vH/
၂။ သံစုံသီချင်းပြိုင်ပွဲ၀င်အမှတ်(၂)
Holy Rosary's Parish
Saizang
https://www.facebook.com/share/v/1BF8FwzqQ3/
၃။ သံစုံသီချင်းပြိုင်ပွဲ၀င်အမှတ်(၃)
Sts. Peter & Paul's Church
Thazin, Kalay
https://www.facebook.com/share/v/1BcHZjmNAS/
၄။ သံစုံသီချင်းပြိုင်ပွဲ၀င်အမှတ်(၄)
Sacred Heart's Parish, Phai
https://www.facebook.com/share/v/1BBKchNjxQ/
၅။ သံစုံသီချင်းပြိုင်ပွဲ၀င်အမှတ်(၄)
St. Patrick's Parish, Khai Kam
https://www.facebook.com/share/v/1KuZkWgUqv/





Pilgrimage Visit of 13 Bishops and One Priest to Regensburg, Germany (June 7, 2026)******June 7, 2026 ni-in Kawlgam pan ...
08/06/2026

Pilgrimage Visit of 13 Bishops and One Priest to Regensburg, Germany (June 7, 2026)
******
June 7, 2026 ni-in Kawlgam pan Cardinal (1), Siampilian (12) leh Siampi (1) Germiny gam Regensburg ah June 7, 2026 ni-in nuamtak in pai thei uh hi.

A mauteng pen zannitak in Bishop Rudolf Voderholzer,
Bishop of Regensburg in mun thupi tengah a paipih kawi kawi khit cingin Nitak an nekpihna nei hi.

Tu tung Germany ah a pai thei teng
1. Cardinal Charles Bo
2. Archbishop Basilio Athai
3. Bishop Felix
4. Bp. Lucius Hre Kung
5. Bp Raymond Sumlut Gam
6. Bp John Saw Yaw Han
7. Bp Celso Ba Shwe
8. Bp Maurice Nyunt Wai
9. Bp Henry Eikhlein
10. Bp Lucas Dau Ze
11. Bp Augustine Thang Zawn Hung
12. Bp Noel Saw Naw Aye
13. Fr. Dominic Thang Suan Lang te ahi uh hi.
Hi bangin minam vai tawh hi lo-in Pasian thu hang tawh minam tuam tuam ki-it theihna len T**a Jesu hang ahi hi.

(Jn 13:35) na sunga T**a Jesu kammal ahi "Note khat le khat na ki-it uh leh, mi khempeuh in tua ki-itna hangin note ka nungzuite na hih lam uh hong thei ding uh hi,” a cih pen tu in leitung buopi ah T**a Jesu ii nung zui taktak te kua te a hi hiam cih hih (Siadaw) Siampilian te ii khualzinkhopna in ei mipite hong tel sak pha mahmah hi.

Siadaw te khualzinna ah Khasiangtho Pasian in a makaih den nangin thu ngetsak ciat ni.



POPE LEO XIV Kammal********" Pasian itna in mikhempeuh aading ahihi. Abeisa hun aa khialh na leh hamsat nate a om hangin...
08/06/2026

POPE LEO XIV Kammal
********
" Pasian itna in mikhempeuh aading ahihi. Abeisa hun aa khialh na leh hamsat nate a om hangin eite in Pasian aading amanpha mite ihihi. "



Siangtho Pumpi Pawi Ni (June 7, 2026)********Ei leitung mite in sih kuan kam vaikhakna te pen ki thupi sim phadiak hi. I...
07/06/2026

Siangtho Pumpi Pawi Ni (June 7, 2026)
********
Ei leitung mite in sih kuan kam vaikhakna te pen ki thupi sim phadiak hi. Ih Nu ih Pa, Ih Pi leh Ih Pu te lak pan a hong nusia sa tampi om kha ding hi. Tua te in a pumpi uh leitungah a om nawnloh uh hangin a tu, a ta te tung uh ah thu hilhna tampi na nei ding aa, tua thu hilhna te thupi sim in a nuntak pih mite aa dingin aNu aPa, a Pi aPu te uh a nungta lai mah tawh ki bang uh hi. Bang hanghiam cih leh a maute ii thu hilhna kammal te a tu, ata te lak ah mang thang lo-in, amau te in nuntak pih uh ahih man ahi hi.

Ahi zongin tua bangin kam vaikhakna te a thupi simlo, a zuilo te aa dingin aNu, aPa, aPi leh aPu te uh pen amaute nuntak na sungah om nawnlo in a mangthang hi ta uh hi.

Tua mah bangin eite in zong T**a Jesu ii hong vaikhak a kammal te thupi simin ih nuntak pih ding kisam pha mahmah hi. Ama hong kam vaikhak te a thupi sim lo, a zuilo mi peuh mah pen ama nung zui ki ci thei lo ding hi. Christian ki ci thei lo hi. Tua ahih manin T**a Jesu kammal a zuilo te pen Christian te a langpang te ki ci thei hi.

Tu ni-in T**a Jesu in (Jn 6:51) na sungah bang hong vaikhak hiam cih leh "Keimah in vantung pana hong k*msuk anungta Khomun ka hi hi. HIh Khomun a ne mia tawntungin a nungta ding hi. Hih Khomun in leitung mite nuntak na dinga ka piak ding ka sa ahi hi" ci-in limtak leh kician tak in thu hong vaikhak hi.

Tua banah (Jn 6:54) na sungah "Ka sa ne a, ka si a dawn peuhmah in nuntak tawntungna a ngah hi. Ni tawpni ciangin tua mi ka thukiksak ding hi" ci-in hong vaikhak hi.

Hi pen leitung mite cih hilo in T**a Jesu mahmah ii a cih ngiat, ei leitung mite in nuntak tawntung nopsakna ih ngah na dingin a hong kam vai khak, ih nek ding aa hong piak a thuthuk mahmah Siangthopumpi (T**a Jesu) ii Silesa ahi hi.

T**a Jesu thu gen te um ing a ci mite sung pan hih T**a Jesu ii kam vaikhak pen thupi sak mahmah in Nungzuipite hun pan ki pan tuni dongin nuntak pih uh hi. Lei tung bei dongin nuntakpih suak lai ding uh hi.

T**a Jesu um ing a ci Sanggam Christian dangte lek ah ih T**a Jesu ii kammal te a awlmawhlo, a thupi simlo leh a lang pang zong mi tampi om lai hi cih thu zong a ki phawk sak ih hi hi.

T**a Jesu ih up leh ama kammal te thupi sakin ih nuntak pih ding kisam pha mahmah hi. Tua ahih manin Siangtho pumpi ih san na pen T**a Jesu ii hong kamciam ahi tawntung nuntak nopsakna ngah na ding ahih na thu phawk ciat ni.

Christian nuntakna sungah a thupi pen pen in Siangthopumpi (T**a Jesu ii Silesa) san na ahi hi. Tua sangin a thupi zaw, a lian zaw Christian nuntakna sungah a dang bang mah om nawnlo hi. Bang hanghiam ciah leh (Jn 6:53) na sungah T**a Jesu in "Ken a man takpi kong genin ah, note in mihing Tapa sa ne lo-in, a si na dawn kei uh leh, note sungah nuntakna omlo hi" ci-in khauh takin hong khin hi.

T**a Jesu in cik mah hun in a kammal te laih ngei lo hi. Tang tung sak den hi. Tua ahih manin Siangtho Pumpi a sang mite khempeuh pen tawntung nuntak nopsakna a ngah ding a ki telsitset teng a hih lam Siangtho Pumpi Pawi ni in a ki phawk kik kik sak ih hi hi.




07/06/2026

Hun Nautang Nipi Kaal (10) na sung, Monday 8.6.2026
Lungdamna laisiangtho Mk 5:1-12 bul phuh in Rev.Fr. Paulinus Muan Lian tung pan kha-ann vakna ngai ni.



07/06/2026

Catholin nisim lungdamna laisiangtho simna
Hun nautang sungah nipi kaal (10) na ,
Lungdamna laisiangtho
Mt 5:1-12

Address

Thuriya Road
Kalemyo
02091

Website

Alerts

Be the first to know and let us send you an email when R V A Tedim Chin Service posts news and promotions. Your email address will not be used for any other purpose, and you can unsubscribe at any time.

Shortcuts

Share

Category