R V A Tedim Chin Service

R V A Tedim Chin Service RVA pen Pasian thu, Pawlpi thu leh Kalay Diocese tawh kisai a theihhuai thu te tangko na ahi hi.
(1)

29/09/2025

Misiangtho Jerome Pawini.
(September 30)
*****
Misiangtho Jerome in AD-347 k*min, Dalmatia khua ah suak hi. K*m 18 a phak hunin Rome ah tuisawpna ngah a, pilna tuamtuam sin hi. 374 k*m, nikhat Jerome nasiatak a ci nat laitak, T**a Jesu maiah thukhenna thuak dingin tung hi.

T**a Jesu in amah kua hiam cih a dot ciangin Jerome in Christian khat ahih na gen hi. Tua ciangin Pasian in nangin mikhem na hi hi. Nangin Cicero nungzui khat na hi hi. Bang hang hiam cih leh na lungsim in nang ii thupitsak mi kiangah om hi ci-in gen hi. Tua khit cingin Jerome in ama nuntakna Pasian nasepna sung ah piakhia hi. Syrian ah Pasian thu alungngaih khit ciangin Jerome in siampi suahna ngah a, Rome ah alianbel siampipa Damasus ii Asistant dingin sapna ngah hi.

Ama lungsim a zawh nading in laisiangtho leh Hebrew lai sin na tawh a hun zang hi. 385 k*min Bethlehem khua ah Laisiangtho Latin kam tawh letkhiatna ki pan a, k*m 40 sung khawl lo-in hanciam hi. Isaiah laisiangtho commentary sungah laisiangtho awlmawh loh na in T**a Jesu awlmawh lohna hi” ci-in ki gelh hi.

AD-400 k*min, Roma pan Bethlehem ah gal tai mi te Jerome in huh a, amau te kiangah “tu in ei te in laisiangtho, Pasian kammal te ih gamtat na tawh ih lak ding hi” ci-in gen hi. Jerome in nasep hanciam na, ki sikkikna tak tawh mawhnadan lohna te bawl in 420 k*min si hi.

Misiangtho Jerome aw…Ko te adingin thu hong ngetsak tan. Amen.




Gal aom na mun te ah kilemna leh Daihna aom theih nading October kha sung Catholic thuzui te tungah Nisim in khi khin di...
29/09/2025

Gal aom na mun te ah kilemna leh Daihna aom theih nading October kha sung Catholic thuzui te tungah Nisim in khi khin ding Pope Leo in hanthawn.

Pope Leo (14) in Pasian letsong hong piak kilemna te I nget na ding October kha sung khi khin ding thuzui te a han thawn khit teh,Tonu tung muanna leh zahtak semsem na ding Jubilee pawi ii deihna tawh October (11) ni St.Peter tualpi ah khikhin na omding ci in tangko khin hi.
Nu Catholic pawlpi in October kha pen khikhin kha ding in a ciapteh mAh bang in a diak in galtun na mun te ah kilemna leh Daihna aom nading leitungbup a om Catholic thuzui te in khikhin na tawh kipumkhat ni.
Pope Leo (14) in kalsim nilai ni mipi tawh a kimuh na ah hih thu te a tang ko khia hi.
Roma khua aom thuzui te in 2025, October (11)ni,nitak nai (6) in St.Peter tualpi ah kikaikhawm in khikhin ding hi.
" Maikha a ki pan Nisim khatta ahi zong,innKuan in a hi zong,kipawlna atuamtuam pan ahi zong kilemna ding in khikhin ni ci-in mimalkim Kong zawn hi" ci-in gen khia hi.
Pope in Vatican sunga om nasem teng in zong October kha bup sung hih st.Peter Biakinn pi sung ah nitak nai (7) hunta in khikhin den ni ci-in zawn khin hi.
Portugal pan hg Pai thuzui te kiang ah zong Pope Leo in"Sihtheih na ding ciangd**g a hong Piang kimuhdahna te in siatna Bek" hi ci-in khasiatak in gen hi.
Minam khempeuh khuavakpan in hong lam totna Pasian itna pen midang tetung ah Hawm khia tekni ci-in Christian khempeuh zong hong zawn hi.
Kilemna leh Daihna ding in khikhin na Hun pen October (11)-(12)ni pen Nu Tunu Maria pahtawina Jubilee Hun sung ah ki bawl ding hi.
Tua ni pen 1962 k*m , October (11) ni Pope St.John (23) in a phuat khiat Vatican II na council honpawi k*m (63) aci ni zong hi.
Fatima Tonu Lim pen tua khikhin na pawi Hun leh Nu Tonu Maria pahtawina Jubilee pawipi Hun te ah hih St.Peter tualpi ah ki koih ding hi ci-in Vatican thukizaksakna Zum pi pan in ki pulak hi.

News- Vatican News





Happy Feastday Rev. Fr. Raphael Khuppi. May God Bless You. (29.9.2015)******Tuni pen Rev. Fr. Raphael Suang Cin Khup ii ...
28/09/2025

Happy Feastday Rev. Fr. Raphael Khuppi. May God Bless You. (29.9.2015)
******
Tuni pen Rev. Fr. Raphael Suang Cin Khup ii Misiangtho Pawi ni hi. Ama Pasian nasepna te a tangzai zawh semsem nang thu ngetsak ciat ni.




Happy Feastday Rev. Fr. Gabriel Lianta. May God Bless You. (29.9.2025)*****Tuni Rev. Fr. Gabriel Suan Kap Lian ii Misian...
28/09/2025

Happy Feastday Rev. Fr. Gabriel Lianta. May God Bless You. (29.9.2025)
*****
Tuni Rev. Fr. Gabriel Suan Kap Lian ii Misiangtho Pawi ni hi. Amah pen St. Mary Cathedral Parish ah Assistant Priest a sep laitak ahi hi. Ama Pasian nasepna te a tangzai zawh semsem nang thu ngetsak ciat ni.




28/09/2025

Vantung mi te pawini. (Arch Angel)
September 29
*******
Kha bek anei vantungmi te in leitung aom ma pekin asang pen in Pasianin apiangsak te ahi uh hi. Amau te in pumpi nei lo in kha bek hi a, amau te’ nasep tawh kizui in Pasian in min pia hi. Kua in Pasian tawh kibang hiam cih min anei Michael in dawi te ado dingin sawlna ngah a, Pasian hih na a luhnuam Lucifer pen vantung gam nopsakna pan hawlkhiat ding za piak na ngah hi.

“Tua ciangin vantungah gal kidona piang a, Michael le a vantung mite in tua gulpi-ling-nei a do uh hi. Gulpi-ling-nei le ama nung a zui a vantung mite in zong a do thuk uh hi. Ahi zongin gulpi le ama nung a zui a vantung mite in lel uh a hih manin vantung gamah a omna ding mun ngah zo nawn lo uh hi”. (Rev 12:7-8). Vantung mi Michael in ih nisim nuntakna sungah satan tawh ih ki do na ah hong hun den hi. “Tua satan in nitawp ni ciangin gal lel ding hi”, (Rev 20:11).

Pasian vangliatna ahi vantung mi Gabriel in Pasian vangliatna a tangko dingin sawlna ngah hi. A mahin Tonu Maria kiangah T**a Jesu a suah na dingin thu aza sak vantung mi hi. Tonu in amah nungak siangtho ahih na agen ciangin vantung mi-in “Bang hang hiam cih leh Pasian’ aadingin ahi thei lo bangmah om lo hi”, ci-in dawng hi. (Lk 1:37). Vantungmi Gabriel in lungdamna thu a tangko te huh in lamet bei na tawh ih ki tuah ciangin hong huh hi.

Pasian siavuan pa cih min nei vantungmi Raphael in pumpi leh kha dam lo te a huh dingin vaipuak nei hi. A mah in Tobitas apai na lampi tawntungah kem in Tobias mopawi nitak in dawi khutsung pan hon khia hi. Tobit ii mit zong khua musak kik a, amah vantung mi ahih na a lah khit ciangin Tobit kiangah “kei mah in Raphael ka hi a, T**a’ minthanna mai-ah lutin, a dingden vantung mi sagihte’ lakah khat ka hi hi”, a ci hi. (Tobit 12:15).

Vantungmi Michael, Gabriel, Raphael te aw...Kote adingin thu hong ngetsak un.




28/09/2025

Hun Nautang Nipi (26) Na (28.9.2025) Sunday
*****
Tuni Lungdamna Laisiangtho (Lk 16: 19-31) na bulphuhin Rev. Fr. Joseph Zo Mung tung pan kha-an vak na ngai ni.





28/09/2025

Hun Nautang Nipi Kaal (25) Na (27.9.2025) Sat
*****
Tuni Lungdamna Laisiangtho (Lk 9: 43-45) na bulphuhin Rev. Fr. Maximian Pau Sian Mung tung pan kha-an vak na ngai ni.




27/09/2025

Catholic Nisim Lungdamna Laisiangtho.
Hun Nautang Nipi Kaal (26) Na.
28.9.2025 (Sun)
*****
Luke 16:19-31
19. “Khatvei lai-in mi haupa khat a om hi. Tua pa in manta meel puan le saihadial puan silhin nisimin noptatin an lim pente ne-in a om hi.

20. A kongpi gei-ah a pumtangin meima a vei Lazarus kici mizawng khat a lum hi.

21. Amah in mi haupa’ sabuai pana kia an nengte a duhgawh hi. Uite nangawn hong pai-in a meimate a liahsak uh hi.

22. Tua mizawngpa si-in, vantung mite in Abraham’ ang sungah a puak uh hi.

23. Mi haupa zong si-in a kivui hi. Hell gam meikuangpi sung ah gimna nakpi a thuak laitakin a khuadak leh a gal pekpekah Abraham le Abraham’ ang sunga om Lazarus a mu hi.

24. Tua ciangin amah in, ‘Pa Abraham aw, kei hong hehpih in. Hih meikuang sungah gimna nakpi-in thuak ka hih manin Lazarus in a khutme dawn tui ah diahin ka leii hong votsakna dingin ka kiangah hong sawl in,’ ci-in kiko-in a thum hi.

25. Ahi zongin Abraham in, ‘Ka tapa aw, nang na nuntak hun lai-in nopsakna na ngah khin zo a, Lazarus in ahih leh gentheih haksatnate a thuakna thu na phawk in. Tu-in ahih leh, amah in hehnepna a ngah kik hi. Nang na hih leh, nakpi-in gimna na thuak hi.

26.Tua tham loin nang le ko kikal ah guam thuk mahmah khat a om hi. Tua ahih manin hih santak panin nangma kiang ah a galkah nuamte in, hong galkah zo lo uh hi. Tua santak pan ko kiangah hong galkah nuamte in zong hong galkah zo kei uh hi,’ a ci hi.

27. Amah in, ‘Tua ahih leh pa aw, ka pa’ inn ah Lazarus nong sawlsak ding kong thum hi.

28. Bang hang hiam cih leh keimah in sanggam pasal nga ka nei hi. Tua ka sanggamte hih gim thuakna mun hong tun lohna dingun Lazarus in hong va hilhsakna dingin ka deih hi,’ a ci hi.

29. Ahi zongin Abraham in, ‘Amaute’ kiangah Moses le kamsangte a om uh hi.

30. Tuate’ thu ngai ta uh hen,’ a ci hi. Mi haupa in, ‘Hilo hi, pa Abraham aw, a sisate’ kiang panin amau’ kiangah khatpeuh va pai leh amaute kisikkik ding uh hi,’ a ci hi.

31. Abraham in ama kiangah, ‘Tuate in Moses’ thu le kamsangte’ thu a ngaih nop kei uh leh, a sisa khatpeuh a thawh kik hangin amaute in um zo tuan lo ding uh hi,’ ci-in a dawng hi,” a ci hi.

Hi in T**a' Lungdamna Laisiangtho ahi hi.

,
, , , ,

26/09/2025

Catholic Nisim Lungdamna Laisiangtho.
Hun Nautang Nipi Kaal (25) Na.
27.9.2025 (Sat)
*****
Luke 9: 43-45
43. Amaute khempeuh in Pasian’ vangliatna lamdang a sa uh hi.

44. Mi khempeuh in Jesu’ hihna khempeuh lamdangsa-in a phat laitakin a nungzuipite’ kiangah Jesu in, “Thu khat kong gen ding hi. Limtakin na ngai un: Mihing’ Tapa mite’ khut sungah kilehhek ding hi,” a ci hi.

45. Ahi zongin amaute in bang a cih nopna ahi hiam, cih a thei kei uh hi. Amaute’ theih loh dingin hih thu ki-im lai ahih manin amaute in a khiatna tel thei lo uh a, zong a d**g ngam kei uh hi.

Hi in T**a' Lungdamna Laisiangtho ahi hi.

,
, , , ,

Happy Birthday Rev. Fr. Joseph Kap Tung. May God Bless You. (27.9.2025)******Tuni pen Rev. Fr. Joseph Kap Tung Nung ii S...
26/09/2025

Happy Birthday Rev. Fr. Joseph Kap Tung. May God Bless You. (27.9.2025)
******
Tuni pen Rev. Fr. Joseph Kap Tung Nung ii Suahni hi. Ama Pasian nasepna te a tangzai zawh semsem nang thu ngetsak ciat ni,




26/09/2025

Catholic Nisim Lungdamna Laisiangtho Simna
Lungdamna Laisiangtho
Luke 9:18-22

Misiangtho Vincent de Paul Pawini.(September 27)*********Misiangtho Vincent de Paul in 1581 k*min, Piantit gam ah suak h...
26/09/2025

Misiangtho Vincent de Paul Pawini.
(September 27)
*********
Misiangtho Vincent de Paul in 1581 k*min, Piantit gam ah suak hi. Pilna sin a mankhit, k*m 20 a phak hunin, siampi ordination ngah a, Paris khua, mihau inn kuankhat ii siampi-in om in lungnoptak in a hun beisak hi. 1617 k*min, adam lo lokho mi khat ii mawhphelna a ngaihsak khit ciangin Piantit gam aom lokho te’ haksatna hoihtakin mu hi.

Tua hun sung mahin mizawng te huh ding leh siampi te a dingin ki piakhia hi. Tua k*m mah in Paris pan a gamla mahmah khua khat ah pai in tua ah Parish Priest sem hi. 1626 k*min, Vincent in Congregation of the mission kipawlna khat phuan hi. Tua ban ah mizawng te’ kha hotkhiat na ding leh pumpi ki sap na te avaan ding in hehpihna (Charity) cih kipawlna khat zong phuan khia hi.

1633 k*min, St. Loius huh na tawh nungak siangtho congregation khat phuan hi. A mahin tua te kiangah “ ei te vaipuak in thu dangdang te sangin mizawng te ading nasem ding a hih na, a zenzen in na thunget laitak in mizawng khat in zatui tawh ki sai huhna (ahih kei leh) adang huhna khat peuhpeuh hong nget leh na dang te sep bangin lungnuam takin sep na ding, ih nasep na te thungen bangin Pasian tungah ap ding cih te gen hi.

Vincent in Pasian hehpihna sang in Pasian mawhna dan piakna lau zawk nading, khua mi te abawlsia te thu hilh hi. 1660 k*min Paris ah si a, amah pen it na tawh ki sai nasep kipawl na te ahuh misiangtho in kiciamteh hi.
Misiangtho Vincent de Paul aw…Ko te adingin thu hong ngetsak tan.



Address

Thuriya Road
Kalemyo
02091

Website

Alerts

Be the first to know and let us send you an email when R V A Tedim Chin Service posts news and promotions. Your email address will not be used for any other purpose, and you can unsubscribe at any time.

Shortcuts

Share

Category