Zalen -Chin Edition

Zalen -Chin Edition Your Voice, Your News

Kalay khawpi ah ralkap țuan ding in mikaih an hrang sinsin========June 11, 2026Zalen Chin EditionKalay khawpi ah ralkap ...
11/06/2026

Kalay khawpi ah ralkap țuan ding in mikaih an hrang sinsin
========
June 11, 2026
Zalen Chin Edition

Kalay khawpi ah ralkap council cun ralkap țuan dingah hranhram in vengtin ah mi an kai zok rero.
Khawpi sung veng tin ihsin nikhat lawng rori ah mi 30 lai ralkap dingah kaih an tong. Ralkap cun a hlan ih an umnak kel lawngah si nawn lo in khawpi sung veng tintian ah mi an bawh.

Ralkap uniform khal hruh lo in mipi vek in an cangvai, kawr tlunthuah dum le jean bawngbi an hruh; mikharh hman an bun lailai. Cun an meithal an keng ih zinkap, thingkung phen tivek ah an relh. An kaih duhmi mino pawl an hmuh veten mithal in an tin hngal. An hmai an tuam ih an mitte lawng an ti lang. Khawpi sung veivah tik ah ralrin a țul zet a si.
ZL567

Rev Dr Hre Kio in Falam tlunnak hrang hlu========June 11, 2026Zalen Chin EditionRev Dr Stephen Hre Kio in Khua dangdang ...
11/06/2026

Rev Dr Hre Kio in Falam tlunnak hrang hlu
========
June 11, 2026
Zalen Chin Edition
Rev Dr Stephen Hre Kio in Khua dangdang ih raltlan pawl Falam tlun salnak dingah mmk ting 120 bomnak a pek thu Falam Return info in thu thannak an nei.
CNO le a ṭuanpi hriamkai pawl thawn 2025 April 7 niah Falam peng an rak uk thei nan thla ruk sung ralhrang thawn doawknak an neih hnu 2026 April 25 niah ralhrang in Falam khawpi an la thei sal. Cu tin Falam khawsung mi le Falam peng milesa pawl cu Kalay , Ṭio, Hakha le Mizoram lam ah ral an tlan. May thla thok in Non-CDM pawl ralhrang in an luh ter hnu tucun Falam ah mipi thawng siar in an lut rero thlang asi.
ZL 0016

Ralhrang 200 luan Thantlang khawpi lut zurzo=========June 11, 2026Zalen Chin EditionHakha khawpi ih um Kly 266 in ralhra...
11/06/2026

Ralhrang 200 luan Thantlang khawpi lut zurzo
=========
June 11, 2026
Zalen Chin Edition
Hakha khawpi ih um Kly 266 in ralhrang 200 luan lai cu Thantlang khawpi ah tluang ten an umnak dingah bu an khuar thei sal zo.

June ni 4 ni in ralhrang pawl cu mawtaw pa 4 ah ralkap 200 luan phur in Thantlang lam an pan ih mani ah Thantlang khawpi tluang ten an lut thei a si. Thantlang le Hakha karlak ih C3 tlang le Auto tlang pawl ih um hmun khuar Chin ralkap pawl cu ralhrang pawl ih do tuar lo ah an umnak an suah san thluh zo.
Hi Thantlang ra thleng ralhrang pawl hi ralkap sung thleng awknak tuah ding ih ra maw Thantlang peng sung ih an hloh zo mi hmunram lasal ding in ra an si ti theih asi lo.
ZL 0016

K*mkhat sung lawngah Nuclear ralthuam 100 billion luan man tuah=========June 11, 2026Zalen Chin EditionLeitlun huap ih N...
11/06/2026

K*mkhat sung lawngah Nuclear ralthuam 100 billion luan man tuah
=========
June 11, 2026
Zalen Chin Edition
Leitlun huap ih Nuclear ralthuam tuahnak hrang US dollar 119 billion an hmang ih san thuanthu ah 2025 k*m hi Nuclear ralthuam tuahnak hrang sumpai an hmang tambik k*m a si.
Leitlun ih Nuclear nei ram 9 pawl in k*m dang ai 2025 k*m sungah an nuclear ralthuam tuahmi an ṭhan cio. Nuclear ralthuam tuahnak ih sumpai a feh vivo cun minung humhimnak hrang a ṭihnung um ih ralthuam rinsan zawng in feh duh a um lo tiah ICAN in an tar.
ZL 0016

Philippines ramdang palai le EAO hraimkai tong aw ding=========June 10, 2026Zalen Chin EditionMyanmar ram sung ih tlangp...
10/06/2026

Philippines ramdang palai le EAO hraimkai tong aw ding
=========
June 10, 2026
Zalen Chin Edition
Myanmar ram sung ih tlangpar hriamkai pawl ziangvek dinhmun an si, ziang tin kan bawm thei ding tipawl reltlang ding ah hriamkai pawl thawn tonkhawm thurel tlangnak kan nei cing ding tiah Philippines ramdang palai ṭuantu Tess Parreno Lazaro in a rel.
Philippines ram dang palai ih a ton ding mi hriamkai bu le an tonawk ding ni theih a si hrih lo. January thla khal ah Myanmar ramsung ih hriamkai ṭhenkhat pawl thawn Philippines ram Manila khawpi ah tonkomnak an rak nei dah.
ZL 0016

Mani ih linghnin ruangah mi 37 thi, mi 500 kiangkap in hriam tuar=========June 10, 2026Zalen Chin EditionPhilippine ram ...
10/06/2026

Mani ih linghnin ruangah mi 37 thi, mi 500 kiangkap in hriam tuar
=========
June 10, 2026
Zalen Chin Edition
Philippine ram ah mani zinglam ih linghnin ruangah mi 37 tiang mithi an pung ih mi 500 kiangkap siatsuah aw an um a si tiah Philippine thuneitu lam cu thuthang an suah.
Mithi an pung sinsin ding cu kan beisei lo zet. Tuini cu runhimhna lam a hleice in kan țuan ding tiah Bernardo Alejandro cun DZMM radio hnenah a sim.
ZL007

Mindat cu Ralkap jet fighter 12 rual in ni 4 sung bomb an thlak=======June 10, 2026Zalen Chin EditionChin ram thlanglam,...
10/06/2026

Mindat cu Ralkap jet fighter 12 rual in ni 4 sung bomb an thlak
=======
June 10, 2026
Zalen Chin Edition

Chin ram thlanglam, Mindat khawpi cu ni 4 sung a zonzon in ralkap jet fighter 12 rual in bomb an thlak ih an do. June 8, zinglam n**i 7 le hrek hrawng ah le 11 hrawng ah Jet fighter 4 in țum 6 bomb an thak.

Kan dung June 7 khal ah ralkap jet fighter 4 in Mindat khawpi a do ruangah inn 10 lenglo an siat țheh. Cuih hleiah June ni 2, 5 le 5 ti pawl ah jet fighter hmang in bomb an rak thlak rero zo.
ZL567

Buchuk Aung San zuk lem tuah mi siatsuah lala=========June 10, 2026Zalen Chin EditionPagu ramṭhen, Ṭaungngu khawpi ah Mi...
10/06/2026

Buchuk Aung San zuk lem tuah mi siatsuah lala

=========

June 10, 2026

Zalen Chin Edition

Pagu ramṭhen, Ṭaungngu khawpi ah Min Aung Hlaing a feh hnu Buchuk Aung San zuklem an tuah mi ralhrang pawl in an siat suah.

June 6 nikha Ralhrang bawi Min Aung Hlaing , A nupi le ralbawi Ye Wan U tei pathum cu Ṭaungngu khawpi an va feh ih nili liam hnu ah Taungngu khawpi, 17 veng ih um Buchuk Aung San zuk lem, pi 15 tluk ih sang cu ralhrang pawl in June 10 niah an bal siat thu theih asi.

Hi zuk lem hi 2016 ah Buchuk Aung San k*m 101 a suahcam ih an tuah mi asi. 2025 August 7 ni khal ah Pagu khawpi lai ih um Buchuk Aung San lem cu ralhrang lam in an rak siat suak zo asi.

ZL 0016

Haikhawl le Minhla ah Chin Synod tlawng thar hlannak nei=======June 10, 2026Zalen Chin EditionPCM Chin Synod in Lairawn ...
10/06/2026

Haikhawl le Minhla ah Chin Synod tlawng thar hlannak nei
=======
June 10, 2026
Zalen Chin Edition
PCM Chin Synod in Lairawn ih Haikhawl le Minhla khua ah tlawng an din mi cu tuini June 10 ni ah tualsung kawhhran Committee, Synod tlawng committee le tlawngta nauhak pawl thawn Pathian hnen ah apnak an nei a si.
Khua hnih kom in zirhtu le tlawngta hi mi 496 an um ih Haikhawl ah zirhtu 9 nei in tlawngta mi 136 an um. Minhla ah zirhtu 11 nei in tlawngta mi 340 in tlawng an kai rero lai a si. Haikhawl tlawngah phun 8 tiang a um thu theih asi.
ZL 0009

K*m 15 sungah Kachin ramah minung 3,000 luan thi=========June 10, 2026Zalen Chin Edition June 9 ni hi Kachin ram sung ra...
10/06/2026

K*m 15 sungah Kachin ramah minung 3,000 luan thi
=========
June 10, 2026
Zalen Chin Edition
June 9 ni hi Kachin ram sung ralbuai salnak k*m 15 kimcam a si.

2011 k*m in Kachin ram sungah KIA le Kawl ralhrang pawl kahawknak a suah sal hnu tui’ ni tiang ah daih lam a pan thei lo.

K*m 15 sung an doawk sungah minung 3,000 hrawng an thi zo ih mi ting hnih hrawng raltlan in an um thu World Kachin Congress (WKC) in thu an suah.

Ralhrang in mipi thahnak ih an hmang mi hriamhrei le vanzam alhti pawl an hnen ih lut thei nawn lo ding ih tuah ding ah le ramkhel thu le sumpai lam ah nasa te’n nor dingah WKC in an dil.
ZL 0016

Address

Kalemyo

Website

Alerts

Be the first to know and let us send you an email when Zalen -Chin Edition posts news and promotions. Your email address will not be used for any other purpose, and you can unsubscribe at any time.

Shortcuts

Share

Category