01/05/2026
ကျနော်နှင့် ၁၀ နှစ်တာခရီး
လွန်ခဲ့တဲ့ ၁၀ နှစ် ဒီလိုနေ့လေးက စပြီး ဖြစ်ချင်တာဖြစ်ဟာ ငါ ဒီအနုပညာအလုပ်ပဲ လုပ်ချင်တယ်ဆို ဆုံးဖြတ်ပြီး တီချယ်တင်မိုးလွင်ရဲ့ မော်ဒယ်သင်တန်း စတက်ခဲ့တဲ့ရက် ၁ရက်နေ့ ၅လပိုင်း၊၂၀၁၆ ။ သရုပ်ဆောင်မင်းသမီးဖြစ်ချင်တာဆိုတော့ ဘာဆက်လုပ်ရမယ်မသိ လမ်းပြပေးမယ့်သူလည်းမရှိ တွေ့သမျှ Audition တွေပြိုင် ဂျင်းတွေမမိအောင် အမျိုးမျိုးရှောင်ရင်းတိမ်းရင်းနဲ့ စိတ်ဓာတ်တွေ ကျခဲ့ရတာလည်း အများကြီးပေါ့။ ၁၀ နှစ်ဆိုတာ အရမ်းမရှည်သေးပေမယ့် အရမ်းတော့လည်း မတိုခဲ့ပါဘူး အဲ့ ၁၀ နှစ်လုံးမှာ သရုပ်ဆောင်ဆိုတဲ့ ဦးတည်ရာအလုပ်အပြင် အခြားဝါသနာပါတာတွေ လျှောက်လုပ်နေခဲ့ပေမယ့် ကျနော့်ကြောင့် ဘယ်သူ့ကိုမှ ဒုက္ခမရောက်စေခဲ့ဘူး ကိုယ်ကျင့်တရားမပျက်ခဲ့ဘူး ခုချိန်မှာ ရောက်ချင်တဲ့နေရာ ရောက်ဖို့အဝေးကြီးလိုသေးပေမယ့် ၂၀၁၆ ကနဲ့ယှဉ်ရင် ခုဆို လုပ်ချင်တဲ့ အလုပ်လေးတွေ လုပ်ခွင့်ရနေပြီ ကျနော့်ကို ချစ်တဲ့ပရိသတ်အနည်းငယ်ရှိနေပြီ မှတ်တိုင်သေးသေးလေးတွေ ရလာခဲ့ပြီ အဲ့အတွက် ကျနော် ကျေနပ်ပါတယ်။
လမ်းအချိုးအကွေ့တိုင်းမှာ အခက်အခဲတွေရှိခဲ့ပေမယ့် ကူညီခဲ့တဲ့သူတွေကိုရော စိတ်ဓာတ်ကျစရာတွေ မျိုးစုံ ကြုံခဲ့ပေမယ့် လက်မလျှော့ခဲ့ပဲ ခုထိ ဆက်ကြိုးစားနေတဲ့ ကိုယ့်ကိုယ်ကိုယ်ရော ချစ်ပေးအားပေးခဲ့တဲ့ ပရိသတ်တွေကိုလည်း တကယ်ကျေးဇူးတင်ပါတယ်။ အင်တာဗျူးတွေမှာ ခဏခဏဖြေသလိုကျနော့်မှာ အချို့မင်းသမီးတွေလို ချောမောလှပနေတဲ့ရုပ်ရည်မရှိဘူး နုဖတ်ဖြူဥနေတဲ့အသားအရည်မရှိဘူး အားသာတယ်ထင်ရတာဆိုလို့ ဒီသရုပ်ဆောင်အလုပ်အပေါ်မှာ ထားတဲ့ Passion တစ်ခုပဲရှိတယ် အဲ့ဒါလည်း ကျနော့်ဇာတ်ကားတွေကြည့်ဖူးတဲ့ ပရိသတ်တွေနဲ့ အလုပ်တွဲလုပ်ဖူးတဲ့လူတွေ သိကြမှာပါ ကျနော် ဒီအလုပ်အပေါ်ဘယ်လောက် serious ဖြစ်လဲဆိုတာကိုလေ။ အဲ့ဒါကလွဲလို့ ဘာမှပိုင်တာလည်းမရှိတဲ့အတွက် ပရိသတ်အားနဲ့ပဲရှေ့ဆက်ရမှာမို့ ဆက်ပြီးချစ်ပေးကြပါဦးလို့ တောင်းဆိုပါတယ်ခင်ဗျာ ကျနော်ကိုယ်တိုင်လည်း တကယ်ကြီး ဆက်ကြိုးစားနေဦးမှာပါ
ဒီနေ့ဒီပိုစ့်လေးက မှတ်တိုင်တစ်ခုအနေနဲ့ တင်တာသက်သက်ပါ ကျနော့်ခရီးရှည်ကြီးကတော့ မပြီးသေးပါဘူး ကြိုးစားပါဦးမယ်ခင်ဗျာ 🤩