26/05/2025
ဒီသံမဏိကြိုးကို Aircraft carrier arresting cable လို့ခေါ်ပါတယ် ။ လေယာဉ်တင်သင်္ဘောတွေပေါ်မှာ လေယာဉ်တွေ ဆင်းသက်တဲ့အခါ လျင်မြန်စွာ ရပ်တန့်နိုင်ဖို့ အသုံးပြုတဲ့ အဓိကအစိတ်အပိုင်းတစ်ခုပါ။
ဒီ cable တွေကို လေယာဉ်ဆင်းသက်တဲ့ နေရာ (flight deck) ပေါ်မှာ ဖြတ်ပြီး တန်းထားပြီး၊ လေယာဉ်ရဲ့ အနောက်ဘက်မှာ တပ်ဆင်ထားတဲ့ tailhook နဲ့ ချိတ်မိအောင် လုပ်ထားပါတယ်။
လေယာဉ်တစ်စီး လေယာဉ်တင်သင်္ဘောပေါ်ကို ဆင်းသက်တဲ့အခါ tailhook က cable တစ်ခုကို ချိတ်မိပြီး၊ လေယာဉ်ရဲ့ ရှေ့သို့သွားတဲ့ စွမ်းအင် (kinetic energy) ကို cable ကနေ hydraulic system ဆီသို့ လွှဲပြောင်းပေးပါတယ်။
ဒီလိုနဲ့ လေယာဉ်ကို ၂ စက္ကန့်အတွင်း ၃၁၅ ပေ (၉၆ မီတာခန့်) အကွာအဝေးမှာ ရပ်တန့်စေနိုင်ပါတယ်။ ဥပမာ- အလေးချိန် ၅၄,၀၀၀ ပေါင် (၂၄,၅၀၀ ကီလိုဂရမ်) ရှိတဲ့ လေယာဉ်တစ်စီးကို တစ်နာရီ ၁၅၀ မိုင် (၂၄၁ ကီလိုမီတာ) နှုန်းနဲ့ ရပ်တန့်နိုင်ပါတယ်။
Arresting cable တွေကို သံမဏိနဲ့ ပြုလုပ်ရတာက သံမဏိမှာ မြင့်မားတဲ့ ဆန့်နိုင်အား (tensile strength) နဲ့ အနည်းငယ် ဆန့်နိုင်မှု (elasticity) ရှိလို့ပါ။ ဒါကြောင့် လေယာဉ်ရဲ့ အလျင်ကို ခံနိုင်ပြီး ရုတ်တရက် မပြတ်တောက်ပါဘူး။
လေယာဉ်တင်သင်္ဘောပေါ်မှာ ဆင်းသက်ဖို့ လမ်းပြေး (runway) အကျယ်ဟာ ၅၀၀ ပေ (၁၅၀ မီတာခန့်) ပဲ ရှိတာကြောင့် ဒီလို စနစ်မရှိရင် လေယာဉ်ကို ရပ်တန့်ဖို့ မဖြစ်နိုင်ပါဘူး။
ဒီသံမဏိကြိုးကို တွေကို ၁၂၅ ကြိမ်ခန့် အသုံးပြုပြီးတိုင်းမှာ အသစ်လဲလှယ်ရပါတယ်၊ ဘာကြောင့်လဲဆိုတော့ သတ္တုပင်ပန်းမှု (metal fatigue) ကြောင့် အားနည်းလာနိုင်လို့ပါ။
ဒီကြိုးတစ်ချောင်းရဲ့ ကုန်ကျစရိတ်က ဒေါ်လာ ၁သန်းခွဲ မြန်မာငွေ သိန်း ၆သောင်းကျော်လောက်ကျသင့်တာမို့လို့ ကမ္ဘာ့စျေးအကြီးဆုံး သံမဏိကြိုးလို့ သတ်မှတ်ရမှာပါ ။
