https://www.facebook.com/2115443498487903/

ခရမ္းမီဒီယာ-public, Kayan (2025)

03/07/2025

မအလ လေယဉ်စုတ် ပျက်ကျတာတွေ့ပြီ

ကရင်နီတွင် ပျက်ကျသော စစ်တိုက်လေယာဉ်မှာ တရုတ်ထုတ် FTC 2000 G ဖြစ်ပြီး လေယာဉ်မှူး ၂ ဦး အလောင်းတွေ့ရှိရ၊ FTC 2000G တိုက်လေယာဉ် ၁ စီးလျှင် အမေရိကန်ဒေါ်လာ ၈ ဒသမ ၅ သန်းတန်ကြေးရှိ

🟥 လေယာဉ်မှူးအလောင်း ၂ ခုထံမှ ပစ္စတို ၂ လက်တွေ့ရှိရပြီး ၁ လက်မှာ အကောင်းအတိုင်းကျန်ကာ ၁ လက်မီးလောင်

ရန်ကုန်၊ ဇူလိုင် ၃

ကရင်နီပြည်၊ ဖားဆောင်းမြို့နယ်တွင် ပျက်ကျသွားသော စစ်တပ်၏တိုက်လေယာဉ်မှာ တရုတ်ထုတ် FTC 2000 G ဖြစ်ပြီး လေယာဉ်မှူး ၂ ဦး အလောင်းတွေ့ရှိရကြောင်း ကရင်နီတော်လှန်ရေးသတင်းရင်းမြစ်က ပြောဆိုသည်။

ယနေ့ မွန်းလွဲ ၁ နာရီဝန်းကျင်အချိန် စစ်ကောင်စီ၏ FTC 2000 G တိုက်လေယာဉ်ပျက်ကို တွေ့ရှိခဲ့ခြင်းဖြစ်ပြီး လေယာဉ်ပျက်တွင် လေယာဉ်မှူး ၂ ဦး၏ အလောင်းကိုလည်း တွေ့ရှိရကြောင်း၊ ဇူလိုင်လ ၁ ရက် ညပိုင်းက ဖားဆောင်းမြို့သိမ်းတိုက်ပွဲအတွင်း လေကြောင်းဖြင့် ဗုံးကျဲ၍ စစ်ကူ ပေးရန် လာရောက်သည့် FTC-2000G အမျိုးအစား ဂျက်ဖိုက်တာတစ်စီးကို ကရင်နီတော်လှန်ရေး တပ်ပေါင်းစုက ပစ်ချခဲ့ရာ လေယာဉ်ကို ထိမှန်ပြီး ဖားဆောင်းမြို့နှင့် ကျောက်စုကျေးရွာ၌ ပျက်ကျ သွားခြင်းဖြစ်ကြောင်း၊ ထိုသို့ ပျက်ကျသွားသည့် လေယာဉ်ပေါ် စီး နင်းလိုက်ပါလာသူ လေယာဉ်မှူး တစ်ဦးမှာ လေယာဉ်နှင့်အတူ မီးလောင်သွားပြီး ကျန်တစ်ဦးမှာ လေထီးဖြင့် ခုန်ဆင်းစဉ် သစ်ပင်ငြိ ပြီး သေဆုံးသွားခြင်းဖြစ်ကြောင်း သိရသည်။

“လေယာဉ်ပေါ်လာတဲ့ လေယာဉ်မှူးတစ်ဦးက လေထီးတော့ပွင့်တယ်၊ ခန္ဓာကိုယ်တစ်ပိုင်းက သစ်ပင် ပေါ်မှာချိတ်နေတာ၊ နောက်တစ်လောင်းကတော့ လုံးဝ မီးလောင်သွားတာ၊ သေနတ်က ၂ လက်၊ တစ်လက်ကတော့ မီးလောင်သွားတယ်၊ တစ်လက်ကတော့ အကောင်းအတိုင်း သိမ်းဆည်းရရှိခဲ့ ပါ တယ်၊ အကောင်းအတိုင်းရတာက အတိုတစ်လက်ရခဲ့တာ” ဟု ကရင်နီတော်လှန်ရေး သတင်းရင်း မြစ်က ရန်ကုန်ခေတ်သစ်သတင်းဌာနထံသို့ ပြောကြားသည်။

တရုတ်နိုင်ငံထုတ် FTC 2000 G တိုက်လေယာဉ် ၁ စီး၏ တန်ကြေးမှာ အမေရိကန်ဒေါ်လာ ၈ ဒသမ ၅ သန်းဝန်းကျင်ရှိကြောင်း ကမ္ဘာ့ကာကွယ်ရေးဆိုင်ရာများကို လေ့လာနေသည့် Janes Website က ဖော်ပြထားသည်။

စစ်ကောင်စီက တရုတ်နိုင်ငံထုတ် FTC 2000G လေယာဉ်သစ် ၆ စီး ဝယ်ယူခဲ့ပြီး နမ့်စန်လေတပ်တွင် ၃ စီး၊ မိတ္တီလာလေတပ်တွင် ၃ စီး ထားရှိကြောင်း၊ FTC 2000G လေယာဉ်အုပ်မှူးအဖြစ် ဒုတိယဗိုလ်မှူးကြီး ဝင်းဟန်ဦးကို စစ်ကောင်စီက ခန့်အပ်ထားပြီး နမ့်စန် လေတပ်တွင် ကြီးကြပ်ကွပ်ကဲနေကြောင်း၊ မိတ္တီလာလေတပ်ရှိ FTC 2000 G လေယာဉ်သစ် ၃ စီးကို ဗိုလ်မှူး ဇေယျာထွန်းက ဦးစီးလျက်ရှိကြောင်း သိရှိရသည်။

၂၀၂၄ ခုနှစ် ဇန်နဝါရီလ ၁၆ ရက်နေ့ ရှမ်းပြည်နယ်မြောက်ပိုင်း၊ ကွတ်ခိုင်မြို့နယ်၊ နမ့်ဖတ်ကာကျေးရွာအနီးတွင် FTC 2000 G လေယာဉ်ကို KIA က ပစ်ခတ် ချခဲ့သဖြင့် ပျက်ခဲ့သည်။

၂၀၂၄ ခုနှစ် ဒီဇင်ဘာလတွင် စစ်ကောင်စီက FTC-2000 G တိုက်လေယာဉ် ၃ စီး (လေယာဉ်အမှတ် 1413 ၊ 1411 ၊ 1407 ) ထပ်မံ အင်အားဖြည့်တင်းခဲ့ကြောင်း သိရှိရသည်။

Khit Thit Media

03/07/2025

မအလ လေယဉ်တစ်စီးလစ်သွားပြန်ပြီ

စစ်ကောင်စီ၏ တိုက်လေယာဉ် ၁ စီး ညအချိန် ပျံသန်းနေစဉ် ရုတ်တရက် ပျောက်ဆုံးသွားပြီး ရှာမတွေ့သေး

ရန်ကုန်၊ ဇူလိုင် ၃

အကြမ်းဖက်စစ်ကောင်စီ၏ တိုက်လေယာဉ် ၁ စီးမှာ ဇူလိုင်လ ၁ ရက်နေ့ ညပိုင်း ပျံသန်းနေစဉ် ရုတ်တရက်ပျောက်ဆုံးသွားပြီး ရှာမတွေ့သေးကြောင်း စစ်ကောင်စီက သတင်းထုတ်ပြန်သည်။

ဇူလိုင် ၁ ရက်နေ့ ညပိုင်း စစ်ကောင်စီ၏ တိုက်ခိုက်ရေး လေယာဉ်သည် ညအချိန် ခရီးဝေး လေ့ကျင့်ပျံသန်းဆောင်ရွက်စဉ် နေပြည်တော်၏ အရှေ့တောင်ဘက် ကီလိုမီတာ ၁၃၀ အကွာတွင် ရုတ်တရက် ရေဒါမြင် ကွင်းမှ ပျောက်ကွယ်၍ ဆက်သွယ်မှုပြတ်တောက်လျက်ရှိကြောင်း သိရှိရသည်။

လတ်တလော စစ်ဆေးချက်များအရ စက်ချို့ယွင်းမှု(သို့မဟုတ်) ရုတ်တရက်ရာသီဥတု ဆိုးရွားမှုများကြောင့် ဖြစ်နိုင်သည်ဟု တွက်ဆထားကြောင်း စစ်ကောင်စီက ဆိုသည်။

လက်ရှိ တိုက်လေယာဉ် ဆက်သွယ်မှု ပြတ်တောက်နေသော နေရာတစ်၀ိုက်သို့ ရာသီဥတုဆိုးဝါးလျက်ရှိသော်လည်း ရှာဖွေကယ်ဆယ်ရေးအဖွဲ့များ စေလွှတ်နိုင်ရေး စစ်ကောင်စီက စီမံဆောင်ရွက်နေကြောင်း သိရှိရသည်။

"သတင်းထုတ်ပြန်ချက်အရ တိုက်လေယာဉ် ပျက်ကျသွားပြီလို့ ပြောလို့ရတယ်။ ထုတ်ပြန်ထားတဲ့အချက်အရတော့ နေပြည် တော် အရှေ့တောင်ဘက် ၁၃၀ ကီလိုမီတာလို့ ဆိုထားတော့ ပဲခူးတိုင်းထဲမှာပဲ။ ရွှေကျင်၊ ကျောက်ကြီး အဲဒီပတ်ဝန်းကျင် ဖြစ်မယ်လို့ ခန့်မှန်းတယ်။ ကယ်ဆယ်ရေး အလွယ်တကူသွားလို့မရတဲ့နေရာတွေပါ။ ကယ်ဆယ်ရေးအဖွဲ့ကို အခုမှ စေလွှတ်ဖို့ လုပ်နေတယ်လို့ ပြောထားတော့ ကယ်ဆယ်ရေး မရောက်နိုင်သေးဘူးဆိုတဲ့သဘောပါပဲ" ဟု လေတပ်မှ အငြိမ်းစား စစ်အင်ဂျင်နီယာ အရာရှိဟောင်းတစ်ဦးက သုံးသပ်ပြောဆိုသည်။

ဇူလိုင်လ ၁ ရက်နေ့ ညပိုင်း တိုက်လေယာဉ် ပျောက်ဆုံးမှုမှာ ယခုနှစ်၂၀၂၅ ခုနှစ်အတွင်း ၄ စီးမြောက် လေယာဉ် ပျက်ကျခြင်းဖြစ်သည်။

ဇွန်လ ၁၀ ရက်နေ့ ကလည်း စစ်ကိုင်းတိုင်း၊ ပုလဲမြို့နယ်၊ ကန့်ဒေါင့်စခန်းသိမ်း တိုက်ပွဲအတွင်း ပြည်သူ့လွတ် မြောက်ရေးတပ်မတော် - PLA က ပစ်ချခဲ့သဖြင့် တရုတ်လုပ် F-7 တိုက်လေယာဉ် ပျက်ကျခဲ့ရပြီး လေယာဉ်မှူး သေဆုံးသည်။

အလားတူ မေလ ၂၀ ရက်နေ့ကလည်း ကချင်ပြည်နယ်၊ ဗန်းမော်မြို့ စကခ ၂၁ အတွင်း သို့ စစ်ကူလာသည့် စစ်တပ် ရဟတ်ယာဉ် ၃ စီးကို KIA က ပစ်ခတ်ခဲ့ရာ Mi-17 ရဟတ်ယာဉ် ၂ စီး ပျက်စီးသွားခဲ့ပြီး စစ်တပ်ဘက်မှ လေယာဉ်မှူး အပါအဝင် စစ်သား အနည်းဆုံး ၁၈ ဦးထက်မနည်းသေဆုံးခဲ့ရသည်။

ဓာတ်ပုံ- ရုရှားထုတ် SU-30 တိုက်လေယာဉ်ကို စစ်ဆေးနေသည့် မင်းအောင်လှိုင်။

Khit Thit Media

30/06/2025

အကျိုးစီးပွားနဲ့ မမောင်းနှင်နဲ့
အတွေးအခေါ်နဲ့ တော်လှန်ရေးကို မောင်းနှင်ဖို့လိုတယ်မလား

ကျနော်တို့ လိုတွေကို ဖြည့်ဖို့ကြိုးစားရတဲ့အခါ တော်လှန်ရေးအတွက် ရန်ပုံငွေလိုတာလည်းမှန်တယ်
အတွေးအခေါ်ကို ဖယ်သွေပြီး ပိုက်ဆံရရေးတစ်ခုတည်းနဲ့လည်း ရှာလို့မရပြန်ဘူး..

ဒါကြောင့်
တကယ့် အလုပ်ဖြစ်ဖို့ကြိုးစားနေတဲ့ ပညာရေးကမ်ပိန်းလေးတစ်ခု
(ပညာရေးနဲ့ဆက်စပ်တာဆိုတော့ လူစိတ်ဝင်စားတာနည်းတယ်ဗျာ)

💥သိန်း ၂၀၀ ရှာတဲ့ ကမ်ပိန်း ၂၅ ရက်ကြာတဲ့အထိ သိန်း ၅၀ ကျော်ပဲရသေးတယ်။

ကျနော့်ဆီကတဆင့်လည်းကောင်း ၊ Page Messenger ကတဆင့်လည်းကောင်း ပါဝင်ပေးလို့ရပါတယ်။ SCF မှတဆင့်လည်း ပါဝင်လို့ရပါတယ်။

ပညာရေးကမ်ပိန်းလေးကို ပါဝင်စေချင်ပါတယ်။ ပါဝင်နိုင်သူတွေကိုလည်း သတင်းစကားပေးချင်ပါတယ်။ ကူညီအားဖြည့်ပေးကြပါဦး
👇👇👇👇
https://www.facebook.com/share/p/19fVbaXsaD/

29/06/2025

စစ်ခွေးငါးကောင် သေနတ်ငါးလက်

ထားဝယ်မြို့ကမောင်းထွက်လာတဲ့ စစ်ခွေးကားကို
ထားဝယ်PDFလေးတွေက စောင့်ပြီးဆော်ကြတာပါ

လူငယ်လေးတွေပေမဲ့ တည်ငြိမ် လှပ သေသပ် ကြွမ်းကျင်စွာသေနတ်ကိုပြစ်ခတ်သွားကြတာကိုမြင်တွေ့ရပါတယ်။

စစ်ခွေးငါးကောင်ပါတာ ငါးကောင်လုံးခွေးမသာဖြစ်ကုန်ပြီး သေနတ်ငါးလက်ဗုံးသီးနဲ့ကျည်ဆံတွေကိုသိမ်းဆည်းရရှိလိုက်ပါတယ်။

24/06/2025

ရေးမြို့စခန်းမှူးရှောပြီ

ရေးမြို့စခန်းမှူးနှင့်ရဲခွေးနှစ်ကောင်ပါလာတဲ့ကားကို YGFအဖွဲ့က စောင့်ကြိုတိုက်ခိုက်မှု ကားမောင်းတဲ့ရဲခွေးကိုအရင်ထိတော့ကားရပ်သွားပါတယ်
ကားရပ်နေတော့မှစိတ်ကြိုက်တေ့ဖြုတ်ကြတာ စခန်းမှူးနဲ့ကားပေါ်ပါလာတဲ့ရဲခွေးနှစ်ကောင် အကုန်လုံးရှောသွားပြီး
သူတို့ပါလာတဲ့M16တစ်လက်နဲ့ကျည်ဆံတွေကိုရရှိလိုက်ပါတယ်
စစ်ခွေးရဲခွေးတွေ ဘယ်သွားမလဲ မျက်လုံးပေါင်းများစွာကစောင့်ကြည့်နေကြတယ်

24/06/2025

စစ်ကောင်စီတပ်က ရန်ကုန်မှ အသက် ၁၅ နှစ်အရွယ် မောင်နေထက်လင်းကို စစ်သားအဖြစ် ပေါ်တာဆွဲ ဖမ်းဆီးပြီး ကန်ဒေါင့်ရဲစခန်းတိုက်ပွဲသို့ ပို့ဆောင်စဉ် စစ်သုံ့ပန်းအဖြစ် PLA က ဖမ်းဆီးရရှိ

🟥စစ်သုံ့ပန်းများတွင် ရန်ကုန်အဝေးပြေးဝင်းတွင် ပေါ်တာဆွဲခံရသူ၊ ဒဏ်ရာရရှိသဖြင့် စစ်တပ်က ချန်ထားရစ်ခဲ့သူများ ပါဝင်

ရန်ကုန်၊ ဇွန် ၂၄

အကြမ်းဖက်စစ်ကောင်စီတပ်က ရန်ကုန်မှ အသက် ၁၅ နှစ်အရွယ် မောင်နေထက်လင်းကို စစ်သားအဖြစ် ပေါ်တာဆွဲ ဖမ်းဆီးပြီး စစ်ကိုင်းတိုင်း၊ ပုလဲမြို့နယ်၊ ကန်ဒေါင့်ရဲစခန်းတိုက်ပွဲသို့ ပို့ဆောင်စဉ် စစ်သုံ့ပန်းအဖြစ် ပြည်သူ့လွတ်မြောက်ရေးတပ်မတော်-PLA က ဖမ်းဆီးရရှိ ကြောင်း PLA က သတင်းထုတ်ပြန်ထားသည်။

အသက် ၁၅ နှစ်အရွယ် မောင်နေထက်လင်းသည် ရန်ကုန်တွင် အကင်ရောင်းနေစဉ် စစ်တပ်က တပ်သားအဖြစ် ပေါ်တာဆွဲ ဖမ်းဆီးခဲ့ကြောင်း၊ ယင်းနောက် တောင်တွင်းကြီးမြို့ရှိ အမှတ် ၇ စစ်အခြေခံလေ့ကျင်ရေးတပ်သင်တန်းကျောင်းသို့ ပို့ဆောင်ပြီး သင်တန်း ၅ လတက်ရောက်ခိုင်းကြောင်း၊ ယင်းနောက် ပခုက္ကူ ၂၅၂ တပ်သို့ ရောက်ရှိပြီး မွမ်းမံသင်တန်းတက်ခိုင်းကာ ရဟတ်ယာဉ်ဖြင့် ပုလဲမြို့နယ်၊ အင်မထီးပျူစောထီးကျေးရွာသို့ ပို့ဆောင်ကြောင်း၊ ထိုမှတစ်ဆင့် တိုက်ပွဲဖြစ်ပွားနေသော ကန်ဒေါင့်ရဲစခန်းသို့ ရောက်ရှိခဲ့ကြောင်း၊ ဘန်ကာအတွင်း တာဝန်ချထားစဉ် အိပ်ပျော်နေသဖြင့် စစ်တပ်က ပြန်ဆုတ်သွားချိန် မနှိုးဘဲ ချန်ရစ်ထားခဲ့ကြောင်း မောင်နေထက်လင်းက ပြောဆိုသည်။

"ရန်ကုန်မှာ အကင်ရောင်းနေရင်းနဲ့ ပေါ်တာနဲ့မိတာ။ပြီးတော့ သူတို့ သင်တန်းကျောင်းကို ပို့တယ်။ အသက်က ၁၅ နှစ်။ ရဟတ်ယာဉ်နဲ့ အင်မထီးရွာကိုပို့တယ်။ အင်မထီးရွာကနေ လက်နက်ခဲယမ်းတွေပေးပြီးတော့ တပ်စိတ်ခေါ်ပြီးတော့ စစ်ကြောင်းထိုးတယ်။ အဲဒီဘက်အခြမ်းရောက်တော့ ဘန်ကာထဲမှာ နေရာယူခိုင်းတယ်။ နေရာယူခိုင်းတော့ တိုက်ပွဲဖြစ်တယ်။ သူတို့က ထိတာတွေများလာတော့ သူတို့က ပြန်ပြီး ဆုတ်သွားတာပေါ့။ ညီလေး အိပ်ပျော်ကျန်ခဲ့တယ်။ သူတို့ က မနှိုးသွားဘဲ ပြန်ဆုတ်သွားတယ်။ ကျန်ခဲ့တဲ့ တပ်သားတွေကိုလည်း ပြောချင်တာက စစ်အာဏာရှင်အောက်မှာနေရင်တော့ သေရင်တောင်မှ လူလိုသေမှာမဟုတ်ဘူး၊ ခွေးလိုဝက်လိုသေရမှာပဲ။ ဒီကောင်တွေက သူ့လူသေလည်း တက်မဆွဲဘူး။ အရာရှိမှ တက်ဆွဲတာ။ စစ်ထဲမှာ နေတာက အကောင်းဆုံးပဲ" ဟု မောင်နေထက်လင်းက ပြောဆိုသည်။

ထို့ပြင် ပုလဲမြို့နယ် ကန်ဒေါင့်ရဲစခန်းသိမ်းတိုက်ပွဲတွင် ဒဏ်ရာရရှိရင်း ကျန်ရစ်ခဲ့သော စစ်မှုထမ်းတပ်သားသစ် စိုးတာမှာလည်း ရန်ကုန် အဝေးပြေးကွင်းမှ ပေါ်တာဆွဲခံရပြီး ပင်လောင်း စစ်သင်တန်းကျောင်းအပို့ခံရကာ ကန်ဒေါင့်ရဲစခန်းတိုက်ပွဲသို့ ခေါ်ဆောင်ခံရကြောင်း၊ ယင်းနောက်ဒဏ်ရာရရှိစဉ် စစ်တပ်က ချန်ထားရစ်ခဲ့ကြောင်း သိရှိရသည်။

" ကျနော်က မဆုတ်ခင် ၁ ရက်လောက်အလိုမှာ ဒဏ်ရာရထားပါတယ်။ ရင်ဘတ်မှာ ဒဏ်ရာ ၁ ချက်ရထားပါတယ်။ အဲဒါနဲ့မှ ဆုတ်မယ် ဆုတ်တမယ်ဆိုတော့ ၁၁ ခွဲလောက် ဆုတ်ပါတယ်။ အဲဒါနဲ့မှ ဆုတ်ရင်း ဆုတ်ရင်းနဲ့ လူနာတွေက ကျန်ခဲ့တဲ့ လူနာတွေ ကျန်ခဲ့တယ်။ ကျနော်ဆိုရင်တော့ ကန်သင်းဘောင်ပေါ်မှာ အမောဖောက်ပြီး ကျန်ခဲ့တာဖြစ်ပါတယ်။ ကျနော်ကိုတော့ PDF ရဲဘော်တွေက ဖမ်းဆီး ထိန်းသိမ်းပြီးတော့ ဆေးကုသမှု လုပ်ပေးထားခြင်းဖြစ်ပါတယ်" ဟု စစ်သုံ့ပန်း တပ်သားသစ် စိုးတာက ဆိုသည်။

အလားတူ စစ်မှုထမ်းတပ်သားသစ် ရဲကျော်ကျော်မှာလည်း ကန်ဒေါင့်ရဲစခန်းသိမ်းတိုက်ပွဲတွင် စစ်သုံ့ပန်းအဖြစ် ဖမ်းဆီးခံရကြောင်း၊ ၎င်းနှင့်အတူ ကန်ဒေါင့်ရဲစခန်းတိုက်ပွဲသို့ စစ်ကူလာသော ပြည်သူ့စစ် ၃ ဦးမှာလည်း တော်လှန်ရေးတပ်များ၏ တိုက်ခိုက်မှုကြောင့် ပွဲချင်းပြီး သေဆုံးခဲ့ကြောင်း၊ ဒဏ်ရာရရှိသော တပ်သားသစ်များကို စစ်တပ်က ချန်ထားရစ်ခဲ့ကြောင်း ပြောဆိုသည်။

"ထိတွေ့မှုဖြစ်ပြီးတော့ ကျနာ်နဲ့အတူ ပါတဲ့ ပစ ၃ ဦးကတော့ နေရာမှာ တင်ပွဲချင်းပြီး သေဆုံးခဲ့ပါတယ်။ တပ်ကြပ် ကြီး ၁ ဦးကို ပေါင်ကိုမှန်ပြီးတော့ ပြန်ဆွဲသွားပါတယ်။ ကျနော်ကတော့ သေပြီဆိုပြီး ထားခဲ့ပါတယ်။ လည်ပင်းကနေ ဖောက်ထွက်သွားတာပါ။ PLA စစ်သည်တွေနဲ့ တွေ့ဆုံပြီးတော့ ကျန်းမာရေးတွေ စောင့်ရှောက်ပါတယ်။ ယနေ့အချိန်အထိလည်း ကောင်းကောင်းမွန်မွန် ပြုစုစောင့်ရှောက်ထားပါတယ်" ဟု စစ်သုံ့ပန်း ရဲကျော်ကျော်က ပြောဆိုသည်။

အလားတူပင် ကန်ဒေါင့်ရဲစခန်းမှ ရဲအရာခံဗိုလ် ရှိန်းကိုကိုကျော်မှာလည်း ၁၉၉၉ ခုနှစ်မှ ရဲအဖြစ် တာဝန်ထမ်းဆောင်ခဲ့သော်လည်း ဒဏ်ရာရရှိချိန်တွင် စစ်တပ်က ချန်ထားရစ်ခဲ့သဖြင့် စစ်သုံ့ပန်းအဖြစ် ဖမ်းဆီးခံခဲ့ရကာ တော်လှန်ရေးတပ်များက ကောင်းမွန်စွာ ဆေးကုသပေးကြောင်း ဝန်ခံထွက်ဆိုသည်။

" ရဲတပ်ဖွဲ့ထဲကို ၁၉၉၉ ကနေ စတင်ဝင်ရောက်ပြီးတော့ ရှမ်းပြည်မှာ တာဝန်ထမ်းဆောင်ပါတယ်။ မကွေးတိုင်းမှာလည်း တာဝန်ထမ်းဆောင်ဖူးပါတယ်။ အဲဒီကနေမှ ကန်ဒေါင့် ရဲစခန်းကို ရောက်ပါတယ်။ ကျနော့်တာဝန်ကတော့ ချက်ကြီးပါ။ အဲဒီလိုနေလာပြီးတော့ တိုက်ပွဲဖြစ်ပြီးတော့ ၇ ရက်၊ ၈ ရက်မြောက်နေ့မှာ ကျနော့် ပြောင်းရွှေ့အမိန့်ပါလာတာနဲ့ ကန်ဒေါင့်ရဲစခန်းကနေပြီးတော့ ပြောင်းရွှေ့တပ်ဖွဲ့ဝင်တွေနဲ့အတူ အင်မထီးရွာဘက်ကို ဆုတ်ပါတယ်။ အဲဒီလိုဆုတ်တဲ့အချိန်မှာ PLA အဖွဲ့ရဲ့ ကြားဖြတ်တိုက်ခိုက်မှုကို ခံရပြီးတော့ ဒဏ်ရာရရှိပါတယ်။ ဒဏ်ရာရရှိတဲ့အချိန်မှာ နေရာမှာပဲ ကျန်ခဲ့ပြီးတော့ PLA တပ်ဖွဲ့ဝင်တွေက ဆေးကုသပေးခဲ့ပါတယ်" ဟု စစ်သုံ့ပန်း ရဲအရာခံဗိုလ် ရှိန်းကိုကိုကျော်က ရှင်းပြသည်။

စစ်ကိုင်းတိုင်း၊ ပုလဲမြို့နယ်၊ ကန်ဒေါင့်ရဲစခန်းကို ဇွန်လ ၂ ရက်နေ့မှ PLA ဦးဆောင်သော တော်လှန်ရေးတပ်များက ထိုးစစ်ဆင်တိုက်ခိုက်ခဲ့ပြီး ဇွန်လ ၁၉ ရက်နေ့တွင် သိမ်းပိုက်ရရှိခဲ့ကာ စစ်တပ်ဘက်မှ အနည်းဆုံး တပ်ဖွဲ့ဝင် ၄၀ ကျော်သေဆုံးခဲ့ကြောင်း PLA က ရန်ကုန်ခေတ်သစ်သတင်းဌာနထံသို့ ပြောဆိုထားသည်။

Khit Thit Media

23/06/2025

ဖမ်းထားပါတယ်ဆိုမှပြန်မယ်တဲ့😂

စစ်ဆေးတော့ဗန်းမော် စခက ၂၁တပ်က ဒရုန်းပညာရှင်ကြီးလို့ပြောတာပဲ
၂၀၄တပ်ကိုပြန်မယ်တဲ့ မပြန်ရပါဘူးဆိုမှပြန်မယ်ကြီးလုပ်နေတာ
သွားတွေခိုင်နေပုံရတယ်😂

22/06/2025

"ဘီတူး နဲ့ ဘန်ကာဖျက်ဗုံး"

အီရန်နဲ့အစ္စရေးစစ်ပွဲထဲကို အမေရိကန်ပါဝင်ခဲ့ပါပြီ။

အီရန်ရဲ့ နျူကလီးယားစက်ရုံတွေရှိနိုင်တယ်လို့ ခန့်မှန်းရတဲ့ ဖော်ဒို၊ နထန်ဇ် နဲ့ အက်စ်ဖာဟန်မြေ
အောက်နေရာတွေကိုအမေရိကန်က လေကြောင်း
ကနေ ဗုံးကြဲတိုက်ခိုက်ခဲ့တာပါ။

အမေရိကန်နဲ့ အီရန်ဟာခန့်မှန်းချေလေကြောင်းမိုင် ၆၅၀၀ ကျော်ကွာဝေးပြီး တိုက်ရိုက်လေယာဉ်ပျံသန်းချိန်ဟာ ၁၅ နာရီခန့်ကြာမြင့်ပါတယ်။

ဒီလောက်ဝေးကွာတဲ့နေရာမှာရှိတဲ့ ‌မြေအောက်ပေ ၂၀၀ လောက်ကပစ်မှတ်ကို ထိရောက်အောင် ကြဲချနိုင်ဖို့ အတွက်အမေရိကန်ဟာ B-2 မဟာဗျူဟာ ဗုံးကြဲလေယာဉ်ကို အသုံးပြုခဲ့ပြီး ဖျက်အားအလွန်ကောင်းတဲ့ GBU(Guided Bomb Unit) အမျိုးအစား Bunker Buster Bomb(ဘန်ကာဖျက်ဗုံး)ကြဲချ တိုက်ခိုက်ခဲ့တာ ဖြစ်ပါတယ်။

B-2 ဗုံးကြဲလေယာဉ်နဲ့ အလွန်အားပြင်းတဲ့GBU (Guided Bomb Unit) အမျိုးအစား Bunker Buster Bomb(ဘန်ကာဖျက်ဗုံး)တွေ အကြောင်းပြောကြရအောင်ပါ။

B-2 ဗုံးကြဲလေယာဉ်ရဲ့ တရားဝင်အမည်က B-2 Spirit ဖြစ်ပါတယ်။ ၁၉၈၈ ခုမှာ အမေရိကန်စစ်
တပ်ကတိုက်ခိုက်ရေးဗုံးကြဲလေယာဉ်အဖြစ်စတင်မိတ်ဆက်ပေးခဲ့တာပါ။

Operation Allied Force(ကိုဆိုဗို)၊ Operation Enduring Freedom(အာဖဂန်နစ္စတန်) နဲ့ Operation Iraqi Freedom(အီရတ်) စစ်ဆင်
ရေးတွေမှာ အမေရိကန်က အသုံးပြုခဲ့ဖူးပါတယ်။
နျူကလီးယားဗုံးအမျိုးအစားတွေလို ဧရာမ‌ဗုံးကြီးတွေကို သယ်ဆောင်နိုင်ဖို့ ရည်ရွယ်ပြီး ထုတ်လုပ်ခဲ့တာ ဖြစ်ပါတယ်။မစ်ရှင်တခုဆင်နွှဲမယ်ဆိုရင် လေ
ယာဉ်ပေါ်မှာလူနှစ်ဦးလိုက်ပါရပြီးတဦးက လေယာဥ်မောင်းသူဖြစ်ပြီး နောက်တဦးကတော့ မစ်ရှင်ကို ဦးစီးသူပါ။

လေယာဉ်ဟာ အရှည် ၆၉ ပေရှည်ပြီးတောင်ပံအ
ကျယ် ၁၇၂ ပေ ရှိပါတယ်။ လေယာဉ်ရဲ့ သီးသန့်အလေးချိန်ဟာ ပေါင်တသိန်းခြောက်သောင်းကျော် ရှိပါတယ်။အဲ့ဒီအလးချိန်ဟာအရွယ်
ရောက်ပြီး ဆင် ၁၃ ကောင်ရဲ့ အလေးချိန်နဲ့ ညီမျှပါတယ်။ B-2 ဗုံးကြဲလေယာဉ်တစီးတန်ဖိုးဟာ ဒေါ်လာ၂ဘီလီယံကျော်ရှိပါတယ်။ B-2 ဟာလေ
ယာဉ်ဆီထပ်ဖြည့်စရာမလိုပဲ လေကြောင်းမိုင် ၆၀၀၀ ကျော်တဆက်တည်းမောင်းနှင်နိုင်ပါတယ်။

လေယာဉ်ဟာ ကြီးမာပေမယ့် ပါးလွှာတဲ့ဒီဇိုင်းနဲ့တည်ဆောက်ထားပြီးလျှို့ဝှက်နိုင်မှု အဆင့်မြင့်နည်းပညာတွေကို အသုံးချထားတာကြောင့် အပူ
လှိုင်း၊ အသံလှိုင်း၊ လျှပ်စစ်လှိုင်း၊ ရေဒါတွေကနေ ထောက်လှမ်းဖို့မလွယ်ကူသလိုလေကြောင်းကာ
ကွယ်ရေးစနစ်တွေကိုလည်း ထိုးဖောက်ကျော်လွှား နိုင်ပါတယ်။ မြန်နှုန်းမြင့် ကိုယ်ပျောက်တိုက်
လေယာဉ် ဖြစ်ပါတယ်။

အမေရိကန်ဟာB-2 တိုက်လေယာဉ်စုစုပေါင်း ၂၁ စီး တည်ဆောက်ခဲ့ပါတယ်။ ၂၀၀၈ ခုတုန်းက ဂူဟန်မှာ တစီးပျက်ကျခဲ့ပြီး ၂၀၂၂ ခုမှာ နောက်
ထပ်တစီးဟာလည်း ကြီးမားစွာပျက်စီးခဲ့တာကြောင့် အခုအခါ ၁၉ စီးပဲကျန်ပါတော့တယ်။ အဲ့ဒီ ၁၉ စီးစလုံးဟာ မစ်ရှင်ထမ်းဆောင်ဖို့ အမြဲတမ်း အဆင်သင့် မဖြစ်ကြပါဘူး။ B-2 တိုက်လေယာဉ်တွေရဲ့ သက်တမ်းဟာ ကြာမြင့်လာတာမို့ အမေရိကန်ဟာ B-21 Raider အမျိုးအစား တိုက်
လေယာဉ်တွေနဲ့ တဖြည်းဖြည်းအစားထိုးမှာ ဖြစ်ပါတယ်။

အမေရိကန်ဟာအီရန်ကို GBU(Guided Bomb Unit) အမျိုးအစား Bunker Buster Bomb
(ဘန်ကာဖျက်ဗုံး)နဲ့ တိုက်ခိုက်ခဲ့တာပါ။ GBU ဆိုတာ ပစ်မှတ်ကို တိတိကျကျပစ်နိုင်အောင် GPS နဲ့လေဆာတပ်ဆင်ထားတဲ့ ဗုံးအမျိုးအစားဖြစ်ပြီး Bunker Buster Bomb(ဘန်ကာဖျက်ဗုံး) ဆိုတာ မြေအောက်နက်တဲ့ပစ်မှတ် နေရာတွေအထိ ထိုးဖောက်ဝင်ရောက်ကာ အောက်ရောက်မှ ပြင်းထန်စွာပေါက်ကွဲစေတဲ့ ဗုံးပါ။

အမေရိကန်ဟာ အီရန်ကို GBU အမျိုးအစား ပေါင်သုံးသောင်းလေးတဲ့ ဗန်ကာဖျက်ဗုံးနဲ့ တိုက်ခိုက်ခဲ့တာပါ။ GBU အမျိုးအစား ဗုံး ၃၀ ကျော်ရှိပြီး ဗုံးတွေရဲ့ အလေးချိန်၊ ပေါက်ကွဲအား၊ပစ်မှတ်ကို ညွှန်ကြားတဲ့စနစ်၊ သယ်ဆောင်နိုင်တဲ့ လေယာဉ်အမျိုးအစားတွေဟာ တခုနဲ့တခု မတူညီကြပါဘူး။

နမူနာ အနေနဲ့ GBU-28 ဗုံးအမျိုးအစားဟာ ပေါင်ငါးထောင်လေးပါတယ်။ Laser Guided ဘန်ကာဖျက် ဗုံးပါ။ပေ ၂၀ အနက်ထိ ထိုးဖောက်ပေါက်ကွဲနိုင်ပြီး F-15Eနဲ့ B-52 လေယာဉ်တွေနဲ့ သယ်
ဆောင်လို့ရပါတယ်။ အမေရိကန်ဟာ အီရတ်ကို တိုက်ခိုက်ခဲ့တုန်းက GBU-28 ဗုံးအမျိုးအစားကို အသုံးပြုခဲ့ပါတယ်။

အခု အီရန်ကိုကြဲချခဲ့တဲ့ ဗုံးအမျိုးအစားကတော့ GBU-57 A/B ဖြစ်ပြီး ပေါင်သုံးသောင်းလေးပါတယ်။ GBU-57 ကို (MOP) Massive Ordnance Penetrator လို့လည်းခေါ်ပါတယ်။ အမေရိကန်စစ်တပ်ရဲ့ ဖျက်အားအပြင်းထန်ဆုံး ဗုံးပါ။ ဒီဗုံးကို B-2 ဗုံးကြဲလေယာဉ်တမျိုးထဲပဲ သယ်
ဆောင်နိုင်ပါတယ်။

ပေ ၂၀၀ အနက်လောက်ထိ ထိုးဖောက်ဝင်ရောက် ပေါက်ကွဲနိုင်ပြီးဗုံးအလျားဟာ ပေ ၂၀ ကျော်နဲ့ အချင်း ၃၁ လက်မ ကျော်ရှိပါတယ်။ GPS/INS
(Inertial Navigation System) Guided ဗုံးအမျိုးစားဖြစ်တာမို့ ပစ်မှတ်ကို မီတာ အနည်းငယ်ပဲ လွဲချော်နိုင်ပါတယ်။

အမေရိကန်ဟာအီရန်ရဲ့မြေအောက်ပစ်မှတ်သုံး နေရာကို GBU-57 ဘန်ကာဖျက်ဗုံး ၃ လုံးနဲ့ တ
ပြိုင်နက်ထဲ တိုက်ခိုက်ခဲ့ပါတယ်။ GBU-57 A/B ဗုံးအရေအတွက် ၂၀နဲ့ ၃၀ ကြား အမေရိကန်ပိုင်ဆိုင်တယ်လို့ ခန့်မှန်းကြပါတယ်။ ။

=ကိုဗလ
(အမေရီကန်ရဲ့ မဟာဗျူဟာဗုံးကြဲလေယာဥ်ဖြစ်တဲ့ B-2 Spirit ၊ ဗန်ကာဗျက်ဗုံး -GBU-57 A/B နဲ့ ဘီတူးလေယာဥ် ၊ ဗန်ကာဖျက်ဗုံး တို့ကိုရှင်းပြထားတဲ့ အင်ဖိုဂရက် ။ ဓါတ်ပုံ/အင်ဖိုဂရပ်-US Air Force ၊ CNA)

22/06/2025

အမေရိကန်သမ္မတထရန့်၏မိန့်ခွန်း

အီရန်အစိုးရ၏ အဓိကနျူကလီးယားစက်ရုံသုံးခုအား လေကြောင်းမှ တို-က်ခို-က်ခြင်းနှင့်ပတ်သက်၍ အိမ်ဖြူ‌တော်မှ မကြာမီက သမ္မတထရမ့် ပြောကြားခဲ့သော မိန့်ခွန်းအပြည့်အစုံမှာ အောက်ပါအတိုင်းဖြစ်သည်။"

ကျေးဇူးအများကြီးတင်ပါတယ်။မကြာမီအချိန်က အမေရိကန်စစ်တပ်ဟာ အီရန်အစိုးရရဲ့ အဓိကနျူကလီးယားစက်ရုံသုံးခုဖြစ်တဲ့ Fordo, Natanz နဲ့ Esfahan တို့ကို တိကျသေချာပြီး၊ ကြီးမားတဲ့လေကြောင်းတို-က်ခို-က်မှုတွေ ပြုလုပ်ခဲ့ပါတယ်။
ဒီဖျ-က်ဆီးနိုင်စွမ်းရှိတဲ့လုပ်ငန်းကို တည်ဆောက်ခဲ့တာ နှစ်ပေါင်းများစွာကြာခဲ့ပြီမို့ ဒီစက်ရုံသုံးခုနာမည်တွေကို လူတိုင်း ကြားဖူးကြမှာပါ။ကျွန်တော်တို့ရဲ့ ရည်ရွယ်ချက်ကတော့ အီရန်ရဲ့ နျူကလီးယားကြွယ်ဝမှု စွမ်းရည်ကို ဖျ-က်ဆီးဖို့နဲ့ ကမ္ဘာ့နံပါတ်တစ် အကြမ်းဖက်မှုကို အားပေးထောက်ပံ့တဲ့နိုင်ငံကနေ ဖြစ်ပေါ်လာတဲ့ နျူကလီးယားခြိမ်းခြေ-ာက်မှုကို ရပ်တန့်ဖို့ပဲ ဖြစ်ပါတယ်။

ဒီညမှာတော့ ဒီတို-က်ခို-က်မှုတွေဟာ စစ်ရေးအရ အောင်မြင်မှုတစ်ခုဖြစ်ကြောင်း ကမ္ဘာကိုကျွန်တော် အစီရင်ခံနိုင်ပါပြီ။ အီရန်ရဲ့ အဓိကနျူကလီးယားကြွယ်ဝ‌စေမှု စက်ရုံတွေဟာ လုံးဝဥဿုံ ပျ-က်စီးသွားပါပြီ။
အရှေ့အလယ်ပိုင်းကို အနိုင်ကျင့်‌နေတဲ့ အီရန်ဟာ အခုငြိမ်းချမ်းရေးယူရပါလိမ့်မယ်။
မယူဘူးဆိုရင်တော့ နောင်လာမယ့် တို-က်ခို-က်မှုတွေဟာ ဒီထက်ပိုကြီးမားပြီး တို-က်ခို-က်ဖို့လဲ အခုထက်အများကြီးပိုပြီးလွယ်ကူပါလိမ့်မယ်။
နှစ်ပေါင်း ၄၀ လုံးလုံး အီရန်က "အမေရိကကျဆုံးပါစေ၊ အစ္စရေး ကျဆုံးပါစေ" လို့ ပြောခဲ့ပါတယ်။ သူတို့ဟာ ကျွန်တော်တို့ပြည်သူတွေကို သ-တ်ဖြ-တ်ခဲ့တယ်၊ လမ်းဘေးဗုံးတွေနဲ့ လက်တွေခြေထောက်တွေ ပြ-တ်ထွက်အောင်လုပ်ခဲ့တယ်။ အဲဒါသူတို့ရဲ့ အထူးကျွမ်းကျင်မှုပဲ။ ကျွန်တော်တို့ လူပေါင်း ၁,၀၀၀ ကျော် ‌ေ-သကြေဆုံးရှုံးခဲ့ရပြီး အရှေ့အလယ်ပိုင်းနဲ့ ကမ္ဘာတစ်ဝန်းမှာလည်း သူတို့မုန်းတီးမှုရဲ့ တို-က်ရို-က်ရလဒ်အနေနဲ့ ရာနဲ့ချီတဲ့ လူပေါင်းများစွာ ‌ေ-သဆုံးခဲ့ရတယ်။

အထူးသဖြင့် သူတို့ရဲ့ ဗိုလ်ချုပ် Qassim Soleimani ကြောင့် အများကြီး ‌ေ-သဆုံးခဲ့ရတယ်။ ဒီလိုဖြစ်တာကို ကျွန်တော်ခွင့်မလွှတ်နိုင်ဘူးလို့ လွန်ခဲ့တဲ့အချိန်ကတည်းက ဆုံးဖြတ်ခဲ့တယ်။ ဒါမျိုး ဆက်မဖြစ်‌စေရဘူး။
ဝန်ကြီးချုပ် ဘီဘီ နေတန်ယာဟုကို ကျေးဇူးတင်ပြီး ဂုဏ်ပြုလိုပါတယ်။ကျွန်တော်တို့ဟာ အသင်းတစ်သင်းလို ဘယ်တုန်းကမှ မလုပ်ဖူးတဲ့ ပူးပေါင်းဆောင်ရွက်မှုမျိုး လုပ်ခဲ့ကြပြီး၊ ဒီကြေ-ာက်မက်ဖွယ်ခြိမ်းခြေ-ာက်မှုကို အစ္စရေးအပေါ်က ဖယ်ရှားဖို့ အများကြီး လုပ်ဆောင်နိုင်ခဲ့ပါတယ်။ အစ္စရေးစစ်တပ်ရဲ့ ကောင်းမွန်တဲ့ လုပ်ဆောင်ချက်တွေအတွက် ကျေးဇူးတင်ပါတယ်။
အရေးအကြီးဆုံးကတော့ ဒီညမှာ ခမ်းနားထည်ဝါတဲ့ စက်ကိရိယာတွေကို ထိန်းချုပ် မောင်းနှင်ခဲ့ကြတဲ့ ခမ်းနားတဲ့ အမေရိကန်မျိုးချစ်တွေနဲ့ နှစ်ပေါင်းများစွာ ကမ္ဘာမှာ မတွေ့ခဲ့ဖူးတဲ့ စစ်ဆင်ရေးတစ်ခုကို လုပ်ဆောင်ခဲ့တဲ့ အမေရိကန်ပြည်ထောင်စုစစ်တပ်တစ်ခုလုံးကို ဂုဏ်ပြုလိုပါတယ်။မျှော်လင့်တာကတော့ ဒီစွမ်းရည်နဲ့ သူတို့ရဲ့ ဝန်ဆောင်မှုတွေ ထပ်ပြီး လိုအပ်တော့မှာ မဟုတ်ပါဘူး။ အဲဒီလို ဖြစ်ပါစေလို့လဲ မျှော်လင့်ပါတယ်။

ပူးတွဲစစ်ဦးစီးချုပ်များအဖွဲ့ ဥက္ကဋ္ဌ၊ ထူးချွန်တဲ့ ဗိုလ်ချုပ်ကြီး ဒန် ‘ရာဇင်’ ကိန်း နဲ့ ဒီတို-က်ခို-က်မှုမှာ ပါဝင်ခဲ့ကြတဲ့ ထူးချွန်တဲ့ စစ်ရေးပညာရှင်အားလုံးကိုလည်း ဂုဏ်ပြုလိုပါတယ်။ဒီအခြေအနေမျိုးဟာ ဆက်ပြီး ဖြစ်လို့မရပါဘူး။ ငြိမ်းချမ်းရေး ရနိုင်သလို၊ ဒါမှမဟုတ် အီရန်အတွက် ပြီးခဲ့တဲ့ ရှစ်ရက်အတွင်း ကျွန်တော်တို့ မြင်တွေ့ခဲ့ရတာထက် အများကြီး ပိုကြီးမားတဲ့ ဝမ်းနည်းကြေကွဲစရာတွေ ဖြစ်လာနိုင်ပါလိမ့်မယ်။ မှတ်ထားပါ၊ ပစ်မှတ်တွေ အများကြီး ကျန်နေသေးတယ်။

ဒီညဟာ အားလုံးထဲမှာ အခက်အခဲဆုံး ဖြစ်ခဲ့ပြီး အ‌ေ-သအပျေ-ာက်အများဆုံးလည်း ဖြစ်နိုင်ပါတယ်။ ဒါပေမယ့် ငြိမ်းချမ်းရေး မြန်မြန်ဆန်ဆန် မလာရင်၊ ကျန်တဲ့ ပစ်မှတ်တွေကို တိကျ၊ မြန်ဆန်ပြီး ကျွမ်းကျင်မှုနဲ့ ထပ်မံတို-က်ခို-က်ပါမယ်။ အများစုကို မိနစ်ပိုင်းအတွင်း ဖျ-က်ဆီးနိုင်ပါတယ်။ ဒီည ကျွန်တော်တို့ လုပ်ခဲ့တာကို ကမ္ဘာပေါ်က ဘယ်စစ်တပ်မှ မလုပ်နိုင်ခဲ့ပါဘူး။ လုပ်ဖို့လဲ လုံးဝကို မနီးစပ်ခဲ့ပါဘူး။

လွန်ခဲ့တဲ့ ခဏလေးက ဖြစ်ခဲ့တာကို လုပ်နိုင်တဲ့ စစ်တပ်မျိုး ဘယ်တုန်းကမှ မရှိခဲ့ပါဘူး။
မနက်ဖြန် မနက် ၈ နာရီမှာ ပင်တဂွန်စစ်ဌာနချုပ်မှာ ဗိုလ်ချုပ်ကြီးကိန်း၊ ကာကွယ်ရေးဝန်ကြီး ပီတီဟက်ဆက်တို့ သတင်းစာရှင်းလင်းပွဲ လုပ်ပါလိမ့်မယ်။

လူတိုင်းကို ကျေးဇူးတင်ချင်ပါတယ်။ အထူးသဖြင့် ဘုရားသခင်ကိုပေါ့။ ဘုရားသခင်ကို ကျွန်တော်တို့ ချစ်တယ်၊ ကျွန်တော်တို့ရဲ့ ကြီးမြတ်တဲ့ စစ်တပ်ကို ချစ်တယ်လို့ ပြောချင်ပါတယ်။
သူတို့ကို ကာကွယ်ပေးပါ။ အရှေ့အလယ်ပိုင်းကို ဘုရားသခင် ကောင်းချီးပေးပါစေ။ အစ္စရေးကို ဘုရားသခင် ကောင်းချီးပေးပါစေ၊ အမေရိကန်ကိုလည်း ဘုရားသခင် ကောင်းချီးပေးပါစေ။ ကျေးဇူးအများကြီးတင်ပါတယ်။ ကျေးဇူးတင်ပါတယ်။

ပေါင်30000ဗုံးကြီးတင်ဆောင်ပြီးအောင်မြင်စွာစွမ်းဆောင်နိုင်ခဲ့ပြီဖြစ်သောB2ဗုံးကျဲလေယဉ်ကြီး လေကြောင်းအခြံအရံများဖြင့်အောင်မြင်စွာပြန်လည်ရောက်ရှိပြီဖြစ်သည်။

22/06/2025

အီရန်ရဲ့နုူးကလီးယားစက်ရုံတည်ရှိရာနေများကိုအောင်မြင်စွာဗုံးကျဲခဲ့ပြီးဖြစ်ကြောင်း ထရန့် ကြေငြာ

မကြာမှီအချိန်အတွင်းနိုင်ငံကိုမိန့်ခွန်းပြောကြားမည်

22/06/2025

အမေရိကန်ဆော်ပြီ
အမေရိကန်က အီရန်ကို ဝင်ရောက်တိုက်ခိုက်ပြီ အမေရိကန် စစ်လေယဥ်များက အီရန်နိုင်ငံရှိ နြူကလီးယားစီမံကိန်း စက်ရုံများရှိရာ သုံးနေရာအား ယနေ့မနက်က ဝင်ရောက်ဗုံးကြဲတိုက်ခိုက်ခဲ့ကြောင်း သမ္မတဒေါ်နယ်ထရမ့်က ကြေညာလိုက်သည်။ အီရန်ရှိ တောင်တစ်ခုအောက်တွင် ပေရာပေါင်းများစွာတူး၍ တည်ဆောက်ထားသည့် ဖော်ဒိုအမည်ရ နြူကလီးယားစီမံကိန်းနေရာကို အမေရိကန်ပိုင်ဆိုင်ထားသည့် ဗုံးကြဲလေယဥ်များဖြင့် ပေါင်သုံးထောင်အလေးချိန်ဗုံးများအသုံးပြုကာ တိုက်ခိုက်ခဲ့ခြင်းဖြစ်သည်။ “အခုတော့ အမေရိကန်လေယဥ်တွေဟာ အီရန်လေပိုက်နက်ကထွက်လာပါပြီ။ လေယဥ်တွေအားလုံးဘေးကင်းပါတယ်” ဟု ထရမ့်က လူမှုကွန်ယက်တွင် ရေးသားလိုက်သည်။ အမေရိကန်က ဝင်ရောက်တိုက်ခတ်ခဲ့သည့် ပစ်မှတ်သုံးနေရာတွင် နှစ်ခုမှာ အီရန်နိုင်ငံ၏ ယူရေနီယံသန့်စင်ထုတ်လုပ်ရေး စခန်းကြီးများဖြစ်ပြီး ပထမတစ်ခုမှာ ဖော်ဒိုတောင်အောက်စခန်းဖြစ်ကာ၊ ဒုတိယတစ်ခုမှာ နတ်တန့်ဇ် ဒေသရှိ စခန်းဖြစ်သည်။ ဒုတိယမြောက်စခန်းသည် ပိုမိုကြီးမားသည့် ယူရေနီယံသန့်စင်စခန်းဖြစ်ပြီး ထိုနေရာအား အစ္စရေးတိုက်လေယဥ်များက လွန်ခဲ့သည့်ရက်ပိုင်းက ဗုံးကြဲတိုက်ခိုက်ခဲ့သေးသည်။ အမေရိကန်ဝင်ရောက်တိုက်ခဲ့သည့် တတိယစခန်းမှာ ရှေးဟောင်းမြို့တော် အစ္စဖာဟန်မြို့အနီးတည်ရှိကာ ထိုစခန်းတွင် နြူကလီးယားဗုံး ထုတ်လုပ်ရန်နီးပါးအသင့်ဖြစ်နေသည့် သန့်စင် ယူရေနီယံများ သိုမှီးထားသည်ဟု အစ္စရေးတို့ကဆိုထားသည်။

ခရမ္းမီဒီယာ-public

03/07/2025

03/07/2025

30/06/2025

29/06/2025

24/06/2025

24/06/2025

23/06/2025

22/06/2025

22/06/2025

22/06/2025

22/06/2025

Address

Website

Alerts

Contact The Business

Shortcuts

Share

Category