12/07/2026
အပါယ်ဘုံ ရောက်တယ် ဆိုတာ
ဘာကြောင့် ရောက်တာတုန်း ဆိုတော့
စိတ်မနိုင်လို့ ရောက်တာတွေချည်းပဲ …
စိတ်ထဲမှာ မစင်ကြယ်တဲ့
လောဘတွေ ,
ဒေါသတွေ
မောဟတွေ
မာန်မာနတွေ
ဣဿာမစ္ဆရိယတွေ …
အဲဒါတွေကြောင့်
အပါယ် ရောက်တာ …
စိတ်ထဲမှာဖြစ်တဲ့ အညစ်အကြေးတွေကို
သန့်ရှင်းအောင် မလုပ်နိုင်လို့
အပါယ်ရောက်တာ …
အဲဒါကြောင့် …
ကိုယ့် စိတ်ဆင်ရိုင်းကိုပညာတည်းဟူသော
ချွန်းအုပ်ဖြင့် အုပ်တယ်လို့
မြန်မာစာပေတွေမှာ ရေးလေ့ရှိတယ် …
အသိပညာ နဲ့ ဆင်ခြင်စဉ်းစားပြီးတော့
ကိုယ့်စိတ်ကိုကောင်းတဲ့ဘက်ကိုရောက်အောင်
လမ်းမှန်ပေါ်တင်ပေးရမယ် …
ကောင်းအောင် ပြင်ရမယ် …
အခုလို
သာသနာနဲ့ တွေ့တဲ့ အချိန်ကလေးမှာ
ကောင်းအောင် မပြင်လိုက်နိုင်ဘူး ဆိုရင် …
နောင် ဒီလို
အသိဥာဏ်မျိုး ရဖို့ ဆိုတာ
အများကြီး ခဲယဉ်းသွားပြီ …
ရလာလိမ့်မယ်လို့တော့ မထင်လေနဲ့ …
ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ အရှင်နန္ဒမာလာဘိဝံသ
🙏🙏🙏
