28/11/2022
1.Kawlgam hong ciah USA gammi a suak khin Pa Thang Khan Lian kum-48, Gualnam beh, Lailo khua in 19.11.22 ni zingsang nai 4:10 in Mandalay pan hong nusiat ciang, a zi leh a tate in a luang a tenna uh USA gam a puaknopna thu uh zingsang nai 6 :00 in ph tawh hong hopih in huhna hong ngen pah uh hi.
2. Prof. Dr Khup Lian Pau@ Sia Paubawi zawn in Yangon a om USA te embassy ah zingsang nai 9:30 in ka pai pah uh aa zumkhak ni ahihhang embassy ka tun uh ciang thunei te zum hong pai pah vingveng in limtak kiho khit ciang a sem a bawl ding Mandalay lam ah Company khat ap ding in hong gen ziau in ka kikhen uh hi.
3. Embassy thuneite hong vaikhak bangin lungmuangtak ki om prn Mandalay Company te in ni tum ding bang mah a na vaihawmsak loh ciang Mandalay pan U Paupi in hong hopih Yangon lam hong puak photphot nung nang mah in na vaihawm sak in hong ci mawk ciang misi khat inn ah nai 24 kikoih thei hi tuzan tam phot hen ki ci ung
4. Misipa nu Yangon ah Yangon Siyin Baptist Church ah kikhawm cih ka theih ciang, a Church Pastor uh Rev Vum Khat Pau ph ka hopih aa vai teng ka gen leh Upa teng tawh kikup kul phot ding hong ci in tua ciang ken nitak nai 3 ma in hong theisak in ka cih leh Sia Pau in hong zasak kikpah in 20.11.22 ni nitak nai 5:30 pan Biakinn awng ding siluang koih thei, a nu uh ko Pawlpi ah a min om lai hi cih thu hong gen ziau ciang, Mandalay lam hopih pah in 20.11.22 ni Yangon nitak nai 5:30 tung ding tawh gelin Mandalay pan misi pua mawtaw paisak un cih tawh kivaikhak ziau
5.Zingsang khuavak ka ph hong lut misi luang Mandalay pan zingsang nai 4:30 in hong ding khin sun pawl hong tung ding cih thu hi ziau tua leh misi luang koihnang Siyin Biakinn pen nitak nai 5:30 pan awng pan ding cih kigen khit hang aa no hong lol si uh teh ki ci kiheh pian pau ki-im tentan cih nang theilo cihmawh man Siyin Pawlpi kem Siapa hopih kik tua leh Siapa in ka pawlpi te uh sigal nuam tam ban ah ka pawlpi mite uh pan misipa p**e lam tam in tuni kikhop pen sun nai 2 khit biakinn zang nawnlo ding cih tuzing ka thusuak uh hi hong cih ciang Pasian in palaai hong sem ziau maw lamdang si ci ing
6. Lungnuam zaw diak ci in zingsang nai 9 :30 pawl ciang inn pan Yangon Zatopi lam thukan ding pai in, Misi buk ရင္ခြဲ ဇုန္ puakziau ding cih lam ka ngaihsut leh tua dan na hi theilo in, hehpih huai hongsa Siavuan khat in sepzia ding bawlzia ding hong hilh in tua ciang lungnuam zaw diak aa om ka ph hong lut ka let leh misi luang pua te hi ung zero mile hong tungta ung Yangon khua sung koi ah hong puak ding ka hi uh hiam hong ci in kei zong
ဗိုလ္ျမတ္ထြန္းလမ္း leh မဟာဗႏၲဳလလမ္း ေထာင့္ ေအာက္ေဘာက္ lam ah hong pai un ken tua lai ah nangak ning ka ci hi.
7. Nitak lam nai 1:30 pawl in Yangon Zatopi pan ka ciamna mun ka pai leh misi luang pua mawtaw tawh kitun tuah lian in Siyin Biakinn ka lut leh aksa buhcim nanek san ngeingai in Church Pastor pa kiang ka gen leh Pawlpi khangnote zon in biakinn kiu mun awng lupna tung khat ah misi luang hong suah ziau uh hi.
8. Siyin Pawlpi(YSBC) ngiat makai in nitak nai 3:00 pan nai 4 kikal a biakinn ah misi luang tawh hehnep biakpiakna nei uh a sigal khempeuh misipa p**e lam in ၾကက္ဆီ ထမင္း vaak uh hi. Hun bawl kal in siluang pua ding mawtaw zong saisai in nai 4:10 in hong tung hi.
9. Siyin Biakinn pan nitak nai 4:15 in misi luang pai khiatpih in Kawlgam kumpi leh USA kumpi te zialetong om bangin misi luang kumpi ka ap uh hi.
10. Misi luang USA puaknopna vai hangin zum lam na sepna 90% ki zo ta in Airline vai zong 80% lem ta a hih manin hong tung ding december 3,22 ni in a khua uh USA ah, a luang tung ding a, a Pawlpi Siapa un na sang ding hi.
11. Gen ding sut ding tam mahmah hi khat vei zom ni hun lem diak ciang
Thuvan thuvaihawm
Do Khan Tuang
36/101,Yuzana Lane
Sittaung Yeikmon
92 Ward, Dagon Seikkan
Yangon
