ခင်ဦး-သာဝတ္ထိ

28/03/2024

ခင်ဦးမြို့နယ် - မုံလှ ကျေးရွာ ကို ဝါသဝ ပျူစစ်ကြောင်း မှ မီးတင်ရှို့နေသည်ဟု မြေပြင် သတင်းအရ သိရပါသည်။

ပျက်စီးဆုံးရှုံးမှု အခြေအနေ မသိရသေးပါ ။

ပြည်သူ တွေ ဘေးကင်းကြပါစေ ။

Edit : 10:48 am

မုံလှမှတဆင့် ပင်စိမ်းကင်း သို့ ကွန်ကရစ်လမ်းအတိုင်းရှေ့ကင်းထုတ်ပြီး ဦးတည်နေသည်ဟု သိရ ။

ခင်ဦး-သာဝတ္ထိ

23/02/2024

23/02/2024

ထပ်တူ ခံစားရပါတယ် ။

10/02/2024

ခင်ဦးမြို့နယ် ၊ သာဝတ္ထိရွာ မီးဘေးသင့် အိမ်များကို စေတနာ့ဝန်ထမ်းများမှ လိုက်လံ ကူညီသန့်ရှင်းပေးနေကြခြင်း ဖြစ်သည်ဟု သိရပါသည်။

မီးလောင်ပြင်တွေကြားမှ ငွေစက္ကူ (မီးသင့်) များ ပြန်လည်တွေ့ရှိသော်လည်း သုံးစွဲလို့ ရရှိသော အခြေအနေတွင်မရှိပါ ။ စုစုပေါင်း သိန်း (၈၀) နီးပါ ခန့် ဆုံးရှုံးသည်ဟု သိရကြောင်း မြေပြင်မှ သိရပါသည်။

အနယ်အနယ်အရပ်ရပ်မှ မိဘပြည်သူများ နှင့် သာဝတ္ထိအနွယ်များကို မိမိတို့ ကျေးရွာရှိ မိသားစု အနွယ်များသော်လည်း ၊ ကျေးရွာ ကော်မတီတို့ သော်လည်း မိမိတို့ တတ်စွမ်းနိုင်သလောက် ကူညီထောက်ပံ့ပေးဖို့ ထပ်ဆင့် နှိုးဆောင်အပ်ပါသည်။ လှူဒါန်ပေးကြသော ငွေကြေး အလှူရှင်မျာ ၊ လုပ်အားအလှူရှင်များ ၊ သီးနှံအလှူရှင်များ ၊ အဝတ်အထည် အလှူရှင်များ နှင့် ကျေးရွာအထိ ရောက်အောင်ကူညီကြသော တာဝန်ရှိသူ တစ်ယောက်ချင်းစီတိုင်း လေးလေးစားစား အသိအမှတ်ပြု ကျေးဇူးတင် ဂုဏ်ပြုအပ်ပါသည်။

ခင်ဦ-သာဝတ္ထိ

10/02/2024

ခင်ဦးမြို့နယ် ၊ သာဝတ္ထိရွာ မီးဘေးသင့် ပြည်သူများ အတွက်

လှူဒါန်းပေးပါသော အဘိုး ဦးသ * + အဘွား ဒေါ်ဌ * မိသားစု မှ

(၉)သိန်းကျပ် လှူဒါန်းပေးပါသည်။ သက်ဆိုင်ရာ တာဝန်ရှိသူထံ

လွှဲပြောင်းပေးအပ်ပြီး ဖြစ်ပါသည်။

အသီးသီးလှူဒါန်းပေးကြသော အလှူရှင်များ အားလုံး ကို သာဝတ္ထိရွာ ကိုယ်စား

ခင်ဦး-သာဝတ္ထိ Page မှ ကျေးဇူးတင် မှတ်တမ်းတင် ဂုဏ်ပြုအပ်ပါသည်။

09/02/2024

ကျေးဇူးတင်ပါတယ်။

07/02/2024

07/02/2024

အမေ့ရွာမီးရှို့တယ်ဆိုတဲ့ ခံစားချက် ။

အဝေးရောက် သားသမီးများသည် မိမိတို့ ကျေးရွာ စစ်ကြောင်းထိုးပြီးဆိုကတည်းက ရင်ပူ ၊ ဒူးတုန် ၊ နေထိုင်မရ ၊ ဖုန်းလေး တကိုင်ကိုင်ဖြင့် စစ်ကြောင်းထွက်သွားဖို့ ၊ မီးမရှို့စေဖို့ ဆုတောင်းရသည်မှာအကြိမ်ကြိမ်ပါ ။ ပထမ အကြိမ် စစ်ကြောင်းထိုးခဲ့စဉ်က လိုချင်သည့် ပစ္စည်းများ ခိုးယူသွားကြ ၊ ဒုတိယအကြိမ်လည်း ယခင်နည်းတူ ၊ ၂၀၂၄ ခုနှစ် ဖေဖော်ဝါရီ (၁) ရက်မှာတော့ ယခင်နည်းတူ ထပ်တူ မကြခဲ့တော့ပါ ။ ရွာသူ ရွာသူတွေကုန် လှည်းရှိသူ လှည်း ၊ ဆိုင်ကယ်ရှိသူ ဆိုင်ကယ် ၊ ထော်လာဂျီ ရှိသူ ထော်လာဂျီ ၊ ဘာမှ မရှိသူ ခြေလျင် ဖြင့် စစ်ကြောင်းဖြင့် အဝေးဆုံးကို ဦးတည် ပြေးထွက်ခဲ့ကြလေသည်။

တောင်စူးစူး မြင်းဒေါင်း တောင်ဘက် ပြေးကြသူများ ရှိသလို ၊ သာဂရ မြို့သစ်ဘက် ပြေးသူများလည်း ရှိပါရဲ့ ။ တချို့ကလည်း မြောက်စူးစူး မုံလှကို ပထမ ပြေး ၊ မလွတ်သေးဘူးဆို နောက်တနေရာရွေ့ မလွတ်သေးဘူးဆို နောက်တနေရာရွေ့ဖြင့် တဘက်မူးရိုးကြီး ရွှေဘိုတူးမြောက်ခြေထိ ပြေးကြလေရဲ့ ။ ည (၉) နာရီးထိုးသော်လည်း ညနေစာ ချက်ရဖို့သတိမရ ။ စားဖို့အဆင်သင့်ပါ
လာသည်များလည်း စားချင်စိတ်မရှိကြ ။ ယူချင်တာ ယူကြပါ ။ မီးမရှို့ရင် တော်ပါပြီ လို့ အကြိမ်ကြိမ် ဆုတောင်းခဲ့သော်လည်း ညပိုင်း တွင် သာဝတ္ထိရွာ မီးအရှိန်သည် ပွဲဇာတ်တခု ပြသည့်အလား ထိန်းထိန်းညီး မီးတောက်ကြီးများ တလုံးပြီး တလုံး တက်လာကြပြီ ။ တရွာလုံး ငိုကြလေပြီ ။ တရွာလုံး တောင်သူ တရိုးတည်းလုပ်ကိုင်စားသောက်ကြပြီး အိမ်တလုံး ဖြစ်ဖို့ နှစ်ပေါင်း များစွာ
ကြိုးစားရပ်တည်လာခဲ့ကြတာ ယနေ့ည အိမ်တွေပြာဖြစ်ကုန် ၊ ဘဝတွေ နေ့ချင်းမွဲပြကျ ၊ လမ်းဘေးရောက်ကြသလို နာကျဉ်းကြ ၊ ငိုယိုကြ ။ ကြေကွဲကြ ။

ဒေသခံကာကွယ်ရေးလူငယ်များထံမှ ရွာထဲဝင်ခွင့်ပြပါဆို အသံကြားသည်နှင့် ငါ့အိမ်မီးလွတ်ရဲ့လား အပြေးကြည့်ကြရင်း မိမိချွေးဖြင့် ၊ တောင်ယာလယ်လုပ်ရင်းတည်ဆောက်ထားသည့် အဆောက်အဦးအိမ်ကလေး ပြာတွေ ၊ မီးလောင်စပါးတွေမြင်ကြရတဲ့အခါ တရွာလုံးငိုသံဟာ အသုဘတခုလား ဝက်ဝက်ကွဲ ၊ ရင်ကျိုးကြလေပြီ ၊ "သေချင်းဆိုးတွေ အသေဆိုးနဲ့ သေမယ့်ကောင်တွေ "
"နင်တို့ အိမ်တလုံးတန်ဖိုးမသိကြဘူးမလား" "ယူချင်တာယူပေါ့ ၊ ဒီလိုလုပ်ရမလဲ" ဆိုသံ ဆဲသံတွေ ဝက်ဝက်ညံလို့ ၊ သာဝတ္ထိရွာလေး ပြာဖြစ်ခဲ့လေတယ်။

စကစ ရာထူးကြီး ညီမ အိမ်တွေလည်း ပါကြသလို ၊ ဗိုလ်ကြီး အမေကြီး ၊ အန်တီတို့အိမ်လည်းပါကြသလို ၊ ငါတို့က အစိမ်းမှ အစိမ်းဆိုတာလည်း လည်း ဘဝတူ ပြာဖြစ်ကြလေရဲ့ ။ ၂၀၂၁ ဖေဖော်ဝါရီ (၁) ဟာ နိုင်ငံတော် ဇာပန ၊ နိုင်ငံတော် အသုဘ ဖြစ်ခဲ့ရင် ၂၀၂၄ ဖေဖော်ဝါရီ (၁) ရက်ဟာ သာဝတ္ထိရွာ ပြာကျခဲ့ရတဲ့ ည ဆိုရင်လည်း မှားမည် မထင်ပါ ။

ဖေဖော်ဝါရီ (၁) ရက်ဟာ ငှက်ဆိုးထိုးခဲ့ရင် (၂) ရက်ဟာ ကျွန်တော့် ခေါင်းကို မိုးကြိုးပစ်ခဲ့လေတယ်။ ဝင်လာတဲ့ဖုန်းသံဟာ ရင်ဝကို တချက် ကန်ခံရသလို ၊ ခေါင်းကို ဒင်နဲ့ထုခံရသလို ပြာဝေသွားခဲ့တယ်။ "အစ်ကို ငါတို့အိမ် ပါသွားပြီး ၊ နေစရာအိမ်မရှိတော့ဘူး " "ငါ့သားရေ အမေတို့ နေစရာ အိမ်မရှိတော့ဘူးဟေ့ ခွေးတွေ ယုတ်ချက်" ကျွန်တော် ငိုင်နေခဲ့တယ်။ စကားမထွက်နိုင်ဘူး ။ စကားမပြောတတ်တဲ့သူတစ်ယောက်လို့ ဆိုနင့်နေတယ်။ စကားလုံး ရှာမရဘူး ညီမ CDM လုပ်သင့်သလားဆိုတဲ့ ၂၀၂၁ ဖေဖော်ဝါရီမှာ "ညီမလေး အစ်ကိုရှိတယ် " ရုံးမတက် နဲ့ ရုန်းထွက် အစ်ကို မိသားစု ရှေ့က ရပ်တည်မယ် ညီမ ရဲရဲလုပ်" ခုတော့ ဘာစကားမှ မပြောတတ်တဲ့ "အ နေသူတယောက်လို" ကျွန်တော် စကားမပြောတတ်တော့ပါ။ ကျွန်တော် ဘယ်လို စကားလုံးတွေ နဲ့ နှစ်သိမ့်ရပါ့ အမေ့ ကို ဘယ်လို နှစ်သိမ့်ရပါ့ ။ စကားလုံးတွေ ပျောက်ဆုံး နဲ့ မနက်ခင်း ဖြစ်သလို ၊ နားခိုရာတွေ ဖျက်စီးတဲ့ ည ၊ နတ်ဆိုးတွေ
လက်သရမ်းခဲ့တဲ့အတွက် မျှော်လင့်ခြင်းတွေ မိုးချုပ်ခဲ့ရတယ်။

မိုင် (၆၀) ကားမြန်နှုန်းစာ နှေးသေးတယ် ၊ ကျွန်တော့် စိတ်ဟာ အမြန်ပြေးနေတယ် ။ မိခင်ဆီ ရောက်ပြီ ကားက မရောက်သေး ၊ ကားက လမ်းမှ ဆီထည့်နေစဉ် ကျွန်တော့် စိတ်က ရွာအဝင်ကို ရောက်နေပြီ ၊ ကားက ထမင်းစား နားနေချိန် ကျွန်တော့် စိတ်က အိမ်မရှိတော့လို့ မီးလောင်ပြင်ရှေ့ဖျာခင်း ထမင်းစားနေတဲ့ မိသားစု ဆီ ရောက်နေပြီ ။ ကားက မရပ်မနားသွားနေပေမယ့် ကျွန်တော်
စိတ်က ကာားထက်မြန်ပြီး အမေ့ကို နားကို ရောက်နေတယ်။ စိတ်သည် ဘယ်လောက်မြန်မြန် ပကတိကားပေါ်မှာ မျက်ရည်စတွေ နဲ့ ။ ကျွန်တော် ရူးသွားပြီလား ဘာ ငိုကြွေးစရာ ဘေးနားမှ မရှိပဲ မျက်ရည်ကျနေသူ တယောက် မင်းပျော့ညံ့လှချေလား ဟုတ်ကဲ့ ကျွန်တော် လူညံ့တယောက်ပါ (၄) တန်းအောင် အမေ နဲ့ (၈) တန်းအောင် အဖေ တောင်သူ တရိုးတည်းလုပ်ပြီး တိုက်တာ
အိမ်ဆောက်နိုင်ပြီး လူနေမှု အဆင့်အတန်းတခု ကို ရောက်နေချိန် လိုအပ်ချက်တွေ နဲ့ ရပ်တည်နေတဲ့ ကျွန်တော့်လို လူညံ့တယောက်အတွက် သူတို့ကို ဘယ်လို အကောင်းဆုံး နှစ်သိမ့်ရပါ့ ။

ရွာကို ဝင်ပြီဆိုကတည်းက ညော်နံ့တွေ တထောင်းထောင်း ၊ မီးလောင်တိုင်တွေ ထိုးလိုးထောင်လောင် ၊ မီးငွေ့တွေ အကင်းမသေသေး ၊ မီးရှိုခံ အိမ်တိုင်နီးပါ ဘာလေးများ အကောင်းပတိအတိုင်ကျန်ခဲ့မလဲလိုက်ရှာရင်း ၊ အိမ်မွေးတိရိစ္ဆာန်လေးတွေ မသေလို့ ပျော်နေသလို ၊ ကြက်ကလေးတွေ မသေလို့ ပျော်နေခဲ့တယ်။ အိမ်တွေတော့ ပြာကျနေပြီ ။ အိမ်သုံးပစ္စည်းလေး အကောင်းတခု အတိုင်းကျန်တိုင်း ပျော်နေရင်း အိမ်က ပြာကျနေပြီ ။ စပါးလေး တပြည်လောက်အကောင်းတိုင်းရရင်း ပျော်နေချိန် စပါး (၁၀၀၀/၁၈၀၀၀) ဟာ မီးငွေ့တွေ တဝေဝေ ။

ကျေးရွာကြီးတခုမှာ လူနေမှု အဆင့်အတန်းတခု ၊ လူဂုဏ်သိက္ခာ နှင့် အညီ ရှင်သန်တိုးတက်နေသော ၊ လယ်သမားလူတန်းစားတခုကို ရက်ရက်စက်စက်မီးတိုက်ခဲ့လေခြင်း ။ အိမ်ကြီးရခိုင် နဲ့ ဆန်အိတ်ခြေကန် ဆီပုံအဆင့်ဆင့်ထပ်ကြီး နေထိုင်ကြတဲ့ မိသားစုတွေဟာ သူများ လှူတဲ့ ထမင်းထုတ်လေးကို သာဓု ခေါ်စားနေကြ ၊ သူများပေးတဲ့ အဝတ်အစားတွေကို ကျေးဇူးတင် ပျော်နေပေမယ့် ဘီရိုကြီးလိုက်ပါသွားတဲ့ သူတို့အဝတ်တွေ သတိမရကြပဲ "သာဓုအကြိမ်ကြိမ် ခေါ်ပြီး ဝမ်းသာနေကြတဲ့ တောသူတောင်သား ရိုးသားတဲ့ အညာတော်လှန်ရေးမိသားစုများ" ညဟာ နေ့ အဖြစ် ပြောင်းလဲ ပြာချလိုက်ပြီးနောက်
သာဝတ္ထိဟာ ငြိမ်သက်လျှက် ။ တိတ်ဆိတ်လျှက် ၊ တိတ်တိတ်လေး မျက်ရည်ကျနေတဲ့ မိသားစုတွေ ရဲ့ မျက်ရည်တွေ သာဝတ္ထိမှာ ချောင်းစီးလေပြီ ။ ရပ်ဝေး ရပ်နီးမှ ညီ ၊ ညီမ ၊ မောင်သား ဆွေးမျိုးများမှ ငွေစ ကြေးစ များ ပေးကမ်းကြတဲ့ သူတို့ဟာ တချိန်က စပါး ထောင်ချီ လှောင်ပြီး ထမင်းရည်ချောင်းစီး မောင်တီး အလှူပေးဖို့ ပြင်နေတဲ့ မိသားစုတွေ ၊ အလှူပေးဖို့ ဆဲဆဲ အိမ်ပါ မီးလောင်သွားလို့ မျှော်လင့်ချက်တွေ အိမ်မက်တွေ စွန့်ခဲ့ရပြီ ၊ မနေ့တနေ့ကမှ နွားတရှည်းရောင်းပြီး အိမ်အသစ်ဆောက် အိမ်တက်လုပ် တညအိပ်အိမ်ကလေးလည်း ပြာဖြစ်ခဲ့ပြီ ။ သားကိုရီးယားထောက်ပံ့လို့ တရွာလုံးဟာ
ဟီးဟီးထ အာစီ သုံးထပ်တိုက်ကြီးလည်း မြေပြင်မှာ ဦးကျိုး မီးလောင်တစပြင်ကြီး နဲ့ ချုံးပွဲချ ငိုနေသလို ၊ တရက်လုပ် တရက်စား (လက်လုပ်ပါးစပ်စား)တွေ နဲ့ ခိုကိုးရာမဲ့ခဲ့လေပြီ ။

ဆောင်းရာသီ မြောက်ပြန်လေဟာ ဒီနှစ်ပိုအေးသလိုပဲ ၊ အိမ်ဟာ ပြာဖြစ်ခဲ့လို့ ဘုရားစောင်တန်းမှာ အိပ်ရင်း အအေးဒဏ်ကို မိတ်ဆွေတွေ ထောက်ပံ့တဲ့ စောင်လေး နဲ့ နွေးအောင်ထွေးထားရတယ်။
ကိုယ့်လယ်ကထွက်တဲ့စပါး ၊ ဆန် ၊ ဆန်မကောင်း ရင် ထမင်းမျိုမကျဘူးဆိုတဲ့ ညီမလေး လည်း မျက်ရည်တွေကြားထဲက ထမင်းလုတ်ကို သာဓုခေါ်စားနေတယ်။ ရေချိုးလဲစရာမရှိတော့ လာလူတဲ့
အဝတ်အစားလေး ဝတ်ပြီး လှနေတဲ့ ညီမလေးဟာ သနပ်ခါးမပါခဲ့ဘူး ကျွန်တော့် ညီမလေး သိပ်လှပါတယ်။ လောကဒဏ် မီးလောင်အိမ် ၊ မီးလောင်ပြာ ၊ မီးလောင်တိုင်တွေကြားမှာ သိန်းချီတန်တဲ့
မိတ်ကပ်ထက် တန်ဖိုးရှိတဲ့ လောကဒဏ်အန်တုနေတဲ့ မာန်တွေ မာနာတွေ မျက်နှာမှာထင်နေတယ်။ ထိုနေ့ညမှ ကျွန်တော့် အမေ့ရွာကို ရောက်တယ်။ လျှပ်စစ်မီး ထိန်းထိန်းညီး ၊ တီဗွီ ၊ ပန်ကာ
ရေခဲသေတ္တာ အလိုရှိသလို သုံးဆွဲခွင့်ရနေတဲ့ ရွာကလေး ၊ အမေ့ရွာကလေးဟာ ကော်ဖီသောက်ဖို့ ရေနွေးတည် ရေနွေးကြိုရင်း အမေ့ရွာကို ကျွန်တော်ရောက်ပြီ ။

Credit:PP

07/02/2024

သာဝတ္ထိရွာ ကိုယ်စား ခင်ဦး-သာဝတ္ထိ Page မှ ကျေးဇူးတင်ကြောင်း မှတ်တမ်းတင်အပ်ပါတယ်။

07/02/2024

သာ၀တ္ထိရွာ မီးဘေးသင့်ပြည်သူများ အတွက် ထမင်း ကူညီပေးပါသော Helping Sources-KhinU အဖွဲ့သားများ နှင့် ဦးဆောင်ဦးရွက်ပြုသူအပေါင်း သာ၀တ္ထိရွာ ကိုယ်စား ခင်ဦး-သာ၀တ္ထိPage မှ ကျေးဇူးတင်ရှိပါကြောင်း မှတ်တမ်းတင်ဂုဏ်ပြုအပ်ပါသည် ။

ခင်ဦး-သာ၀တ္ထိ

06/02/2024

ခင်ဦးမြို့နယ် ၊ သာဝတ္ထိရွာ မီးဘေးသင့် ပြည်သူများ အတွက်
အနယ်နယ် အရပ်ရပ်မှ ပေးဖို့ လှူဒါန်းကြသော ထမင်းထုတ် အလှူရှင်များ ၊ ဟင်းသီးဟင်းရွက်အလှူရှင်များ ၊
အဝတ်အထည်အလှူရှင်များ နှင့် အခြား အခြားသော အလှူရှင်များ အားလုံး ကို
သာဝတ္ထိရွာ ကိုယ်စား , ခင်ဦး-သာဝတ္ထိ Page မှ ကျေးဇူးတင်မှတ်တမ်းတင် ဂုဏ်ပြုအပ်ပါသည်။

02/02/2024

စစ်ကြောင်းတော့ရွာမှ ထွက်ပြီဟု ကနဦး သိရ မြေပြင်ခေါင်းဆောင်များခွင့်ပြုမှသာရွာထဲ၀င်ပေးပါရန်။