https://www.facebook.com/102815064781349/

LivelyPk Lane, Yangon (2025)

25/07/2025

“တယ်နိပ်တဲ့ မြာကလေး” ပါလား မေ…..

14/07/2025

crd……

24/06/2025

“အလွမ်း၌သာ
ခြေထောက်ပါလျှင်
ခြေရာ ရင်၌ထင်စေသတည်း”
..………………………………………..
ဖော် ကွာ ဝေး - မင်းလူ

13/05/2025

စက္ကူပန်းလေးတွေကိုပဲ ဆက်ချစ်နေပေးပါ

“ရနံ့မရွေးဘူးဆိုရင်တော့
စက္ကူပန်းလေးတွေကိုလည်း ခင်ဗျားချစ်လို့ရပါတယ်” လို့ ကျွန်တော်ပြောဖူးတယ်နော်
တကယ်က ကျွန်တော်လည်းသိနေတာပဲလေ
စက္ကူပန်းလေးတွေကိုချစ်ပေမယ့်
ဘယ်သူမှတော့ ခေါင်းပေါ်မပန်ကြဘူးမဟုတ်လား
ချစ်တယ်ဆိုတဲ့ အနေအထားဟာ
ဟိုးအဝေးက တောင်တန်းပြာတွေကို ချစ်သလိုမျိုး
စိမ်းမြမြမြက်ခင်းကျယ်တစ်ခုကို ချစ်သလိုမျိုး
သူ့သဘာဝ သူ့အရှိတရားကိုပဲ ချစ်တာပါ။

“ချစ်တယ်” လို့ပြောရုံနဲ့
ဘဝနှစ်ခု ချိတ်ဆက်ချင်တယ်လို့ ရည်ရွယ်တာမျိုး မဟုတ်ဘူး
“ချစ်တယ်” ပြောရုံနဲ့
တစ်ယောက်ဘဝထဲ တစ်ယောက်ခုန်ဝင်ချင်တာမျိုး မဟုတ်ဘူး
ဖြူစင်တဲ့ မေတ္တာလို့ပဲ ရည်ညွှန်းရမလား
ပိုင်ဆိုင်လိုစိတ်မပါတဲ့ ချစ်ခြင်းလို့ပဲ ပြောရမလား
ချစ်တယ်ဆိုတာနဲ့ပဲ
ကျွန်တော့်အနားရောက်အောင် လာမှာပါလို့ မျှော်လင့်ခဲ့ဖူးတယ်
ကျွန်တော့်ဘဝကို အုပ်မိုးကာကွယ်ပေးမယ်လို့ ထင်ခဲ့ဖူးတယ်
အခုတော့ ကျွန်တော် သိပြီလေ
အစ်ကို ကျွန်တော့်ကို ချစ်တာ
စက္ကူပန်းလေးတွေကို ချစ်သလိုမျိုး
မိုးရွာပြီးစ ပေါ်လာတဲ့ သက်တံတစ်ခုကို ချစ်သလိုမျိုး
အလှကြည့်နေချင်ရုံသက်သက်လောက်ပါပဲ။

ဘယ်တော့မှ ကျွန်တော့်ဘဝထဲ ဝင်လာမှာ မဟုတ်သလို
ဘယ်တော့မှလည်း အစ်ကို့ဘဝထဲကိုဆွဲခေါ်မှာမျိုး မဟုတ်ဘူး
အစ်ကိုပြောတဲ့ အများကြီးချစ်တယ်ဆိုတဲ့ စကားကို အခုနားလည်ပြီ
ဘယ်ပုံဘယ်နည်းနဲ့ ကျွန်တော့ကို ချစ်ခဲ့လဲဆိုတာ သိပြီ။
အခုနေ အစ်ကို့ကို မုန်းနေသလားလို့ မေးလာရင်
“အဆင်ပြေရင်
စက္ကူပန်းလေးတွေကိုပဲ ဆက်ချစ်နေပေးပါ…”
လို့ဖြေမိမယ်။
—————————————————————-
ချန်ထားရက်လေသော
ဖရော်ဆန်

(မှတ်ချက်။။စာရေးသူသည် မန္တလေးတွင် အချိန်အတော်ကြာ နေထိုင်ခဲ့သော အမျိုးသမီးတစ်ယောက်ဖြစ်သည့်အတွက် “ကျွန်တော်” ဟူသော နာမ်စားကို သုံးထားခြင်းဖြစ်ပါသည်။)

23/04/2025

၁၉၇၀ တုန်းက လူငယ်တွေကို မနာလိုလိုက်တာ………

ဘယ်သူပြိုင်လို့လှပါတော့နိုင် ရုပ်ရှင်ကြည့်ပြီး
အခြားအရာတွေထက် အခုခေတ်လူငယ်ဘဝကို သနားမိတယ်။

“ဘယ်သူပြိုင်လို့လှပါတော့နိုင်” ဆိုတာ
နိုင်ငံတကာ စာမတတ်သူများပပျောက်ရေးနေ့ (၈.၉.၁၉၇၁) ကိုဂုဏ်ပြုပြီး ဆရာမင်းကျော်ရေးထားတဲ့ ဝတ္ထုရှည်တစ်ပုဒ်ပါပဲ။

ဒါကို ရုပ်ရှင်ဒါရိုက်တာကြီး ဦးသုခက ရုပ်ရှင်
ဇာတ်ကားအသွင် ဖန်တီးတင်ဆက်လိုက်တာလူကြမ်းမင်းသားကြီး ဦးအံ့ကျော် တောင် ဒီဇာတ်ကားနဲ့ အကယ်ဒမီဆုရခဲ့တယ်လေ။

သူ့ရဲ့ဇာတ်လမ်းက ကောလိပ်ကျောင်းသားကျောင်းသူတွေ တောရွာမှာ စာမတတ်တဲ့ရွာသူရွာသား အဖိုးအဖွားတွေပါမကျန် စာသင်ကြားပေးကြတဲ့ ဇာတ်အိမ်ပေါ့။

ဒီထဲမှာ တစ်ခြားအရာတွေထက်လေ
အဲ့ဒီခုနှစ်တွေတုန်းက ကောလိပ်ကျောင်းသားဘဝဟာ ဘယ်လောက်များပျော်စရာကောင်းလိုက်သလဲလို့တွေးမိတယ်။ လုပ်အားပေးတွေသွားကြတယ်၊ ကောလိပ် တစ်ကျောင်းနဲ့တစ်ကျောင်း အပြိုင်အဆိုင် နယ်ဝေးတွေအထိ လချီနေပြီး လုပ်အားပေးကြတယ်။
အိမ်တွေကို ခွင့်တောင်း၊ ရောက်တော့လည်း
စည်းစည်းလုံးလုံးနဲ့လုပ်အားပေးကြ၊ တကယ့်လက်တွေ့ဘဝတွေကို သိခွင့် မြင်ခွင့်ရပြီး
လူငယ်ဘဝရဲ့ စူးစမ်းမှုတွေကို အပြည့်အဝ လုပ်ပိုင်ခွင့်ရကြတာများ ဘယ်လောက်မနာလိုစရာကောင်းလိုက်သလဲလို့။

တောင်ကြီးကောလိပ်
မန္တလေးကောလိပ်
ရန်ကုန်ကောလိပ်
အနယ်နယ်အရပ်ရပ်ကကျောင်းသားတွေ စုဝေးလာပြီး ကျေးရွာတွေမှာ စာသင်ပေးကြတာ။
ဇာတ်လမ်းထဲမှာက ကျောက်ပန်းတောင်းမြို့ကရွာတွေမှာ စာသင်ပေးကြတာဆိုတော့
ပုပ္ပါးတောင်ကိုလည်း တက်ခဲ့တဲ့အကြောင်းတွေပါတာပေါ့…

သူတို့ဘယ်လို ရည်ရွယ်ချက်မျိုးနဲ့သွားသွား
သိပ်ကို ပျော်စရာကောင်းခဲ့ကြမှာပဲ။
လူငယ်ဘဝရဲ့ လွတ်လပ်မှု၊ ပျော်ရွှင်မှု တွေကို
အပြည့်အဝရခဲ့ကြတယ်။
ကံကောင်းလိုက်ကြတာ….

ကြည့်နေရင်း အခုခေတ်လူငယ်အားလုံး (ကိုယ်အပါအဝင်) ဘာ့ကြောင့်ဒီလောက်ကံဆိုးကြရသလဲ….
လက်ရှိရောက်နေတဲ့ အသက်နဲ့ ရင်ဆိုင်နေရသမျှနဲ့ မမျှလိုက်ပုံများ…

အခုခေတ်မှာတော့ လူငယ်တစ်ယောက်လာဖြစ်ရတာ သိပ်ကိုပင်ပန်းလွန်းတယ်။
မနိုင်ဝန်တွေထမ်းထားရသလိုပဲ…
အချိန်တွေကုန်တာသိပ်မြန်တယ်….
ခဏလေးနဲ့အသက်ကြီးသွားတယ်….

၁၉၇၀ တုန်းက လူငယ်တွေကို မနာလိုလိုက်တာ………

#ဘယ်သူပြိုင်လို့လှပါတော့နိုင် #စာအုပ် #ရုပ်ရှင် #မင်းကျော် #ဦးသုခ

26/03/2025

တစ်ခါတစ်လေမှာ ဘာလုပ်လုပ် အဖက်ဖက်က
အဆင်မပြေတဲ့ အချိန်မျိုးတွေရှိတယ်။

အဆိုးတွေဟာ စုပြုံကျတတ်သလား၊
ဒီမိုး အငြိုးတကြီးနဲ့ရွာသလား၊

ခံနိုင်ရည်တွေကုန်ဆုံးလာတဲ့အခါ
လျှောက်နေတဲ့လမ်းတွေ ဝေဝါးသွားတဲ့အခါ

ဘာမှမဖြစ်ချင်တော့ဘူး။
ရည်မှန်းချက်တွေအကုန်လွှတ်ချ
အေးချမ်းတဲ့ဘဝတစ်ခုကိုပဲတောင့်တမိတယ်။

ဒါဟာလက်မြှောက်အရူံးပေးတာလား။
မဟုတ်ဘူး

ရိုက်ခတ်ဒဏ်ပြင်းလွန်းလို့
ဘလာကျင်းဖြစ်သွားတဲ့စိတ်
လောဘကင်းသွားတဲ့စိတ်

အေးချမ်းပါစေဆိုတဲ့ဆုတောင်းတွေဟာ
အလကားမဟုတ်ခဲ့ဘူး…..
——————————————

၂၆၊မတ်၊၂၀၂၅

24/03/2025

နွေတဲ့

ရာသီကပူ
အလွမ်းတွေသယ်ယူလာပြီး
ရွက်ဝါတွေလွှင့်ကျနေလိုက်တာများ
မျက်ရည်မဆည်နိုင်အောင် ဖြစ်ရပါလားနွေရယ်

23/03/2025

ခဏလေးပင်
မဝေးချင်ဘူး၊ ကိုယ့်စိတ်ကူးတွေ
ရူးသွပ်မတတ်၊ မွန်းကျပ်စိုးထိတ်
အိပ်စက်မရ၊ ယောင်ယမ်းထထိုင်
တမ်းတခဲ့မိ၊ သိရဲ့လားဟင်။

အနမ်းဦးမို့
မိန်းမူးတွယ်ငင်၊ သံယောဇဉ်တွေ
ရင်မှာ တမ်းမက်၊ မမေ့ရက်ဘူး
ပင့်သက်ခိုးရိူက်၊ ရင်ခုန်လိုက်တာ။

ချစ်ရဲ့လားကွယ်၊ မေးချင်တယ်လေ
အကယ်စင်စစ်၊ သူလည်းချစ်မှန်း
စွဲနစ်နှောင်ဖွဲ့၊ သိပေမဲ့လည်း
ချိုနွဲ့ကြည်မာ၊ ‘ချစ်တယ်’ ပြောတိုင်း
ရင်လှိုင်းလှုပ်ခတ်၊ ကြည်နူးတတ်နေ။

‘မမေ့နဲ့နော်’
မျှော်လင့်နေချင်၊ ချစ်သူရင်မှာ
ခိုဝင်မှေးစက်၊ ပျော်ရရက်ကို
ရေတွက်စောင့်စား၊ လွမ်းရင်းဖျားနေ
ရေခြားမြေဝေး၊ ကိုယ့်အတွေးကို
ကလေးနာလည်ပေးပါကွယ်။

၂၂၊ဇန်နဝါရီ၊၁၉၉၂
ထူးအိမ်သင်

14/03/2025

“မောင်အလာ
သဉ္ဇာညောင်ဦး၊ နှင်းဆီဖူးလည်း
ပွင့်မြူးလှစ်သစ်၊ ဖြောင့်ဖြူးချစ်နဲ့
မူးရစ်ရနံ့၊ ခန်းလုံးပျံ့တော့
မရွံ့တော့ပြီ၊ လွတ်ခဲ့ပြီပင်
နှောင်ချည်သစ်ဖန်၊ တွယ်ညိပြန်သည်”

အပြင်ကလူ - ကြည်အေး

10/03/2025

“ငါဝန်ခံပါတယ်၊ တကယ်တော့…..”
ကံ့ကော်ပန်းပေးတဲ့ ကိစ္စမှစပြီး စာမှားပေးခဲ့မိသည်အထိ ပြောပြလိုက်သည်။

ခင်မေတင့်သည်နားထောင်နေရင်းက သူ့မျက်နှာပေါ်မှာ အရိပ်အသွင်တွေ အမျိုးမျိုး ထင်ဟပ်
ပေါ်လွင်နေ၏။ စိုးချစ်၏ စကားများသည် ရုပ်ရှင်ဇာတ်ကားတစ်ကား၏ နောက်ကြောင်းပြန် ပြကွက်လိုဖြစ်နေ၏။ သို့ရာတွင် ဒီဇာတ်လမ်းထဲမှာ တကယ်
ပါဝင်ခဲ့သူက သူကိုယ်တိုင်ဖြစ်ကြောင်း ခင်မေတင့် သိလာသောအခါ….

“ဘာ… ဒါဟာ တကယ်ပဲလားဟင်၊ တကယ်ပဲလား၊ ငါဘယ်လို ယုံရမှာလဲ… ငါ…”

“ငါတောင်းပန်ပါတယ်၊တကယ်တော့ ငါ့အနေနဲ့ အစောကြီးကတည်းက အမှန်အတိုင်းပြောပြသင့်ပါတယ်၊ ဒါပေမဲ့….”

“ဘာဖြစ်လဲ….ဖွင့်ပြောလိုက်ရင် ငါသိက္ခာကျသွားမှာ စိုးလို့ပေါ့ ဟုတ်လား၊ အခုတော့ သိက္ခာမကျတော့ဘူးလား၊ ရှက်စရာကောင်းလိုက်တာ၊နင်နဲ့ ချစ်ခွင့်ရခဲ့လို့ ငါ အရမ်းပျော်ခဲ့ရတယ်၊ ငါ့ဘဝမှာ အလိုချင် အတောင့်တဆုံး အရာကိုရခဲ့ပြီလို့ထင်ခဲ့မိတယ်၊ တကယ်တော့ငါဟာ အရှက်အိုးကြီးကို အချစ် မှတ်ပြီး တပွေ့ပွေ့
တပိုက်ပိုက်နဲ့ နေခဲ့တဲ့ကောင်မပါလားဟယ်”

“နင့်ကို ငါတစ်ဖက်သတ် ချစ်နေခဲ့တယ် ဆိုတာ လူတိုင်း သိပါတယ်၊ ဒီအတွက်တော့ ငါမရှက်ပါဘူး၊ နင်ကငါ့ကိုချစ်တယ် ဆိုတာကို ယုံမိတာ ရှက်စရာကောင်းတာပါ၊ ငါက မလှလို့ နင်က မချစ်ဘူးဆိုရင် ငါကျေနပ်ပါတယ်၊ ငါ့ရဲ့ တစ်ဖက်သတ် အချစ်ကို ရင်ထဲမှာ သိမ်းထားလိုက်ရုံပေါ့၊ ဒါမှမဟုတ် မေရီအောင်ရဲ့ အချစ်ကို မရလို့ သူ့နေရာမှာ ငါ့ကို အစားထိုးခဲ့တာ ဆိုရင်တောင် ဖြေသာပါသေးတယ်၊ ခုတော့ လူမှားပြီး ချစ်မိတာတဲ့၊ မှားပြီး အချစ်ခံရတာတဲ့၊ ငါဘယ်လိုဖြေရမလဲဟင်”

ခင်မေတင့် အသံတွေတုန်လာသည်။ မျက်ဝန်းထဲမှာတော့ မိုးသားတွေ ညို့လာပြီ။ ကံ့ကော်ပင်ကြီးဆီ ငေးကြည့်ရင်း သူဆက်ပြောသည်။

“ငါလေ ဗိသုကာဘွဲ့ ရပြီးရင် နင်နဲ့ငါနဲ့ အတူနေဖို့ အိမ်လှလှလေးတစ်လုံးကို ပုံစံထုတ်ပြီး ဆောက်မယ်လို့ စိတ်ကူးယဉ်ခဲ့မိတယ်၊ အခုတော့….. အခုတော့…. ငါ့အိမ်ကလေးက ပုံကြမ်းအဆင့်မှာပဲ တစ်စစီ ပြိုကျ ပျက်စီးသွားပါပကောလား စိုးချစ်ရယ်”

ခင်မေတင့် ရိူက်ကြီးတငင် ငိုနေပြီ။ စိုးချစ်သည် ငြိမ်သက်တိတ်ဆိတ်စွာ ရပ်နေသည်။

ငိုချင်လို့ ငိုသောသူ၊ မငိုရင် မဖြစ်လို့ ငိုသောသူကို ဘယ်သူကမှ တားမြစ်ပိုင်ခွင့်မရှိ။

ကံ့ကော်နီ - မင်းလူ

02/01/2025

လွမ်းရာသီ
~~~~~~
အဓိကကတော့
သတိရတာပါပဲ ညို ။

တောင်ဆီမှာ
မှောင်ရီသန်းပြန်တော့
လွမ်းတယ်လို့ ငို။

ထီးတစ်လက် နှစ်ယောက်ခို
တစ်ယောက်စိုမှာ တစ်ယောက်စိုး။

သစ်ရိပ်အောက် နှစ်ယောက်ဝင်
တစ်ယောက်ရင်ခွင် တစ်ယောက်တိုး။

သြော် ခုတော့
အဖော်ပြုစရာ ညိုမရှိတာမို့
ငိုမိတယ်မိုး ။ ။

- မောင်ပေါက်စည် (မန်းတက္ကသိုလ်)

09/12/2024

အားလုံးက ခဏပဲနော်……

ပျော်ရလည်း ခဏပဲ
ဝမ်းနည်းရလည်း ခဏပဲ

ခဏချင်းတူပေမယ့် ပျော်ရတာက ပိုခဏတယ်
ဝမ်းနည်းရတာကျ ပင်လယ်ထဲကမ်းပျောက်သလိုပဲ
ပိုကြာသလို မျှော်လင့်ချက်လည်းပျောက်ဆုံးတယ်။

ခဏတွေကို Handle လုပ်နိုင်ဖို့ကြိုးစားရဦးမယ်

LivelyPk Lane

25/07/2025

14/07/2025

24/06/2025

13/05/2025

23/04/2025

26/03/2025

24/03/2025

23/03/2025

14/03/2025

10/03/2025

02/01/2025

09/12/2024

Address

Telephone

Website

Alerts

Shortcuts

Share

Category