Zalen -Chin Edition

Zalen -Chin Edition Your Voice, Your News

12/08/2026

Ralhrang Ih Bomb Thlaknak Ruangah Rakhine Ram Ah Mithi Le Hriamtuar Mi 25 An Um

Tuluk-Myanmar Ramri Sumdawnnak Lamzinpi Thuhla NDAA Le Ralkap Cozah An Be Aw

American In Myanmarmi A Humnak TPS A Cem Ter===========August 12, 2026Zalen Chin EditionUS cozah in 2021 ih Myanmar rams...
12/08/2026

American In Myanmarmi A Humnak TPS A Cem Ter
===========
August 12, 2026
Zalen Chin Edition
US cozah in 2021 ih Myanmar ramsung buainak ruangah a lang teih humhimnak, Temporary Protected Status (TPS) immigration status in US ramsung ah um thei dingin an rak tawlrel sak. Himi TPS dinhmun hmangin Myanmar mipi 4,000 lenglo US ah an um.

Asina'n tu ahcun Myanmar ramsung thil umdan a ṭha deuh thlang ti'n US cozah lam in ruahnak an neih ruangah himi TPS dinhmun an cemter zo thu US Marine ah Buhmu (Major) tiang rak țuan dahtu Major Pu Patric Van Lian Uk in August ni 9, tihni ah khan a sim.

TPS cu anmah US cozah in a malbik thla 6 in k*m 1, k*m khat le hrek tiang dirhsau sak ding a tling maw tling lo ti kha a minung par ah zoh in an tawlrel sak țheumi a si. Kan dungk*m 2025, November ni 25 ah khan Myanmar ram mi hrang TPS țhan sak nawn lo ding in DHS department in an rak relcat cia zo.

2025, November thla ih an țhencat vek a sile 2026, January ni 26 ah khan Myanmarmi hrang TPS cu a rak cem zo.

Asina'n cucu Myanmar ram a țha hrih lo tiah Myanmar ram mipi lam in taza an cuai ih 2026, January ni 24 ah khan federal judge Mathew Kennelly in thuhla lairelnak tuahfel a si hlan sung TPS humhimnak a ngahtu pawl US ihsin dawisuak an si lo ding tiah thukhiahnak a rak tuah ve.

Amah lawngte Donald Trump le DHS department țangkop in Supreme Court ihsin vote 9 sung ih vote 6 hmang tahrat in thuțhenfel a si hlan lo hnawl a theih lo timi kha 2026, June 25, kan dung thla ah khan an rak tawp ter mai.

Curuangah case thawn direct a pehpar awmi Haiti le Syria pawl ih TPS cu a cem cih ve. Cuvek in Myanmar rammi hrang an pekmi TPS khal Supreme Court ih lairelnak rel theih a si lo ruangah a cem zo vek ah a cang ih, Myanmar rammi țanpitu Judge khal in țuanvo a lak thei nawn lo ruangah, 2026, August ni 7 ah khan an tawp ter ve phot cu a si.

Major Patric Van Lian Uk cun "Mani tihni ah Kawlrammi hrang TPS a um nawn lo si ko. Asina'n a nithla a cem ruangah dawi cih lo in caan cu in pek ko ding. Ziangcan tiang US na um thei tivek cu ca in kuat ko ding" tiah a sim a si.

2026, January ni 12 ah khan US ih Republican party le Democrat party kaphnih lungkimnak thawn US Hlutdaw ah Myanmar rammi hrang TPS thla 18 țhan sak ding timi cu thuhla an rak thunlut dah. Hih thuhla cu HR 7014 tiah an ko ih US Hlutdaw in an lungkimpi hnu ah President hnen an kuat hnu President in hmin a khen hnu lawngah a nung dingmi a si. Curuangah "Tumtahnak" timi dinhmun fang ah a tang ringring lai.

Curuangah US ah TPS thawn a ummi Myanmar rammi pawl hrang ahcun US luhnak san pawl thleng a țul thlang. Asylum ah thlengawknak, Innsang thupoi ah thlengawknak, Lawyer bawmtu țha hawl thok,tvk,. in mahte ciar tawlrel sin ding lawng a tang thlang ti a si.

US cun Myanmar tel in ram farah deuh pawl cu TPS bomnak ihsin a thursuak vivo zo. A hrimhrim ah, US president cun ram harsa ih a ratu bomnak hrang rampi sumpai tamtuk hman a țul tiah a ruah ruangah a si bik tiah zumnak a um ih khatlam ah Myanmar ram ramsung boruak dik tak US cozah hnen a thleng thei lo ruangah ti tla in ruahnak pawl a um a si.
ZLC2

Ahlankhan Ih Trump Cangan Siar Duh Ah Thlatin Dollar Ting 1 Luan Petu Company 10 An Um Zo============August 12,2026Zalen...
12/08/2026

Ahlankhan Ih Trump Cangan Siar Duh Ah Thlatin Dollar Ting 1 Luan Petu Company 10 An Um Zo
============
August 12,2026
Zalen Chin Edition
American President Trump neihmi Truth Social Media ih canganmi pawl kha mihlan ah siar a duhtu company 10 luan in thla 1 ah US dollar ting 1 luan an pe rero zo a si.

Trump media company cun Truth API tiah an kawhmi hih service cu tui thla, August thlathar ah khan hmeltheihnak a rak tuahmi a si.

Hih Service cun social media par ah huham a neizettu milar pawl ih catar pawl kha World Trade sumdawng pawl in hmaisabik an siar thei ding a tawlrel sakmi a si.

A thoktiir phohte pawl cu High-frequency trading (HFT) company pawl an si ih thlakhat ah American Dollar 60,000 in Ting 1 tiang an pe tiah a lang teih CEO a țuan saktu Gavin Macgan in a sim.

Trump cun ama'i social media ihsin market a hnin ter theimi thusuah pawl a than țheu ruangah hih service hin sumpai phum in sum a dawngtu pawl hrang share an zuar tikah țhathnemnak tampi a suahpi thei an ti.

Asina'n Trump le a sungkua in Trump Media ih neihsiah share tam sawn an kaih ruangah President pakhat in mipi hrambum thuhla pawl thehlaarnak in a hlawk hawl a țha maw țha lo timi daan le nuncanlam zulhphung ah thusuhnak tampi a suah ter ve thung.

August ni 10 ni ah an suahmi Trump Media sumlut cazin ah cun April thla in June thla tiang ah American Dollar million 238 a sung zo tiah a lang ih kan dung k*m thawi tahțhim a si tikah sunralnak a let 10 lai a kaiso tiah theih a si.
ZLC2

12/08/2026

Kalay Ah Datsi Man A Kai Deuhdeuh.

Columbia Linghnin Ah Mi 130 Luan Thi.

Tuluk-Myanmar Ramri Sumdawnnak Lamzinpi Thuhla NDAA le Ralkap cozah an be aw===========August 12, 2026Zalen Chin Edition...
12/08/2026

Tuluk-Myanmar Ramri Sumdawnnak Lamzinpi Thuhla NDAA le Ralkap cozah an be aw
===========
August 12, 2026
Zalen Chin Edition
Tuluk-Myanmar ramri pursum leilawnnak lamzinpi thuhla ah Maila ih NDAA thawn an be aw tiah Naypyidaw in thu a than.

Naypyidaw ah National Democratic Alliance Pawlkom-NDAA chairman U Țhein Lyn hohami palai pawl cun U Min Aung Hlaing thawi’ an tonawknank BBC in a tarlang.

1027 operation ruangah saklam Shan ram ah uknaklam thlengawknak nasa zet a suak ruangah Muse ih peng 105 pursum leilawnnak lamzinpi feh an colh laifang ah Maila in caanțha lak in Naypyidaw thawn sumdawng ding lamzin a rak hawlmi a si.

A tak ram ah cun Maila ihsin Tuluk ram tiang sumdawnnak cu lamzin a hlat tuk ruangah cemheu a tam ih caan a heu tuk ruangah thilphurhmi quality khal a tlaniam țheh tiah sumdawng pawl cun an ti.

Maila lamzinpi zawh in Fanghma le Dawnfawh hi a bik in an phurhmi a si ih tui țum thlaithar tikcu ahcun lamzin harsatnak pawl ruangah a phurtu an mal zet tiah an sim.

Tuluk ram ah thingtheirah phurtu sumdawng pakhat cun "Maila lamzin cu a hla tuk ih thingtheirah pawl an vuai duh zet. Muse lamzinpi ong hai sehla lothlo hrang le sumdawng hrang ah a țha sawn" tiah a ti.

Hihi Naypyidaw in thilri lutsuak nasa tuk a reknak policy thawn a pehpar aw tiah sumdawng pawl cun an ti. Lamzin a hlat rualrual in thil phunkhat lawng ramri kuat a si tikah feh le tlunnak ah a let in a cem thu tla an sim.

"A tu cu Maila lamzin lawng kan ring. Hih lamzin zawhman an țhum lawngah cemheu a mal ding" tiah Myanmar ram thingtheirah lam sumdawnnak chairman U Sai Khin Mg in a sim.

Muse 105 lamzinpi ihsin cu saklam Shanram suak thilri pawl lawng an phur thu sumdawng pawl in an ti.

Taluk ram, Yu Nan ramkulh thawi a dai awmi Myanmar ramsung Maila sehvel cu NDAA ih humhalhmi ram a si ih rampi thuneihnak a lak țheh hrawng, a tir ihsin Naypyidaw thawn pehzomnak an rak nei ringring zo.

Maila palai pawl, tui țum Naypyidaw an feh tikah ralkap council ih remdaihnak tawlreltu pawlkom NSPNC thawn an tonawk hnu Min Aung Hliang thawn tla a hran te'n tong aw in tualsung remdaihnak thuhla an relkhawm tiah thusuah an than a si.

A tufang ah cun UWSA hohami Ramdinkhawm Remdaihnak Relkhawm Committee-FPNCC ih pawlkom 7 sung ihsin UWSA, NDAA, SSPP le TNLA tiah hriamkai pawlkom 4 Naypyidaw ah ralkap cozah thawn an tong aw rero zo.

Kokang ralkap MNDAA khal tu August thla, a zarh hnihnak ah ralkap thawn an tong aw ding tiah a hlankhan in thuthang a suak cia zo.

FPNCC sung ihsin KIA le AA lawngte a tu tiang ralkap thawi tonawknak an nei lo ih hivek thuhla lam theih ding khal a um hrih lo a si.
ZLC2

Colombia ram linghnin ah minung 250 luan an thi zo======August 12, 2026Zalen Chin Edition America khawmual Colombia ram ...
12/08/2026

Colombia ram linghnin ah minung 250 luan an thi zo
======
August 12, 2026
Zalen Chin Edition
America khawmual Colombia ram ah August 10 ni zinglam in magnitude 7.4 ih na in ling a hnin ih tutiang ah mithi 254 an um zo thu theih a si.

Colombia ram, linghninnak thu an suah dan ah mani August 11 ni tiang ling a hnin biknak Perrira khawpi ah mi 101 an thi ih Khawpi tumbik sangtu Cali ah mi 95 an thi a si. Perria khawpi inn cimlak ih n**i 36 sung hrantang nunau pakhat khal August 11 niah an run suak thei.

Columbia ram umnak hi linghnin theinak, lungtlep pawl tonawk khawmnak hmun ih um a si konan ling a hnin tik ah leilung sung thuk ah a rak hrual aw ih minung tlanlennak leitlun a rawng thlen cun a tha nat ding zat a ṭhum aw thluh tiah an rel. Aliam cia k*m 100 sungah 7.0 tlun ih na in ling a hnin tuk lo ih tui ṭum linghnin ruangah tlawnginn, sizung le mipi inn pawl an siat tam zet a si.
ZL 0009

12/08/2026

Ralhrang Ih Bomb Thlak Ruangah Mi Pahnih Hriamtuar.

Hakha Khah-Lah-Yah 266 Ih Ralhrang 200 Hrawng In Falam Lam An Pan Leh Sal.

Zokhawthar ah Myanmar rammi Pahnih Hnen in Bing 65 gram Kai==========August 12, 2026Zalen Chin EditionMyanmar-India ramr...
12/08/2026

Zokhawthar ah Myanmar rammi Pahnih Hnen in Bing 65 gram Kai
==========
August 12, 2026
Zalen Chin Edition
Myanmar-India ramri, Mizoram, Zokhawthar kiang Vang Kai ah August ni 10 ni, zaanlam n**i 7:30 hrawng ah Myanmar rammi pahnih hnen in He**in Bing 65 gram cu Zokhawthar palik in an kai.

Zokhawthar palik zung ih dutytu palik pawl cun Myanmar ram lam in a ra luttu, Ṭio ih um k*m 38 mi Biakchawimuana le k*m 36 mi Rodinlian cu rinhelhnak an nei ih an check tikah an zaal sungah bing 65 gram an hmuhmi a si.

An kaihmi Bing man cu India Rupee 12,400,000 hrawng a si ih cuih ritthei si phurhnak ah an hmanmi 125 Kenbo motor cycle, Redmi 9 phone le Vivo 2027 phone pawl khal palik in an lak cih.

Palik in thuhla an sutfel bet tikah cuih bing pawl cu Zokhawthar ah a ummi k*m 36 mi Zirsangzeli hnen pek ding ah an phurhthu an thei bet.

Curuangah Zokhawthar palik cun Zirsangzeli khal a ma'i umnak a inn ah an va kai ih a hmanmi Samsung Galaxi A17 phone pakhat tla an lon sak cih.

Hih țum an kaihmi mi pathum cu Zokhawthar palik in case number 43/2026, August ni 10 tiah ND&PS Act 21(b)/25/29 le daan lo ih ramdangmi luhnak ,Immigration & Foreigners Act, 2025, Act 21 vek in case an phuan sak tiah theih a si.
ZLC2

Champhai Tlangsam khua ah Tanki Tifainak ah Mi 2 Thi=============August 12, 2026Zalen Chin EditionChamphai khuapi kiang,...
12/08/2026

Champhai Tlangsam khua ah Tanki Tifainak ah Mi 2 Thi
=============
August 12, 2026
Zalen Chin Edition

Champhai khuapi kiang, Tlangsam khua ah tu zingah Tanki thianfai ding ah mi pahnih an lut ih an dai khepkhi ruangah runsuak ding ah mi pakhat a lut leh.

Tanki a luttu mipathum lak ah mi pahnih cu sizung ah an hei panpi hnu ah an thi.

A thitu mi pahnih tla cu Vanlalpeka le runsuak ding a luttu Lalengmawia tla an si. Thuthang
ZLC2

Syria President Hlun Basher al-Assad Thihdaan An Tat=============August 12,2026Zalen Chin EditionSyria president hlun Ba...
12/08/2026

Syria President Hlun Basher al-Assad Thihdaan An Tat
=============
August 12,2026
Zalen Chin Edition
Syria president hlun Basher al-Assad cu Syria thuțhenzung in August ni 11 ah khan thihdan an tat.

Thuțhenzung cun Assad cu mi a thahnak, mi a hremnak le milai canpual buarnak thubuai pawl ah sualnak a tuahmi a fiang tiah an hmuh ruangah thihdan an bun sakmi a si.

Hih thubuai ah hin Assad ih naupa Masher al-Assad le an sungkhat pa Atef Najiib te pahnih khal thihdan tatnak ah an telh cih.

Hih thuțhennak ah hin Atef Najiib pawl thuțhen zung ah a rak um ih a thupibik ih an retmi Syria President hlun Assad le a naupa cu ramleng an rak um zo ruangah hmel hmuhlo thihdan an rak pek ciami a si.

Bashar al-Assad cu 2000 k*m ah khan Syria ram President a țuan thok ih k*m 24 sung rori thuneihnak a rak kai. 2024 ah cun a thuneihnak a tlak sal ruangah a sualman hrial ding in Russia ah a rak tlan tiah ramleng thuthang pawl in an rak ngan.

A tui thuțhenzung ih thihdan lairelnak cu Syria ram sung ral a can lai ih mi nunnak tampi a philmi le milai canpual a buarnak pawl par ah mawhphurhnak cawhkuan thupi zet a si tiah ramtin thuthang pawl in an tarlang a si.
ZLC2

Address

Kalemyo

Website

Alerts

Be the first to know and let us send you an email when Zalen -Chin Edition posts news and promotions. Your email address will not be used for any other purpose, and you can unsubscribe at any time.

Shortcuts

Share

Category